ޕީޕީއެމުން އެންމެ ފަހުން ބޭއްވި ކޮންގްރެސްގައި ރައީސް ޔާމީނާއި އެ ޕާޓީގެ ލީޑަޝިޕްގެ ބޭފުޅުން ބައިވެރިވެވަޑައިގަންނަވަނީ.---
28 އޮކްޓޯބަރ 2018 - 07:39
38 comments
ޕީޕީއެމަށް ކުރިމަތިވި ގޮންޖެހުންތަކާ އެކު، ސާބިތުކަންމަތީ އޮވެ، އެއީ ވަރުގަދަ ޕާޓީއަކަށް ވީ ރައީސް އަބްދުﷲ ޔާމީން ވެވަޑައިގެންނެވި ގުރުބާނީގެ ސަބަބުން ކަމަށް ޕީޕީއެމުން ރޭ ބުނެފި އެވެ.
މިހާރު ވެރިކަން ޕާޓީ، ޕީޕީއެމަށް ހަތް އަހަރު ފުރުމުގެ މުނާސަބަތުގައި އެ ޕާޓީން ނެރުނު ބަޔާނެއްގައި ބުނީ ޕީޕީއެމް އުފެއްދީ އިސްލާމް ދީނާއި ގައުމިއްޔަތާއި ދިވެހި ގައުމުގެ އަމިއްލަ ވަންތަކަން ނަގަހައްޓައި ދެމެހެއްޓުމަށް ކަމަށެވެ.
ޕީޕީއެމަކީ މީގެކުރިން ބޭއްވި ބައި އިލެކްޝަންތަކާއި ރާއްޖޭގެ ތާރީޚުގައި އުމުރުން އެންމެ ހަގު ޕާޓީގެ ގޮތުގައި އޮވެ، ކުރިމަތިލި ފުރަތަމަ ރިޔާސީ އިންތިޚާބު ކާމިޔާބުކޮށް، ތާރީޚު ދުވަހަކު ވެސް ނުދެކޭ ފަދަ ކާމިޔާބު ފަސް އަހަރުގެ ރިޔާސީ ދައުރެއް ފުރިހަމަ ކުރަމުންދާ ފުރަތަމަ ސިޔާސީ ޕާޓީ ކަމަށް އެ ބަޔާނުގައިވެ އެވެެ.
ނަތީޖާ އަކީ، އެންމެ ކާމިޔާބު އަދި އެންމެ ހިދުމަތްތެރި ސިޔާސީ ޕާޓީގެ ގޮތުގައި ރަން އަކުރުން ޕީޕީއެމްގެ ނަން ރާއްޖޭގެ ތާރީޚުގައި ލިޔެވުން ކަމަށް އެ ޕާޓީން ބުންޏެވެ.
ޕީޕީއެމްގެ ވެރިކަމުގައި ދިވެހި ޖައްވަށް އެންމެ އުޖާލާ ފަހި ދުވަސްތަކެއް ގެނައި ހަރުދަނާ ސިޔާސަތެއް އޮތް ޕާޓީ އަކީ ޕީޕީއެމްކަން ރާއްޖޭގެ ގިނަ ބަޔަކު އުފަލާއެކުގައި ބަލައިގަންނަ ކަމަށް ވެސް ޕީޕީއެމުން ބުންޏެވެ.
ވާދަވެރި ވަރުގަދަ ސިޔާސީ ޕާޓީއަކަށް ޕީޕީއެމް ވެގެން ދިޔައީ އަސާސްތައް ދެމި ހުންނަވައިގެން ޕީޕީއެމްގެ ރައީސް ޔާމީން ވެވަޑައިގެންނެވި މަތިވެރި ގުރުބާނީގެ ސަބަބުން ކަމަށް ޕީޕީއެމުން ބުންޏެވެ.
ޕީޕީއެމުން ބުނި ގޮތުގައި އެ ޕާޓީން ހާސިލް ކުރި ކާމިޔާބީގެ އަސްލަކީ ޕާޓީގެ މެމްބަރުންނާއި ހެޔޮ އެދޭ މީހުންނެވެ. އެހެންވެ، އެ ހުރިހާ އެންމެންނަށް ޕީޕީއެމުން ވަނީ ޝުކުރު އަދާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްالله
29 October 2018
އެންމެ ރަގަޅުވީހީ ވަރުގަދަ އެއް ޕާޓީ ގެ ދައުލަތަކަށް ރާއްޖެ ބަދަލުކުރެވުނުނަމަ. ބޭނުންވަނީ ހަމަ އެންމެ ޕާޓީއެއް. އިދިކޮޅު ޕާޓީ އެއީ ހުޅަނގުގެ ކަޑަ އެއްޗެއް.
ޢަބްދުﷲނާފިޒް
28 October 2018
ޕާޓީ ވަރުގަދަވީ ރައީސް ޔާމީން ވެވަޑައިގެންނެވި ގުރުބާނީން: ޕީޕީއެމް، ތިޔަ ޤުރުބާނީ އެހެންވީމަ ދެމި އޮންނާނެތާ، ޔާމީނުވެސް އެހުންނެވީތާ، ތިކަން އޮތީ ތިހެން ވެގެންކަން ކުރިއަށް އޮތް ދެތިން ހަފްތާއެއްގެ ތެރޭގަ އެނގިގެންދާނެ...........
ދޮންހަސަނު
28 October 2018
ޕާޓި ވީ ވަރުގަދަތޯ ޔާމީނުގެ ސަބަބުން އަދިވެސް... ގާނޫނު މުގުރާފަ ޕާޓީގެ އަސާސީ ގަވާއިދު މުގުރާފަ ޕާޓީގެ ބާނީ ޖަލައްލާފަ ޕާޓީގެ ޕާލިމެންޓަރީ މެމްބަރުން ޕާޓީއިން ކަނޑާލާނެ ބިރު ދައްކާ އެންޓިޑިފެކުސަން ގާނޫނެއް ހަދީމަ އެއީ ގުރުބާނީ އެއް ނޫން.. އެއީ ކެހިދިނުން..
މެހްމާނު
28 October 2018
ޕާޓީ ވަރުގަދަވި ފަދައިން މަޖްލީހާއި ކޯޓު ތަކާއި މުއައްސަސާތަށްވެސް ވަރުގަދަ ކުރެވުނު. ހިދުކޮޅެއްގެ ތެރޭގަ. އެފަދަ ކަންކަން ރޫޅި ދަނީވެސް ވަރުގަދަ ކުރި ގޮތުގަ ކޮންވެސް ސަބަބެއް އޮތީމަ.އެހެންނޫނީ އިޚްލާސްތެރިންނަށް ނުވީމަ ކަމަށްވެސް ވެދާނެ.
އާސިމް
28 October 2018
ބަލި ޤަބޫލް ކޮށްގެން ދޯ ދެން ކުރިއަށްދާން ވެސް އެނގޭނީ، އަދިވެސް ތި މެމްބަރުންނަށް ވޯޓް ދޭމީހުން ތިބޭނެ.
ޑޮން އަހުމަދު
28 October 2018
އެއީ ކޮން ޤުރުބާނީއެއްތޯ؟ ކޮބައިތޯ އެ ޤުރުބާނީ އަކީ؟
ދަންތޫރަ
28 October 2018
އަހަރެމެންނަށް ފެނުނީ ގައުމު ބަލިކަށިވާނެހާ ކަންތައް ކުރަމުން ދިޔަތަނެވެ. ޕާރޓީ އަށްވެސް ޖެހޭނީ ހަމަ އެ ދަންތޫރަ އެވެ. އަހަރެމެން ދުށީ މުޅި ގައުމުގެ ދުސްތޫރީ ނިޒާމް ފުނޑާލާ ގާނޫނު ހަދާ މަޖްލިސް ބޭނުން ކަނޑުވާލާ ކެބިނެޓް ބައްދަލްވުންތައް ބޮއިކޮޓް ކޮށް ހަމައާ އުޞޫލެއް ނެތި ހަރުކަށިކަން އިތުރުކޮށް އަނިޔާ ދިނުމުގެ ގޮތުން ޕާރޓީގަ ތިބި ހަރު މީހުންގެ ކަރުގައިވެސް ވާބައްދައިގެން ދެމި ތަނެވެ. ކުރުކޮށް ބުނާނަމަ ފެނުނީ ކަންނެތް ކަމާ ހިތް ހަރުކަމެވެ
ބޮޑު ކަކުނި
28 October 2018
މުޅިންގޯސް ވާހަކަ ޕާޓީ ނިކަމެތިވެ ކައުންސިލްތައް އެވަނީ ގެއްފައި .
އަލްޖިބްރާ
28 October 2018
އަދުރޭގެ ހިސާބު ޖެމަށް ތިދަނީ ހުރިހާކަމެއް ! ޕާރޓީ ވަރުގަދަވީ ކޮންއިރަކުތަ ؟
ބޭބެ
28 October 2018
ތާރީޚަކީ އަބަދުވެސް ބަދަލުވާނެ އެއްޗެއް!! އަދި ކަންކަންވެސް އަންނާނީ ބަދަލުވަމުން!! މިވެސް ދުވަހެއް!! އަދިވެސް ކުރިއަށް އޮތީ ދުވަސްތައް!! ކަންތައްތައް ބަދަލުވާނެ!! ޙާލަތު ބަދަލުވާނެ!! ވިސްނުން ބަދަލުވާނެ!! އުފާވެރިކަމާއި ނިކަމެތިން އަންނާނެ!! ބާރުކެނޑި ކޮޅުކޮޅު ކޮޅަށް ދާމީހުންގެ ރާގުވެސް ބަދަލުވާނެ!! ބާރުވެރިކަން ލިބޭތަންވެސް ފެންނާނެ!! ހިތްވަރާއިއެކު ޙައްގުގެ މަގުގައި މަސައްކަތްކުރާ މީހުންނަށް ކާމިޔާބުވެސް ލިބޭތަންވެސް ފެންނާނެ!!