ބޮޑު ވަޒީރުގެ ރަސްމީ ގެކޮޅުގެ ބޭރުގައި ސިފައިން މިއަދު ހަރަކާތްތެރި ވަނީ. --ފޮޓޯ:އޭއެފްޕީ
28 އޮކްޓޯބަރ 2018 - 16:46
5 comments
ކޮލަމްބޯ (އޮކްޓޯބަރު 28) - ސްރީ ލަންކާގެ ރައީސް މައިތުރިޕާލާ ސިރިސޭނާ އަށް ވަފާތެރި ސަޕޯޓަރުންތަކެއް ޕެޓްރޯލިއަމް މިނިސްޓަރު އަރްޖުނާ ރަނަތުންގާ ރަހީނު ކުރަން އުޅުމުން މިނިސްޓަރުގެ ބޮޑީ ގާޑުން ބަޑިޖަހާފައިވާ ކަމަށް ފުލުހުން ބުނެފި އެވެ.
ފުލުހުން ބުނީ ބަޑީގެ ހަމަލާގައި ދެ މީހަކު ޒަޚަމްވެފައިވާ ކަމަށެވެ. މިއީ ބޮޑު ވަޒީރުގެ މަގާމުން ރަނިލް ވިކްރަމަސިންހަ ދުރުކޮށް އެ މަގާމަށް ކުރީގެ ރައީސް މަހިންދާ ރާޖަޕަކްސާ މިދިޔަ ހުކުރު ދުވަހުގެ ރޭ ހަމަޖެއްސި ފަހުން ހިންގި އެންމެ ބޮޑު ހަމަނުޖެހުމެވެ. ބޮޑު ވަޒީރު ކަމުގެ ހުވާ ރާޖަޕަކްސާ ކުރެއްވުމާ އެކު އެމަނިކުފާނުގެ ސަޕޯޓަރުން ވަނީ ސަރުކާރުގެ ޓީވީ ސްޓޭޝަންތަކުގެ ކޮންޓްރޯލް ނަގައިފަ އެވެ.
މަގާމުން ދުރުކުރި ނަމަވެސް ރަނިލް ވަނީ ބޮޑު ވަޒީރުގެ ގެކޮޅުން ނުކުމެވަޑައިގަތުމަށް ދެކޮޅު ހައްދަވައިފަ އެވެ. ރަނިލް ވިދާޅުވީ އޭނާ މަގާމުން ދުރުކުރެވޭނީ ޕާލަމެންޓަށް އެކަނި ކަމަށެވެ. ލަންކާގެ ސިޔާސީ ހާލަތު އިތުރަށް ގޯސްވެ ހައްލެއް ހޯދަން އުނދަގޫވެފައި ވަނީ އަންނަ މަހު 16 އާ ހަމައަށް ޕާލަމެންޓް ސަސްޕެންޑް ކުރުމާ ގުޅިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވާލުސޮރު
29 October 2018
މައިތިރިޕާލަ ކިޔަސް "މައިތިރި" ނުވަންޏާ ރައްޔިތުން ނުކުމެ ޖެހޭނީ މައިތިރި ކުރަން.
ޝާއިރާ
30 October 2018
މައިތިރި ނުވަނީކީ ނޫން. ހުޅަނގުން ބޭނުންވާ ކަންކަން ހާސިލު ނުވާތީ ރައީސްގެ ބާރު ކަނޑުވާލަން އުޅެނީ. ރާއްޖޭގެ ވެސް ކަންވީގޮތަށް.
ލާމު
29 October 2018
ސިރިސޭނާ މައިތިރިކުރަންޖެހޭ.
ޝާއިރާ
30 October 2018
ބޮކްސަ ވެސް ތިހެން މައިތިރި ކުރަން ގޮވި. އެންމެ ފަހުން އެހެރީ ގެނެސް ބޮޑުވަޒީރުކަން ކޮށްފަ.
Mish
28 October 2018
މައި3 އަކީ ގައުމަށް ބޭވަފާތެރިވި މީހެއް....