ޖުމްހޫރިއްޔަތުގެ ރަން އަހަރު، އެކަމަކު ހާއްސަ ކަމެއް ނެތް!

ޖުމްހޫރީ ދުވަހާ ގުޅުވައިގެން ކުރިން ބޭއްވި ރަސްމީ ޖަލްސާއެއް: ރަން ޔޫބީލް ދުވަހު ޚާއްސަ އެއްވެސް ކަމެއް ނެތް -- ފޮޓޯ: ރައީސް އޮފީސް -- ފޮޓޯ: ރައީސް އޮފީސް

އަހުމަދު ސާއިލް އަލީ، މިހާރު

29 އޮކްޓޯބަރ 2018 - 12:25

18 comments

ރަސްކަމަކުން ޖުމްހޫރިއްޔަތަކަށް ރާއްޖެ ބަދަލުވިތާ އަންނަ މަހު 11 އަށް 50 އަހަރު ފުރޭ އިރު އެ ދުވަސް ފާހަގަކުރަން ހާއްސަ ހަރަކާތްތަކެއް ބާއްވަން ނިންމާފައިނުވާ ކަމަށް ހޯމް މިނިސްޓްރީން މިއަދު ބުނެފި އެވެ.

އެކަމަކު ޖުމްހޫރީ 50 ފާހަގަކުރަން އަހަރު ފެށުނީއްސުރެ ސަރުކާރުން ގެންދަނީ ހާއްސަ ލޯގޯއެއް ވެސް، ރަސްމީ ހުރިހާ ލިއުމެއްގައި، ބޭނުންކުރަމުންނެވެ. އެހެންކަމުން ނޮވެމްބަރު 11 ގައި ޚާއްސަ އެއްވެސް ކަމެއް ނުބާއްވަނީ ރިޔާސީ އިންތިހާބުގައި ރައީސް އަބްދުﷲ ޔާމީން ބަލިވުމުން ކަމަށް ބެލެވެ އެވެ.

ރާއްޖޭގެ ބޮޑުވަޒީރުގެ މަގާމުގައި 10 އަހަރު ހޭދަކުރެއްވުމަށް ފަހު، ވެރިކަމުގެ ނިޒާމް ޖުމްހޫރިއްޔަތަކަށް ބަދަލުކޮށް، ރައީސްކަމާ އިބްރާހިމް ނާސިރު ހަވާލުވެވަޑައިގަތީ ނޮވެމްބަރު 11، 1968 ގަ އެވެ. އޭގެ ފަހުން ނޮވެމްބަރު 11 އަކީ ރާއްޖޭގެ ޖުމްހޫރީ ދުވަހެވެ. ކޮންމެ އަހަރަކު ވެސް ޖުމްހޫރީ ދުވަހުގެ ޚާއްސަ ޖަލްސާ ވެސް ބާއްވަ އެވެ.

އާންމުކޮށް ގައުމީ އިނާމު ދެމުން އަންނަނީ ޖުމްހޫރީ ދުވަހުގެ ހާއްސަ ޖަލްސާގަ އެވެ. އެކަމަކު މި އަހަރު އެ އިނާމު ދިނީ މިނިވަން ދުވަހުގެ ޖަލްސާގަ އެވެ. ރިޔާސީ އިންތިހާބު 2013 ގައި އޮތް އިރު ވެސް އެ އަހަރުގެ ގައުމީ އިނާމު އޭރުގެ ރައީސް މުހައްމަދު ވަހީދު ދެއްވީ ޖުލައި 26 ގެ ޖަލްސާގަ އެވެ.

އެގޮތަށް ކަންތައްކުރެއްވީ ނޮވެމްބަރު 11 ގައި އާ ރައީސަކު ހުވާކުރައްވާ ނަމަ އެ އަހަރުގެ ގައުމީ އިނާމަށް މީހުން ކަނޑައެޅުމުގެ ފުރުސަތު އެ ބޭފުޅަކަށް ލިބިޑައިނުގަންނަވާނެތީ އެވެ.

ރައީސް މަައުމޫންގެ ވެރިކަމުގައި ގައުމީ އިނާމު ދޭން ފެށީ މިނިވަން ދުވަހާ ގުޅުވައިގެން 1979 ގަ އެވެ. އެކަމަކު ފަހުން އައިސް އެއީ ޖުމްހޫރީ ދުވަހުގެ ރަސްމީ ބައެއްގެ ގޮތުގައި ހަމަޖެއްސި އެވެ. މިހާތަނަށް އެ އިނާމު ނުދެވި ދިޔައީ، މައުމޫންގެ ވެރިކަން ނިމުނު އަހަރު ކަމަށްވާ 2008 ގަ އެވެ.

ޖުމްހޫރީ 50 ފާހަގަކުރަން މި ސަރުކަރުން ބޭނުންކުރަމުން އަންނަ ހާއްސަ ލޯގޯ

ހޯމް މިނިސްޓްރީގެ ޑެޕިއުޓީ ޑިރެކްޓަރު އައްބާސް މުހައްމަދު ވިދާޅުވީ މި އަހަރުގެ ޖުމްހޫރީ ދުވަހު ވަކި ހާއްސަ ކަމެއް ކުރަން މިވަގުތު ނުނިންމާފައި ނުވިޔަސް މި އަހަރުގެ ތެރޭގައި އެކި ކަންކަން ކޮށްފައިވާ ކަމަށެވެ. އެގޮތުން ކުޑަކުދިންގެ ހަވީރަކާއި ސަރުކާރު މުވައްޒަފުންގެ ޓެލެންޓް ޝޯތަކެއްގެ އިތުރުން ރަށްރަށުގައި ޔޫތު ލީޑާސް ޕްރޮގުރާމްތަކެއް، އެ ދުވަހާ ގުޅުވައިގެން ހިންގާފައިވާ ކަމަށް އޭނާ ވިދާޅުވި އެވެ.

އައްބާސް ވިދާޅުވި ގޮތުގައި ނޮވެމްބަރު 18 ގައި މާލޭގައި ކުޅިވަރު ހަރަކާތެއް ބާއްވަން ވެސް އަންނަނީ މަސައްކަތްކުރަމުންނެވެ.

ޖުމްހޫރީ ވެރިކަން 1968 ގައި ފެށި ފަހުން ނޮވެމްބަރު 11، 2013 އާ ޖެހެންދެން ކޮންމެ ފަސް އަހަރަކު ރައީސްކަމުގެ ހުވާ ކުރައްވަނީ އެ ދުވަހު އެވެ. އެކަމަކު 2013 ގެ ރިޔާސީ އިންތިހާބު ނިމުނީ ނޮވެމްބަރު 11 ގެ ފަހުން ކަމަށް ވެފައި، އެ ފަހަރު ރައީސް ޔާމީން ހުވާކުރެއްވީ ނޮވެމްބަރު 17 ގަ އެވެ. އެހެންކަމުން އެމަނިކުފާނުގެ ފަސް އަހަރުގެ ރިޔާސީ ދައުރު ނިމޭނީ ނޮވެމްބަރު 17 އަށް ކަމަށް ވާތީ، އާ ރައިސް އިބްރާހިމް މުހައްމަދު ސޯލިހު (އިބޫ) ހުވާކުރައްވާ ގޮތަށް މިހާރު ހަމަޖައްސާފައި ވަނީ ވެސް އެދުވަހު އެވެ.

އެެކަމަކު އާންމު ބައެއް މީހުންގެ ނަޒަރުގައި ޒަމާންވީ ޖުމްހޫރީ ދުވަހުގެ މާނަ މިހާރު ވަނީ އޮޅިފަ އެވެ. އަދި ނޮވެމްބަރު 11 އަށް ކުރިން ދެމުން ގެންދިޔަ ހާއްސަކަން ވެސް ދެން ކެނޑިދާނެ ކަމަށް އެ މީހުން ގަބޫލުކުރެ އެވެ.

ހޯމްލޭންޑް ސެކިއުރިޓީ މިނިސްޓްރީ ތާރީހް ދިވެހި ސަރުކާރު ޖުމްހޫރީ ދުވަސް ރައީސް އިބްރާހިމް ނާސިރު ރައީސް އަބްދުﷲ ޔާމީން

18 ކޮމެންޓް, 34 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮލެޖް ބޯއީ

30 October 2018

ޖުމުހޫރީ ދުވަސް ބަދަލެއް ނުވޭ. ރައީސަކު އަރާނެ ދުވަހަކު އަރާ ފައިސާ ދައުރު ގެ މެދުތެރެއިން ދައުރު ނިންމާފަ އާ ދައުރެއް ފެށިޔަސް. މި ފަހަރު ނުކުރެވުނު ކަމަކީ ޖުމުހޫރީ ދުވަހު ރައީސް ގެ ހުވާނުކުރެވުން. މި ހެން މިވީ ރައީސް އަށް ރައީސް ކަން ހަވާލުކޮށް ދިން ބަޔަކު ރައީސް އާއި ހަވާލުކުރި ލިއުމުގައި އިބާރާތް ލިޔެފަ އޮތް ގޮތުން. ގާނޫނު އަސާސީގެ މާއްދާތަކަށް ރިއާޔަތް ނުކޮށް ބުއްދީގެ ހަމަ އިސްކޮށް ރިޔާސީ ދައުރު ފެށި ނިމޭނެ ދުވަސް އެ އިބާރާތުން ކަނޑައެޅުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓަރުންގެ ސިޓީ / އައްޑޫ ސިޓީ

29 October 2018

ޖުމްރޫރީއްޔަތަކީ “ޤާނޫނުގެ ކުރިމަތީގައި އެންމެން ހަމަހަމަ ކަމަށް ލިޔެފައި” އެއާއި ދިމާ އިދިކޮޅަށް އެދައުލަތުގައި އޮތް މުއްސަނދިކަމާއި ވަސީލަތް މަދުމީސްކޮޅަކަށް ހޭދަކުރުމަށާއި އެމީހުން ފިޔަވާ ދެންތިބި ހުރިހާ ރައްޔިތުންނަކީވެސް “ކުލީ އަޅުންތަކެއް” ގެ ގޮތުގައި އަޅުވެތިކޮށް ވަޒަނުންބޭރުކުރުވާ އާއިލާތަށް ވިއްސިވިހާލިކޮށް ދޫނިބައިގަނޑެއްހެން ގެންގުޅޭ ވެރިކަމުގެ ނިޒާމަކަށް ކިޔާނަމެއްތޯ؟ . . . ލާމަރުކަޒީ ހޯދުމަށްޓަކާ ޕާލަމެންޓްރީ ނިޒާމެން ގެންނާންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަދީ

29 October 2018

ކޮބާ ހޯމް މިނިސްޓްރީގެ ބަޖެޓަށް ތިކަމަށް ދިން ފައިސާ. އެ ފައިސާއިން ކަންކަން ކުރެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫އަބްދުﷲނާފިޒް

29 October 2018

ޖ‫ުމްހޫރިއްޔަތަށް 50 އަހަރު ފުރޭ ދުވަހަކީ ނޮވެމްބަރު 11 ވަނަ ދުވަސްބާ, ނޫނީ ނޮވެމްބަރު 17ވަން ދުވަސްބާ! މިހާރު މިތިބި އެޔެއް ސާފުނުވެ ދެބަންދިހާރަވެފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

3ބަންދިހާރަ

30 October 2018

ޖުމްހޫރިއްޔަތަށް 50 އަހަރު ފުރޭނެ މި ނޮވެމްބަރު 11 ގަ ކޮންމެ ގޮތެއްވިއަސް. އަންނި ރައީސްކަމުން އަވަހަށް ފައިބަންޖެހުމުން ނޮވެމްބަރު 11 އަށް ގުޑުން އެރިތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާލުސޮރު

29 October 2018

ޖުމްހޫރީ ވެރިކަމެއްގެ ނަމުގަ ފާޑެއްގެ ރަސްކަމެއް ކުރަމުންދިޔަ ރައީސް ޔާމީން ރިޔާސީ އިންތިޚާބްގަ ބޮޑު ތަނުން ބަލިވީމަ ދެން ކަމެއްކުރަން ސަރުކާރުން ބޭނުންނުވީހެން ހީވަނީ. އެހެންނޫނަސް ތިޔަކަހަލަ ކަންކަމަކީ ރާވާ ހިންގާމީހުންނަށް ލައްކަ ފައިދާތަކެެއްވެސް ވާ ކަންކަން. މިނިވަން 50 ގެ މަޝްހޫރު "ރަން ޖާފަތް" އެއީ މިބުނި ބަހުގެ އެއް ހެކި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީޔ

29 October 2018

މިގައުމުގަ ހުރިހާ ކަމެއް ހިނގަނީ ހަމަ ތި އުސޫލުން. ސިޔާސީ މީހުން ބޭނުންވީމަ ގާނޫނު ބަދަލު ކުރަންވީ ބޭނުން ގޮތަކަށް. ޗުއްޓީ ދުވަހެކޭ ބުނީމަ އެވީ. ޖަލަށް މީހަކު ލާންވީމަ ވެރިމީހާގެ އޯޑަރު... ތަނެއްގަ ފުރާޅު ނަގަންވިޔަސް ސިފައިން ބަލާނީ ވެރިމީހާ ބުނިއެއްޗަށް. އެ އުސޫލުން ޖުމްހޫރީ ދުވަހުގެ ވެސް ޙާއްސަކަން މިހާރު މިއޮތީ ސިޔާސީ މީހުން ކަނޑުވާފަ. ދުނިޔޭގެ އެހެން ގައުމެއް ނަމަ މީ ކަން ކަން ހިނގާނެ ގޮތެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުބޭ

29 October 2018

މުއިއްޒު ހުރީ މިހާރުވެސް ހުމާ ދެން ކިހިނެތް މިނިވަން 50 ފާހަގަ ކުރާނީ، އަނެއްކާ 50 ފާހަގަ ކުރަން 50 މިލިއަންގެ ޕުރޮޖެކްޓް ދޭންވީ ސްޓްރާޑާ އަށް، އެހެން ބަޔަކަށް މިފަދަ ޕްރޮޖެކްޓެއް ހެދޭނީކީ ނޫން، އެކަމަކު ރައްޔިތުން އެންމެފަހުން ދިން ޕުރޮޖެކްޓްގެ ވާހަކަތަށްވެސް ދައްކާވަރުން ބޭރަށް ނުކުންނަށް ކެރެނީކީ ނޫން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަންނު

29 October 2018

ނޮވެމްބަރު 11 އަށް ކުރިން ދެމުން ގެންދިޔަ ހާއްސަކަން ވެސް ކެނޑިގެން މި ދިޔައީ 2013 ވަނަ އަހަރު ރައީސް ކަމަށް އައްޔަން ކުރެވުނު ހުދުމުހުތާރު ވެރިޔަކާ ހެދި، މުޅި ގައުމުގެ ދުވަސް ގޮއްސި. މި ކޮމެންޓް ޖަހާލަދޭތި ޕްލީޒް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާނީ

29 October 2018

ބުރޯ ނުކުތީމަ ފާހަގަ ކުރާނީ، ބުރޯ އަތުގަ ބަޑިބޭހުގެ ކުޅިވަރާބެހޭ ސަނަދު އިތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

29 October 2018

50 އަހަރު ކުލަގަދަކޮށް ފާހަގަ ކުރަން އޮތީ ނިމިގެން މިދާ ސަރުކާރުން ރާވާފައި. ނަމަވެސް ގައުމިއްޔަތާއި ވަޠަނިއްޔަތާއި ގައުމީ ލޯބި ނެތް ބައެއްގެ އަތްމައްޗަށް ވެރިކަން އެރީމާ ކޮން ދައުލަތެއްތަ އޮންނާނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަލަންވެރިޔާ

29 October 2018

ގައުމިއްޔަތާއި ވަތަނީ ލޯތްބަކީ ވަކިބަޔަކު ވެރިކަމުގެ ތިބީމަ އޮންނަ އެއްޗެއްތާ! ދައުލަތްވެސް އޮންނާނެ އިންސާފުވެސް ގާއިމްވާނެ. ތިޔަ ފިކުރުތައް ދީލާލައްވުވާ ވަރަށް އިންސާފުވެރި ވެރިކަމެއް ކުރާނެ!