ދިވެހިން ޗުއްޓީ ހޭދަކުރަން ރާއްޖޭގެ ހިތްގައިމު ރިސޯޓްތަކަށް ދާ މިންވަރު ވަނީ އިތުރުވެފައި
15 އޯގަސްޓް 2016 - 07:56
33 comments
ހަފުތާ ބަންދެއް ނުވަތަ އީދު ބަންދެން ލިބުނަސް ގިނަ ބަޔަކު ކުރިން ބޭނުންވަނީ ކުޑަ ބަނޑޮހަށް ނުވަތަ މާލެ ކައިރީ އޮންނަ ކޮންމެވެސް ފަޅުރަށަކަށް ދަތުރު ދާށެވެ. އެކަމަކު މިހާރު ދިވެހިން ބަންދު ދުވަސްތައް ހޭދަކުރާ ގޮތް ބަދަލުވެއްޖެ އެވެ.
މާލެ ކައިރީގައި ގާތްގަނޑަކަށް ވިއްސަކަށް މިނެޓުން ދެވޭ ހިސާބުގައި އޮންނަ ޕެރެޑައިސް އައިލެންޑް ރިސޯޓަށް ޖެހިލާނަމެވެ. ހަފުތާ ބަންދާއި އެނޫން ވެސް އެކި ބަންދު ދުވަސްތައް ހޭދަކޮށްލަން ވަރަށް ގިނަ ދިވެހިން ޕެރެޑައިސް އަށް ދެ އެވެ. ދިވެހިންނަށް ހާއްސަކޮށްގެން ތަފާތު ޕެކޭޖްތައް އެ ރިސޯޓުން ވިއްކަމުން އަންނަތާ އަހަރުތަކެއް ވެއްޖެ އެވެ.
ޕެރަޑައިސް އައިލެންޑް ރިސޯޓް: ރޯދަ މަހު ވަރަށް ގިނަ ބަޔަކު މި ރިސޯޓުން ރޯދަ ވީއްލި
އެ ރިސޯޓުގެ ޖެނެރަލް މެނޭޖަރު ގައިސަރު ނަސީމް ވިދާޅުވި ގޮތުގައި މިދިޔަ ކުޑަ އީދު ބަންދު ތެރޭގައި އެ ރިސޯޓުގައި 300 ވަރަކަށް ދިވެހިން ޗުއްޓީ ހޭދަކުރި އެވެ.
"އަޅުގަނޑުމެން ހަފުތާ ބަންދުގައި ވެސް އެވްރެޖްކޮށް 60 ވަރަކަށް މީހުންނަށް ރޫމް އެބަ ވިއްކަން. އެއީ ވަރަށް ރަނގަޅު އަދަދެއް،" ގައިސަރު ވިދާޅުވި އެވެ.
"އަޅުގަނޑުމެން ދިވެހިންނަށް މި ރަށުގެ ކޮޓަރިތައް ވިއްކަން ފެށީ އޮފް ސީޒަނާ ދިމާކޮށް ކޮޓަރިތައް ހުސްކޮށް ނުބަހައްޓަން ވެގެން. ނަމަވެސް މިހާރު އެހެންނެއް ނުބަލަން. އަބަދުވެސް ދިވެހިންނަށް ރޫމް ލިބެން ހުންނާނެ."
މާލެ އިން އެ ރިސޯޓަށް ދިއުމާއި ދެ މީހެއްގެ ތިން އިރުގެ ކެއުމާއި ހުރުމާ އެކު އެވްރެޖްކޮށް 3،000ރ. އިން ފެށިގެން ދިވެހިންނަށް ވަނީ ހާއްސަ އަގުތަކެއް ހަމަޖައްސައިފަ އެވެ.
"އަޅުގަނޑުމެން މިތަނުން ދިވެހިންނަށް ވިއްކަނީ ވަރަށް ހާއްސަ ޕެކޭޖްތަކެއް. މިހާރު މިވަނީ ވަރަށް ބޮޑަށް ދިވެހިންނަށް ކަމުގޮސްފައި. އޭގެ ހެއްކެއް މިހާރު މާލެ އަތޮޅުގައި އެންމެ ގިނަ ދިވެހިން ޗުއްޓީ ހޭދަކުރަން އަންނަ ރިސޯޓަކީ މިއީ،" ގައިސަރު ވިދާޅުވި އެވެ.
"އަޅުގަނޑުމެން ހަފުތާ ބަންދުގައި ވެސް އެވްރެޖްކޮށް 60 ވަރަކަށް މީހުންނަށް ރޫމް އެބަ ވިއްކަން. އެއީ ވަރަށް ރަނގަޅު އަދަދެއް. އަޅުގަނޑުމެން ދިވެހިންނަށް މި ރަށުގެ ކޮޓަރިތައް ވިއްކަން ފެށީ އޮފް ސީޒަނާ ދިމާކޮށް ކޮޓަރިތައް ހުސްކޮށް ނުބަހައްޓަން ވެގެން. ނަމަވެސް މިހާރު އެހެން ނުބަލަން. އަބަދުވެސް ދިވެހިންނަށް ރޫމް ލިބެން ހުންނާނެ" ގައިސަރު
އޭނާ ވިދާޅުވީ ފާއިތުވި ދެ އަހަރެއްހާ ދުވަހުގެ ތެރޭގައި އެ ރިސޯޓް ވެގެން ދިޔައީ ދިވެހިންނަށް އެންމެ ކަމުދާ އެއް ރިސޯޓަށް ކަމަށެވެ.
ޕެރަޑައިސް އައިލެންޑް ރިސޯޓުގެ ޖެޓީ މަތިން ބަޔަކު ހިނގާފައި ދަނީ: ދިވެހިންގެ ގިނަ ބަޔަކު މި ރިސޯޓްގައި މިހާރު ޗުއްޓީ ހޭދަކުރޭ --ފޮޓޯ: ޕެރަޑައިސް
"އަޅުގަނޑުމެން މިދިޔަ ރޯދަ މަހު ދިވެހިންނަށް ހާއްސަކޮށްގެން ބޭއްވި ރޯދަ ވީއްލުން ވެސް އެހާ ކާމިޔާބު. ރޯދަ ވީއްލަން އެކަނި ވެސް 10،000 އަށް ވުރެ ގިނަ މީހުން އައި. އެއިން އެބަ އެނގޭ ދިވެހިންނަށް ކަމުދާ ޕެކޭޖްތަކެއް ވިއްކައިފި ނަމަ ގަންނާނެކަން،" ގައިސަރު ވިދާޅުވި އެވެ.
އޭނާ ވިދާޅުވި ގޮތުގައި އެ ރިސޯޓަށް އަންނަ ކޮންމެ މީހަކީ ވެސް ވަރަށް މުހިންމު މެހެމާނެކެވެ. އެގޮތުން ބޭރު މީހުންނެކޭ ދިވެހިންނެކޭ ތަފާތެއް ނުކުރާނެ ކަމަށް ވެސް ވިދާޅުވި އެވެ.
"އަޅުގަނޑުމެންނަށް ފާހަގަކުރެވުނު ވަރަށް ބޮޑު ކަމެއް ބޭރު މީހުންނެކޭ އެއްގޮތަށް ދިވެހިން ވެސް މިތަނަށް އައިސް ތަފާތު އެކި ކަންކަމަށް ވަރަށް ބޮޑު ހަރަދެއްކުރާ ކަން. ހާއްސަކޮށް ވޯޓާ ސްޕޯޓްސްއަށާއި އެނޫން ވެސް އެކި ހިދުމަތްތަކަށް ދިވެހިން ވަރަށް ބޮޑު ހޭދައެއް ކުރޭ،" އޭނާ ވިދާޅުވި އެވެ.
ގައިސަރު ވިދާޅުވީ ހަފުތާ ބަންދާއި އީދު ބަންދު ފަދަ ދުވަސްތަކުގައި އަރާމްކޮށްލަން ރިސޯޓްތަކަށް ދާން ވަރަށް ގިނަ ބަޔަކު މިހާރު ބޭނުންވާ ކަމަށެވެ.
"މީގެ ކުރިން ރިސޯޓްތަކަކީ ދިވެހިންނަށް ވިއްކާ ތަންތަނެއް ނޫން. އެކަމަކު މިހާރު މާލެ އަތޮޅުގެ އެހެން ބައެއް ރިސޯޓްތައް ވެސް ދިވެހިންނަށް ހާއްސަ ޕެކޭޖްތައް ވިއްކަން ފަށައިފި. އެއިން އެބަ އެނގޭ ދިވެހިންގެ ތަރުހީބު މިކަމަށް ވަރަށް ބޮޑަށް ލިބެމުން އަންނަކަން،" އޭނާ ވިދާޅުވި އެވެ.
ކުޑަ ބަނޑޮސްގެ މަތިން ނަގާފައިވާ ފޮޓޯއެއް: ދިވެހިން ދަތުރު ދާން ބޭނުންކުރި މި ރަށް މިހާރު ވަނީ ރިސޯޓަކަށް ހަދާފައި
ޕެރަޑައިސްގެ އިތުރުން މާލެ އަތޮޅުގެ އެހެން ބައެއް ރިސޯޓްތަކުން ވެސް ދިވެހިންނަށް ހާއްސަކޮށްގެން ތަފާތު ޕެކޭޖްތައް ބައެއް ޓްރެވަލް އެޖެންސީތައް މެދުވެރިކޮށް މިހާރު ވަނީ ވިއްކަން ފަށައިފަ އެވެ.
ރާއްޖޭގެ އެންމެ ބޮޑު އެއް ޓްރެވަލް އެޖެންސީ، އިނަ މޯލްޑިވްސް ހޮލިޑޭސްގެ ޑިރެކްޓަރު އަހުމަދު އިޖާޒް ވިދާޅުވީ ފަހަކަށް އައިސް ދިވެހިން އެކި ބަންދުތަކުގައި ޗުއްޓީ ހޭދަކުރަން ރިސޯޓްތަކަށް ދާ މިންވަރު އިތުރުވަމުން އަންނަ ކަމަށެވެ.
"ދިވެހިން ވެސް މިހާރު ރިސޯޓްތަކަށް ޗުއްޓީ ހޭދަކުރަން ދާ މިންވަރު އިތުރުވެފައިވާތީ އަޅުގަނޑުމެން ބައެއް ރިސޯޓްތަކާ ގުޅިގެން ޕެކޭޖްތައް ވިއްކަމުން އެބަ ގެންދަން. ވަރަށް ރަނގަޅު ޑިމާންޑެއް ވެސް އެބަ އޮތް،" އޭނާ ވިދާޅުވި އެވެ.
ދިވެހިން ވެސް މިހާރު ރިސޯޓްތަކަށް ޗުއްޓީ ހޭދަކުރަންދާ މިންވަރު އިތުރުވެފައިވާތީ އަޅުގަނޑުމެން ބައެއް ރިސޯޓްތަކާ ގުޅިގެން ޕެކޭޖްތައް ވިއްކަމުން އެބަ ގެންދަން. ވަރަށް ރަނގަޅު ޑިމާންޑެއް ވެސް އެބަ އޮތް،" އިނާ މޯލްޑިވްސް
އިނަ މޯލްޑިވްސް އިން މާލެ އަތޮޅުގެ ތަފާތު ހަ ރިސޯޓެއްގެ ޕެކޭޖް ދިވެހިންނަށް ވިއްކަ އެވެ.
"އަޅުގަނޑުމެން މި ވިއްކާ ޕެކޭޖްތައް ގިނައިން ގަންނަނީ ދެމަފިރިން. އަދި ބައެއް ފަހަރު ފެމެލީތައް ވެސް ޕެކޭޖް ގަނޭ،" އިޖާޒް ވިދާޅުވި އެވެ.
އޭނާ ވިދާޅުވީ މިދިޔަ ކުޑަ އީދު ބަންދުގައި އެ ކުންފުނިން ތަފާތު އެކި ރިސޯޓްތަކުގެ 27 ކޮޓަރި ދިވެހިންނަށް ވިއްކާފައިވާ ކަމަށެވެ.
މީގެ އަހަރުތަކެއް ކުރިން ނަމަ ދިވެހިންނަށް ރިސޯޓަކަށް ދެވޭނީ ކޮންމެވެސް މުވައްޒަފެއްގެ ހެޔޮއެދުންތަކާ އެކު އެވެ. ނަމަވެސް މިހާރު އަމިއްލަ ޖީބުން ހޭދަކޮށްގެން ރިސޯޓްތަކުގައި ޗުއްޓީ ހޭދަކުރުން ދިވެހިންގެ ތެރޭގައި އެދަނީ އާންމުވަމުންނެވެ. މިއީ ރިސޯޓްތަކަށް ވެސް އޮތް އެޑްވާންޓޭޖެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނތއަބުޅޮ
15 August 2016
ހަފްތާބަންދަށް، ހަތަރުފަސްދުވަހުގެ ޗުއްޓީއަށް ތިތަންތަނަ ށްޖައްސާލާ 10ވަރަކަށްހާސްރުފިޔާ ހަރަދުކޮށްލާނީ ކޮންފަންތިއެއްގެ ބައެއް، ؟؟؟؟؟ ގައިމު މާލޭކުލިކޮޓަރީގައުޅޭ ބޭފުޅުންނަކަށް، އިވޭވާހަކަތަކަށް ބަލާއިރު ޗުއްޓީހޭދަކޮށްލަން ދެވޭނެގޮތެއްނޯންނާނެ
ކުލީ އަޅުން
15 August 2016
އެހެންތާ ވާނީ ..ކިތައމެ އަގުބޮޑަސް މާލޭގެ ބިން ވެރިން ދާނެ ދެއިރު ދެދަޅައަށް ކާ ބޭހެއްހެން ތި ހުރިހާ ތާކަށްވެސް...އެކަމް ކުލީ އަޅުން ތިބެންހަމަ ޖެހޭނީ ކުދިންކޮޅު ގޮވައިގެން ލިބޭހާ ރުފިޔާ އެއް މާލޭގެ ޢިއްޒަތް ތެރިންގެ ޢާއިލާ ތަކަށް ތި ޚަރަދު ކޮށްދޭން ބޮޑެތި ކުލި ދައްކާލަ ދައްކާލަ... އަބަދުވެސް ދާނީ ހަމަ ދާ އެއްބަޔެއް.. ކީއްކުރާނީ ... ނިކަމެތިން ނަށް މިނޫން ގޮތެއްނެތް.. ކޮއްމެ މަޔަކު އަދި ބަފަޔަކު ވެސް އެބައެއްގެ ދަރިންނަށް ރަނގަޅު ތަޢުލީމެއް ހޯދާދޭން ބޭނުންވާނަމަ ޖެހޭނީ މިޙާލުގަ އުޅެން... މާލޭ މީހުން ތިބޭނެ ފެލަން.. ހިތައް އަސަރެއް ނުކުރާނެ ... ދުލައް އައިހާ ބޮޑު އަގެއް ކިޔުނީމަ އެވީ.... އެހެންވީމަ ދާނެދޯ....
ދޮން އާމިރު
15 August 2016
ފިސާރި ތެދެއް....ތި 10000 މީހުންނަކީ މިމާލޭގެ ރަންވަޅުތަކުގެ ވެރިން.
ޝިފާގު
15 August 2016
މިއިންވެސް މިދައްކައިދެނީ ގައުމު ކުރިއަރައިގެން ގޮސްފައިވާ ކަމެވެ. ދިވެހިން ދިވެހިރާއްޖޭގައި ނިކަމެތިކަންމަތީ ތިބިތިބުން ނިމުމަކަށް އައީއެވެ.
ސައިޚް.
15 August 2016
ވަރަށްދެރަ، ދުވާލަކު 3000 ރުފިޔާ ދީގެން ޗުއްޓީ ހޭދަކުރެވޭނެތޯ ކޮއްމެ މީހަކަށް، ކުޑަބަނޑޮހަށް ދަތުރުދެވުނަސް ތިކަން ކުރެވޭނީ މުއްސަނދިންނަށް، މުއްސަނދިންނަށް އަބަދުވެސް ރާއްޖެނޫނަސް ޕެރިހުގަވެސް ހުންނާނެ ހަމަ ތިފެންވަރުގަތިބެވެން، އެކަމަކު އާދައިގެ މީހާ ކިހިނެއް ހަދާނީ.؟ މިހިރީ ތަފާތުކަން ، މިތަފާތުވެސް ނޫސްތަކުންއުޅެނީ ފޮރުވަން،
އަތްމަތި
15 August 2016
ބައްލަވާ ސައްޕު. ދެމަފިރިން 2 ދުވަހުގެ ޗުއްޓި ހޭދަކޮށްލަން ރިސޯޓަށް ދިޔުމަށްޓަކައި ކޮންމެހެން ބޭނުމެއް ނުވޭ އިނގޭތޯ އަތްމަތި މުޅިން ތަނަވަސްވެ، ހުރިހާ ބިލުތަކެއް ދައްކާ ފުދިގެން މުއްސަނދި ދިރިއުޅުމެއް އުޅޭކަށް. އަހަރަކު 1 ފަހަރު ނުވަތަ 2 ފަހަރު މިފަދަ ދަތުރެއްކޮށްލުމަށްޓަކައި ދެމަފިރިން ވެގެން ފައިސާ ރައްކާކުރެވޭނެ. ރާއްޖެއަށް އަންނަ ގިނަ ޓޫރިސްޓުންވެސް އެ އަންނަނީ ދުރާލާ އަހަރެއް ކުރިން ފައިސާ ރައްކާކޮށް ޕްލޭން ކޮށްގެން. ކޮންމެހެން މާ ތަނަވަސް ދިރިއުޅުމެއް އުޅޭތީ އެއް ނޫން.
hހހ
16 August 2016
ރައްކާ ކުރާނެ ލާރި އޮންނާނީ ކުލިދައްކާފަ ބާކީ ވާނަމަ.... 8 ފޫޓް ގެ ކޮޓަރިގަނޑަކަށް 15000 .... ފުކެއް ބޮޑުވަރެއްނު! !ދެން މާލޭ މީހުން ހައްޖަށާ މުރުރާއަށާ ތިކަހަލަ އަގުބޮޑު ޗުއްޓީތަކަށް ދެއިރަށް ކާ ބޭހެއްހެން ގޮސް ލާރިއޮންނަ ބައެއްކަން ދައްކަން އުޅޭނެ! ދެފައިން މަސައްކަތް ނުކޮށް ލާރި ހޯދާބަޔަކު މިނޫނީ ނޫޅޭނެ!!!
މުޙައްމަދު
15 August 2016
ޗުއްޓީހޭދަ ކުރަން ދިވެހިން ރިސޯޓުތަކަށް ދާންފެށި އެންމެ ބޮޑު ސަބަބަކީ މާލެ ކައިރީގައި ދަތުރުދާން ހުރި ހުރިހައި ރައްތަކެއް ރިސޯޓަށް ބަދަލުކޮށް އެ ދޮރު ދިވެހިންނަށް ބަންދުކުރުން. ކުޑަބަނޑޮސް، ވާގަލި އަދި އެހެން ރައްތައްވެސް. މިހާރު ދެން ޖެހޭނީ ކުރު ޗުއްޓީއެއް ލިބިއްޖެނަމަ ދާން އޮތީ ރިސޯޓުތައް ދިގު ޗުއްޓީއެއް ލިބިއްޖެނަމަ ރާއްޖެތެރޭ ރަށަކަށް ދެވިދާނެ.
ރޯޅި
15 August 2016
ކޮމެންޓްތަކަށް ބަލާއިރު އަގު ބޮޑުކަމަށް ބައެއް މީހުން ފާހަގަކުރެއެވެ. އެކަމަކު ރިސޯޓަކާ އަޅާބަލާއިރު އަގު ބޮޑުކަމަށްނުފެނެއެވެ. ކޮންމެތަނެއްގައިވެސް ތަނަވަސްކަމާއި ދަތިކަމަށް ބަލާއިރު ހުރިހާ ގައިމެއްގައި ވެސް ތަނަވަސްކަމުގެ ގޮތުން އެކި ފެންވަރުގެ މީހުން ތިބޭނެއެވެ. މާލެއަށް ބަލާނަމަ 25 ރުފިޔާ ދީފައި ކާރަކަށް އެރޭ ފެންވަރު ނެތް މީހުންވެސް ތިބުން ގާތެވެ. އެފެންވަރުގެ މީހުން ޗުއްޓީ ހޭދަކުރާނީ އެމީހުންގެ ފެންވަރުގައެވެ. ވިލިގިއްޔަށް ނުވަތަ ހުޅުމާލެއަށް ގޮސް ރައްޓެއްސެއްގެ ކާރީ އުޅެލާނީއެވެ. ތަނަވަސްކަމަކީ އެކި މީހުނަށް އެކިމިންވަރަށް ލިބޭ އެއްޗެކެވެ. އެއީ ﷲ ގެ ޙިކްމަތްތެރިކަމެވެ. އިމްތިޙާނުގެ މި ދުނިޔޭގައި އެކިއެކި މީހުން އިމްތިޙާނު ކުރައްވަނީ އެކި ގޮތްގޮތައްކަން ހަނދުމަކުރީމަ ހުރިހާ އުދާސްތައް ފިލައިދާނެއެވެ.
ބެރު
15 August 2016
މިހާރު ބޭރު މީހުންއަންނަލެއްމަދުވީމަ ދިވެހިންނައްރިސޯޓު ތައްވިއްކަންފެށީ ތިއެއްއެނގޭނީމިހާރުވެސް ރިސޯޓު ތައްފުލާވާނަމަ. ނުވިއްކާނެދިވރހިންނަކައް، ހުސްފޭކު ވާހަކަ.
ލލ
15 August 2016
މިހާރު މާލޭގައި ދިރިއުޅެން އެންމެ ފުހިވަނީ 1- މާލެ ވަށާއިގެން ސައިކަލް ބުރުޖަހައި ނުލެވޭތީ 2- ހަފުތާ ޗުއްޓީގައި ޕިކްނިކް ދަތުރުދާން ރަށެއް ނޯނާތީ! މިދެކަން ހައްލު ނުވާތީ މިހާރު ބޭނުންވަނީ ރަށައްދާން!
މާލޭމީހާ
16 August 2016
ތިހެންވެސް ދާނެ ރަށެއް ނެތީ މަށަށް. މާލޭ މީހަކަށްވީތީ ދެރަވެސްވޭ އީދު ޗުއްޓީގަ ރަށްރަށަށް ގޮސް އުޅެވޭ އުފާވެރި މާހައުލު ހިތަށްއަރާފަ. އެކަމަކު ރަށްފުށު މީހުންނަށް ދަޅަކަށް ބޯކޮށްޕައިގެންވެސް މާލޭގަ އުޅެވެންޏާ ވަރިހަމަ.
އަލީ
15 August 2016
ދިވެހިން ރިސޯޓްތަކަށް ދެއޭ ބުނިކަމުގައިވިޔަސް އެއީ ވަރަށް ކުޑަސިންސައްތްއެއްގެ މީހުން. އެއީ އެއްމެ ދުވަހަކަށް ދެދުވަހަށް ދެހާސް ތިންހާސް ރުފިޔާ ޚަރަދުކުރުމަކީ ގިނަދިވެހިންނަށް ކުރެވޭވަރުގެ ހަރަދަކަށް ނުވާތީ. އެފަދަ ގިނަބަޔަކު ކުޑަޙަރަދަކުން ދަތުރުދާންއޮތް ކުޑަބަނޑޮސް އެއޮތީވެސް ރިސޯޓަކަށް ހަދާފަ. މިރާއްޖޭގައި އިސްކަންދެނީ އަދި މަސްލަހަތި އޮންނަނީވެސް ފައިސާވެރިންނަށް. ހުރިހާ ސަރުކާރަކުންވެސް އިސްކަންދެނީ ފައިސާވެރިންނަށް. އާދައިގެ ދިވެހިންމަތިން ހަނދާންވާނީ ވޯޓު ބޭނުންވީމާ އެކަނި.
ކeކުރި
16 August 2016
ތިހާބޮޑު ތެދެއް މީހަކު ނުހަދާނެ!