ޕްރީ އޯޑާ ދިން ފޯނު ނުލިބުމުން 160،000ރ. މީހަކަށް ދައްކަން ދިރާގުގެ މައްޗަށް ހުކުމްކޮށްފި

ދިރާގު ހެޑް އޮފީސް: އައި ފޯނެއް ގަތުމަށް ދިރާގަށް އޯޑަރު ދިން މީހަކަށް ފޯނު ނުލިބުމުން ބަދަލުގެ ގޮތުގައި ފައިސާ ނަގައިދޭން ވަނީ ހުކުމްކޮށްފައި -- ފައިލް ފޮޓޯ: މިހާރު

މުއިއްޒު އިބްރާހިމް، މިހާރު

14 އޯގަސްޓް 2016 - 13:33

31 comments

ދުރާލައި ޕްރީ އޯޑާ ނަގައިގެން މޮބައިލް ފޯނު ވިއްކުމަށް ދިރާގުން ކުރިއަށް ގެންދާ ޕްރޮމޯޝަންގެ ދަށުން ފޯނަކަށް އޯޑަރު ދިން މީހަކަށް ފޯނު ނުލިބުމުން ގެއްލުމުގެ ބަދަލުގެ ގޮތުގައި 160،000 އަށް ވުރެ ގިނަ ރުފިޔާ އެ މީހާއަށް ދައްކަން ސިވިލް ކޯޓުން މިއަދު ހުކުމްކޮށްފި އެވެ.

އޯޑަރު ނަގައިގެން އައިފޯން "އެސް އީ" ބްރޭންޑްގެ ފޯނު ވިއްކަން މިދިޔަ މާޗް މަހު ދިރާގުން ފެށި ޕްރޮމޯޝަންގެ ދަށުން އޭގެ ފޯނަކަށް އޯޑަރު ދީ ފުރަތަމަ ދައްކަންޖެހޭ ޕޭމަންޓްގެ ގޮތުގައި 5،800 އަށް ވުރެ ގިނަ ރުފިޔާ ދައްކާފައި ވަނިކޮށް ވެސް އެ ފޯނު އެ މީހާއަށް ނުލިބުނެވެ.

އެ މައްސަލަ އެ މީހާގެ ފަރާތުން ކޯޓަށް ހުށަހެޅުމުން ކޯޓުން މިއަދު ހުކުމްކުރީ އެ މީހާ އަށް އެކަމުގެ ސަބަބުން ލިބުނު ގެއްލުމާއި ކުރިމަތިވި ލަދުވެތިކަމާއި، ތަކުލީފުތަކާއި އެފަދަ ކަންކަން ތަކުރާރު ވިޔަ ނުދިނުމުގެ ގޮތުން ޖަޒާއީ ބަދަލެއްގެ ގޮތުން އެއް ލައްކަ ރުފިޔާ ދިނުމަށެވެ.

މީގެ އިތުރުން އެ ފޯނު ގަތުމަށް އެ މީހާ ދިރާގަށް ދެއްކި 5،800ރ. އާއި އެ މީހާ އަށް ފޯނު ނުލިބުމުން އޭނާ އެހެން ފޯނެއް ގަންނަން އޭނާ ޚަރަދުކުރި 4،500ރ. އާއި ވަކީލުންނަށް އެ މީހާ ހޭދަކުރި 50،000ރ. ވެސް ދިރާގުން އެ މީހާ އަށް ދިނުމަށް ހުކުމުގައި ވަނީ އަންގައިފަ އެވެ.

ބޭރުގެ ބައެއް ކޯޓުތަކުގެ ނިންމުންތަކާ ހަވާލާދީ ކުރި ހުކުމުގައި ވަނީ ފޯނު ނުލިބުމުގެ ސަބަބުން އެ މީހާ އަށް ލަދުވެތިކަމާއި ގެއްލުން ކުރިމަތިވެފައިވާއިރު އެފަދަ ގޮތަކަށް އެހެން މީހަކާ މެދު އަމަލު ކުރުމުގެ ފުރުސަތު ދިރާގަށް ނުދިނުމުގެ ގޮތުން ގެއްލުމުގެ ބަދަލު އެ މީހާ އަށް ނަގައިދެވޭނެ ކަމަށެވެ. އަދި ލިބުނު ގެއްލުމަށް ބަލާއިރު އެއް ލައްކަ ރުފިޔާއަކީ އެކަށީގެންވާ ބަދަލެއް ކަމަށް ހުކުމުގައިވެ އެވެ.

"މީހުން ކުރިމަތީގައި ދައުވާކުރާ ފަރާތަށް ކުރިމަތިވި ލަދުވެތިކަމާއި ފުރައްސާރަ އާއި އެ މީހުންގެ ކުރިމަތީގައި އޭނާގެ މަގާމަށް އައި ބަދަލުގެ ސަބަބުން ނުވަތަ އަބުރަށް ލިބުނު ގެއްލުމާއި ޖަޒުބާތީ ގެއްލުމާ ކުރިމަތިވުމަކީ ދިރާގުގެ ސަބަބުން ދިމާވި ކަމެއް،" އެ ހުކުމުގައިވެ އެވެ.

ދެ ފަރާތުގެ ދެމެދުގައި ކުރިން އެއްބަސްވެފައި ނެތް ނަމަ ވަކީލުންގެ ފީ ނަގައި ނުދެވޭނެ ކަމަށް ހައި ކޯޓުން ކުރިން ނިންމާފައި އޮތަސް މި މައްސަލާގެ މައްޗަށް ހައި ކޯޓުގެ އެ އުސޫލު ނުހިނގާނެ ކަމަށް ހުކުމުގައިވެ އެވެ. ސަބަބަކީ ހައި ކޯޓުގެ އެ އުސޫލަކީ އެއް ހަމައެއްގައި ތިބި ދެ ފަރާތެއްގެ ދެމެދުގައި ޖެހުނު މައްސަލައަކާ ގުޅިގެން ކޮށްފައިވާ ހުކުމެއް ކަމަށް ވީ ނަމަވެސް މި މައްސަލައަކީ ތަފާތު ދެ ހާލަތެއްގައި ތިބި ދެ ފަރާތެއްގެ ދެމެދުގައި އޮތް މައްސަލައެއް ކަމަށްވާތީ ހުކުމުގައިވެ އެވެ.

އެ މީހާއަކީ ދިރާގުން ކުރާ އެއްބަސްވުންތަކަށް ބަދަލު ގެނައުމުގެ ބާރު ނެތް ފަރާތަކަށްވާއިރު ދިރާގުން އެއްބަސްވުމާ ޚިލާފްވެއްޖެ ނަމަ ވަކީލުންގެ ފީ އާ މެދު އަމަލުކުރާނެ ގޮތެއް އެ އެއްބަސްވުމުގައި ނެތް ކަން ހުކުމުގައި ފާހަގަކޮށްފައިވެ އެވެ. އެހެންވެ މައުސޫމް ފަރާތަށް އެކަމުން ލިބުނު ގެއްލުމުގެ ނަގައިދެވޭނެ ކަމަށް ހުކުމުގައިވެ އެވެ.

އައިފޯން ސިވިލް ކޯޓް ދިރާގު ސްމާޓް ފޯން

31 ކޮމެންޓް, 429 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޔޫތު

15 August 2016

ރަނގަޅު ނިންމުމެއް ކިމައް ފެންނަނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިލައުތުރު

15 August 2016

ރަނގަޅު މިވަރު ދޯ 160300

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިޔާތޮށި ރީދޫ އަސުރުމާ

15 August 2016

ފޯނެއް ނުލިބިގެ ލަދުގަންނަންޖެހޭތަ؟ ލަދުވެތިވާންވީ ކަންތަކާ ލަދުވެތިވެބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢެސް

14 August 2016

މަގޭ ފުރެނޑުގެ 6 އެސް އަދިވެސް ނުލިބޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޒްލީމް

14 August 2016

އަހަރެން ވެސް މިވަނީ ތިކަމުގަ ބައިވެރިވެ ލަޑުލިބިފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިލަދު

14 August 2016

ތިޔައީ އިންސާފުވެރި ބަދަލެއް ނޫން. ފޯނެއް ނުލިބުމުގެ ލަދުވެތިކަމޭ ކިޔާކަށް. ބޮޑި ކުންފުންޏަކާ އިދިކޮޅަށް މީހަކަށް ލިބުނު ފައިސާގަނޑަކަށް ވީމާ ކަމުޑާކަށް ނުޖެހޭ. ތިޔައިގެ އިދިކޮޅަށް އާދައިގެ މީހެއްގެ އަތުން ކުންފުންޏަށް ދޭންޖެހުނު ނަމަ ރަނގަޅު ވާނެބާ؟ އިންސާފަކީ ކޮންމެ ފަރާތަކަށް ކުރެވުނަސް ބަލާގަނެވޭ އުސޫލު. އަދި އެކަށީގެންވާ އަގުކުރެވޭ ބަދަލު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

15 August 2016

ބޮޑެތި ކުންފުނިތަކަށް އެނގެންޖެހޭ އާދައިގެ ކަސްޓަމަރުންގެވެސް ހައްގުތަކެއްވާކަން. އެކަށީގެންވާ ބަދަލަކީ އެއްހާސް ޑޮލަރުނަމަ ބޮޑެތި ކުންފުންޏަކަށް ނުވާނެ އެއީ އެއްވެސް އެއްޗަކަށް. ހަމަ އެފަދަ ކަންތައްތައް ރިފޯޓްކުރާނެ. ބޮޑު ކުންފުންޏަކާ އިދިކޮޅުވާން އެއީ މީހެއްތަ؟ ކުންފުނިތަކަކާ މީހުން އިދިކޮޅެއްނުވޭ. ކުންފުނިން ކަސްޓަމަރުންނާދޭތެރޭ ކަންތައްތައްކުރާގޮތަށް ފާޑުކިޔަނީ. ހިލޭ ކަންތައްތައް ކޮށްދޭށެކަށް މީހަކު ނުބުނޭ. ފައިސާދީފަ ގަންނަ ޚިދުމަތްތައް އެއްބަސްވެފައިވާގޮތަށް ނުކުރެވެންޏާ އޭގެ ހިތިކަމާއި ކުރިމަތިލާންޖެހޭނެ. ބިލުނުދެއްކީމަ ޚިދުމަތް ކަޑާލެވެންޏާ، ފައިސާދައްކާ ފެންވަރަށް ޚިދުމަތްނުދެންޏާ އެކަމާވެސް ކަނސްޓަމަރަށް ހައްގެއްއޮންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔަޤީން

14 August 2016

ތި ފޯނު ނުލިބުނު މީހަކީ ވަރަށް ހޭލުންތެރި، ކަންކަމަށް ލޯ ހިޅުވިފައި ވާ މީހެއްކަން ޔަޤީނެވެ. ކޮންމެއަކަސް އެމީހާ ތިފަދަ ހަރުދަނާ ކަމެއް ކުރީތީ އެމީހާ އަށް ސާބަސް ދެމެވެ. ޣާޟީ އަށް ސެލިއުޓް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ުހުސަންބެ

14 August 2016

ދެެންފަހެ ތިޔަހެންވެސް ކަންތައް ދިމާވާނެއެވެ. އެހެނީ ތިޔަގޮތަށް އިންސާފުވެރިކަމާއެކު މައްސަލަ ނިންމަވާނަމަ، ދިރާގު ކަހަލަ ކުންފުނިތަކުން ތިޔަކަހަލަ ކިތަންމެ ބަދަލު ލިބޭނެމީހުން މަދެއްނޫނެވެ. ޔައުނީ އިންޓަރނެޓް ފަދަ ޚިދުމަތްތަކުން ބޮޑެތި އަގުތައް މީހުންގެ އަތުން ނަގައިގެން ރަނގަޅު ފެންވަރުގައި ޚިދުމަތް ނުލިބުމަކީވެސް މީގެތެރޭގައި ހިމެނޭކަމެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ައަލީ

14 August 2016

ކޮންސިއުމަރ ޕޮރޮޓެކްސަން އިޒް ގުޑް، ބަޓް، މިކަން މިގޮތައް ކުރާ ނަމަ ޑެލަވަރީ ސާވިސް ދޭ ފަރާއް ތައްވެސް ސަމާލުވާން ޖެހޭ. ގަޑިޔައް ޑެލެވަރ ނުކުރެވިގެން ބަނޑުހައި ވުމުގެ ހުކުމް ބޮޑުވާނެ....