ނ. މަގޫދޫ: އެ ރަށުން 500 ރުއް ގެންދިއުން ކައުންސިލުން ވަނީ ހުއްޓުވާފައި.
22 ނޮވެމްބަރ 2018 - 11:51
18 comments
ނ. މެދުފަރުގައި ހަދާފައިވާ "ސޮނޭވާ ޖާނީ" އަށް އެ އަތޮޅު މަގޫދޫ އިން 500 ރުއް ގެންދަން އުޅުނީ އޮޅުވާލައިގެން ކަމަށް ބުނެ އެ ރަށުން ރުއް ގެންދިއުމުގެ ހުއްދަ ނުދޭން ނިންމާފައިވާ ކަމަށް އެ ރަށު ކައުންސިލުން މިއަދު ބުނެފި އެވެ.
ސޮނޭވާ ޖާނީން މަގޫދޫ ކައުންސިލަށް ހުށަހަޅާފައި ވަނީ އެ ރަށުގެ ތިން ސަރަހައްދަކުން 500 ރުއް ނެގުމުގެ ހުއްދަ ދިނުމަށެވެ. އެއީ އަމިއްލަ މީހުންގެ ރުއް ތަކަކަށްވާ އިރު އެ ރުއްތަކަށް ފައިސާ އިން ބަދަލުދީ ރުއް ނަގައިގެން ގެންދިއުމުގެ ހުރިހާ މަސައްކަތެއް ރިސޯޓްގެ ފަރާތުން ކުރާގޮތަށެވެ.
އެ ރުއްތައް ނެގުމުގެ މަސައްކަތް ކުރާ "ހިލްސައިޑް ވިލާ" ކުންފުނިން މަގޫދޫ ކައުންސިލަށް މި އަހަރު ފެބްރުއަރީ މަހު އެކަން ހުށަހެޅުމުން މަގޫދޫ ކައުންސިލުން ފޮނުވި ސިޓީގައި ބުނެފައި ވަނީ ރުއްތައް ނެގުމަށް ހޯދަން ޖެހޭ ހުއްދަތައް އެ ކުންފުނިން ހޯދުމަށް ފަހު ހުށަހެޅުމަށް އެދޭ ކަމަށެވެ.
މަގޫދޫން ރުއް ނެގުމަށް ހަމަޖައްސާފައިވާ ސަރަހައްދު--
އެންވަޔަރްމަންޓް ޕްރޮޓެކްޝަން އެޖެންސީ (އީޕީއޭ)ގެ ގަވައިދު ބުނާގޮތުން ރާއްޖޭގެ ރަށަކުން 200 އަށް ވުރެ ގިނަ ރުއް ނަގާ ނަމަ ތިމާވެއްޓަށް ދިމާވެދާނެ މައްސަލަތައް ބެލުމަށް، އެންވަޔަރަމަންޓް އިމްޕެކްޓް އެސެސްމެންޓް (އީއައިއޭ) ހަދަން ޖެހެ އެވެ.
ހިލްސައިޑް ވިލާ އިން ވަނީ މިދިޔަ އޮގަސްޓް މަހު އީއައިއޭގެ މަސައްކަތް ނިންމައި ރުއް ނެގުމުގެ ހުއްދަ ދިނުމަށް އެދި ރަށު ކައުންސިލަށް ހުށަހަޅައިފަ އެވެ.
މަގޫދޫ ކައުންސިލް މެމްބަރަކު ނަން ހާމަ ނުކުރަން އެދި މިއަދު ވިދާޅުވި ގޮތުގައި އީއައިއޭ ރިޕޯޓްގައި ދޮގު މައުލޫމާތުތަކެއް ހިމަނާފައިވާ ކަމަށެވެ. އެގޮތުން އެ ރުއްތައް ނަގަނީ ކައުންސިލްގެ ބޭނުމަށް އެރަށުގައި މަގު ހެދުން ފަދަ ޕްރޮޖެކްޓްތައް ކުރިއަށް ގެންދަން ކަމަށް ބުނެ ދޮގު މައުލޫމާތު ހިމަނާފައިވާ ކަމަށް އޭނާ ވިދާޅުވި އެވެ.
އީއައިއޭ ރިޕޯޓްގައި ދޮގު މައުލޫމާތު ހިމަނާފައިވާއިރު އެ ރިޕޯޓް ހެދުމަށް ކައުންސިލްގެ ފަރާތުން އެއްވެސް މައުލޫމާތެއް ނުހޯދާ ކަމަށްވެސް އޭނާ ވިދާޅުވި އެވެ.
"ރަށުގެ ކަންކަން އެނގޭނީ އަޅުގަނޑުމެނަށް ދެއްތޯ؟ އަޅުގަނޑުމެން ގާތު ނާހާ. އެހެންވީމަ އެ އީއައިއޭ އަށް ހުއްދަ ނުދޭން ނިންމައިފިން،" ކައުންސިލް މެމްބަރު ބިދާޅުވި އެވެ.
ކައުންސިލް މެމްބަރު ވިދާޅުވީ އެ ރުއްތައް ނެގުމަށް ހުށަހަޅާފައިވަނީ އެރަށުގެ ތިން ސަރަހައްދަކުން ކަމަށާއި އެ ސަރަހައްދުތަކުން 500 ރުއް ނަގައިފި ނަމަ މުޅި ސަރަހައްދުން ރުއް ހުސްވާނެ ކަމަށެވެ.
މީހުން އުޅޭ ރަށްރަށުން ގިނަ އަދަދެއްގެ ރުއް ނަގައިގެން ރިސޯޓްތަކަށް ގެންދަނީ ގަވާއިދަށް ފައްތަންވެގެން އެކި ސަބަބުތައް ދައްކައިފަ އެވެ. އެގޮތުން 200 އަށް ވުރެ ގިނަ ރުއް ނަގަން ސަރުކާރުން ހުއްދަ ދެނީ ރަށުގެ ރައްޔިތުންނަށް މުހިންމު ކޮންމެވެސް ކަމެއް ކުރަން ބިމެއް ބޭނުންވާ ނަމަ އެވެ. މިސާލަކަށް، ކުޑަކުދިންގެ ޕާކެއް، ކުނި ކޮއްޓެއް ނުވަތަ މަގުތައް ހެދުން ފަދަ ކަންކަމަށެވެ.
ރާއްޖޭގެ ރަށްރަށުން ރުއް ގަނެ، ރިސޯޓްތައް ފެހިކުރަން ގެންދިއުން ވަނީ ވަރަށް ބޮޑު މައްސަލައަކަށްވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަކީމް
22 November 2018
ތިއޮތީ ތިކުންފުނި ބޮޑުތަނުން ކުއްވެރިވަފަ ... ކުއްވެރިވާ މީހާއަށް އެއްވެސް އަދަބެއް މިރާއްޖައަކު ނުލިބޭނެ. މީ މޯޑިސް.
ހާނޫ
22 November 2018
އެންވަޔަރމެންޓް ޑިސްޓްރަކްށަން އޭޖެންސީ އަށް ބަދަލު ކޮއްލާ ތިޔަ އިދާރާގެ ނަން
މަހިންދަ
22 November 2018
އީޕީއޭގެ ބޭނުމެއް އެބައޮތްބާ ؟
ށ.އަތޮޅު މީހާ
22 November 2018
ވީމާ މިކަމުގައި އީ.ޕީ.އޭ ގެ އިހުމާލުވުން އެބައޮތް. ޝުކުރިއްޔާ މަގޫދޫ ކައުންސިލް.
ހަބީބާ
22 November 2018
މިއިީ އީޕީއޭއިން ރިޖެކްޓް ކޮށްފައި އޮތް ޕްރޮޖެކްޓެއް.. މިހާރު ނޫހުގެ މައުލޫމާތު ނުބައި.
އާންމުން
22 November 2018
199 ރުއް ފަހަރަކު ނަގާބަލަ، ކިތައްމެގިންއިން 199 ނެގިޔަސް އީއައިއޭ ބޭނުންނުވާނެ، ތިމާވެއްޓަށް ގެއްލުމެއްނުވާނެ
ނައީމާ
22 November 2018
މިހާރުން އީޕީއޭއިން މައުލޫމާތު ސާފުކޮށްފައި މިކަހަލަ ރިޕޯޓް ލިޔުމަށް އެދެން. ތި ޔަ ޕްރޮޖެކްޓަކީ އީޕީއޭއިން ރިޖެކްޓް ކޮށްފައި އޮތް ޕްރޮޖެކްޓެއް.
ސޭކުބެ
22 November 2018
ބިން ހުރި ރަށްރަށުގަ ރުއް ގަސް އިންދަން އަމިއްލަ ފަރާތްތަކަށް ހުއްދަ ދެއްވައިފިނަމަ މީގެ ފައިދާ ވަރަށް އަވަހަށް ދެފަރާތަށްވެސް ލިބިގެންދާނެ. މިސާލަކަށް ޖައުފާނަ ރުކެއް އިންދާދުވަހުން ފެށިގެން 3 އަހަރު ނުވަތަ 4 އަހަރުން ފޯދި އޭގެ ކުރުބާ ލިބެންފަށާ. މިއަދު ކުރުބައެއްގެ އަގު ހުރި ހިސާބު އެންމެންނަށްވެސް އެގޭ. އެހެންކަމުން އެއީ ރައްޔިތުމީހާއަށް ލިބިގެންދާ ބޮޑު އާއްމުދަނީއެއް. އަދި ސަރުކާރަށް އެބިމުން ކުލިވެސް ލިބިގެންދާނެ.
ސޭކުބެ
22 November 2018
މައްސަލައަކަށްވަނީ ކުރީޒަމާނާ ޚިލާފަށް މިހާރު އެއްވެސް ރަށެއްގެ އެއްވެސް ތަނެއްގައި (އެމީހެއްގެ ގޯތީގައި ފިޔަވައި) ރުއްދަޑު އިންދުމުގެ ހުއްދައެއް އެއްވެސް ރަށަކުން މިހާރު ދެމުން ނާންނާތީ. ހަރުދަނާ އުސޫލެއްގެ ދަށުން ރުއްގަސް އިންދުމުގެ ހުއްދަ އަމިއްލަ ފަރާތްތަކަށް ދެމުން އަންނަނަމަަ ރާއްޖޭގެ ރަށްރަށުން ރުއްގަސް ހުސްވުމުގެ ބިރު ކުޑަވެގެންދާނެ. ބިންހިއްކާފަވާ ރަށްރަށުގެ ބިން އެއްވެސް ބޭނުމެއްނުކޮށް ދިހަ ބާރަ އަހަރު އެބައޮވޭ.
ކަރީމުއްދީން ބާޝާ
22 November 2018
ރިސޯޓުތަކުން ތިމާވެށި ހމާޔަށްކުރަންށޭ ކިޔާފާ ބޮޑެތި ކޮންފަރެންސްތައް ބާއްވާނެ. އަދި އަހަރަކު 1 ދުވަހު ސްކޫލު ގުރޫޕެއް ގެންގޮސް ރިސޯޓުގެ ބީޗުދައްކާލާނެ. އެކަމަކު ފަރުދާގެ ފުރަގަހުގާ މުޅިން އެހެން މަންޒަރެއް.
ދީދީ
22 November 2018
އެއީ ހުރިހާ ރިސޯޓެއް ނޫން ދޯ؟ ރަނގަޅަށް ކަންކަން ކުރާ ރިސޯޓް ގިނައީ
ހަކީމް
22 November 2018
ދީދީ ... ކަރީމުއްދީން އެެދައްކަނީ މާތިމާވެށި ވެގެން އުޅޭ ސޮނެވާ ގެ ވާހަކަ. މީ މަހުޖަނުންގެ ހާލު .. ދެން ބަޔާނެއް ނެރޭނެ .. ތިމަންނާ މެނަކަށް ނުއެނގޭ "ހިލްސައިޑް ވިލާ" ގެ މަކަރުވެރިކަމެއް.
ސުޖާ
22 November 2018
ވަރައް ބޮޑު ނުރައްކަލެއް ތިއީ ރުކުގެ ޑިމާން ބޮޑުވެ މީހުން ދިރި އުޅޭ ރައްތައް ހަނަފަސް ތަނަކައްވަނީ! މިކަން ހުޓުވުމައް ބައިނައްއަގުވާ ކެންފޭނެއް ފަށައް ވެއްޖެ1 މިކަންވާނީ ޓުއަރިޓުން އަންނަގައުމުތަކުގެ ގުރީންފީސް ފަދަ ޖަމާތްތަ ކާ ގުޅިގެން ފަތުރުވެންނައް މިކަހަލަ އާޓިފިސަލު ރައްކައް ދިއުމަކީ ރާއްޖެ ހަލާކު ކުރުންކަން ވިސްނައިދީގެން