ހަކުރު: ސިއްހީ މައްސަލަތަކަށް މަގު ފަހިކުރުވާ އެއްޗެއް
17 އޯގަސްޓް 2016 - 06:35
1 comments
ޖަރުމަނުގެ ސައިންސްވެރިންގެ ދިރާސާއަކުން ދައްކާ ގޮތުގައި ލޭގައި ހުންނަ ހަކުރު ސިކުނޑިއަށް ނެގުމުގެ މަރުހަލާ ހުއްޓުމެއް ނެތި ކުރިއަށްދެ އެވެ. ހަށިގަނޑަށް ހަކުރު ނަގައި އޭގެ ބޭނުން ކުރާ ގޮތް އެނގިގެން ދިޔަ މި ދިރާސާ އަކީ ހަކުރު ބައްޔާއި ފަލަ ބައްޔަށް ފަރުވާއެއް ހޯދުމަށް ކުރަމުންދާ މަސައްކަތުގައި ލިބުނު ކުރިއެރުމެއް ކަމަށް ސައިންސްވެރިން ވަނީ ބުނެފަ އެވެ.
ހަށިގަނޑަށް އެތެރެވާ ހަކުރު އެންމެ ބޮޑަށް ބޭނުންކުރަނީ ސިކުނޑީގެ ސެލްތަކުންނެވެ. މިއުނިކްގެ ޓެކްނިކަލް ޔުނިވަސިޓީގެ ދިރާސާއިން އެނގުނު ގޮތުގައި މެޓަބޮލިޒަމް ކޮންޓްރޯލް ކުރުމާއި ބަނޑުހައިވުމުގެ އިހްސާސްކޮށްދިނުމުގައި މި ސެލްތައް، ކުރިން ހީކުރެވިފައިވާ ވަރަށް ވުރެ މާބޮޑަށް މަސައްކަތް ކުރެ އެވެ.
"ސެލް" ޖާނަލްގައި ޝާއިއުކޮށްފައިވާ މި ދިރާސާގެ ކުރިން ސައިންސްވެރިން ގަބޫލުކޮށްގެން ތިބީ ސިކުނޑި އަށް ހަކުރު ނަގަނީ ހަށިގަނޑުގެ އެހެން ގުނަވަންތަކާއި މަރުހަލާތަކުގައި ހަކުރު ނަގާ ބީދައިން ނުވަތަ އެހެން ގުނަވަންތަކަށް ހަކުރު އެތެރެވުމުގެ ނަތީޖާއެއްގެ ގޮތުން ކަމަށެވެ. އެކަމަކު ދިރާސާއިން އެނގުނީ ބްރެއިން ސެލްތައް މެޓަބޮލިޒަމް ކޮންޓްރޯލްކުރުމުގައި ވަރަށް ބޮޑު ދައުރެއް އަދާކުރާ ކަމަށާއި އެ ސެލްތަކުން ހަކުރަށް އިޖާބަ ދިނުން ވަކިން ބޮޑުކަމެވެ. މިއީ ކެއުމުގެ އާދަތަކާ ގުޅުން ހުރި ވަރަށް ގިނަ ބަލިތަކަށް ފަރުވާކުރުމުގައި އެހީއަކަށް ވާނެ ދިރާސާއެއް ކަމަށް ސައިންސްވެރިން ގަބޫލުކުރެ އެވެ.
ޚާއްސަ އިމޭޖިން ޓެކްނިކެއް ބޭނުންކޮށްގެން ކުރި ދިރާސާއިން އެނގުނު ގޮތުގައި އިންސިއުލިން އާއި ލެޕްޓިން ފަދަ ހޯމޯންތައް ބްރެއިލް ސެލްއާ އެކު ސިކުނޑިއަށް ހަކުރު ނެގުމުގައި ބައިވެރިވެ އެވެ. ސައިންސްވެރިން މި ޕްރޮސެސް ސިފަކޮށްފައި ވަނީ "ހަކުރު ސްވިޗެއް"ގެ ގޮތުގަ އެވެ.
ދިރާސާގައި ބައިވެރިވި ސައިންސްވެރިން ބުނެފައި ވަނީ ހަކުރު ބައްޔާއި ފަލަވާ ބައްޔަށް ބޭހެއް ހެދުން އެހާ އުނދަގޫ ކަމަކަށް ވެގެން އުޅެނީ މެޓަބޮލިޒަމްއާ ގުޅުން ހުރި ސެލްތައް ރަނގަޅަށް އެނގިފައި ނުވާތީ ކަމަށާއި އެކަމަކު މިހާރު އެކަން ވަރަށް ބޮޑަށް ސާފުވެ އުންމީދު އާވެއްޖެ ކަމަށެވެ.
ހަކުރުން ހަށިގަނޑަށް ލިބޭ ގެއްލުންތައް ސައިންސުން ކަށަވަރު ވަމުން ދާއިރު ހަކުރު ކޮންޓްރޯލްކުރުމަށް ގައުމުތަކުން ވަނި ފިޔަވަޅު އަޅަން ފަށައިފަ އެވެ. އެގޮތުން ބައެއް ގައުމުތަކުގައި ހަކުރު ހުންނަ ބާވަތްތަކުން ޓެކްސް ބޮޑުކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒަބީބު
17 August 2016
އަބަދުވެސް ހޯދުމުގައި ގިޔާމަތްވާނީވެސް ހޯދަހޯދާ ތިއްބާ ﷲ އަންގަވަނީ ޢިލްމުން ނުވަތަ ސައިންސުން މަދުއެތިކޮޅެއް މެނުވީ ތިޔަބައިމީހުނަށް އެބަހީ އިންސާނުނަށް ދެވިގެން ނުވެއެވެ. ޔޫރަޕު މީހުން ކުރިދިރާއަކުން ދައްކަނީ މިހާތަނަށް ހޯދުނުހާ ހޯދުންތަކާ އުފެއްދުންތަކަކީ އިންސާނާއަށް ލިބިފައިވާ ސިކުޑީގެ އެންމެ %5 ގެ ބޭނުން ކޮށްގެން ކުރެވިފައިވާ ކަންތަކެވެ. %95 ބާކީ އަދި ﷲ ގެ ވަހީބަސްފުޅުގައި އަންގަވާ ކުޑައެތިކޮޅުގެ ތެރެއިން ބޭނުން މިކުރެވުނީ ކިހާ ކުޑައެތިކޮޅެއްކަމާމެދު ވިސްނާލުން އަހަރުމެންގެ ނުކުޅެދުންތެރިކަން އިހްސާސުކުރެވޭނެއެވެ. އެކަމަކު ހެދިގެން މިއުޅެނީ ވަރަށް މޮޅުބައެއްކަމަށެވެ. އެހެންނޫންނަމަ މިފެންނަ ކިބުރުވެރިކަމާ ބޮޑާކަން ނުފެންނާނެއެވެ.