ޚަބަރު / އަހުމަދު މަހުލޫފް، ޔޫތު އެންޑް ސްޕޯޓްސް މިނިސްޓަރު

ދެ ބޭފުޅުން ވެސް ދެ ގައުމުގައި ކުރެއްވީ އެއް ކަމެއް، މިހާރު މިނިސްޓަރުން

ސައްޔިދާއި މަހްލޫފް:

ހަސަން މުހައްމަދު، މިހާރު

30 ނޮވެމްބަރ 2018 - 14:11

ރާއްޖޭގެ އެންމެ ޒުވާން އެއް މިނިސްޓަރާއި މެލޭޝިއާގެ އެންމެ ޒުވާން މިނިސްޓަރުގެ އެއްގޮތް ކަންތައްތަކެއް ހުއްޓެވެ؛ ދެ ބޭފުޅުން ވެސް މަސައްކަތްކުރެއްވީ ހުދުމުހުތާރު، ކޮރަޕްޝަން ބޮޑު ވެރިންތަކެއްގެ މައްޗަށް ކާމިޔާބު ހޯއްދަވާށެވެ.

އެންމެ ފަހުން ރާއްޖޭގެ މިހާރުގެ ޔޫތު އެންޑް ސްޕޯޓްސް މިނިސްޓަރު އަހުމަދު މަހުލޫފު، 38، އާއި މެލޭޝިޔާގެ ޔޫތު އެންޑް ސްޕޯޓްސް މިނިސްޓަރު ސައްޔިދު ސޯދިގު، 25، ކާމިޔާބު ހޯއްދެވި އެވެ. މީގެ ކުރިން ސޯދިގާއި މަހުލޫފް ބައްދަލުވީ މެލޭޝިއާ އިންނެވެ. އޭރު އެ ގައުމުގެ ބޮޑުވަޒީރު ނަޖީބު ރައްޒާގުގެ ވެރިކަން ނިމުމަކަށް ގެންނަވަން އޭނާ ދިޔައީ މަސައްކަތްކުރައްވަމުނެވެ. އަދި ރާއްޖޭގެ އޭރުގެ ރައީސް އަބްދުﷲ ޔާމީނާ އެންމެ ދެކޮޅު އެއް ބޭފުޅަކީ މަހުލޫފެވެ.

ދެ ގައުމުގެ އިންތިހާބު އިދިކޮޅު ޕާޓީތަކުން ކާމިޔާބުކުރުމާ އެކު މި ޒުވާން ސިޔާސީ ދެ ބޭފުޅުންނަށް ވެސް ލިބިވަޑައިގަތީ ޒުވާނުންނާ ގުޅޭ ދެ ދާއިރާއެކެވެ. އަދި އޭގެ ފަހުން މަހުލޫފާއި ސޯދިގު ފުރަތަމަ ފަހަރަށް ބައްދަލުކުރެއްވީ އިއްޔެ ސްރީ ލަންކާގެ ވެރިރަށް ކޮލަމްބޯގަ އެވެ.

"މިއަދު އަޅުގަނޑުމެން ދެ މީހުން މި ބައްދަލުވި އިރު ދެ މީހުންނަކީ ވެސް ޔޫތު އެންޑް ސްޕޯޓްސް މިނިސްޓަރުން،" ސްރީ ލަންކާގައި އޮތް ޔޫތު ސަމިޓްގައި ބައިވެރިވެވަޑައިގަންނަވަން ކުރެއްވި ދަތުރުގައި، ދެ ބޭފުޅުން ބައްދަލުކުރެއްވުމަށް ފަހު، މަހުލޫފް ކުރެއްވި ޓުވީޓެއްގައި ލިއުއްވި އެވެ.

"ރާއްޖެއަށް އެހީތެރިވާން އޭނާ [ސޯދިގު] ހުންނެވީ ތައްޔާރަށެވެ."

Last time we met, both of us were fighting to change 2 Kleptocratic Dictators in our countries. Today we met as Youth & Sports Ministers to discuss issues of mutual interest. @SyedSaddiq is the youngest Minister I’ve known & he’s ready to support Maldives extensively. 🇲🇻🇲🇾 pic.twitter.com/zr7NcB48AN
— Ahmed Mahloof (@AhmedMahloof) November 29, 2018

މެލޭޝިއާގެ އޭރުގެ ބޮޑުވަޒީރު ނަޖީބުގެ މައްޗަށް އިދިކޮޅު ފަރާތްތަކުން ހޯދީ ހައިރާންކުރުވަނިވި ކާމިޔާބީއެކެވެ. އެކަމަކު މެލޭޝިއާއާ ހިލާފަށް ރާއްޖޭގައި އޮތް ރިޔާސީ އިންތިހާބުގެ ކުރިން ވެސް ޔާމީނަށް ވުރެ ކުރީގައި އުޅުނީ އިދިކޮޅު ފަރާތްތަކުންކަން ލަފާކުރެވުނެވެ.

ނަޖީބާއި ޔާމީންގެ ވެރިކަމުގައި ދެ ބޭފުޅުންގެ މެދުގައި އޮތީ ވަރަށް ގާތް ގުޅުމެކެވެ.

ނަޖީބުގެ މައްޗަށް ހިޔާނާތުގެ ބޮޑެތި ތުހުމަތުތަކެއް ވަނީ ކޮށްފަ އެވެ. އޭނާގެ އެކައުންޓްތަކުގައި 700 މިލިއަނަށް ވުރެ ގިނަ ޑޮލަރު ހުރިކަން، އިންތިހާބުގެ ކުރިން އޮތީ ފަޅާއަރައިފަ އެވެ. އެކަމަކު އެއީ ސިޔާސީ ކަންކަމަށް އެހީތެރިވާން ސައުދީ އަރަބިއްޔާ އިން ދިން އެހީއެއް ކަމަށް އޭރު އޭނާ ވިދާޅުވި އެވެ.

މެލޭޝިއާ އަހުމަދު މަހުލޫފް، ޔޫތު އެންޑް ސްޕޯޓްސް މިނިސްޓަރު ރައީސް އަބްދުﷲ ޔާމީން ނަޖީބު ރައްޒާގް

23 ކޮމެންޓް, 154 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑިމޮކްރަޓިސްޓް

02 December 2018

ތީ މިނިސްޓަރުކަން ދޭންޖެހޭވަރު މީހެއްނޫން.. އަގަލެއް ނެތް ލަދުހަޔާތްނެތް މީހެއް.. ހިސްޓްރީ އޮތީ ކަޅުވެ ރައްޔިތުން ބަލައިނުގަންނަ ހިސާބުގަ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހޭ ފޭން

01 December 2018

މަހޭ މޮޔަގޮވަން އަދި މާއަވަސް.. ތަރީމާ ކަސީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮށީކޮއި ޢަލީގެ މުޙައްމަދު

01 December 2018

މެލޭސިޔާ މީހުންނެއް ޕޮލިހުންގެ ކަންފަތް މަތީގަ ޖަހާފަ ފިލަން މިސްކިތައް އަރައި އިންދާ ބާލާކަށް ނުޖެހޭނެ. މީނާ އެކަން ވެސް ކުރި، ދެން ކޮން ގޮތަކުން އެއްގޮތްވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮއްުލު

01 December 2018

މެލޭޝިއާ މީހުން ކުރާނެ ކަންކަން އެެއްމެ ރަނގަޅަށް އެނގޭ މީހާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޔާމީނު

02 December 2018

ކުރި ކަމެއްގެ ވާހަކަ، ކުރާނެ ކަމެއްގެ ވާހަކަ އެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުވާން ވުމަކީ؟؟؟

01 December 2018

ޒުވާން ވުމަކީ މީހާ ފެންނަން ހުންނަ ސަޅި ގޮތާއި، ފުރިހަމަ ޞިއްޚަތެވެ. ޢުމުރަކީ ނަމްބަރެކެވެ. އެ ދެކަމަށް ރިޢާޔަތްކޮށް ބުނާނަމަ ޢަލީ ވަޙީދަށްވުރެ މާބޮޑަށް ވެސް ޒުވާނީ މަޚްލޫފެވެ. ފުޓްބޯޅަ މެޗުން ވެސް އެކަން ވަރަށް ފުރިހަމައަށް ހާމަވި އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާތޭ

30 November 2018

ޙަސަނުބޭ، ރަނގަޅަށް އަދި ލިޔުން ކޮޅު ކިޔާލަބަލަ. އޭގަ އޮތީ އެންމެ ޒުވާން އެޢް މިނިސްޓަރޭ މަޚުލޫފަކީ. އެންމެނަށްވެސް އެނގޭނެތާ ރާއްޖޭގެ އެންމެ ޒުވާން މިނިސްޓަރަކީ ބޭބީ އަލީ ވަހީދު ކަން. ޓީވީއަށް އަރާވެސް އެވާހަކަ އިޢުލާން ކުރިވިއްޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންސާފް

30 November 2018

ހުދުމުހުތާރު އަދި ކޮރަޕްޝަނުގެ ނަމުގައި ކެމްޕެއިންކޮށް ވެރިކަމަށް އައިސް މިނިސްޓަރުންނަށްވެ، ރާއްޖޭގެ ކީ އެއަރޕޯރޓް ތަކުގައި އިންޑިއާ ސިފައިން ބޭތިއްބުމަކީ ހުދުމުހުތާރު ކަމަށްވުރެ އެތައްގުނައެއް ނުބައި ނުލަފާކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލައި

30 November 2018

ހިހި ވެރިކަން ނުމުމުން މަގާމު ލިބިލައްވާފި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާނުވާ

30 November 2018

މިހާރު ހަމަ ބުނާހާއެއްޗެއް ތެދަކަށްނުވާނެ....ތިގޮތަށް މިޤައުމުގެ ކިތަށް ކަންތަށް އޮޅުވާލައިގެން ގެނެސްދީފަވާނެ...ވިސްނާލައްވާ....ތިބޭފުޅުންގެ ޒިންމާ ތިއަށްވުރެ ހަރުދަނާކޮށް ތެދުބެރި ވާންޖެހޭ....އެހެންނޫންތޯ...ޤަބޫލުކުރިއަސް ނުކުރިއަސް ހަޤީޤަތަކީމީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިކޭނީބޯއި

30 November 2018

މަހުލޫފް އަކީ އަޅުގަނޑުމެން މިބޭނުން ވާ ޒާތުގެ ވަޒީރެއް ނޫން! މަހުލޫފު އަދީބު އާއި އޮތް ގުޅުން ސާފުވާ ދުވަހަކުން ރައްޔިތުންނަށް މަހުލޫފްގެ އަސްލު ސޫރަ ސާފުކޮށް ފެންނާނެ!