04 ޑިސެމްބަރ 2018 - 11:50
22 comments
ސެކަންޑަރީ ސްކޫލް ސެޓްފިކެޓް (އެސްއެސްސީ) އިމްތިހާނުގެ ދިވެހި އަދި އިސްލާމް މާއްދާގެ ޓެސްޓު ޕޭޕަރުތައް މާކް ކުރުމުގެ އުޖޫރަ ބޮޑުކޮށްދޭނެ ކަމުގެ ޔަގީންކަން ޑިޕާޓްމަންޓް އޮފް ޕަބްލިކް އެގްޒަމިނޭޝަނުން ދިނުމުން، ޓީޗަރުން ޕޭޕަރު މާކް ކުރަން މިއަދު ފަށައިފި އެވެ.
މިދިޔަ އާދިއްތަ ދުވަހު، ޕޭޕަރުތައް މާކް ކުރަން ފަށަން ނިންމާފައިވަނިކޮށް އެކަން ނުކުރަން ޓީޗަރުން ނިންމީ، މާކް ކުރާ ކޮންމެ ޕޭޕަރަކަށް ދެމުން އަންނަ އުޖޫރަ 40ރ. އިން 60ރ. އަށް ބޮޑު ކޮށްދޭނެ ކަމަށް ކުރިން ބުނެފައި އެކަން ހަމަޖައްސައި ނުދީގެންނެވެ.
އެ ދެ މާއްދާގެ ޕޭޕަރު މާކްކުރަން 66 ޓީޗަރުން މި ފަހަރު ނެގި އިރު މާކިންގައި ބައެއް ޓީޗަރުން ބައިވެރިއެއްނުވެ އެވެ. ޕޭޕަރު މާކް ކުރުމުގެ މަސައްކަތް ކުރަނީ މާލޭ ސްކޫލުތަކުގެ ހޯލްތަކުގައި ޓީޗަރުން ތިބެގެންނެވެ.
ނަން ހާމަ ނުކުރަން އެދި ޓީޗަރަކު ބުނި ގޮތުގައި މާކިންގެ މަސައްކަތް މިއަދު ފެށީ ޕޭޕަރަކަށް ދޭ އުޖޫރަ 60ރ. އަށް ބޮޑުކޮށްދޭން ޕަބްލިކް އެގްޒަމިނޭޝަނުން އެއްބަސްވުމުންނެވެ. ނަމަވެސް އެގްރިމެންޓުގައި އަދިވެސް އޮތީ 40ރ. ދޭ ގޮތަށް ކަމަށް އޭނާ ވިދާޅުވި އެވެ.
"އެގްރިމެންޓަށް ފަހުން އިތުރު ކޮށްދިނީ ޕޮއިންޓެއް. އޭގައި ބުނަނީ އުޖޫރަ ބޮޑުކޮށްދެވިދާނެ ކަމަށް. ނަަމަވެސް 60ރ. ދޭނެ ކަމަކަށް ނެތް. ދެން އެގްޒަމިނޭޝަނުން އަނގަބަހުން ޔަގީންކަން ދިން އެކަން [އުޖޫރަ 60ރ. އަށް ބޮޑު] ކޮށްދޭނެ ކަމަށް،" ޓީޗަރު ބުންޏެވެ.
"އަތޮޅުތެރެ އިން މާލެ އައިސް ތިބި ބައެއް ޓީޗަރުން ނިންމީ މިހާރު މާލެ އާދެވި އަތުން ހަރަދުތަކެއް ކުރެވިފައިވާތީ އާއި އަނގަބަހުން އެ ބޭފުޅުން ދިން ޔަގީންކަމުން އެކަން ކުރާ ގޮތަށް."
ދިވެހި އަދި އިސްލާމް މާއްދާގައި މި އަހަރު ޖުމްލަ 5،303 ދަރިވަރުން ބައިވެރިވެފައިވާއިރު އެ ޕޭޕަރުތައް މާކް ކޮށް ނިންމަން އޮތީ މިމަހު 15 އަށެވެ. ނަމަވެސް މާކް ކުރާ ޓީޗަރުން މަދުވުމާއެކު މިހާރު ނިންމާފައިވަނީ ރޭގަނޑާ ވެސް އެކުގައި މަސައްކަތްކޮށް މި މަހު 18 އަށް ނިންމުމަށް ކަމަށް ޓީޗަރުން ބުނެ އެވެ.
މާކް ކުރާ ޕޭޕަރަކަށް ދެމުން އަންނަ އުޖޫރަ ބޮޑު ކޮށްދިނުމަށް ޓީޗަރުން އެދޭތާ ގިނަ އަހަރުތަކެއް ވަނީ ވެފަ އެވެ. ޓީޗަރުން އެ ކަމަށް އެދެން ފެށީ މާކިންގައި އުޅޭ ގިނަ ޓީޗަރުންނަކީ ރަށްރަށުން އަންނަ ޓީޗަރުންނަށް ވެފައި މާލޭގައި ހުރުމާއި ކެއުމަށް ކުރަން ޖެހޭ ބޮޑު ހަރަދުގެ ސަބަބުން ޕޭޕަރު މާކްކޮށްގެން ލިބޭ އާމްދަނީން ދެކޮޅު ނުޖެހޭ ކަމަށް ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިސްނަބަލަ
05 December 2018
ކާކުތަ ދުވާލަކު 500 ރުފިޔާ ކުލީ ކޮޓަރިއަށް ދައްކައިގެން ދުވާލަކު ކެއުމަށް 200 ރުފިޔާ ހޮޓަލަށް ޚަރަދުކޮށްފަ 40 ރުފިޔާ އަށް ޕޭޕަރު މާކުކުރަން ދާނީ. ނާމާދު ވަގުތުތަކަށް ހުއްޓާފަ، ކެއުމުގެ ގަޑިތަކަށް ހުއްޓާފަ، ފެންވަރާ ފުރެޝްވެލަން މަސައްކަތް ހުއްޓާފަ ރަނގަޅަށް ފަރުވާތެރިކަމާއިއެކު ދުވާލަކު 25 ޕޭޕަރު މާކް ކުރެވޭނީ. އަދި ޗުއްޓީތެރޭގައި ޕޭޕަރ މާކުކުރަން ގޮސް ކީއްކުރަން ބޯގާނާކަށް. ފުދޭވަރެއްގެ ރަނގަޅު އެއްޗެއް ލިބޭނަމަ އޯކޭ.
ސަރާ
04 December 2018
ކަރިކިއުލަމް ލިޔާ މީހުން ވެސް މުސާރަ ބޮޑު ނުކުރީމަ މިހެން ހެދިނަމަދޯ. ޑިސިޕްލިން އަކީ މިގައުމުގަ ގުނޭ އެއްޗެއްނޫން.
ނީރާ
04 December 2018
ގިނަމީހުން ތިބެނީ ކުއްޔަކަށްވެސް ނުން
އެއްކަލަ އެދުރު
04 December 2018
ބުނާ ބަހުގެ އިތުބާރު އޮވޭތަ؟ ބަހާ އަމަލާވެސް ދިމާވާން ޖެހޭ. އަދި އަނގައިން އެއްޗެކޭ ކިޔަސް ރަސްމީކޮށް ލިޔުމުން އެންގީމަތާ ބަހުގެ ހުރި އިތުބާރެއްވެސް މަމެންނަށް އިނގޭނީ
ސަސް
04 December 2018
ހޭބަލިވެގެންތަ 40ރ ދޭން ބުނެފައި އޮތް މަސައްކަތަކަށް ކުރިމަތިލީ. މާފަހުންތަ އެނގުނީ މާލެއަށްކަން އަންނަންޖެހެނީވެސް ؟ ތިވަރު އޮޅުންނުފިލާ ބަޔަކަށް ކޮން ޕޭޕަރެއް މާކް ކުރެވޭނީ
ްޤާރޫން
04 December 2018
ތިތިބީ ލާރިއާ ހެދި ބޫތު ކައިފަ އެއްނުން.
އައިވިލްސީ
04 December 2018
މިގޮތަށް ޓެސްޓް ޕޭޕަރ ބަޔަކު ލައްވާ މާކުރާއިރު ޕޭޕަރުގެ ނަތީޖާއާއި މެދު ޝައްކު އުފެދިއްޖެ. ކުރާހިތުން ކުރާކަމަކަށް މިކަމެއް ނުވޭ. ގިނަ ފައިސާ ހޯދަން ގިނަ ޕޭޕަރު މާކު ކުރުމުގެ ރޫހެއް ހުންނާނީ.. ކަންފަސޭހަކޮށް ޕޭޕަރު މާކުކުރުމުން މާކްސް ދޭންޖެހޭ ތަނަކަށް މާކްސް ނުދީ ޕޭޕަރ ނިއްމާލެވިދާނެ. ހުތުރުކޮށް ލިޔެފަ ހުރިނަމަ އުނދަގުލުން ކިޔުމުގެ ބަދަލުގައި ދަށް މާކުހެއް ޖަހާފަ ސުވާލަކަށްފަހު ސުވާލެއް ނިއްމަމުން ގޮސްވެސް ޕޭޕަރ މާކްކޮށް ނިއްމާލާފާނެ.
ށަރީ
07 December 2018
ތިމަންނަ މެންނަށް ވާަނުވާ ނޭގޭ ވާހަކަ ނުދެއްކުން ރަނގަޅު.
ސާދާސީދާ
04 December 2018
ޔުނިވަރސިޓީ ކޮލެޖްތަކުގެ ފައިނަލް އެގްޒޭމް ޕޭޕަރު މާރކުކުރުމުން ލިބެނީ ޕޭޕަރަކަށް 25 ރުފިޔާ ( ވިލާ ކޮލެޖް)، 35 ރުފިޔާ (ޤައުމީ ޔުނިވަރސިޓީ). އެކަމަކު ޘާނަވީ އަދި މަތީ ޘާނަވީ ޕޭޕަރު މާރކްކޮށްގެން ޕޭޕަރަކަށް 60 ރުފިޔާ! ތީތި ކަޑައޭ!
ދޮންބީފާނު
04 December 2018
މުއޮތީ ރީނދޫ ސަރުކާރު. އެގްރިމެންޓަކަށްވެސް އަމަލު ކުރާ ވައެއް ނޫން. އަނގަބަހުން ބުނިި އެއްޗެއް ބުނިި ކަމަށްވެސް ނުވާނެ. ތީ ކޮން ބައެއް. ދެކިބަލަ ކޯޅޭޝަން އެއްބަސްވުމަށް ވީގޮތް. ދެން ތިހެން ތެޅޭ. ތިތިބީ ރަނގަޅަށް ބޮނޑި ބޮއިގެން.
އުޖޫރަ
04 December 2018
ކާކުތަ މިގައުމުގަ ދެކޮޅުޖެހިގެން އުޅެނީ، ތިގޮތަށް ދެކޮޅުޖައްސަން ވެއްޖެއްޔާ މިގައުމުގަ ހުރިހާކަމެއްވެސް ކުރަން ޖެހޭނީ އިހުތިޖާޖުން މިދެން ވަރަށް ވާހަކަ