ޚަބަރު / އަބްދުﷲ އަމީން، ކުރީގެ ހެލްތު މިނިސްޓަރު

ސިއްހީ ދާއިރާގެ ހާލަތު ބެއްލެވުމަށް ހެލްތު މިނިސްޓަރު އަމީން އައްޑޫގައި

ހެލްތު މިނިސްޓަރު އަމީން މިއަދު އެޗްއާރްއެޗަށް ކުރެއްވި ޒިޔާތުގެ ތެރެއިން. ފޮޓޯ: ހެލްތު މިނިސްޓްރީ

އަހުމަދު އަދްޝަން، މިހާރު

06 ޑިސެމްބަރ 2018 - 18:45

ހެލްތު މިނިސްޓަރު އަބްދުﷲ އަމީން މަގާމާ ހަވާލުވެވަޑައިގަތް ފަހުން އަތޮޅަކަށް ކުރައްވާ ފުރަތަމަ ދަތުރުގައި މިއަދު އައްޑު އަށް ވަޑައިގެން އައްޑޫގެ ސިއްހީ ދާއިރާގެ ކަންކަން ހުރި ނެތް ގޮތް ބެއްލުމުގެ މަސައްކަތް ފައްޓަވައިފި އެވެ.

މިނިސްޓަރު އައްޑު އަށް ވަޑައިގެންނެވީ މިއަދު މެންދުރުގެ ވަގުތެއްގަ އެވެ.

އަމީން އައްޑު އަށް ވަޑައިގެން އެންމެ ފުރަތަމަ ޒިޔާރަތް ކުރައްވާފައި ވަނީ ހިތަދޫ ރީޖަނަލް ހޮސްޕިޓަލް (އެޗްއާރްއެޗް) އަށެވެ. އެގޮތުން ހޮސްޕިޓަލްގެ މެނޭޖްމަންޓާއި ސްޓާފުންނާ ބައްދަލު ކުރައްވައި، މި ވަގުތު ހޮސްޕިޓަލްގެ މަސައްކަތް ހިނގަމުންދާ ގޮތާއި ހުރި ދަތިތަކާއި މުވައްޒަފުންގެ ހުރި ކަންބޮޑުވުންތައް ވެސް އޮޅުންފިލުއްވާފައިވެ އެވެ.

Minister of Health @ameenex, State Minister @DrShahMahir & officials receive a warm welcome at Gan int airport pic.twitter.com/UMSMSDzt6N
— Min of Health_mv (@MoH_mv) December 6, 2018

ހެލްތު މިނިސްޓްރީގެ ޓްވީޓެއް.

އެޗްއާރްއެޗްގެ އިތުރުން ހިތަދޫގައި ސިމްޑީ ގްރޫޕުން ހިންގާ ހޮސްޕިޓަލް އައިއެމްޑީސީ އަށް މިއަދު ހަވީރު ވަޑައިގެން އެތަނުގެ މަސައްކަތް ވެސް ކުރިއަށްދާ ގޮތަށް މިނިސްޓަރު އަމީން ވަނީ ބައްލަވާލައްވައިފަ އެވެ.

Minister meets with staff of Hithadhoo Regional Hospital #HRH and discussed staff related areas and ongoing works/challenges pic.twitter.com/Olx994Slsr
— Min of Health_mv (@MoH_mv) December 6, 2018

ހެލްތު މިނިސްޓްރީގެ ޓްވީޓެއް.

ދެ ދުވަހުގެ މުއްދަތަށް އައްޑު އަށް ހެލްތު މިނިސްޓަރު ކުރައްވާ ދަތުރުގައި އައްޑޫގެ ޕަބްލިކް ހެލްތުގެ މަސައްކަތްތަކަށް ހާއްސަކޮށް މަރަދޫފޭދޫގައި ގާއިމުކޮށްފައިވާ ދަމަނަވެއްޓަށާއި މަރަދު އާއި ފޭދޫ ސިއްހީ މަރުކަޒަށް މިރޭ ވަޑައިގެން އެތަންތާގެ މުވައްޒަފުންނާ ވެސް ބައްދަލު ކުރައްވާ ގޮތަށް ވަނީ ހަމަޖެހިފަ އެވެ.

Minister of health @ameenex and team meet with the general staff of Hithadhoo Regional Hospital and listened to urgent issues and staff concerns pic.twitter.com/F0684XWui3
— Min of Health_mv (@MoH_mv) December 6, 2018

ހެލްތު މިނިސްޓްރީގެ ޓްވީޓ

އަދި މާދަމާ މިނިސްޓަރު އައްޑޫ ސިޓީ ކައުންސިލާ ބައްދަލު ކުރެއްވުމަށް ފަހު، އިކްޓޯރިއަލް ކޮންވެންޝަން ސެންޓަރު (އީސީސީ) ގައި މިހާރު ގާއިމު ކުރަމުން އަންނަ 100 އެނދުގެ އާ ހޮސްޕިޓަލްގެ އެންމެ ފަހުގެ މަސައްކަތްތައް ބައްލަވާނެ އެވެ.

މީގެ އިތުރުން މާދަމާ މެންދުރު ފަހު މިނިސްޓަރު އަމީން ހުޅުމީދު އަށް ވަޑައިގެން އެރަށުގެ ސިއްހީ މަރުކަޒަށް ޒިޔާރަތް ކުރައްވައި މުވައްޒަފުންނާ ބައްދަލު ކުރައްވާ ގޮތަށް ވަނީ ހަމަޖެހިފަ އެވެ.

ހެލްތު މިނިސްޓްރީން ބުނި ގޮތުގައި މިނިސްޓަރު އަމީންގެ އައްޑޫ ދަތުރު ނިންމަވާލައްވައި މާލެ އަށް ފުރާވަޑައިގަންނަވާނީ މާދަމާ ހަވީރު އެވެ.

ސ. ފޭދޫ ސ. ހިތަދޫ އައްޑޫ ސ. މަރަދޫ ސ. ހުޅުމީދޫ ހިތަދޫ ރީޖަނަލް ހޮސްޕިޓަލް ސ. މަރަދޫ ފޭދޫ އައި.އެމް.ޑީ.ސީ އަބްދުﷲ އަމީން، ކުރީގެ ހެލްތު މިނިސްޓަރު

10 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަން ދީދީ

07 December 2018

ދެފަޔަށް ހިނިއަރައިގެން ދޯހަޅި ސިޔާސަތުތަކެއް އެކުލަވާލައިގެން ޓުވިޓާގައި މެޑަލް ނުޖައްސަވާނެ. ކޮންމެ ފިޔަވަޅެއް އެޅުމުގެ ކުރިން ދުރަށް ވިސްނަވާ ރައްޔިތުންނަށް މަންފާހުރިގޮތަށް ދިގުދެމިގެންދާ ސިޔާސަތުތައް އެކުލަވާލާނީ ހިންގުމުގެ ނިޒާމް ހަރުދަނާ ކުރުމުގެ މާތް މަގުސަދުގައި. މިއީ ނޫންތޯ އަޅުގަނޑުމެން ދެކެންބޭނުންވާ ލީޑަރުންނަކީ. ތިގޮތަށް ކުރިއަށް ވަޑައިގަންނަވާ މިނިސްޓަރ އަމީން! ތި ގޮތަށް ކުރިއަށް ދެވޭކަމުގައިވާނަމަ ރައްޔިތުންތިބޭނީ މަނިކުފާނާއެކު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާދިރާ

07 December 2018

އައްޑޫއަކީ މާލެ ފިޔަވައި އާބާދީ އެންމެ ބޮޑުތަން. އެންމެ ފުރަތަމަ އައްޑޫއިން ފެށުމަކީ ހަމަ އެެއްވެސް މައްސަލައެއް އޮންނަންޖެހޭ ކަމެއް ކަމަކަށް ނުފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަލީމް

07 December 2018

ވާހަކަ މަދު، އަމަލު ގިނަ - މިއީ މިނިސްޓަރ އަމީންއަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތުންގެ ވިންދު

07 December 2018

އަމީންގެ ހިވާގިކަމާއި މުރާލިކަމަކީ އަޅުގަނޑުމެންނަށް އާ ކަމެއް ނޫން. 2013 ވަނަ އަހަރުގެ އިންތިހާބުގައި ވެސް އަދި ނިމިދިޔަ އިންތިހާބުގައިވެސް ގިނަގުނަ މަސައްކަތްކުރިތަން ފެނިފައިވޭ. މި ގައުމުގެ އިސް ސަފުން އަޅުގަނޑުމެން ދެކެން ބޭނުންވަނީ ތިޔަފަދަ ޤާބީލު، ރައްޔިތުންގެ ހާލުބަލާ އަދި ރައްޔިތުންގެ ވިންދާ އެެއްގޮތަށް ކުރިއަށްދާމީހުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިހަންޖާ

07 December 2018

ދެން ބުނޭ އައްޑު ހޮސްޕިޓަލް ނިމޭނީ 2 އަހަރު ފަހުންނޭ. ދަރުމަވަންތަ ބަލާފަވެސް ބުނީ އެކަހަލަ އެއްޗެއް ވިއްޔާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާއިމާ، އައްޑޫ ސިޓީ

06 December 2018

މަރުހަބާ މިނިސްޓަރ އަމީން. ތިހާ އަވަހަށް މި ސިޓީގެ ސިއްހީ ދާއިރާގެ ހާލަތު ބައްލަވައިލައްވަން އަދި އެއްވެސް މިނިސްޓަރަކު މަޤާމާ ހަވާލުވުމަށްފަހު ވަޑައިނުގަންނަވާ. ވަރަށް އުފާވެއްޖެ ތިޔަފަދަ ހިންގުންތެރި އަދި ހިންގަން ބޭނުންވާ ވެރިއަކާ ބައްދަލުވީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށިން

06 December 2018

ދެންބަލާފަ ކޯޗެއް އިގުނީ. ކުރިން ނޭންގޭ އެއްވެސް އާ ކަމެއް އިގުނުތަ. ނޭންގުނުނަމަ ބޭކާރު ދަތުރެއް. ނޫސްވެރިން ވެސް ސުވާލު ކޮއްބަލަ. އެއީ ޓުވަރިސްޓެ ނޫނޭ.