ހިޔާ މަޝްރޫއުގެ ފްލެޓަށް އެދުމަށް ބަޔަކު ކިއު ދަމާލާފައި.-- ފޮޓޯ: ނިޝާން އަލީ/ މިހާރު
12 ޑިސެމްބަރ 2018 - 10:18
25 comments
ފާއިތުވި އަހަރުތަކުގައި ހިންގި ބޯހިޔާވަހިކަމުގެ މަޝްރޫއުތައް ކުރިއަށް ގެންދިޔަ ގޮތް ބަލަން ފަސް މެމްބަރުންގެ ކޮމެޓީއެއް އުފައްދަން ރައީސް އިބްރާހިމް މުހައްމަދު ސޯލިހު އިއްޔެ ނިންމަވައިފި އެވެ.
ރައީސް އޮފީހުން ބުނި ގޮތުގައި "ހިޔާ މަޝްރޫއު" އާއި "ގެދޮރުވެރިކުރުމުގެ މަޝްރޫއު" އަދި "ގުޅިފަޅު ހައުސިން ޕްރޮޖެކްޓް" އާ ގުޅިގެން ރައްޔިތުން ހުށަހަޅާ ޝަކުވާތަކާއި އެ މަޝްރޫއުތަކާ ގުޅުންހުރި ހުރިހާ މައްސަލަތައް ބެލުމަށް ކޮމެޓީއެއް އުފައްދަން ނިންމެވީ ވަޒީރުންގެ މަޖިލީހުގެ ޖަލްސާގައި އެކަމާ މެދު މަޝްވަރާ ކުރެއްވުމަށް ފަހު ކަމަށެވެ.
އެ ކޮމެޓީގެ މަސްއޫލިއްޔަތުތަކުގެ ތެރޭގައި ގެދޮރުވެރިކުރުމުގެ މަޝްރޫއާ ގުޅޭގޮތުން ސަރުކާރަށް ލިބޭ ޝަކުވާތައް ދިރާސާކޮށް، އެ ކަންކަމާމެދު އަމަލުކުރާނެ ގޮތުގެ ލަފައެއް ރައީސަށް އެރުވުން ހިމެނެ އެވެ. އަދި، ހިޔާ މަޝްރޫއުގެ ދަށުން ފްލެޓު ލިބުނު ކަމަށް ކަނޑައަޅާފައިވާ މީހުންގެ ލިސްޓްތައް އަލުން ރިވިއުކޮށް، ޕޮއިންޓް ދީފައިވަނީ އުސޫލާ އެއްގޮތަށްތޯ ކަށަވަރުކުރުން ވެސް ހިމެނެ އެވެ. އޭގެ އިތުރުން ފްލެޓްތައް ދިނުމުގައި އުސޫލުން ބޭރުން ކަންކަން ކުރުމުގައި އަމަލީގޮތުން ބައިވެރިވި ފަރާތްތައް ހޯދައި، އެ ފަރާތްތަކާމެދު އަމަލުކުރާނެގޮތުގެ ލަފާ ރައީސަށް އެރުވުމަކީ ވެސް އެ ކޮމިޓީގެ މަސްއޫލިއްޔަތުތަކުގެ ތެރޭގައި ހިމެނޭ ކަންކަމެވެ.
ހިޔާ މަޝްރޫއާއި ގެދޮރުވެރިކުރުމުގެ މަޝްރޫ އާއި ގުޅިފަޅު ހައުސިން ޕްރޮޖެކްޓުގެ ދަށުން ކަންކަން ކުރިއަށް ގެންގޮސްފައިވާ ގޮތް ރިވިއުކޮށް، ފްލެޓް ހައްގުވާ ފަރާތްތަކަށް އެންމެ އިންސާފުވެރިކޮށް ފްލެޓް ކަށަވަރުކޮށްދިނުމުގައި ރައީސުލްޖުމްހޫރިއްޔާ އަށް ލަފާ އަރުވާނީ އެ ކޮމިޓީން ކަމަށް ރައީސް އޮފީހުން ބުނެފައިވެ އެވެ.
ވަޒީރުންގެ މަޖިލީހުގެ ލަފައާ އެއްގޮތަށް ރައީސް ވަނީ ގުޅިފަޅު ހައުސިން ޕްރޮޖެކްޓަށް ފައިސާ ދައްކާފައިވާ މީހުންގެ ތެރެއިން ފްލެޓް ލިބިފައިނުވާ މީހުންނަށް ބަދަލު ދިނުމަށް ނިންމަވައިފަ އެވެ. ހުޅުމާލޭގެ ދެ ވަނަ ފިޔަވަހިން 80،000 މީހުންނަށް އަމާޒުކޮށް ކުރީގެ ރައީސް އަބްދުﷲ ޔާމީންގެ ސަރުކާރުން ފެށި ހިޔާ މަޝްރޫއުގެ ފްލެޓު ލިބޭ މީހުން ވަނީ އޭރުގެ ސަރުކާރުން ކަނޑައަޅައިފަ އެވެ. އަދި ފްލެޓު ލިބުނުކަމުގެ ލިޔުން ވެސް ހަވާލުކުރި އެވެ.
ގުޅިފަޅު ހައުސިންނަކީ ކުރީގެ ރައީސް މުހައްމަދު ނަޝީދުގެ ސަރުކާރުން ފެށި ޕްރޮޖެކްޓެކެވެ. ނަމަވެސް ޑރ. މުހައްމަދު ވަހީދުގެ ސަރުކާރުން އެ މަޝްރޫއު ވަނީ ހުއްޓާލައިފަ އެވެ.
ބޯހިޔާވަހިކަމާ ގުޅޭ އެ ނިންމުންތަކަކީ، ސަރުކާރުގެ ފުރަތަމަ 100 ދުވަހުގެ ތެރޭގައި ފުރިހަމަކުރަން ނިންމާފައިވާ ކަމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހާސަރު
13 December 2018
ހައުސިންގަ މަސައްކަތް ކުރި ވަރަށް ގިނަ ބަޔަކަށް ކަންތައްތައް އެގޭނެ. ޢައިޑީ ކާޑުނުޖަހާ މިނިސްޓަރ ލިސްޓަށް ދިންގޮތްވެސް އެގޭނެ. ކޮމިޓީއަށް ތެދު މައުލޫމާތުދީގެން ވަރަށް ގިނަ ބައެއްގެ ހައްގު ހޯދާދެވިދާނެ.
ޢަލިދީދީ
12 December 2018
ގުޅިފަޅު ފުލެޓުގަންނަން ލައްކައިން މިލިއަނުން ފައިސާދެއްކިތާ މިހާރު 9 އަހަރު! ސީދާ ރައީސްޔާމީނު އެކަންހުއްޓުވާފަ އޮތީ! އަދި އަނިޔާވެރިކަމުން އޭނާގެ 18 ޢައުވާނުންނަށް ހުޅުމާލެއިންފުލެޓުދިނީ، ބާކީ 140 މީހުނަށް ނުދީ!12 މެންބަރުންނަށް މިލިއަނުން ބަދަލުދިނިއްޔާ 9 އަހަރަށް އަހަރެމެންނަށް ބިލިއަނުންދޭންޖެހޭނެ! ވަރިހަމަ ޔާމީނުގެ ގެ ނޫނީ ކިޑުނީ ވިއްކައިގެންވިޔަސް! އެހެންނޫނީ އިންސާފެއްނެތް! ﷲ އެމީހުނަށް މިކަމުގެ ޖަޒާދައްކަވާށި! ނުބައިކަމެއްގެ ބޮޑުކަމާ!
ދުރުމި
12 December 2018
އެގާރަހާސް ރައްޔިތުްގެ ހައްގަށް ތިޔަ ކޮމިޓީން އަރައި ނުގަތުމަށް ގޮވާލަން، ފުލެޓް ހައްގުވާ ބަޔަކު ތިބިނަމަ އެމީހުނަށް އިތުރު ފުލެޓް އެޅުމަށް މި ގާބިލް ސަރުކާރަށް ގޮވާލަން، ގުޅީފަޅުން ފުލެޓް ލިބުނު މީހުންނަށް ނިމުނު ސާރުކާރުން އަމަލުކުރި ގޮތުން އެސަރުކާރަށް އެންމެ ބޮޑަށް ފާޑުކީ މިސަރުކާރުން، އެކަން ކަމުނުގޮސްގެން މިސަރުކާރު ގެނައީ، ވިމާ މިސަރުކާރުން އެބަޖެހޭ ކުރީގެ ސަރުކާރުގެ ނިންމުންތަކަށް އިހުތިރާމް ކުރަން،
އަސްލުހާލަތު
12 December 2018
ހައްޤަކަށް ނާރާ.. ނުހައްޤަށް އަރަނީ.. އޮޅުވާނުލައްވާ
އިންސާފު ނުލިބި
12 December 2018
ކުރީގެ ނުހައްގުން ފުލެޓް ބެހިއިރުގެ ލިޔެކިޔުންތައްވެސް ނައްޔާލާފައިވަނީ، އެޖަރީމާގައި ބައިވެރވި މީހުންނަށް ފިޔަވަޅު އަޅަންޖެހޭ، އަދި ހައްގު ނުލިބިފަތިބި ނިކަމެތި ރައްޔިތުމީހާއަށް އަވަސް ހައްލެއް ހޯދަން އެބަޖެހޭ، އެއީ މިސަރުކާރުން ހޯދައިދޭނެ އެންމެ އެއހައްގު،
އިންސާފު ނުލިބި
12 December 2018
ކުރީގެ ނުހައްގުން ފުލެޓް ބެހިއިރުގެ ލިޔެކިޔުންތައްވެސް ނައްޔާލާފައިވަނީ، އެޖަރީމާގައި ބައިވެރވި މީހުންނަށް ފިޔަވަޅު އަޅަންޖެހޭ، އަދި ހައްގު ނުލިބިފަތިބި ނިކަމެތި ރައްޔިތުމީހާއަށް އަވަސް ހައްލެއް ހޯދަން އެބަޖެހޭ، އެއީ މިސަރުކާރުން ހޯދައިދޭނެ އެންމެ އެއހައްގު،
ބަސްފޮތް..
12 December 2018
ކޮމިޓީން ބަލައި ފިޔަވަޅު އަޅާތި ސަރުކާރުގެ ވަޒީފާގަ ތިބި އެހެން މުވައްޒަފުންނާ ސިވިލް ސަރވަންޓުނއނާ ތަފާތު ކުރާ މައްސަލަ.. ޔާމީނާ މުއިއްޒު ހީކުރީ ސަރުކާރު މުވައްޒަފުންނަކީ ހަމައެކަނި ސިވިލް ސަރވިސް މުވައްޒަފުންކަމަށް
ޙައްގުމީހާ
12 December 2018
އެންމެ ފަހުން މީހުން ވައްދާފަތިބި ފުލެޓް ތަކުގެ މަސައްސަލަ ބަލަންޖެހޭ، ކޯޑިނޭޓަރ އިންނާއި ވެރިންގެ ލިސްޓައް، ފުލެޓް ބަހާފަ އެހެރީ އެއްވެސް އިންސާފެއްނެތި، މިހާރު 1އަހަރު ވީއިރު އެއްކަލަ ހައްޤުމީހާ އެދަތި ހާލުގަ ކުލިދައްކަދައްކާ، ބަނޑަށް ކުޅު ޖަހައިގެން، އެމީހުން އެފުލެޓްތައް ކުއްޔައްދީފަ، މިއީ ވަރަށްބޮޑު އަނިޔާއެއް ދުވަހަކުވެސް މާފެއް ނުކުރެވޭނެ
ޡާޒޫ
12 December 2018
ފުލެޓުބިންތިބޭ މީހުންނަވެސް ފުލެޓުއެބަހުރި ލިބިފައެކަމަކު އެތަންތާ ހުރީކުއްޔަ ދީފަ ކޮންމެބަޔަކުވެސް މޮޅުވާހަކަ ދައްކާނެ.................
ވެށިފަހި ޖަރީމާ
12 December 2018
ވެށި ފަހި ޕްރޮގްރާމްގެ ދަށުން މޑޕ މީހުންނަށް ހިލޭ ގޯތި ދިން މައްސަލަ ބަލާނެ ތޯ؟
ޢަލިޔާ
12 December 2018
ރިވިއުކޮށް ހައްގު ފަރާތްތަކަށް ފުލެޓްދީ މަކަރުވެރިންނަށް އަދަބު ދިނުން އޯކޭ. ޢެކަމު އަލުން ފުލެޓަށް ހުޅުވާލުމާ ދެކޮޅު، ސަބަބަކީ ކޮއްމެ ފަރާތަކަށްވެސް ފުލެޓަށް ޝަރުތު ހަމަވާ ކެޓަގަރީއަށް ހުށައެޅުމަށް ފުރުސަތު ލިބިފައިވާތީވެ، އަލުން ހުޅުވާލާފިނަމަ އަނެތް ކޮޅުވެސް އެބައޮތްދޯ!