ވެލާނާ އިންޓަނޭޝަނަލް އެއާޕޯޓުގައި ޕާކުކޮށްފައިވާ މޯލްޑިވިއަންގެ ބޯޓުތަކެއް. ފޮޓޯ: ހުސެއިން ވަހީދު/ މިހާރު
12 ޑިސެމްބަރ 2018 - 18:58
50 comments
އެތެރޭގެ އުދުހުންތަކުގެ އަގުހެޔޮކޮށް ކުރިއަށް އޮތް ދެ ދުވަހުގެ ތެރޭގައި އިއުލާނުކުރާނެ ކަމަށް ޓްރާންސްޕޯޓް އެންޑް ސިވިލް އޭވިއޭޝަން މިނިސްޓަރު އާއިޝަތު ނަހުލާ މިއަދު ވިދާޅުވެއްޖެ އެވެ.
އެ މިނިސްޓްރީގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން މިނިސްޓަރު ވިދާޅުވީ އެތެރޭގެ އުދުހުންތަކަށް ބަދަލު ގެނައުމާ ގުޅޭ މަސައްކަތުގެ 60 ޕަސެންޓް ނިމިފައިވާ ކަމަށެވެ. އެކަމުގައި ދެން އޮތީ އަގުތައް ފައިނަލްކުރުން ކަމަށް ވިދާޅުވި އެވެ.
އެތެރޭގެ އުދުހުންތަކުގެ އަގުހެޔޮކުރުމަކީ މި ސަރުކާރުގެ ފުރަތަމަ 30 ދުވަހުގެ ތެރޭގައި ކުރަން ހަމަޖައްސާފައިވާ ކަމެކެވެ. އެ ވައުދު ފުއްދުމަށްޓަކައި ބާކީ އޮތީ ފަސް ދުވަހެވެ.
އައިޝާ ވިދާޅުވީ އުދުހުންތަކުގެ އަގުހެޔޮކުރަން ސިވިލް އޭވިއޭޝަން އޮތޯރިޓީއާއެކު މަސައްކަތްކޮށް އަގުތަކެއް ކަނޑައަޅާފައިވާ ކަމަށެވެ. ނަމަވެސް އެކަން ފައިނަލް ކުރާނީ ކަމާބެހޭ ހުރިހާ ފަރާތްތަކާ މަޝްވަރާކުރުމަށްފަހު ކަން އޭނާ ފާހަގަކުރެއްވި އެވެ.
"ސިވިލް އޭވިއޭޝަނުން ކުރަންޖެހޭ މަސައްކަތް އޮތީ ނިމިފައި.. ކަމާބެހޭ ގުޅުންހުރި މިނިސްޓްރީތަކާއި ކުންފުނިތަކާ ވާހަކަދެކެވި އިތުރަށް ހެޔޮ ބަދަލުތަކެއް ގެނެވޭތޯ އަޅުގަނޑުމެންގެ ވިސްނުން އަދިވެސް،" އައިޝާ ވިދާޅުވި އެވެ. "ކުރިއަށް އޮތް ދެ ދުވަހެއްގެ ތެރޭގައި އެކަން އެއްކޮށް ނިމިގެން ޕްރެސަށް މައުލޫމާތު ދެވޭނެ،"
އޭނާ ވިދާޅުވި ހެޔޮކުރާ އަގުތައް އިއުލާނުކުރިއަސް ސީދާ އެވަގުތު އެކަމަށް އަމަލުކުރަން ނުފެށޭނެ ކަމަށެވެ. ސިސްޓަމަށް ބަދަލުތަކެއް ގެނެސް އެކަން ތަންފީޒުކުރުމަށް ދެ ތިން ހަފުތާ ނަގާނެ ކަމަށް ވިދާޅުވި އެވެ.
ރާއްޖޭގައި އެތެރޭގެ އުދުހުންތަކުގެ ހިދުމަތް ދެމުން މިވަގުތު އަންނަނީ ގައުމީ އެއާލައިން، މޯލްޑިވިއަނާއި ޖުމްހޫރީ ޕާޓީގެ ލީީޑަރު ގާސިމްގެ ވިލާ ކުންފުނިން ހިންގާ "ފްލައިމީ" އެވެ. އަދި އަލަށް ފަށާ "މަންތާ އެއާ" އިން ވެސް ރާއްޖޭގައި ދަތުރުތައް ވަރަށް އަވަހަށް ފަށާނެ އެވެ.
މޯލްޑިވިއަންގެ އެތެރޭގެ އުދުހުންތަކުގެ އަގު، ބޭރުގެ ބަައެއް ގައުމަތަކަށް ދަތުރުކުރުމަށް ވުރެ ވެސް ބޮޑުކަމުން، ގިނަ ބައެއްގެ ފާޑުކިއުމާ އަބަދުވެސް ކުރިމަތިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާރަނގާ - އައްޑޫ ސިޓީ
13 December 2018
މިހާރުހުރި ކަނޑަށްޖައްސާ ބޯޓްތަކުގެބޭނުމަށް އަޅާފައިވާ ހުރިހާ ކަނދުތަށް، ހުރިހާ ބޯޓްތަކަށްވެސް ބޭނުންކުރެވޭގޮތަށް ޤަވާއިދު ބަދަލު ކުރާންޖެހޭ. * * އަދި ވާދަވެރި ސީޕްލޭންގެ ވިޔަފާރި ކުރިއެރުވުމަށް ތ، ލާމް ހުވަދޫ އައްޑޫގައި ސީޕްލޭންހިދުމަތްދިނުމަށް “މުަލިން އާ ބަޔަކު ގެނައުމަށްޓަކާ” އޮސްޓްރޭލިއާ ބްރެޒިލް ފަދަ ޤައުމެއްގައި ފުޅާދާއިރާއެއްގަމިކަންކުރާބަޔަކުލިބޭތޯ ވާހަކަދައްކާ މޯލްޑިވިއަންއާއިގުޅިގެން ދެކުނަށް މިވިފަޔާރިފުޅާކޮށް މޮނަޕޮލީނައްތާލަންޖެހޭ.
މާރަނގާ - އައްޑޫ ސިޓީ
13 December 2018
ލޯކަލް އެއަރލައިންތަކުގެވެރިންނަށްބަލާއިރު “ވަގުތު ފާއިތުވުމުގެކުރިން މޯލްޑިވިއަންގެ ހިމާޔަތަށްމަސައްކަތްކޮށް” ޤަތަރު، ޖަޕާންއެއަރ، އެލްޓީޔޫ، ޑެލްޓާއެއަރ، ކެނަޑިއަން ނުވަތަ ވާޖިންގ އެއަރލައިންފަދަ ނުފޫޒާއިމާލީ ތަނަވަސްކަންހުރިކުންފުންޏަކަށް ގަމާއި މޯލްޑިވިއަންއާއި މާޖްކުރުމަށްފަހު ފުރަތަމަ 10 އަހަރު ބޮއިންގ 777 ގެ 20 ބޯޓްގެފްލީޓެއް ހަދާންޝަރުތުކޮށް %51 ހިއްސާ ނުވިއްކައިފިނަމަ “މަހުޖަނުންގެފައިދަށުވެ އެމްޓީޑީސީ މަރުވިފަދައިން” މިކުންފުނިމަރުވާނެ.
ްއަފްރާދު
13 December 2018
ސާބަހޭ ކަމަނާ ! ނިކަމެތިންނަށްވެސް ވީހާ އަވަހަކަށް ފަސޭހަ ގޮތްތައް ހައްދަވައިދެއްވާ ! ވަރަށް ޒިއްމާދާރު މިނިސްޓަރެއްތީޔައީ !
މާރަނގާ - އައްޑޫ ސިޓީ
13 December 2018
ޓިކެޓްގެ ކުޑައަގުކަޑައެޅުމަށް އެހާބޮޑަށްތާއީދެއްނުކުރަން. ޤަބޫލުކުރަނީ ވަސީލަތްރަނގަޅުކޮށް ޤަވާއިދުހަދާ ޤަވާއިދުތަންފީޒުކުރުމުން ކަންކަންހައްލުވާނެކަމަށް. * * މާލެއެކޭއެއްފަދައިން ގަމާއިހަނިމާދޫގައި 60 ހާސް ގެލަން ޖެޓްފިއުލް ސްޓޯރޭޖްހަދާ ސަރަހައްދުގައި އެންމެ ތެޔޮއަގުހެޔޮބަނދަރުތަކަށް ހެދިދާނެ. * * ސްރީލަންކަންއެކޭއެއްފަދައިން މޯލްޑިވިއަންގެ %51 ހިއްސާ ގުޅިގެންގަންނާނެ ބައިނަލްއަޤުވާމީ އެއަރލައިނަކާއި ބޮޑު ހޮޓެލްޗެއިނެއް ހޯދަންހުޅުވާލެވިދާނެ.
ޖަމީލް
13 December 2018
އަގު ހިޔޮ ކޮށްފައި ބުރަފަތީ ދުނި ޖެހެއޭ ކިޔާ މައިންޓަނަސް ފީނަގާ
އާސްތު
13 December 2018
ދެދުވަހުގެ ތެރޭގައި އަގުހެޔޮކުރެވޭނެ.. އަމަލުކުރަންފެށޭވަރުވާނީ އެއްއަހަރުފަހުން. ލައްކަ މަޝްވަރާތަށް އަދިވެސް ކުރަން އެބަޖެހޭ.
ރިޔަސް
13 December 2018
ވައުދާ އެއްގޮތަށް ބޮޑުތަނުން ކުޑަކުރަންވާނެ
ސޯބު
13 December 2018
ހަނިމާދޫ އާއި ގަމާއި ދެމެދުގެ ދުރުމިން ވަރަށް ތަފާތު. އެކަމަކު އަގުގެ ތަފާތު ވަރަށް ވަރަށް ކުޑަ. ޑިމާންޑަށް ބަލާއިރު ދުވާލަކު 5 ފުލައިޓް އޮންނައިރުވެސް ކުރިއާލާ ނޫޅުނިއްޔާ ޖާގައެއް ހޯދުން ވަރަށް އުދަނގޫ. ހަމަ އެހެންމެ ޓްރިވެންޑްރަމާ ހަނިމާދޫއާ މާލެއާ ހަނިމާދޫއަށްވުރެ މާކައިރި. އެކަމަކު ޓިކެޓް ވަކި އަގެއް ހެވެއްނޫން.
ނަން
13 December 2018
ޓީއެމްއޭ އެއީ އެއާލައިން އެއްނޫންތައް! ދިވެހި ރާއްޖެ ދިވެހިން ހިދުމަތް ނުދޭތަނެއް...
ޙިމާރުލް ވަތަން
13 December 2018
ދެތިން ހަފުތާ ތިކަމަށް ނެގީމާ އަެރުން 100 ދުވަހުގެ ތެރޭގައި އަގުހެޔޮޔޮ ކުރެވުނުކަމަށް ނުވާނެ ނޫންތޯ. މިހާރުވެސް އަގުހެވޭ. ދ.އަށް 799. ގަންނަން ލިބޭ އަގު 1330ރ. ކުޜީ ސަރުކާރުން ވިދާޅުވީ ކަރަންޓް އަގުހެޔޮ ކޮށްފީމޭ. ޢެކަަމަކު އޭގެ ކުރިން ބިލަށް 1600ރ. ހެޔޮ ކުރެއްވީމަ 3500ރ. ޢުސޫލު ހެދިގޮތަކީ ކިރިޔާވެސް ކަރަންޓް ބޭނުންކޮށްފިއްޔާ ޑަބަލްވަނީ. މީ ދުނިޔޭގ ވިޔަފާރީ އާވައްތަރެއް.