މާލޭގައި ބިދޭސީންތަކެއް މަސައްކަތް ކުރަނީ. --- ފޮޓޯ: މިހާރު
24 ޑިސެމްބަރ 2018 - 12:58
77 comments
ރާއްޖޭގައި މަސައްކަތް ކުރަމުން އަންނަ ބިދޭސީން މާލޭގެ ގެތައް ކުއްޔަށް ހިފައިގެން ވިޔަފާރި ކުރަމުންދާ މައްސަލަ ބަލަމުން އަންނަ ކަމަށް ލޭބާ ރިލޭޝަންސް އޮތޯރިޓީ (އެލްއާރުއޭ) އިން ބުނެފި އެވެ.
ލޭބާ ރިލޭޝަންސް އޮތޯރިޓީން ބުނި ގޮތުގައި ބިދޭސީން ހެންވޭރުގެ ތިން ގެއެއް ކުއްޔަށް ހިފައިގެން ބިދޭސީންނަށް ކާބޯތަކެތި ފޯރުކޮށްދިނުމުގެ މަސައްކަތް ކުރަމުން އަންނަ ކަމަށެވެ. އަދި ބައެއް ގެތަކަކީ ވަރަށް ބޮޑަށް ހަލާކުވެ، ބާވެފައި ހުރި ގެތަކެއް ކަމަށް ވެސް ލޭބާ ރިލޭޝަންސް އިން ބުންޏެވެ. އެތަން ތަނުން 300-400 މީހުންނަށް ކާބޯތަކެތި ފޯރުކޮށްދެމުން އަންނަ ކަމަށް ވެސް އޮތޯރިޓީން ބުންޏެވެ.
ލޭބާ ރިލޭޝަންސްގައި މިއަދު ބޭއްވި ނޫސްވެރިންގެ ބައްދަލުވުމުގައި އެތަނުގެ އިންފޮމޭޝަން އޮފިސަރު އަލީ ޝަރީފް ވިދާޅުވީ ގެތަކުގައި މީހުން ނިދާ ނަމަ، އެކަމަށް ވެސް އަގު ނަގަމުންދާ ކަމަށެވެ. އަދި ވިޔަފާރި އުސޫލުން ކާން ދިނުމާއި ޕާރުސަލް ބަހަމުންދާ ކަމަށް އަލީ ޝަރީފް ވިދާޅުވި އެވެ.
"ވިޔަފާރި އުސޫލުން ކާން ދިނުމާއި ޕާރުސަލް ބެހުމުގެ ކަންކަން ކުރޭ. ވިޔަފާރި އުސޫލުން މީހުންނަށް ކާންދީ ސައިޓުތަކަށް ޕާރުސަލް ވިއްކުން ވެސް އެބަ ހިނގާ،" އަލީ ޝަރީފް ވިދާޅުވި އެވެ.
އެ މަސައްކަތުގައި އުޅޭ ގިނަ މީހުންނަކީ ގަވައިދާ ހިލާފަށް ރާއްޖޭގައި އުޅެމުން އަންނަ ބިދޭސީން ކަމަށް އަލީ ޝަރީފް ވިދާޅުވި އެވެ.
"ޖެހިޖެހިގެން އެ ތިން ގެ ވެސް ހުންނަނީ. އެ މީހުންގެ ތެރޭގައި މަދު ބަޔަކު ގަވައިދާ އެއްގޮތަށް އުޅެނީ. އެތަންތަން ކުއްޔަށް ނަގަނީ ވެސް ބަންގްލަދޭޝް މީހުން. ބޮޑު ތަނެއްގައި ބިދޭސީން ނިދަން ވެސް ބައިތިއްބަނީ. އެވެސް ހަމަ އެމީހުން އަތުން އަގު ނަގައިގެން،" އަލީ ޝަރީފް ވިދާޅުވި އެވެ.
އަލީ ޝަރީފް ވިދާޅުވި ގޮތުގައި، މިކަން ކުރަނީ ސަރުކާރުގެ އިދާރާއަކުން ހުއްދަ ހޯދުމަކާ ނުލައި ކަމަށެވެ. އެހެންވެ، މިކަން ސަރުކާރުގެ އިދާރާތަކަށް އަންގާފައިވާ ކަމަށް އޭނާ ވިދާޅުވި އެވެ.
ލޭބާ ރިލޭޝަންސް އިން ބުނީ ސާފު ތާހިރުކަމުގެ ގޮތުން ދަށު ދަރަޖައިގެ ތަންތަނުގެ ގޮތުގައި މާލޭގައި އިތުރު ތަންތަން ވެސް ފާހަގަ ކުރެވިފައިވާ ކަމަށެވެ. އަލީ ޝަރީފް ވިދާޅުވި ގޮތުގައި ބިދޭސީންތަކެއް ވިޔަފާރި ކުރަނީ ހެންވޭރުގެ ތިން ގެއެއް އެއްކޮށް ކުއްޔަށް ނަގައިގެންނެވެ.
"އެތަންތަން ހަޑިކޮށް، މަގުމައްޗަށް ކާ އެއްޗެހި އަޅައި، ކުޅު ޖަހައި އެކަންކަން ކުރާތީ އެސަރަހައްދުގައި އުޅޭ އާންމުން ރިޕޯޓު ކުރީ. މާލޭގައި އެބަހުރި އެކަހަލަ ކިތަންމެ ތަނެއް،" އަލީ ޝަރީފް ވިދާޅުވި އެވެ.
ލޭބާ ރިލޭޝަންސް އޮތޯރިޓީން ބުނީ ބިދޭސީންނަށް ގަވައިދާ ހިލާފުވެވެނީ އެމީހުން އެތެރެކުރާ މީހުންގެ ޒިންމާދާރުކަން ކުޑަ ކަމުން ކަމަށެވެ. އެހެންވެ، އެކަމާ ބެހޭ ގޮތުން ކުރަން ހުރި ކަންކަން ބެލުމަށް ކަމާ ބެހޭ މުއައްސަސާތަކާ ވާހަކަ ދައްކަމުންދާ ކަމަށް ވެސް އެ އޮތޯރިޓީން ބުންޏެވެ.
ލޭބާ ރިލޭޝަނުން ބުނީ ބިދޭސީއަކު ރާއްޖެ އަށް ގެންނަ ފަރާތަކުން، އެ ބިދޭސީއެއްގެ ޒިންމާ ނަގަން ޖެހޭ އިރު، ގަވައިދާ ހިލާފަށް މަސައްކަތް ކުރާ ބިދޭސީންނާ މެދު އިދާރީ ފިޔަވަޅުތައް އަޅާނެ ކަމަށެވެ. އެގޮތުން، ބްލެކްލިސްޓް ކުރުމާއި ޖޫރިމަނާ ކުރުމުގެ ބާރު ލޭބާ ރިލޭޝަންސް އަށް ދީފައި އޮވެ އެވެ. ގަވައިދާ ހިލާފަށް ބިދޭސީން ލައްވައި މަސައްކަތް ކުރުވާނަމަ، އެ ފަރާތެއް ޖޫރިމަނާ ކުރާނެ ކަމަށް އެ ތަނުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަދިކޮބާ
25 December 2018
ދިވެހިން ހަދާ އުޅުނު ހެދިކާތަކުގެ ރަހަތަށްވެސް ބަދަލުވެގެން ދަނީ އެ ބޭރު މީހުން ބޭނުންވާ ކަހަލަ ރަހަ ހުންނަ ގޮތަށް. ބޭރު މީހުން ލައްވާ ހެދިކާ ހަދަން ހަވާލުކުރާ ދިވެހި މީހާއަށް އެ ހެދިކާ ހަދަން އެއްކުރާ އެއްޗެހި ބަލާވެސް ނުލެވޭފަދަ. ދިވެހި ނަންނަމުގަ ހުންނަ ހެދިކާ، ނަމުން ދިވެހި، ރަހައިން ބޭރު.
ޝެލަރީ
25 December 2018
ތިކަންވާނެބާ؟ތިކަން ވުމައްވުރެ ނުވުން ގާތްކޮށް ފެންނަނީ މީ ވަރަށް ވާހަކަ.
އަދުލޭ
25 December 2018
ވަރަށް ވެސް ނަސްލީ އިމްތިޔާޒު ބޮޑުކޮށް ތިޔަ ވިސްނަވަނީ. ޜާއްޖޭގެ ޓުއަރިޒަމް އިންޑަސްޓްރީގެ ގިނަ ރަށްތަކެއް ހިންގަނީ ބިދޭސީން ކުޢްޔަށް ރަށްތައް ނަގައިގެން. ޢެ މައްސަލައަކަށް ނުވަންޔާ މިއީ މައްސަލައެއްތޯ؟އަދި މީގެ ގިނަބަޔަކަށް މިދިޔަ ސަރުކާރުގައި ގާނޫނާ ޚިލާފަށް ކޮރަޕްޝަންގެ ތެރެއިން ގިނަ ރަށްތަކެއް ލިބިފައިވާކަން ވެސް ވަނީ ހާމަވެފައި. ޢެކަންކަން ރަގަޅުކުރަން އުޅޭތަނެއް އަދިވެސް ނުފެނޭ. މިކަމަށްވެސް ލޭބަ ރިލޭޝަންއިން އަޅާލަންވީނު.
ޢަލި
24 December 2018
މިއީ ހުރިހާ ސަރުކާރަކުންވެސް ޒިއްމާ ނަގަންޖެހޭ ކަމެއް. އެގައުމެއްގެ ރައްޔިތުންނަށް އެގައުމުގެ ހުންނަ ފުރުސަތުތައް ފަހިކޮށްދިނުމަކީ އެވަގުތަކު އޮން ސަރުކާރަކުން ކުރަންޖެހޭކަމެއް. ރައްޔިތުން ގަމާރީޔޭ ލޭޒީޔޭ ކިޔައިގެން ނިއްމާލެވޭކަށްނެއް. ބިދޭސީންނަށް ރާއްޖޭގެ ފައިދާ ނުނެގޭ ގޮތަށް ޤާނޫނުތައް ހަދަންޖެހޭ. މެމްބަރުންނަކީ ފައިސާގޯނި ހިފައިގެން ދުވަންތިބެންޖެހޭ ބައެއްނޫން.
އަހުމަދުބެ
24 December 2018
އަހަރެމެން ދިވެހިން ކޮންވާހަކައެއްމިދައްކަނީ ހުރިހާކަމެއްވެސް ކުރުވަނީވެސް ދިވިހިންއަމިލަޔައް ބަންގާޅީން އައިސްއުޅެނީލާރިހޯދަން ބަންގާޅީންނުބަލާނެ ހަރާމެއް ހާލާލެއް އެމީހުން ރަށުގަ ނޫޅެވޭހާ މިނިވަންކަމާއެކު މިތާއުޅެވޭ
ރަައްޒާގު
24 December 2018
ހުޅުމާލެގަހުންނަ ލޯކަލްމާރކެޓު ބަލާލަބަލަ މުޅިންވެސްބޭރުމީހުންތިބޭނީ.
މާރަނގާ - އައްޑޫ ސިޓީ
24 December 2018
މިއީވެސް ޓެކްހާއިގުޅުންހުރި މުއާމަލާތަކަށްވާތީ ވޯކް ވީސާނެތްބިދޭސިންނަށް ތަންތަން ކުއްޔަށްދިނުމާއި ލީގަލް އެކްސްޕްޓްރިއޭޓުންނަށް ހައުސިންގ އަދި އިމިޤްރޭޝަންއަށް އެންގުމެއްނެތި ކުއްޔަށް ދިނުމަކީ ޤާނޫނީ ކުށެއްކަމަށާއި އެފަދަ ތަންތަނުގެ ޤާނޫނީ ބަލަދުވެރިފަރާތްތަކާއިމެދު ޖިނާއީ ދައުވާ އުފުލޭގޮތަށް ޤާނޫނަށް ބަދަލު ގެންނާންޖެހޭ. * * ޤާނޫނުތައް ހުންނަނަމަ ހުރަސްތަކެއް ހުންނާނެ. ޤާނޫނުތަންފީޒު ކުރާންއުފުލާ އަޑުވެސް އިތުރުވެ ހިތްވަރު ލިބޭނެ.
ޔާމީނު
24 December 2018
ނަން ވާނީ މަ. އެކަމު އެލްއާރުއޭގެ ކޮރަޕްޓުކަން އެނގޭނެ ވަރަށް ގިނަ މީހުންނަށް. ލާރި ނަގާ ވަރާ
ގަމާރު
24 December 2018
ބިދޭސީން މާލޭގެގެދޮރު ހިފައިގެން ހަށި ވިއްކުމުގެ ވިޔަފާރި ކުރުމަށް ގަޑިޔަކު 300 ރުފިޔާއަށް ކުއްޔަށް ދޫކުރަމުން ގެންދާއިރު އެކަންއެނގޭނެ ބަޔަކު ތިބޭނެދޯ؟ އެކަމު މިއަދު ދިވެހިންވަނީ މަގުފުރެދި ހަލާކުވެފަ.
ތިޔަ
25 December 2018
ކޮމެންޓްކުރެއްވި ބޭފުޅާއަށް އެނގިހުރެ ރިޕޯޓެއްކޮށްލިބާ ނޫނީ މިތަނުގަ އެފަދަ ގެއެއްގެ ނަން ޖަހާލިނަމަ. މިހާރު އަބުރުގެ ގާނޫނެއްވެސް ނެތެއްނު؟
ގޫގުލާ
24 December 2018
އަހަރުމެން ރާއްޖެން ބޭރަށްގޮސް ކާއްޓެއްހާ ހިސާބުވެސް ވިއްކާނުލެވޭ.. އެއީ އާބާދީ ގޮތުންނާ ބިމުގެ ގޮތުން އެތައްގުނައެއް.. މިގައުމުގަ ކީއްވެ ނުބެލެހެއްޓެންވީ؟ ކޮންމެ ސަރުކާރެއް އަޔަސް ވާކަމެއް ހަރާން.. އެއީ ހުރިހާ ޕާޓީއެއްގެވެސް "އިއްޒަތްތެރި" މެންބަރުންގެ ހިއްސާ އޮންނަ ކަމަކަށްވާތީ..