ފިލިޕީންސަށް އައި ބިންހެލުމުގައި މީހަކު މަރުވި ކަމަށް ރިޕޯޓްކޮށްފައެއް ނުވޭ.
29 ޑިސެމްބަރ 2018 - 12:34
3 comments
މެނީލާ (ޑިސެމްބަރު 29) - ފިލިޕީންސްގެ މިންޑަނާއޯ ޖަޒީރާގެ ބޭރުން ކަނޑު އަޑިއަށް 6.9 ގެ ބާރު މިނުގައި މިއަދު އައި ބިންހެލުމުގައި ކުޑަ ސުނާމީއެއް އުފެދިއްޖެ އެވެ.
ފިލިޕީންސްގެ ދެކުނުގެ ހިސާބުތަކަށާއި އަވަށްޓެރި އިންޑޮނީޝިއާ އަށް އެރި ބޮޑު ރާޅުގެ އުސްމިނުގައި ފޫޓެއްް ވަރު ހުރި ކަމަށް އޮފިޝަލުން ބުނެ އެވެ. ފިލިޕީންސަށް ބިންހެލުން އައިސް ސުނާމީއެއް އުފެދިފައި މި ވަނީ އިންޑޮނީޝިއާގެ އަލިފާން ފަރުބަޑައެއް ގޮވައިގެން ކަނޑު އަޑިއަށް އައި ލޮޅުމުގައި އުފެދުނު ސުނާމީގައި 400 އަށް ވުރެ ގިނަ މީހުން މަރުވިތާ ހަފުތާއެއް ފަހުންނެވެ.
"ބިންހެލުމަށް ފަހު ސުނާމީއެއް އުފެދިދާނެތީ އާއްމުން އައްސޭރިއާ ދުރު ހިސާބުތަކުގައި ތިބުމަށް އިލްްތިމާސް ކުރަން،" ބިންހެލުމަށް ފަހު ފިލިޕީންސް ސަރުކާރުގެ ސީސްމޮލޮޖީ އޮފީހުން ނެރުނު އިންޒާރުގައި ބުނެފައިވެ އެވެ.
ފިލިޕީންސަށް 2013 ވަނަ އަހަރު 7.1 ގެ ބާރުމިނުގައި އައި ބިންހެލުމުގައި ވަނީ 22 މީހުން މަރުވެފަ އެވެ. އިންޑޮނީޝިއާ އަށް ސެޕްޓެމްބަރު މަހު އައި ބިންހެލުމުގައި އުފެދުނު ސުނާމީގައި ވަނީ 2،200 އަށް ވުރެ ގިނަ މީހުން މަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިލްސް
31 December 2018
ބޮޑު ރާޅުގެ އުސްމިނުގައި ފޫޓެއްް ވަރު ހުރި ؟؟؟ ބަލަ އުސްމިނުގައި ފޫޓެއް ހުރީމަ ތީ ބޮޑު ރާޅެއް ނޫނެއްނު؟؟؟ ފުއްޓަރަށް އާންމުކޮށް ނަގާ 10 ފޫޓުގެ ރާޅު ބިންދާލުމަށްފަހު ގޮނޑުދޮށާހަމައަށް އަންނަ ރާޅުގައިވެސް ހުރޭ ފޫޓެއް
އިޙްސާސް
29 December 2018
ތިޔަ ހިސާބަށް ހާދާ ވަރަކަށޭ ބިންހެލުން ތިޔަ އަންނަނީ. މޮޅަށް ދެނެވޮޑިގެން ވަނީ މާތް ﷲ.
ވާލުސޮރު
29 December 2018
ދުނިޔޭގެ ބިންހެލުމާ ބެހޭ ކަންކަން ދިރާސާކުރާ އިދާރާއިން ހާމަކުރާގޮތުގަ ދުނިޔޭގެ އެކި ކަންކޮޅުތަކަށް ކޮންމެ އަހަރަކު 20ހާސް ބިންހެލުން އަންނަކަމަށް ހާމަކޮށްފަވޭ. އެއީ ގާތްގަނޑަކަށް ދުވާލަކަށް ފަންސާހަކަށް ބިންހެލުން.