ނުހައްގުން ވަޒީފާ އިން ވަކިކޮށްގެން 451 މައްސަލައެއް ހުށަހަޅައިފި

ރައީސް އޮފީސް. ނުހައްގުން ވަޒީފާ އިން ވަކިކޮށްފައިވާ މީހުންނަށް އިންސާފު ހޯދައިދިނުމަށް ކޮމިޓީއެއް ވަނީ އުފައްދާފައި. -- މިހާރު ފޮޓޯ

އާސިމާ ނިޒާރު، މިހާރު

03 ޖެނުއަރީ 2019 - 15:19

6 comments

ނުހައްގުން ވަޒީފާއިން ވަކިކޮށްފައިވާ ނުވަތަ ފިޔަވަޅު އަޅާފައިވާ މުވައްޒަފުންގެ މައްސަލަތައް ބެލުމަށް ހުޅުވާލި ފުރުސަތުގައި 451 މައްސަލައެއް ހުށަހަޅާފައިވާ ކަމަށް ރައީސް އޮފީހުން މިއަދު ބުނެފި އެވެ.

ކުރީގެ ރައީސް އަބްދުﷲ ޔާމީންގެ ސަރުކާރުން ސިޔާސީ ސަބަބުތަކަށްޓަކައި ސަރުކާރުގެ އޮފީސްތަކާއި ސަރުކާރު ކުންފުނިތަކާއި ދައުލަތުގެ ވަޒީފާއިން ވަކިކޮށްފައިވާ ނުވަތަ ފިޔަވަޅު އަޅާފައިވާ މުވައްޒަފުންނަށް އިންސާފު ހޯދައިދިނުމަށް ކޮމެޓީއެއް ވަނީ އުފައްދައިފަ އެވެ.

އެ ކޮމެޓީ އަށް މައްސަލަ ހުށަހެޅުމަށް މިދިޔަ މަަހުގެ 3 ވަނަ ދުވަހު ވަނީ ހުޅުވާލައިފަ އެވެ. އެ މުއްދަތު މިއަދު ވަނީ ހަމަވެފަ އެވެ.

ރައީސް އޮފީހުގެ ތަރުޖަމާނު އިބްރާހިމް ހޫދު ވިދާޅުވީ ބޭއިންސާފުން ވަޒީފާ އިން ވަކިކޮށް ނުވަތަ ބަދަލުކޮށްގެން ހުށަހެޅި މައްސަލަތައް ބަލަމުން އަންނަ ކަމަށެވެ.

ފާއިތުވި ފަސް އަހަރުގެ ތެރޭގައި ސިޔާސީ އެކި ސަބަބުތަކަށްޓަކައި، ދިފާއީ ބާރުތަކުންނާއި ސިވިލް ސާވެންޓުންނަށް ވެސް އެކި ކަހަލަ ފިޔަވަޅު އަޅައި ވަޒީފާ އިން ވަކިކޮށްފައިވެ އެވެ. ނުހައްގުން ވަޒީފާ ގެއްލުވާލައި އަދި ފިޔަވަޅު އަޅާފައިވާ މުވައްޒަފުންނަށް އިންސާފު ހޯދައިދިނުމަކީ މިދިޔަ ރިޔާސީ އިންތިޚާބުގެ ކެމްޕެއިންގައި ރައީސް އިބްރާހިމް މުހައްމަދު ސޯލިހުގެ ވައުދެކެވެ.

ޖޮބް ސެކިއުރިޓީ ރައީސް އޮފީސް ސިވިލް ސާވަންޓުން

6 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޕްރެޒިިޑެންޓް ބަނާނާ މިިލްކް

04 January 2019

ވަރަށް "ރަނގަޅު" ސަގާފަތެއް އަށަގަންނުވަމުން ތި ގެންދަނީ. ދެން އުފެދޭ ސަރުކާރަކުން ބަލާނެ ކަންކަން މިހާރުއްސުރެ ލިސްޓް ކުރަމުން ގެންދަންވީ. ގައުމުގަ ކުރަން ހުރި ކަންތައްތަކާ އުޅޭނެ ބަޔަކު ދެން ނުވާނެ. މިއޮތީ މުސީބާތެއް ލައިގެންފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާމް

04 January 2019

ނުހައްގުން ފެނަކައަށްލާފައިތިބި މެނޭޖަރުންނާއި އެސިސްޓެންޓް މެނޭޖަރުން ހަމަ އެގޮތުގައި ބައިތިއްބަނީތޯ؟ އެއީ އިންސާފުތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮރިނާ

04 January 2019

ދެން އެކަމަކު ތިޔަ އެންމެނަށް ވަޒީފާއިން ކަނޑާލި މުއްދަތަށްވާ ފައިސާ ދިވެހިރާއްޖޭގެ ބަޖެޓުން ދޭން ވެއްޖެނަމަ، ތިއީ ދިވެހި ރައްޔިތުންނަށް ކިހާ ބޮޑު ބޭއިންސާފެއް؟ ތިޔަ ފައިސާ ދޭންޖެހޭނީ ވަޒީފާއިން ކަނޑާލުމުގައި ޒިންމާވާ ފަރާތްތަކުގެ މުސާރައިން/އެކައުންޓުން. އަދި، ވަޒީފާ އަދާ ނުކުރާ މުއްދަތުގެ ފައިސާ (ޔައުނީ، ނުކުރާ މަސައްކަތުގެ އުޖޫރަ) މިއީ ޙަލާލު ފައިސާތޯވެސް ސުވާލު އުފެދޭ. ނުޙައްޤުން ވަޒީފާއިން ވަކި ކުރީމަ ބަދަލަކީ ވަޒީފާ އިއާދަކުރުން އެކަނި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

03 January 2019

ބޭއިންސާފް / ނާއިންސާފްގެ މައްޗަށް އިންސާފް ލިބެންޖެހޭ. ކުށްކުރިމީހާއަށް އަދަބު ލިބެންޖެހޭ. އެކަމަކު އަދަބު ދޭންވަނީ އެކުރި ކުށަކަށް އެކަށީގެންވާ އަދަބެއް. ހައްޤުގެ ވާހަކަ ދެއްކީމައި ދެކޮޅުން ފިއްތާލާފައި ވަޒީފާއިން ވަކިކުރުމަކީ އިންސާފެއް ނޫން. އަދި އެކަމަށް އޮތް ހައްލެއްވެސް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަމީމް

03 January 2019

ނުހައްގުން ވަޒީފާއިންް ވަކި ކުރެވުނު މީހުންނަށް އިންސާފު ލިއްބައިދޭން ޖެހޭނެ! އެއީ، އެމީހުންގެ ވަޒީފާތަކުން ވަކި ކުރުމަށް މަސައްކަތް ކުރި މީހުންނާއި، ވެރިންގެ ގޮތުގައި ތިބެ ނުހައްގުން ފިޔަވަޅު އެޅި ވެރިންނާއި، އެ ކަމުގެ ދިފާއުގައި ވަކާލާތު ކުރި މީހުންނާ މެދު ވެސް ފިޔަވަޅު އެޅެން ޖެހޭނެ! މީގެ އިތުރުން ވަޒީފާއިން ވަކި ކުރެވުނު މުއްދަތުން ފެށިގެން، ވަޒީފާ އިއާދަ ވުމާއި ހަމައަށް ލިބެންވާ ހުރިހާ މުސާރަ އާއި ހުރިހާ އިނާޔަތެއްވެސް ނަގައި ދޭން ޖެހޭނެ!