އެމެރިކާގެ ކޮންގްރެސްގެ މުސްލިމް އަންހެން މެންބަރު އިލްހާން އުމަރު
06 ޖެނުއަރީ 2019 - 10:21
8 comments
ވޮޝިންޓަން (ޖެނުއަރީ 6) - އެމެރިކާގެ ކޮންގްރެސްގެ ދަށުގޭގައި މުސްލިމް މެންބަރުންނަށް ބުރުގާ އެޅޭ ގޮތަށް ފާސްކޮށްފި އެވެ.
ގާތްގަނޑަކަށް 181 އަހަރަށް ފަހު މި ގޮތަށް ފާސްކުރީ ހައުސްގެ 234-197 ވޯޓުންނެވެ. އެ ގޮތަށް ފާސްކުރި އިރު ޑިމޮކްރެޓިކް ޕާޓީން މި ފަހަރު ވަނީ މުސްލިމް ދެ އަންހެނަކު ކޮންގްރެސް އަށް ހޮވިފަ އެވެ. މީގެ ތެރޭން މިނެސޮޓާގެ ގޮނޑިއަށް އިންތިޚާބުވި އިލްހާން އުމަރަކީ ބުރުގާ އަޅާ މީހެކެވެ. މުސްލިމް އަނެއް މެންބަރަކީ މިޝިގަންގެ ގޮނޑި ތަމްސީލް ކުރާ ރާޝިދާ ތަލީބެވެ.
މުސްލިމް އަންހެން މެންބަރު އިލްހާން އުމަރު ކޮންގްރެސްގައި.
ޓްވިޓާގައި އިލްހާން ވިދާޅުވެފައި ވަނީ ބުރުގާ އެޅުން 181 އަހަރަށް މަނާވެފައި އޮތް އޮތުން، ކޮންގްރެސްގެ ވޯޓާ އެކު ނިމުމަކަށް އައުމުގެ އިތުރުން 116 ވަނަ ކޮންގްރެސް ވެގެންދާނީ އެންމެންގެ ވެސް ބައިވެރިވުން ބޮޑު މަޖިލީހަކަށް ކަމަށެވެ.
"އަޅުގަނޑަށް މަރުހަބާ ކީތީ ވަރަށް ބޮޑަށް ޝުކުރު އަދާކުރަން،" އިލްހާން ވިދާޅުވި އެވެ.
ކޮންގްރެސްގައި ދެން ހިމެނޭ މުސްލިމް އަންހެން މެންބަރު ރާޝިދާ ތަލީބް
ކޮންގްރެސްގައި ބުރުގާ އެޅުން މަނާކޮށްފައި ވަނީ 1837 ވަނަ އަހަރު ކަމަށްވެ އެވެ. އޭރު އެގޮތަށް ނިންމާފައި ވަނީ ކޮންގްރެސްގައި މާބޮޑު ބަހުސެއް ކުރުމެއް ނެތި ކަމަށް ވެސް ވެ އެވެ.
މުސްލިމް ދެ އަންހެނުންނާއި އެކު ކޮންގްރެސްގެ ދަށު ގޭގައި މުސްލިމުންގެ އަދަދު ތިނަކަށް އަރާނެ އެވެ. އިންޑިއާނާ ސްޓޭޓުގެ ޑިމޮކްރެޓިކް ޑިސްޓްރިކްޓުގެ ގޮނޑި ވެސް ތަމްސީލް ކުރާނީ މުސްލިމް މެންބަރު އަންދަރު ކާލްސަން އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙިނި
06 January 2019
މުސްލިމް ގައުމު ތަކުގަ އެންމެން ހަމަ ހަމަތަ؟
އަރޫ
06 January 2019
އެމެރިކާ އަކީ އެންމެންގެ އިހުސާސް ދަންނަ ގައުމެއް، އިންސާނިއްޔަތު ކަމަކީ ވަކި ދީނެއް އޮވެގެން ވާ ކަމެއްނޫން، އެއީ އިންސާނީ ތަހުޒީބު އެނގޭ މީހުން ތިބޭ ތަންތަނުގައި ވާ ގޮތެއް. އިސްލާމްދިންވެސް ބާވާލެއްވީ މިގޮތަށް ޖާހިލުން ގިނަވީމާ ދުނިޔޭގައި އަމާންކަމާއެކު އުޅެންވީ ގޮތް އަންގައިދިނުމުގެ ގޮތުން. ނަމުން އިސްލާމް އަމަލުން ޖާހިލުން އުޅޭ ގައުމުތަކުގައި އިންސާނުންނަކީ އެއްވެސް ރަހުމެއް ހުރި ބައެއްނޫން
ވަގުތީ
06 January 2019
އެމެރިކާގެ ކޮންގްރެސްއަށްވެސް މުސްލިމުން ހޮވޭތަ؟ ގަބޫލެއް ނުކުރެވޭ. ގައިމު ނޯންނާނެ މުސްލިމު މެޖޯރިޓީ ދާއިރާއެއް. ކާފަރުންވެސް މުސްލިމުންނަށް ވޯޓު ދޭތަ؟
އަބުދުބެއްޔާ
06 January 2019
ކަލޯ އެއީ ތަހުޒީބު ޑިމޮކުރަސީ ތަކުގަ ކަންހިނގާ ގޮތް، ނަސްލަކަށް، ކުލަޔަކަށް، ދީނަކަށް ނުބަލާނެ، ބަލާނީ ގާބިލް އަަދި އެގައުމެއްގއ ރަށްޔިތެއްތޯ
ނަންހަމަ
06 January 2019
ތިކަހަލަ މީހުންނަކަށް ނުވިސްނޭނެ
މަރީދީ
06 January 2019
އެމެރިކާއަކީ އެންމެންގެ އިހުސާސްތަކަށް އިހްތިރާމްކުރާގައުމެއް.
ބިރިކިސިންޑާ
06 January 2019
ތިވަރުވެސް ނުވާ މުސްލިމް ޤައުމުތައް މި ދުނިޔޭގައި އެބަހުރި، މިރާއްޖޭގައިވެސް މޫނު ބުރުގާ އަޅައިގެން ވަޒީފާތަކަށް ދިއައީމަ، މީހުންނަށް ނަފްސާނީ ބަލި ޖެހޭނިއްޔޯ، އަދި އަދައިގެ ބުރުގާ މަނާކުރާ ހިސާބައްވެސް ދާނެ ކޮންމެވެސް ދުވަހަކުން،
މުލޭ
06 January 2019
ރަނގަޅު ބަދަލެއް.