އިސްލާމީ މަރުކަޒުގައި ބަޔަކު ނަމާދު ކުރަނީ: މާލޭގެ މިސްކިތްތައް ދެން ބަލަހައްޓާނީ ސިޓީ ކައުންސިލްގެ ބެލުމުގެ ދަށުން. .---ފޮޓޯ: އަހުމަދު ނިޝާތު/މިހާރު
07 ޖެނުއަރީ 2019 - 12:11
10 comments
އިސްލާމިކް މިނިސްޓްރީގެ ބެލުމުގެ ދަށުން ހިންގި މާލޭގެ މިސްކިތްތައް އަނެއްކާވެސް ސިޓީ ކައުންސިލްގެ ދަށަށް މިއަދު ބަދަލުކޮށްފި އެވެ.
ލާމަރުކަޒީ ގާނޫނުގައި، މާލޭގެ މިސްކިތްތައް ބެލެހެއްޓުމުގެ ޒިންމާ އޮތީ ސިޓީ ކައުންސިލަށެވެ. އެކަމަކު ވޭތުވެދިޔަ ސަރުކާރުން ވަނީ ސިޓީ ކައުންސިލްތަކުގެ ބައެއް ބާރުތައް ހަނިކޮށްފަ އެވެ. އޭގެތެރޭގައި މިސްކިތްތައް ބެލެހެއްޓުން ވެސް ސިޓީ ކައުންސިލްގެ އަތުން އަތުލީ އެވެ.
ގާނޫނުގައި ކައުންސިލްތަކަށް ކަނޑައަޅާފައި އޮތް ބާރުދޭން މި ސަރުކާރުން ވީ ވައުދާ އެކު މިއަދު ވަނީ ބައެއް ޚިދުމަތްތައް ސިޓީ ކައުންސިލްއާ ހަވާލުކޮށްފަ އެވެ. އޭގެތެރޭގައި މިސްކިތްތައް ބެލެހެއްޓުމުގެ އިތުރުން މާލޭގެ ގަބުރުސްތާނުތަކާއި ގަލޮޅުގައި ހުންނަ މޯޗަރީ ވެސް ކައުންސިލާ ހަވާލުކުރި އެވެ.
މި އެއްބަސްވުމުގައި ސޮއި ކުރެއްވީ އިސްލާމިކް މިނިސްޓްރީގެ ޑެޕިއުޓީ މިނިސްޓަރު އަހްމަދުﷲ ޖަމީލާއި މާލޭގެ ޑެޕިއުޓީ މޭޔަރު ޝަމާއު ޝަރީފެވެ.
އެ ރަސްމިއްޔާތުގައި ޝަމާއު ވިދާޅުވީ މިސްކިތްތައް ބެލެހެއްޓުމަށް ކައުންސިލުން މިހާރު ވަނީ ކޮމެޓީއެއް އެކުލަވާލާފައި ކަމަށެވެ. މިސްކިތްތަކުގެ ސާފުތާހިރުކަމާއި އެ ނޫން ކަންކަން ކުރިއަށް ގެންދާނީ އެ ކޮމެޓީގެ ބެލުމުގެ ދަށުން ކަމަށް ވެސް ވިދާޅުވި އެވެ.
މިސްކިތްތައް ކައުންސިލާ ހަވާލުކުރި ނަމަވެސް އިމާމުންގެ ހުރިހާ ކަމެއް ބަލަހައްޓާނީ އިސްލާމިކް މިނިސްޓްރީންނެވެ.
އެ މިނިސްޓްރީގެ ޕާމަނަންޓް ސެކްރެޓަރީ މުސްއަބް އަބްދުﷲ ވިދާޅުވި ގޮތުގައި މިސްކިތްތަކުގައި ދީނީ ދަރުސްތަކާއި ގުރުއާން ކްލާސްތައް ބޭއްވުން ފަދަ ހަރަކާތްތައް ހިންގުމުގެ ކުރިން އިސްލާމިކް މިނިސްޓްރީގެ ހުއްދަ ހޯދަން ޖެހޭނެ އެވެ.
މާލޭގެ މިސްކިތްތަކުގެ އިތުރުން ފުވައްމުލަކާއި އައްޑޫގެ މިސްކިތްތައް ބެލެހެއްޓުން ސިޓީ ކައުންސިލަތަކާ ހަވާލުކުރަން ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލިމަނިކުފާނު
07 January 2019
ސަރުކާރުން ކުރެއްވިޔަސް މިކަމަކީ ޤަބޫލުކުރެވޭނޭ ކަމެއް ނޫނެވެ. މިސްކިތްތައް ހުންނަންވާނީ އިސްލާމިކް މިނިސްޓްރީގެ ބެލުމުގެ ދަށުގައެވެ. މިސްކިތްތަކުގައި ހިންގާ ދީނީ ހުރިހާ ކަމެއް ވެސް ކުރެވެންވާނީ މިނިސްޓްރީގެ ފުރިހަމަ ބެލުމުގެ ދަށުންނެވެ. މީމަދެކޭ ގޮތެވެ.
މުޙައްމަދު.
07 January 2019
ފެންޓަސީ ބޭކަރީ ކުރިމަތިން އިންނަ ގޯޅި ތެރޭގަ ހުންނަ މިސްކިތް މަރާމާތު ކޮށްދީބަލަ. ކާރޕެޓް ބާވެފަ. ވުޟޫ ކުރާތަން ނަޖިސްވެފަ
އަލީ_
07 January 2019
ރަގަޅު ނިންމުމެއް. އިމާރާތް ބެލެހެއްޓުން އެއީ އިސްލާމިކް މިނިސްޓަރީއިން ކުރަންޖެހޭ ކަމެއް ނޫން.
ޝާފީ
07 January 2019
މިސްކިތްތައް ކައުންސިލްގެ ދަށައް ދާންޖެހެންޏާ ދިވެހިރާއްޖޭގެ ހުރިހާ މަދަރުސާތަކެއްވެސް ދާންޖެހޭނީ އެއަތޮޅުތަކެއްގެ ނުވަތަ އެ ސިޓީތަކެއްގެ ކައުންސިލްގެ ދަށައް! މިސްކިތްތައް ބެލެހެއްޓެން ޖެހޭނީ ސީދާ އިސްލާމިކް މިނިސްޓްރީގެ ދަށުން!
ރަންނަމާރި1
07 January 2019
މިސްކިތްތަކާ ސަހަރާތައް ކައުންސިލްތަކާ ހަވާލުކުރުމަކީ މިސްކިތްތަކާ ސަހަރާތަކުގެ ކަންކަން ބޮއްސުންލައިގެން ދާނެކަމެއްކަމަށް ޤަބޫލްކުރެވެއެވެ. ކައުންސިލްތަކަކީ ޒިންމާދާރު ތަންތަނެއްނޫނެވެ. މި ކުޑަކުޑަ އިސްލާމީ މުޖުތަމަޢުގައި ނަމާދުކުރާ މިސްކިތްތަކުގެ ހާލަތު ބޮއްސުންލައިގެން ދިއުމަކީ ޤަބޫލްކުރެވޭކަމެއްނޫންވެ. މާލޭގައި ކުނިގޮނޑު ހެދިފައި ފުރާޅުތަކާ އުސް ޢިމާރާތްތަކުން މަގުމައްޗަށް ނަޖިސްފެން ފައިބާއިރު މިކަމަށް ކައުންސިލުންކުރިކަމެއް ފެންނާކަށްނެތް.
މުއިއްޒު
07 January 2019
މީގެކުރިންވެސް ކަންތައް ވެފާހުރީ ތިގޮތަށް. ކައުންސިލްތަކުން މިސްކިތްތަށް ނަގަންޖެހުނީވެސް ނުބެލެހެއްޓިގެން.
ޏުހާ
07 January 2019
ރަނގަލު ގޮތެއްނޫން.
ރަދީފުގެ ދަރި ކުމާރު
07 January 2019
ދެން އަންނަ ސަރުކާރަކަށް ހާދަ ތަކުލީފެއްޖެހޭނެ އަނެއްކާ މިސްކިތްތައް މަރާމާތުކުރަން.
ފުންއަސަރު
07 January 2019
ތިބުނާ ކައުންސިލަކުން ވީކަމެއް ކިޔާބަލަ. ބަޔަކު ރަނގަޅަށް ކަމެއްކުރާތީ ކެތްނުވީ. އަނެއްކާ ކޮންމެހެންވެސް ޖެހޭނެ ހަސަދަ ބާލާލަން.
ލަދުކުޑޭ
07 January 2019
ކައުންސިލު މީހުން މުސާރައިންތަ ކުރަންޖެހެނީ؟ އެތަނަށް ބަޖެޓު ދިނީމާ ކުރާނެ. އެއީ ރައްޔިތުންގެ ވޯޓުން ހޮވާފައި ތިބޭ ބައެއް. މީހަކު އައްޔަންކޮށްފައި ތިބޭ ބައެއް ނޫން.