އެޑިއުކޭޝަން މިނިސްޓްރީން މިއަދު ބޭއްވި ނޫސްވެރިންގެ ބައްދަލުވުމުގައި ޑރ. އާއިޝަތު އަލީ.--ފޮޓޯ: ނިޝާން އަލީ/ މިހާރު
10 ޖެނުއަރީ 2019 - 15:13
14 comments
އަންނަ އާދިއްތަ ދުވަހު ކިޔެވުން ފެށެން ވާއިރަށް ސްކޫލުތަކަށް ޓީޗަރުންނާއި ވަސީލަތްތައް ހަމަވާނެ ކަމަށް އެޑިއުކޭޝަން މިނިސްޓަރު ޑރ. އާއިޝަތު އަލީ މިއަދު ވިދާޅުވެއްޖެ އެވެ.
ދިރާސީ އާ އަހަރާ ގުޅިގެން މިނިސްޓްރީން ބޭއްވި ނޫސްވެރިންގެ ބައްދަލުވުމުގައި މިނިސްޓަރު ވިދާޅުވީ ރާއްޖޭގެ 213 ސްކޫލަކަށް ބޭނުންވާ ވަސީލަތްތަކާއި ޓީޗަރުން ހަމަވެފައިވާ ކަމަށެވެ. އޭގެ ތެރެއިން ބޭރުގެ ބައެއް ޓީޗަރުން މިހާރު ވަނީ ރާއްޖެ އައުމުގެ މަގުމަތީގައި ކަމަށް ވެސް ވިދާޅުވި އެވެ.
އާ އަހަރުގެ ކިޔެވުމަށް ސްކޫލުތައް ތައްޔާރުކަމަށް ވިދާޅުވިއަސް، ބައެއް ސްކޫލްތަކަށް ފޮތްތަކާއި އެކްޓިވިޓީ ޔުނީފޯމް ނުލިބުމުގެ ޝަކުވާ މިފަހަރު ވަރަށް ބޮޑެވެ.
މިނިސްޓަރު ވިދާޅުވީ ޓެކްސްޓް ފޮތްތައް ދޫކުރަން މީގެ ކުރިން ވެސް ހަމަޖައްސާފައި އޮތީ ކިޔެވުން ފެށޭ ދުވަހު ދޭ ގޮތަށް ކަމަށެވެ. ނަމަވެސް ބައެއް ސްކޫލުތަކުގައި އޭގެ ކުރިން ފޮތްތައް ދޫކޮށްފައިވާ ކަމަށް ވިދާޅުވި އެވެ.
"[މިދިޔަ އަހަރު] ސްކޫލު ބަންދުވިއިރު ހެދިފައި އޮތް ޕްލޭނަކީ [މި އަހަރުގެ] ފޮތްތައް ދޫކުރާނީ 13 ޖެނުއަރީގައޭ. އެ ޕްލޭނާ އެއްގޮތަށް އަޅުގަނޑުމެން ވެސް ސަރުކާރާ ހަވާލުވެގެން މަސައްކަތް ކުރަމުން މި ދަނީ. އެ ދުވަހު ފޮތްތައް ހުރިހާ ބޭފުޅުންނަށް ވެސް ލިބޭނެކަމުގެ ޔަގީންކަން އަޅުގަނޑު އަރުވަން،" ޑރ. އައިޝަތު ވިދާޅުވި އެވެ.
އެކްޓިވިޓީ ޔުނީފޯމުގެ މައްސަލާގައި މިނިސްޓަރު ވިދާޅުވީ އެ މަސައްކަތް ކުރިއަށްދާ ގޮތް ރިވިއުކުރައްވާނެ ކަމަށެވެ.
"ސްކޫލުތަކުން އެއްބަސްފައި އޮތީ އެކި ތާރީހުތަކުގައި ޔުނީފޯމް ލިޔަސް މައްސަލައެއް ނެތޭ. އެ ސްކޫލުތަކުން ހަމަޖައްސާފައި ހުރި ތާރީހުތަކަށް އަޅުގަނޑުމެންނަށް އެކްޓިވިޓީ ޔުނީފޯމް މިފަހަރު ވެސް ލިބިގެންދާނެ،" މިނިސްޓަރު ވިދާޅުވި އެވެ.
މި އަހަރު ޕްރީ ސްކޫލުން ފެށިގެން ގްރޭޑް 12އާ ހަމައަށް 73،035 ދަރިވަރުން ކިޔަވާނެ އެވެ. އަދި ކިޔަވައިދިނުމުގައި 9800 އަށް ވުރެ ގިނަ ޓީޗަރުން މަސައްކަތްކުރާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓިން ޓިން
13 January 2019
ކޮން ގޮތަކަށްތޯ ހަމަވީ، ކިތައް ސްކޫލްގައި ޓީޗަރުން ހަމަނުވެތިބިކަން ތިޔަ މިނިސްޓަރ އަށް އެނގިވަޑައިގަންނަވާބާ؟؟؟؟؟؟
ނީރާ
11 January 2019
ހުސް ދޮގު ޓީޗަރުންވެސް ސްކޫލުތަކުގަ ހަމަނުވޭ
ރަށުމީހާ ހ ދ
11 January 2019
ބީޓެކް ހަދއަިގެން ނުކުންނަކުދިން ޓީޗަރުންނަށް . ކުދިންގެ ފެންވަރު ވަޒަން ކޮއްލެވޭނެ މިވަރުން. މިއީ ހ ދ ގެ ސުކޫލެއްގެ ހާލަތު.
.ސުކޫލު
11 January 2019
.ކަމެއް ކުރާކަށް ނޭގޭނެ ދެއްކުންތެރިކަން ނޫން ކަމެއް ތިމީހުންގެ ނޯންނާނެ ހުސްދޮގު ތަކެއް ހަދާފަ ފައިބައިގެން ދިއައީ.
އިޙްސާސް
11 January 2019
މިނިސްޓަރޫ މިއުޅެނީ ސުކޫލުގެ އެކްޓިވިޓީ ޔުނިފޯމު ނުލިބިގެން. އީވް ގާމެންޓު މީހުން ބުނަނީ ފެބްރުއަރީ 1 ގަޔޯ ލިބޭނީ. ދެން ކިހިނެއް ހަދާނީ..؟
ޢާބިދާގެމޮޔަސޮރު
10 January 2019
ހެދުނު ނާސްތާ ރޮށި އަދި މަސްހުނި ކާ ކުއްޖަކާއި މިނިސްޓަރު ދިމާވިތޯ ސުވާލު ކޮށްލަން ވަރަށް ބޭނުން. ބުނެލަން އޮތީ ތިޔައީ އިންތިހާއަށް ބޮޑު އިސްރާފެކޭ. މިއީ އިންޑިއާގައި ހުންނަ ކަހަލަ ބޯޑިން ސްކޫލު ހުންނަ، ނުވަތަ ގެއާއި ދުރު ކާނެ ވަގުތު އަދި ކާނެ ރަގަޅު ކާނާ ނުލިބޭ ކުދިން އުޅޭ ގައުމެއް ނޫނޭ. ޥައުދެއް ވާއިރު ދިރާސާ ކޮށްލުން މުހިއްމު
ާސުޕާރީ
10 January 2019
ފޮތް ވެސް ހަމަ ނުވޭ. ހުސް ދޮގު ހަދަނީ.
ކުޅުދުއްފުށީ
10 January 2019
ކޮބައި ޓެބް
މޫސާ ސާއިދު
10 January 2019
އެޑިއުކޭޝަން އިން މުޅިންވެސް ކަންކަން ކުރަމުންދަނީ ކޮރަޕްޝަނަށް މަގުފަހިވާ ގޮތަށް. ސްކޫލްތަކުން އެކްޓިވިޓީ ޔުނިފޯމްގެ އަސްލުދޭންޖެހޭ މީހުންނަށް ދީފަ އޮށްވާ އެކަންކުރެވޭ ވަރު ނުވާ ބަޔަކާ ހަވާލުކުރީ ކޮން އުސޫލަކުންތޯ
ދަލޭކަ
10 January 2019
މިއަށްވުރެ ބޮޑުދޮގެއް މިސަރުކާރަކުން ނުހަދާނެ.