އެޓާނީ ޖެނެރަލް ރިފްއަތު: ސުއޫދުގެ ތުހުމަތުތަކުގެ ހަގީގަތް ބަލާ ކޮމެޓީގެ ރައީސަކަށް ރިފްއަތު ވަނީ ހަމަޖައްސާފައި --ފޮޓޯ/މިހާރު
10 ޖެނުއަރީ 2019 - 16:55
9 comments
ގޭންގްތަކާއި ފަނޑިޔާރުންނާ ގުޅުން އޮތްތޯ ބެލުމަށް ޖުޑިޝަލް ސާވިސް ކޮމިޝަން (ޖޭއެސްސީ) އިން އެކުލަވާލި ކޮމެޓީގެ ރައީސަކަށް ބަންޑާރަ ނައިބު އިބްރާހިމް ރިފްއަތު ހަމަޖައްސައިފި އެވެ.
ގޮތް ނޭނގޭ މަރުތަކާއި ގެއްލުވާލާފައިވާ މީހުންގެ މައްސަލަތައް ބެލުމަށް ރައީސް އެކުލަވާލެއްވި ރިޔާސީ ކޮމިޝަންގެ ރައީސް ހުސްނުއްސުއޫދު ދާދިފަހުން ވަނީ ފަނޑިޔާރުން އައްޔަން ކުރުމުގައި ގޭންގްތަކުގެ ނުފޫޒު އޮތް ކަމަށް ތުހުމަތު ކުރައްވައިފަ އެވެ. އެ ތުހުމަތާ ގުޅިގެން ޖޭއެސްސީން ވަނީ އެކަމުގެ ހަގީގަތް ބެލުމަށް ޚާއްސަ ކޮމެޓީއެއް ކުރިން އެކުލަވާލައިފަ އެވެ.
ޖޭއެސްސީން ބުނީ އެ ކޮމެޓީގެ ރައީސަކަށް ރިފްއަތު ހަމަޖެއްސެވީ މިއަދު ބޭއްވި އެ ކޮމެޓީގެ ބައްދަލުވުމުގައި ކަމަށެވެ. އެކަމަކު ރިފްއަތުގެ އިތުރުން ކޮމެޓީގައި ދެން ހިމެނިވަޑައިގަންނަވާ ބޭފުޅުންގެ މައުލޫމާތެއް ޖޭއެސްސީން ހާމައެއް ނުކުރެ އެވެ. ރިފްއަތަކީ ބަންޑާރަ ނައިބުގެ ހައިސިއްޔަތުން ޖޭއެސްސީގެ މެމްބަރެއް ވެސް މެ އެވެ.
ޖޭއެސްސީން ބުނިގޮތުގައި އެ ތުހުމަތާ ގުޅޭ މައުލޫމާތު ހޯދުމަށާއި އެކަމުގެ މައުލޫމާތު ސުއޫދުގެ އިތުރުން ތަހުގީގީ އިދާރާތަކުން ހޯދުމަށް ވެސް އެ ކޮމެޓީން ނިންމި އެވެ. އަދި އެ ކޮމެޓީގެ މަސައްކަތް ބާރަށް ކުރިއަށް ގެންދިއުމުގެ އިތުރުން އެކަމުގެ މައުލޫމާތު އާންމު ކުރަމުން ގެންދިއުމަށް ވެސް އެ ކޮމެޓީން ނިންމި ކަމަށް ޖޭއެސްސީން ބުންޏެވެ.
ސުއޫދުގެ އެ ތުހުމަތުތައް ޖޭއެސްސީން ބަލަމުންދާއިރު، އެ ތުހުމަތުތަކާ ގުޅޭ މައުލޫމާތު ހިއްސާކުރަން ސުޕްރީމް ކޯޓުން ވެސް ކުރިން އެދުނެވެ. އެކަމަކު އެ މައުލޫމާތުތައް ސުޕްރީމް ކޯޓަށް ދޭން އޭނާ ދެކޮޅު ހެއްދެވި ކަމަށް ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ) އިން އިއްޔެ ބުންޏެވެ.
އެކަމަކު ކްރިމިނަލް ކޯޓުން ވަނީ ސުއޫދުގެ އެ ތުހުމަތުތައް ދޮގުކޮށް، އެކަމަށް ފާޑު ކިޔައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އީދުކަޅުބެ
11 January 2019
ފަނޑިޔާރުން އައްޔަން ކުރުމުގައި އެންމެ މުހިންމު ރޯލެއް އަދާކުރާ ތަނަކީ ޖުޑިޝަލް ސަރވިސް ކޮމިޝަނެވެ. އެހެންވީއުރު އެބުނާ ނުފޫޒެއްގެ ދަށުގައި އޮތްތަނެއްގެ ވާހަކަ ސުއޫދު ދެއްކެވީމަ، އެކަން ބަލަންވެސް ހަމަ އެ މުއައްސަސާއިން މިއުޅެނީ. ފަނޑިޔާރުންގެ މައްސަލަ ބަލަން ފަނޑިޔާރުން، ފަނޑިޔާރުން އައްޔަންކުރުމުގައި ގޭންގްތަކުގެ ނުފޫޒު އޮތްވާހަކަ ދެއްކުމުން އެކަން ބަލަންވެސް ފަނޑިޔާރުން. ބޯހަލާކު.
އިބިރިހިންބެއްޔާ
11 January 2019
ހަހަހަ! ދެން ކުރާ ތަހުގީގު ދުވަހުން ދުވަހަށް ނޫސްތަކަށް؟ ސަޅި.
އަހްމަދު
11 January 2019
ތިޔަބޭފުޅާގެ ރައީސްކަމުގަ ސުޢޫދުގެ މައްސަލައެއް ކިހިނެއްބަލާނީ
ޜަސްގެފާނު
11 January 2019
ސުޢޫދު އާ އެއްވަރަށް ޖުޑިޝަރީއަށް ފާޑުކިޔާ މީހަކު ތިޔަ ލީ ތި ކޮމިޓީ އަށް. ކިހާ އިންސާފުވެރިވާނެ.
ވާލުސޮރު
10 January 2019
ފަނޑިޔާރުންގެ މައްޗަށް ރައްޔިތުންގެ ފުރިހަމަ އިތުބާރު އޮތްވާހަކަ ޑީޖޭއޭ އިން ބުނިފަހުން މިހުންނަނީ މޭނުބައިކޮށް ހޮޑުލަވާގޮތްވެފަ! އަޅެ މިކަމަށް ހައްލެއް ލިބޭތޯ ކޮންމެވެސް ނޫހަކުން ނުވަތަ ޓީވީ ޗެނަލް އަކުން ޖުޑީޝަރީއަށް ރައްޔިތުންގެ އިތުބާރުއޮތްތޯ ނެތްތޯ ބަލައިލަން ޕޯލް އެއް ނަގާނެ ނަމައޭ ހިތަށްއަރާ.
ޚާޗުސް
11 January 2019
ތިބާއައް ނުވިސްނުނީމަ ދޯ ތިއުޅެނީ ޓީވީ ޗެނަލްތައް މިލިޔަނުން ޖޫރިމަނާކުރާނެ ރޭވުމެއް ދޯ
އިންސާފުން
10 January 2019
ފަނޑިޔާރުންގެއަގު ބިންމައްޗަށްވައްޓާ ވެއްޔާއި މޮޑެލައިފި.
ހޮލާކޯ
11 January 2019
ކާކު އެކަން ކުރީ؟
މަރޭމިތުރާ
10 January 2019
[ގޭންގުތަކާއި ގުޅިފައިވީ ބިރުގަންނާތީ! ގާނޫންބޭރުން އެކިކަންކަން ކުރެވޭތީ!].............. ގޭންގުތަކާއި ގުޅެނީ ކީއްވެތޯ؟ މިިސުވާލުގެ ޖަވާބަކީ އެއީ ހަގީގަތުގަ ނުބައިކޮށް ހުކުމްތައް ކުރެވޭތީ އެމީހަކަށް އެއިން ބައެއްގެ ފަރާތުން އަދުވެދާނެ ނުރައްކަލަކަށް ދިފާއަކަށް ކުރާކަމެއް! އެކަމަކު އެއީ ވަރަށްބޮޑުގޯހެއް!!