ނާސްތާ ޕްރޮގްރާމު އިފްތިތާހު ކުރެއްވުމަށް އަމީނިއްޔާ ސްކޫލުގައި ބޭއްވި ރަސްމިއްޔާތުގައި އެޑިއުކޭޝަން މިނިސްޓަރު ޑރ. އާއިޝަތު އަލީ ވާހަކަ ދައްކަވަނީ -- ފޮޓޯ: ނިޝާން އަލީ/މިހާރު
13 ޖެނުއަރީ 2019 - 11:15
32 comments
ސްކޫލްތަކުގައި ނާސްތާ ދިނުމުގެ ޕްރޮގްރާމު ގިނަ އަހަރުތަކަކަށް ކުރިއަށް ގެންދެވިއްޖެ ނަމަ، ސިއްހަތު ރަނގަޅު އަދި ދުޅަހެޔޮ ދަރިވަރުންތަކެއް އުފެދޭނެ ކަމަށް އެޑިއުކޭޝަން މިނިސްޓަރު ޑރ. އާއިޝަތު އަލީ މިއަދު ވިދާޅުވެއްޖެ އެވެ.
ރާއްޖޭގައި ފުރަތަމަ ފަހަރަށް ސަރުކާރުން ހޭދަކޮށްގެން ނާސްތާ ޕްރޮގްރާމް ފެށީ ފުރަތަމަ 25 ސްކޫލް ކަނޑައަޅައިގެންނެވެ.
އާ ތައުލީމީ އަހަރާ ގުޅިގެން މިނިސްޓަރު ދެއްވި ހިތާބުގައި ވިދާޅުވީ ނާސްތާ ޕްރޮގްރާމް 10 އަހަރަށް ކުރިއަށް ގެންދެވިއްޖެ ނަމަ ވަރަށް ރަނގަޅު ނަތީޖާތަކެއް ނުކުންނާނެ ކަމަށެވެ.
"ހެނދުނުގެ ނާސްތާގެ ޕްރޮގްރާމް ދިހަވަރަކަށް އަހަރު ކާމިޔާބުކޮށް ކުރިއަށް ގޮސްފި ނަމަ، އަޅުގަނޑުމެންނަށް ފާހަގަކުރެވޭނީ ސްކޫލް ކުދިންގެ ހިތްއަލިވެ، މުރާލިވެ، ރޫފަޖެހި، އިސްކޮޅުން ދިގުވެ، ދިވެހިރާއްޖެ އާ އުސްމިނަކަށް އުފުއްލައިލާނޭ މުލައްދަނޑީގައި ބާރު ހުރި، ބުންވަރުގައި ޖޯރު ހުރި، ފަހުލަވާނުންތަކަކަށް އެ ކުދިން ވާނެކަން،" ޑރ. އާއިޝަތު ވިދާޅުވި އެވެ.
އޭނާ ވިދާޅުވި ގޮތުގައި ނާސްތާ ޕްރޮގްރާމް ފެށުމުގެ ކުރިން، ކުރި ދިރާސާތަކުން އެނގެނީ ނުކައި ސްކޫލަށް ދާ ކުދިންގެ ހެދިބޮޑުވުމަށާއި ތައުލީމީ ކުރިއެރުމަށް ބުރުއަރާކަމެވެ.
އެކަހަލަ ޕްރޮޮގްރާމެއް ފެށީ، މިނިސްޓަރު ވިދާޅުވި ގޮތުގައި، "އެކަށީގެންވާ ކާނާ ނުލިބުމުން، ކުދިން އަނަރޫފަވެ، ބައެއް ކުދިން އެކަށީގެންވާ ވަރަށް ބޮޑު ނުވާކަން ފާހަގަކުރެވިގެން"ނެވެ.
މިއަދު 25 ސްކޫލްގައި ނާސްތާ ޕްރޮގްރާމް ފަށަން އޮތަސް، ބައެއް ސްކޫލްތަކުގައި އެކަން ކުރެވޭ ގޮތެއް ނުވި އެވެ. އެކަމަކު އެޑިޔުކޭޝަން މިނިސްޓްރީން ބުނީ އިންތިޒާމްތައް ހަމަނުޖެހުނު ސްކޫލްތަކުގެ ބަދަލުގައި އެހެން ސްކޫލްތައް ހިމަނައިގެން ނަމަވެސް އަޖުމަބަލަން 25 ސްކޫލްގައި އެކަން ކުރިއަށް ގެންދާނެ ކަމަށެވެ. އަދި ދެވަނަ ޓާމުގެ ކިޔެވުން ފެށުމާ އެކު، ހުރިހާ ސްކޫލަކަށް ފުޅާކުރަން ވެސް ވަނީ ހަމަޖައްސައިފަ އެވެ.
މިނިސްޓަރު ވިދާޅުވި ގޮތުގައި ރާއްޖޭގެ ތައުލީމީ ކަންތައް ލާމަރުކަޒީ އުސޫލެއްގެ ދަށުން ކުރިއަށް ގެންދެވޭނެ ގޮތަށް ބަދަލުކުރަން ވަނީ ނިންމައިފަ އެވެ. އެ ބަދަލު ގެނައުމުން ސްކޫލުތަކުގެ ފެންވަރު ރަނގަޅުވެ، އެތަންތަން ހިންގަން ތިބޭ މީހުން ބާރުވެރިވާނެ ކަމަށް ވެސް އޭނާ ވިދާޅުވި އެވެ.
މީގެ އިތުރުން އޭނާ ވިދާޅުވީ ކޮންމެ ކުއްޖަކަށް ވެސް އެކަށީގެންވާ ތައުލީމު ފޯރުކޮށްދޭން މިނިސްޓްރީން އަންނަނީ ހާއްސަ ޑިވިޝަނެއް އުފެއްދުމުގެ މަސައްކަތް ކުރަމުން ކަމަށެވެ.
"އަތެއްގެ ހުރިހާ އިނގިލިތައް އެއްވަރު ނުވާ ފަދައިން، ހުރިހާ ދަރިވަރުންނަކީ، ނަފްސާނީ ގޮތުންނާއި ޖިސްމާނީ ގޮތުން، ހަމަހަމަ ކުދިންނެއް ނޫން،" އެފަދަ ޑިވިޝަނެއް އުފައްދައިގެން ކޮންމެ ކުއްޖަކަށް ވެސް ތައުލީމު ކަށަވަރުކޮށްދޭން ޖެހޭ ސަބަބުތައް ފާހަގަކުރައްވަމުން މިނިސްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެހެން
15 January 2019
ސިއްހަތުރަގަޅެއްނުވާނެ. ގެރީގެ ކިރާ، ޖަނަވާރުގެ މަސް އެއީ ހެލްތީ އެއްޗެއްނޫން ، އެއީ ލޭ ހޮޅިތަށް ހަލާކުކުރާ އެއްޗެއް. ވިސްނުންތޫނުވާނީ ގަހުގައި އުފެދޭ އެއްޗެހި ކެއީމަ. އެއީ ތަރުކާރީއާ މޭވާ. އެކަމަކު އަހަރެމެން ދިވެހިންނަށް އެއްވެސް އިރަކު ޖަނަވާރުގެ މަހާނުލާ ނުކާނެ. އެހެންވީމަ އެއްވެސްކަމެއް ރަގަޅަށް ނުވިސްނިގެން މިއުޅެނީ. ބުއްދިނުކުރާތީ މިކަހަލަތާކުންތާކުނުޖެހޭ ޕްރޮގްރާމެއްވެސް މިހިންގަނީ.
ބިރްބޮލްވަޒީރު
14 January 2019
ދެން ތިބުނީ މިހާ ދުވަހު އަހަރުމެން ބަލާ ބޮޑު ކުރި ކުދިން ސިއްޙަތު ރަނގަޅެއް ނޫނޭ؟
އަދުރޭސ
14 January 2019
އޯލެވެލް ނިންމާއިރު ދަރިވަރުންނަށް ނުބޯންވީ ތަކެއްޗާއި ނުކާންވީ ތަކެތި އެނގިފައި ތިބެން ޖެހޭ. އެނަރޖީ ޑްރިންކާއި ހަކުރުބޯން ފަށަނީ މިއުމުރުގައި.
ާޢާއިޝާ
14 January 2019
ނަމާދު ޕްރޮގްރާމް ވެސް އަވަހަން ފައްޓަވާ.
މާރަނގާ - އައްޑޫ ސިޓީ
13 January 2019
ހަމައެކަނި “ބަނޑަށްއަޅާކާނާއަކީ ފުރިހަމަ ސާދާއިންސާނެއްތައްޔާރުކޮށްބޮޑުކުރުމަށް ފުދޭމިންވަރެއްނޫން” އިގޭތޯ. * * ރާއްޖޭގެ މިޖީލުގެގިނަކުދިންނަކީ “ހަޤީގަތުގައި ރެފިއުޖީހާލުގައި ވަޒަނުންބޭރުކުރެވި ލޯބިވާއާއިލާއާއިވަކިން މައިވަންތަކަމުގެ ފުރިހަމަލޯބިނުލިބި” ބޮޑުވާކުދިންތަކެއް. * * ދައުލަތުގެމުއްސަނދިކަންހޭދަތިކުރަނީ އެންމެރަށެއްގެރައްޔިތުންގެމަސްލަހަތަށް މަންފާއަށް ކުދިންނަށްކެއުންދޭނީ އެމީހުންގެމައިންބަފައިން. ދައުލަތުގެޒިންމާ ސަރުކާރުންއުފުލާދީ.
ޕޮކަޑިމޭން
13 January 2019
ދައުލަތުގެ ބަޖެޓުން 50މިލިއަން ރުފިޔާ ޚަރަދުކޮށްގެން މިކަހަލަ ބޭކާރު ކަންކަން ކުރުމަށްވުރެ ސްކޫލަށް ކުދިން ގެންދާ ދަބަހާއި، ލާނެ ޔުނީފޯމާ، އަރާނެ ބޫޓާ ސްޓާކިން، ފަދަ ތަކެތި މިފައިސާ އިން ހަމަޖެއްސިނަމަ މާރަނގަޅުވާނެ. އަޅުގަނޑުމެންގެ ދަރިން ސްކޫލަށް ދަނީ ގެއިން ރަނގަޅަށް ނާސްތާކޮށްގެން، ގެއިން ކާން ލިބޭއެއްޗަކަށްވުރެ ކޭޓަރިންގެ ޚިދުމަތްދޭ ބަޔަކު ވިޔަފާރިއަކަށް ތައްޔާރުކުރާ އެއްވެސް ކާއެއްޗެއް ރަނގަޅުވެފަ ހެލްތީވާނެ އެއްވެސް ގޮތެއް ނުވިސްނޭ
ޕޮކަޑިމޭން
13 January 2019
ސްކޫލަށްދާ ކުދިންގެ ހަމައެކަނި ކާނާއަކަށްވާނީ ހެނދުނުގެ ނާސްތާއޭ ކިޔާފަ ސްކޫލުން ފޯރުކޮށްދޭ ކިރުޕެކެޓަކާ ޓޫނާ ސޭންޑްވިޗް ނުވަތ ޕާން ޕީނަޓް ބަޓަރ ނުވަތު ރޮއްޓާ މަސްހުނި އެކަނިބާ؟ އެކުދިން ތިބޭނީ ދުވަހުގެ ބޮޑުބައިގަ އެނޫން އެއްވެސް އެހެން އެއްޗެއް ނުކައިބާ؟ ސަރުކާރުން ފޯރުކޮށްދޭ ހެނދުނުގެ ނާސްތާއަކީ ރާއްޖޭގެ ގިނަކުދިން ގެއިން ކާން ލިބެން ހުންނަ އެއްޗިއްސަށްވުރެ ވަކި މޮޅު އެއްޗިއްސެއްނޫން. ގިނަކުދިން ކުރިންވެސް ގެއިންކަނީ ފައިދާހުރި ރަނގަޅުކާނާ
މަރޭމިތުރާ
13 January 2019
[ހެޔޮވުމަކީ ރަނގަޅުވުމަކީ، ރަނގަޅޭ ބުނެވެނީ ހެޔޮވީމާ! ހެޔޮކަމެއް މީހަކުދެކެ ލޯބިނުވޭ، ހެޔޮވީމާ އެމީހަކުދެކެ ލޯބިވަނީ!]. ކޮށްދޭ ހެޔޮކަންތަކަށް ގޯހޭނުބުނެ ލޯބިކުރައްވާ!
ވާލުސޮރު
13 January 2019
މިއީ އަސްލު ތަރައްގީ އަކީ، 50 މިލިޔަން ދިޔަސް ތިކަން ކުރިއަށް ގެންދަވާ. ވަގު ލާރިން މުއްސަނދިވެފަ ތިބި ރޮލެކްސް ގަޑިއާ ފްލެޓް ގަނެދީފަ ތިބި މެމްބަރުންގެ ދަރިންނަށް އިހުސާސެއް ނުވާނެ ނިކަމެތިންގެ ކޮއްތުކޮޅެއްގެ ވެލިއު އެއް
ޑރ.ނަޒުނާ އަހުމަދު/ ހިތަދޫ/ޔޫކޭ
13 January 2019
މިއަދު މާލޭގެ ސުކޫލްތަކުގެ ދަރިވަރުން ހެނދުނުގެ ނާސްތާ ނަގަމުންދިޔަ ލައިވްމަންޒަރު ޔޫ ޓިއުބުގ އޮންލައިނު ނޫސްތަކުންފެނިފައިވާތީވެ މިއަދު އެދެއްވި ނާސްތާއަކީ އެހުރިހާ ކުދީން ފޯރމުތަކެއް ފުރައި އަދި އެކުދީން ބޭނުންވާ ނާސްތާ ތޯ ސާފުކޮށް ދެއްވައި ފިއްޔާ ރަނގަޅު. މިކަންސާފުކުރަންޖެހުނީ ނާސްތާ މިއަދު ނުދޭ އަދި ރާއްޖޭގެ އެއްމެ އާބާދީ ބޮޑު އެެއްސުކޫލްކަމަށްވާ ޝަރަފުއްދީނު ސުކޫލުން ބުލޭންކު ފޯރމުތަކެއް ދަރިވަރުންނަށްފުރުމަށްހަވާލުކުރި ލިބެންހުރިއެއްޗެއްނ