ކާރެއް ކޮންޓްރޯލް ނުވެ އެސްބީއައި ހިތަދޫ ބްރާންޗް ތެރެއަށް ވަދެއްޖެ

ކާރު އެސްބީއައި ހިތަދޫ ބްރާންޗްގެ ތެރެއަށް ވަދެފައި. ފޮޓޯ/ ސޮބްރީ

އަހުމަދު އަދްޝަން، މިހާރު

14 ޖެނުއަރީ 2019 - 15:49

އައްޑޫ ހިތަދޫ ބޮޑު މަގުގައި ދުއްވާފައި ދިޔަ ކާރެއް ކޮންޓްރޯލް ނުވެ ގޮސް، އެ މަގުގައި ހުންނަ ސްޓޭޓް ބޭންކް އޮފް އިންޑިއާ (އެސްބީއައި) ގެ ބްރާންޗްގެ ތެރެއަށް މިއަދު ވަދެއްޖެ އެވެ.

މި ހާދިސާގައި ކާރުގެ ކުރީކޮޅު އޮތީ ބޭންކް ހިންގާ އިމާރާތުގެ މައި ދޮރާ ދިމާލުގައި ހުންނަ ބިއްލޫރި ގޮޅި ފުނޑާލައިފައި ވަދެ އެތެރޭގަ އެވެ. މި އެކްސިޑެންޓްގައި އެއްވެސް މީހަކަށް އަނިޔާއެއް ނުވެ އެވެ.

އެކްސިޑެންޓްވި އިރު ކާރުގައި ތިބީ ކިތައް މީހުން ކަމެއް ނޭނގެ އެވެ.

ކާރު ގޮސް ޖެހުނުލެއް ބާރުކަމުން، ބޭންކްގެ ތެރޭގައި ހުރި ސޯފާ ސެޓެއް ވިއްސައިގެން ދިޔަ އެވެ.

މަންޒަރު ދުށް މީހަކު ބުނީ ބާރު ސްޕީޑްގައި ދުއްވި ކާރު ކޮންޓްރޯލުން ނެއްޓުނީ ބޭންކާ ދިމާލުގައި އޮތް ގޯޅި އަޅަން އުޅުމުގެ ތެރޭގައި ކަމަށެވެ.

އެސްބީއައި ހިތަދޫ ބްރާންޗްގެ ތެރެއަށް ކާރު ވަދެފައި --ފޮޓޯ/ ސޮބްރީ

މި ހާދިސާ ހިތަދޫ ފުލުހުން މިހާރު ވަނީ ތަހުގީގުކުރަމުންނެވެ. އެކަމަކު އެއްވެސް މީހަކު ހައްޔަރެއް ނުކުރެ އެވެ.

ސ. ހިތަދޫ އައްޑޫ މަގުމަތީގެ އެކްސިޑެންޓް އައްޑޫ ޕޮލިސް

7 ކޮމެންޓް, 29 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އާއިޝަތު ނާސިހާ ގުރޭޑު9ހިތަދޫ

15 January 2019

ކާރުދުއްވަން އިންދައިތާ އަހަރުމެން ދަންނަން. އެމީހާ އަކީ މިރަށު އާދެ، ހިތަދޫ މީހެއް. އުމުރުން ދުވަސް ވެފައިވާ މީހެއް އަދި ކާރު ދުއްވަން ފެށިފަހުން 5 ދުވަސް ވަރުވާނީ... އެހެންވީމާ އަދައިތާ އަށް ބޭންކުން ވެސް އެބަޖެހޭ މައުފުކޮށް މައްސަލަ ޕޮލިހުން ނެގުން.. ކާރެއް އޮތަކަށް ވަރައް ދަތި ދިރިއުޅުމެއްގައި މިހާރުވެސް އުޅެނީ ފޭދޫގައި..