ވިޔަފާރި / އެސްބީއައި

އެސްބީއައި މާލޭ ބްރާންޗްގެ ފައިދާ މިދިޔަ އަހަރު 52.6 ޕަސެންޓް ދަށަށް ހިނގައްޖެ

ރާއްޖޭގައި ހިންގާ އެންމެ ގިނަ ދުވަސްވީ ބޭންކަކީ އެސްބީއައި އަށް 2014 ވަނަ އަހަރު 623.9 މިލިއަން ރުފިޔާގެ ފައިދާ ލިބުނުއިރު މިދިޔަ އަހަރު ވަނީ އެ އަދަދު 296 މިލިއަނަށް ދަށްވެފައި.

އެސްބީއައިގެ މާލޭ ބްރާންޗް. -- ފޮޓޯ:އެސްބީއައި

އަބްދުﷲ ޖަމީލު، މިހާރު

27 މެއި 2016 - 17:07

6 comments

ރާއްޖޭގައި އެންމެ ދުވަސްވީ ބޭންކް، ސްޓޭޓް ބޭންކް އޮފް އިންޑިއާ (އެސްބީއައި) މާލޭ ބްރާންޗަށް މިދިޔަ އަހަރު އިންޓަރެސްޓުން ލިބުނު އާމްދަނީ ދަށްވުމުން، ސާފު ފައިދާ އޭގެ ކުރީ އަހަރަށް ވުރެ 52 ޕަސެންޓް ދަށްވެއްޖެ އެވެ.

އެސްބީއައިގެ މާލޭ ބްރާންޗްގެ މިދިޔަ އަހަރުގެ ތަފާސްހިސާބުތައް ދައްކާ ގޮތުން އެ ބްރާންޗަށް މިދިޔަ އަހަރު ލިބުނު ފައިދާ ވަނީ އޭގެ ކުރީ އަހަރާ އަޅާބަލާއިރު 327 މިލިއަން ރުފިޔާ ދަށްވެފަ އެވެ. އެ ބޭންކަށް 2014 ވަނަ އަހަރު ސާފު ފައިދާގެ ގޮތުގައި 623.9 މިލިއަން ރުފިޔާ ލިބިފައިވެ އެވެ. ނަމަވެސް މިދިޔަ އަހަރު ލިބުނީ 296 މިލިއަން ރުފިޔާ އެވެ.

އެސްބީއައިގެ ތަފާސްހިސާބުތައް ދައްކާ ގޮތުން މިދިޔަ އަހަރު ލޯނުން އިންޓަރެސްޓް އަދި ފީގެ ގޮތުގައި ލިބިފައި ވަނީ 289.2 މިލިއަން ރުފިޔާ އެވެ. އޭގެ ކުރީ އަހަރު ލިބިފައި ވަނީ 419.7 މިލިއަން ރުފިޔާ އެވެ. އެ ބްރާންޗަށް މިދިޔަ އަހަރު ލިބުނު ސާފު ފައިދާ ދަށްވުމުގެ މައިގަނޑު ސަބަބަކީ ވެސް އެއީ އެވެ.

ތަފާސްހިސާބުތައް ދައްކާ ގޮތުން މިދިޔަ އަހަރު އިންޓަރެސްޓުން އާމްދަނީގެ ގޮތުގައި ޖުމްލަ ލިބިފައި ވަނީ 403 މިލިއަން ރުފިޔާ އެވެ. މިއީ 2014 ވަނަ އަހަރު ލިބުނު އަދަދަށް ވުރެ 98 މިލިއަން ރުފިޔާ ދަށް އަދަދެކެވެ. އަދި ހިންގުމުގެ ހަރަދު ވެސް މިދިޔަ އަހަރު ވަނީ 70.3 މިލިއަން ރުފިޔާއަށް އިތުރުވެފަ އެވެ. މިއީ އޭގެ ކުރީ އަހަރަށް ވުރެ ދިހަ މިލިއަން ރުފިޔާ އިތުރު އަދަދެކެވެ.

އެސްބީއައިގެ ތަފާސްހިސާބުތައް ދައްކާ ގޮތުން މިދިޔަ އަހަރު އަނބުރާ ނުލިބޭނެ ކަމަށް ކަނޑައަޅާފައި ވަނީ 127 މިލިއަން ރުފިޔާ އެވެ. މިއީ އޭގެ ކުރީ އަހަރަށް ވުރެ 147 މިލިއަން ރުފިޔާ މަދު އަދަދެކެވެ.

އެ ބޭންކުން މިދިޔަ އަހަރު އިންކަމް ޓެކްސްގެ ގޮތުގައި ދެއްކި މިންވަރު ވެސް ވަނީ 27.5 މިލިއަން ރުފިޔާއަށް ދަށްވެފަ އެވެ. އޭގެ ކުރީ އަހަރު އިންކަމް ޓެކްސްގެ ގޮތުގައި 180 މިލިއަން ރުފިޔާ ދައްކާފައިވެ އެވެ.

އެސްބީއައި މާލޭ ބްރާންޗް ހުޅުވީ ފެބްރުއަރީ 1974، ގަ އެވެ.

އެސްބީއައި ބޭންކިން

6 ކޮމެންޓް, 30 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަމަނަމަނަ

28 May 2016

ތިއީ ބޯދާ ސްޓައިލަށް ބޭންކް ހިންގާތީ ވާގޮތެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންޑިއާ

28 May 2016

ތިބޭން ތިޔަ ހިނގަނީ ހަމަ ޢިންޑިއާ ހިނގާ ގޮތަށް އެންމެ ކުރީޒާމާނުގެ އުސޫލު. ކޭޝް ޑިޕޮސިޓް މޭޝިނުގަނޑެށް ނުހުރޭ. ތަނުގެތެރޭ ފިތިބާރުވެގެން ހިދުމަތެއް ލިބެނީ. ތަނުން ހިދުމަތް ހޯދުމަށް އެހާ ގިނައިރުވޭ. އެހެން ނޫނަސް ގައުމުގެ ފައިދާ އިންޑިއާއަށް ދާން ބޭނުންވާނީ ވަރަށް މަދު ދިވެހިން.