މިދިޔަ އަހަރުގެ ހައްޖުގެ އަޅުކަމުގައި ބަޔަކު ބައިވެރިވަނީ: މި އަހަރުގެ ހައްޖުގެ އަޅުކަމަށް ސައުދީން ދަނީ ފިޔަވަޅުތައް އަޅަމުން. ފޮޓޯ: ސައުދީ ގެޒެޓް
22 އޯގަސްޓް 2016 - 14:42
3 comments
މައްކާ (އޮގަސްޓް 22) - ހައްޖު ހުއްދަ ނެތި މައްކާ އަށް ވަންނަން އުޅުނު 70،000 އަށް ވުރެ ގިނަ މީހުން މިދިޔަ ހުކުރު ދުވަހާ ހަމައަށް އަނބުރާ ފޮނުވާލާފައިވާ ކަމަށް ރޯޑް ސެކިއުރިޓީ ފޯސަސް ކޮމާންޑުން ބުނެފި އެވެ.
ކޮމާންޑުން ބުނީ ހައްޖާޖީން އުފުލުމުގެ ހުއްދަ ނެތް ނެތް 28،000 ވެހިކަލް މައްކާ އަށް ވަންނަން އުޅެނިކޮށް އަނބުރާ ފޮނުވާލާފައިވާ ކަމަށެވެ. އަދި މިއިން ގިނަ ވެހިކަލްތަކުގައި މަދުވެގެން 25 މީހުން ތިބި ކަމަށް ވެސް ކޮމާންޑުން ބުނެފައިވެ އެވެ. ހައްޖަށް މީހުން އުފުލުމުގެ ހުއްދަ ނެތި ދަތުރުކުރާ ވެހިކަލްތަކާއި ޑްރައިވަރުންނާ ދެކޮޅަށް ފިޔަވަޅު އަޅާނެ ކަމަށް ވެސް ކޮމާންޑުން ބުނެފައިވެ އެވެ.
ހައްޖު ސެކިއުރިޓީ ފޯސަސް ކޮމާންޑުން ބުނީ މައްކާ ޕްރޮވިންސްގައި ވެހިކަލްތައް ދުއްވުމުގެ އިންތިޒާމްތައ ހަމަޖައްސަމުން އަންނަ ކަމަށެވެ. އަދި ހުއްދަ ނެތި މައްކާ އަށް ވަންނަން އަންނަ އެންމެން އަނބުރާ ފޮނުވާލާނެ ކަމަށް ހައްޖު ސެކިއުރިޓީ ކޮމާންޑުން ބުނެ އެވެ. މީގެ އިތުރުން މައްކާ އަށް ވަންނަން އަންނަ ވެހިކަލްތަކުގެ ޑްރައިވަރުން ސަލާމަތީ އޮފިޝަލުންނަށް އެއްބާރުލުން ދިނުމަށް ވެސް ހައްޖު ސެކިއުރިޓީ ކޮމާންޑުން އިލްތިމާސް ކުރެ އެވެ.
މި އަހަރުގެ ހައްޖުގެ އަޅުކަމަށް ދުނިޔޭގެ އެކި ހިސާބުތަކުން މީހުން މިހާރު ވަނީ ސައުދީ އަރަބިއާ އަށް ދަތުރު ކުރަން ފަށައިފަ އެވެ. މިދިޔަ އަހަރުގެ ހައްޖުގެ އަޅުކަމުގެ ތެރޭގައި ވަނީ ހިތާމަވެރި ދެ ހާދިސާއެއް ހިނގައިފަ އެވެ. ގަދަ ވަޔާ އެކު ހަރަމްފުޅު ތެރެއަށް ބޮޑު ކްރޭނެއް ވެއްޓި 110 މީހުން މަރުވި އިރު މިނާގައި ފިތިގެން ވެސް ވަނީ ދެހާހަށް ވުރެ ގިނަ މީހުން މަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޙުަމަދު ޝަރީފު
22 August 2016
ކުރީފަހަރު ހިނގިފަދަ ހިތާމަވެރި ޙާދިސާތަކުން ޙައްޖާޖީން ސަލާމަތްކުރައްޥާށި! އަދި ޙައްޖާޖީންގެ ކަންތައްތައް އިންތިޒާމު ކުރުމުގައި އުޅުއްވާ ހުރިހާ ފަރާތްތަކަށް އެންމެ ފުރިހަމަގޮތުގައި އެކަންކަން ގެންދިއުމުގެ ތަވްފީޤް ދެއްވާށި ! ޢާމީން
ލޮލް
22 August 2016
ވިސްނާލާތި. އެއްގަމު މަގުން މައްކާއަށް އެ ދަތުރުކުރަނީ ސައުދީ ރައްޔިތުން. އަނބުރާ ފޮނުވާލަނީ ސައުދީ ރައްޔިތުން. ރާއްޖެކަހަލަ ބޭރުގައުމުތަކުން ހައްޖަށްދާ މީހުންނަށް ހަރަންފުޅުން ޖާގަލިބެނީ ސައުދީ ސަރުކާރުން މިކަހަލަ ފިޔަވަޅު އަޅާތީ.
މެންޓަލިސްޓް
22 August 2016
ދެންތީގައިވާނެގޮތަކީ މައްކާގައި މިހުންނަނީ ގެފުޅު ،، ދެން އެތަނުގެ ސަރުކާރުން ބުނިގޮތެއްހަދައިގެން އެތަނަށް ދެވޭނީ ،،، އެނޫންގޮތެއްނޯންނާނެ ،،، ތިޔަހެން ހުއްދަނުހޯދާއެދަނީ ފުތުނައާޢި ފަސާދައުފައްދަން އުޅޭމީުންކަމުގައި ދަންނަވަންޖެހެނީ ...