މަތީ ތައުލީމުގެ ލޯނު ލިބުނު ދަރިވަރުން އިއުލާނުކޮށްފި

ހަޔަ އެޑިއުކޭޝަން މިނިސްޓްރީން ބޭއްވި ފުރަތަމަ ނޫސްވެރިންގެ ބައްދަލުވުމުގައި އެ މިނިސްޓްރީގެ އިސްބޭފުޅުން.-- ފޮޓޯ: އަހުމަދު ނިޝާތު/ މިހާރު

އާސިމާ ނިޒާރު، މިހާރު

28 ޖެނުއަރީ 2019 - 11:25

9 comments

މަތީ ތައުލީމް ހާސިލްކުރަން ސަރުކާރުން ހުޅުވާލި ލޯނު ލިބުނު ދަރިވަރުން އިއްޔެ އިއުލާނުކޮށްފި އެވެ.

ހަޔަ އެޑިއުކޭޝަން މިނިސްޓްރީގެ ޑިރެކްޓާ ޖެނެރަލް އަދި އެކްޓިން ޕާމަނަންޓް ސެކްރެޓަރީ ޑރ. އަބްދުއްރަހީމް މިއަދު ވިދާޅުވީ މިދިޔަ އޮގަސްޓް މަހު ހުޅުވާލި ލޯނަށް 650 އަށްވުރެ ގިނަ ދަރިވަރުން ކުރިމަތިލި ކަމަށެވެ. އޭގެ ތެރެއިން ލޯނު ދީފައިވަނީ 315 ދަރިވަރުންނަށެވެ.

ލޯނު ލިބުނު ދަރިވަރުންނަށް މިއަދުން ފެށިގެން އަންނަ ފެބްރުއަރީ މަހުގެ ނިޔަލަށް އެކަމުގެ ލިޔުން ހަވާލުކުރާނެ ކަމަށް މިނިސްޓްރީން ބުންޏެވެ.

ހަ ސަތޭކައިގެ ޖާގައިގެ ތެރެއިން ރާއްޖޭގައި ކިޔެވުމަށް ހުޅުވާލީ 300 ފުރުސަތެވެ. ރާއްޖޭން ބޭރުގައި ކިޔެވުމަށް 200 އަދި މިހާރު ވެސް ކިޔަވަމުން އަންނަ ދަރިވަރުންނަށް ހާއްސަކުރީ 100 ފުރުސަތެވެ.

ނަމަވެސް ޖާގަ ދީފައިވަނީ އަލަށް ކިޔަވަން ފަށާ ދަރިވަރުންނަށް 113 ފުރުސަތު، ރާއްޖޭން ބޭރުގައި އަލަށް ކިޔަވަން ފަށާ ދަރިވަރުންނަށް 169 ފުރުސަތު އަދި ރާއްޖެ އާއި ރާއްޖޭން ބޭރުގައި މިހާރު ވެސް ކިޔަވަމުން އަންނަ 33 ދަރިވަރަކަށެވެ.

އަބްދުއްރަހީމް ވިދާޅުވީ އެންމެ ގިނަ ދަރިވަރުން ކުރިމަތިލާފައިވަނީ ރާއްޖޭން ބޭރުގައި ޑިގްރީއަށް ކިޔެވުމަށެވެ.

މިނިސްޓްރީން ވަނީ، މަތީ ތައުލީމުގެ ލޯނުގެ އިންޓްރެސްޓް ތިން ޕަސެންޓަށް ކުޑަކޮށް ލޯނު ދައްކާ މުއްދަތު އިތުރުކޮށްފަ އެވެ. މިފަހަރު ލޯނަށް ހޮވުނު ދަރިވަރުންނަށް ވެސް ލޯނު ދޭން ނިންމާފައިވަނީ އާ އުސޫލުގެ ތެރެއިންނެވެ.

އަންނަ މަހުގެ ކުރީކޮޅު، މަތީ ތައުލީމުގެ ލޯނުގެ އާ ފުުރުސަތަކަށް ހުޅުވާލާނެ ކަމަށް މިނިސްޓްރީން ބުންޏެވެ.

މަތީ ތައުލީމު ސްޓޫޑެންޓް ލޯނު ހަޔާ އެޑިއުކޭޝަން ޑިޕާޓްމަންޓް އިބްރާހިމް ހަސަން، ހަޔާ އެޑިއުކޭޝަން މިނިސްޓަރު މިނިސްޓްރީ އޮފް ހަޔާ އެޑިއުކޭޝަން

9 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙަބީބު

28 January 2019

ފޮނިދެއްކުން މީގަމިއޮތީ ރާއްޖޭގަ ކިޔެވެން ހުރި އެއްޗެއް ކިޔަވަން ރާއްޖެއިން ބޭރައް ދާކައްނުޖެހޭ ސަރުކާރުން ހަރަދުކުރާކައްނުޖެހޭ ތިޔައްވުރެ މާރަނގަޅުވާނެ ގެދޮރު ނުހެދިފަ ތިބިމީހުނައް ތިޔަބުނާ 3 ޕަސަންޓުގަ ލޯނުދިނިއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިރުހާން

28 January 2019

ރާއްޖޭން ބޭރަަށް ލާރިތައް ހަރަދުކުރުމުގަ ވިސްނާލުން ބުއްދިވެރިވާނެ މިރާއްޖޭން ރަނގަޅުފެންވަރުގައި ލިބެންނެތް އެއްޗަކަށްތޯ މިހަރަދުކުރެވެނީ. ތައުލީމަކީ ޕްރައިޑަކަށްވުރެ ބޮޑަށް އިލްމުހޯދުމުގެ މަސައްކަތެކެެވެ. ރާއްޖޭން ބޭރުން ކިޔެވުމަކީ ޝަރަފެއްގެ ގޮތުގަ އޮންނަންޖެހޭކަމެއްނޫންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްޤުބަސް

28 January 2019

ރާއްޖޭގައި ދުނިޔެ ޤަބޫލުކުރާ ފެންވަރުގަ ކިޔެވެންހުރި ދާއިރާތަކުން ރާއްޖޭންބޭރަށް ކުދިން ފޮނުވަން ހިއްވަރުދިނުމަކީ ކުރެވޭ އިސްރާފެއް. ނަމަވެސް ސައިންގެ މާއްދާތަކުން ފޮނުވަންވީ ގިނަގިނައިން. އެކަމަކު މިސާލަކަށް އެކައުންޓިންގ އަދި ބިޒްނަސްގެ ބައެއް ދާއިރާތަކުން ދުނިޔޭގެ އެންމެ ކުރިއަރާފައިވާ ޔުނިވާރސިޓީތަކުން ލިބޭ ރިކޮގްނިޝަން އަދި އެގްޒެމްޕްޝަން މިއަދު ރާއްޖޭގައި ކިޔަވައިގެންވެސް އެބަލިބޭ. ދުނިޔޭގެ ބޮޑެތި ބޮޑީތަކުން ބަލައިގަތުމުގަ ތަފާތެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފައިސަލް މޫސާ

28 January 2019

އަހަރުމެން ހީކުރީ ޑިޕާޓްމަންޓް އަކުން މިނިސްޓްރީ އަކަށް ބަދަލުވީމަ ރަނގަޅު ސްޓްރަޓަޖީއެއް ތިޔަ މިނިސްޓްރީން ކުރިއަރުވާނެކަމަށް، އެކަމަކު މިޖެހެނީ ކޮންތާކު، މިިނިސްޓްރީ އުފެއްދީ ރާއްޖޭގެ މަތީތައުލީމް ކުރިއަރުވަން، އެކަމަކު މިނިސްޓްރީއަށް ކަނޑައަޅާ ފައިސާ ދެވެނީ ބޭރުގެ ޔުނިވަސިޓީ ކޮލެޖުތަކަށް، މިހެން މިކަން ކުރާތީ 19 އަހަރު މަތީތައުލީމް ކުރިއަރުވަން ފުރުނުއިރުވެސް ބޭރަށް ކުދިން ނުފޮނުވާ ނުވީ، މިއީ ވަކި ބަޔަކު ބޭރަށް ފޮނުވަން ހިންގޭކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަރީމުއްދީން ބާޝާ

28 January 2019

ތިކަމިގާވެސް އޮންނަނީ ދަށުންދަމާކުޅުން. އެމީހާ ހައްގުހޯދަން ތެދުވެއްޖެނަމަ އޭނާގެ ހަޔާތް ނިމިދަނީ ހައްގުހޯދުމުގާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓިޕް

28 January 2019

ރާއްޖޭންބޭރުން ލޯނުނަގއިގެން ކިޔަވންވާނީ ރާއްޖޭގަ ކިޔަވާދޭތަ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަޕްޝަން

28 January 2019

މިއީ ކިރަޕްޝަނުން ފުރިފައިވާ އަނެއް ކަންތައް. ނުފޫޒުގަދަ މީހުންގެ ދަރިންނަށް ލޯނުވެސް ސްކޮލްވެސް. އެޕްލިކޭޝަން ލިސްޓުގައި ކުދިންގެ ނަން ޖަހަން ފެށުމަށް ކެމްޕޭނު ފަށަންވީ. ލޯނުލިސްޓުގައި ތިވޭނީ 18 އަހަރުވެފައިވާ މީހުން. ފްލެޓް ލިސްޓު ގޮތަށް އެޕްލިކޭޝަން ނަންބަރު މިހާރު އިންނަނީ. އަޅުގަނޑަށް ކަނޑަ އެޅިގެން އެނގޭ އޭލެވެލް 1 މާއްދާއިން އެކަނި ފާސްވި މީހަކަށް މެލޭސިޔާގައި ކިޔަވަން ލޯނުލިބުނު. އޭނަ މަންމައާއި ބައްޕަ މީސްމީހުންނަށް ގުޅައިގެން.