ކަރެކްޝަންސް އޮފިސަރުންގެ ބެލުމުގެ ދަށުން އަދީބު މިއަދު އަނބުރާ ޖަލަށް ގެންދަނީ: ގެއަށް ބަދަލު ކޮށްފައި ވަނީ އިއްޔެ ހައި ކޯޓުން ކުރި އަމުރެއްގެ ދަށުން. -- މިހާރު ފޮޓޯ: ނިޝާން އަލީ
29 ޖެނުއަރީ 2019 - 19:20
22 comments
ކުރީގެ ނައިބު ރައީސް އަހުމަދު އަދީބު ގޭ ބަންދަށް ބަދަލު ކުރުމަށް ހައި ކޯޓުން ކުރި އަމުރު ތަންފީޒު ނުކުރުމަށް ސުޕްރީމް ކޯޓުން އެންގުމުން އޭނާ މިއަދު އަނބުރާ ޖަލަށް ގެންގޮސްފި އެވެ.
އަދީބު ގެއަށް ބަދަލު ކުރުމަށް ހައި ކޯޓުން އިއްޔެ އަމުރުކޮށްފައި ވަނީ އޭނާގެ ސިއްހީ ހާލަތަށް ރިއާޔަތްކޮށް އެކަން ކޮށްދިނުމަށް އާއިލާގެ ފަރާތުން އެދުމުންނެވެ.
ހައި ކޯޓުން ނެރުނު އަމުރުގައި ބުނެފައި ވަނީ އަދީބު ގެއަށް ބަދަލުކޮށްދިނުމަށް ހުށަހަޅާފައިވާ މައްސަލައިގައި ހުކުމެއް އިއްވަންދެން އޭނާ ގެއަށް ބަދަލު ކުރުމަށެވެ. އެ މައްސަލަ ދައުލަތުން އިސްތިއުނާފް ކުރުމުން ސުޕްރީމް ކޯޓުން މިއަދު ހަވީރު ނެރުނު އަމުރުގައި ބުނެފައި ވަނީ އެ ކޯޓުން އެ މައްސަލައިގައި ވަކި ގޮތެއް ނިންމަންދެން އަދީބު ގެއަށް ބަދަލު ކުރި އަމުރު ތަންފީޒު ނުކުރުމަށެވެ.
ކަރެކްޝަންސްގެ ގާޑުން އަދީބު ދިރިއުޅުއްވާ ގ. ހުމަށި އަށް ގޮސް އޭނާ އަނބުރާ ޖަލަށް ގެންގޮސްފައި ވަނީ ސުޕްރީމް ކޯޓުގެ އަމުރު ނެރުނުތާ ދެ ގަޑިއިރު ތެރޭގަ އެވެ.
އަދީބު ގެއަށް ބަދަލު ކުރުމަށް ހޯމް މިނިސްޓަރު އިމްރާން އަބްދުﷲ ދެކޮޅު ހައްދަވާތީ އެކަމާ ޕްރެޝަރު ކުރިމަތިވެފައި ވަނިކޮށް މިއަދު މިނިސްޓަރު ވިދާޅުވެފައި ވަނީ "އިސްލާމް ދީނާއި ދިވެހި ގައުމުގެ ހިމާޔަތުގައި" ކުރައްވަން ޖެހިވަޑައިގަންނަވާ ކޮންމެ ކަމެއް ވެސް ކުރައްވާނެ ކަމަށެވެ.
ކިޑުނީގައި އުފެދިފައިވާ ހިލަތައް ނައްތާލުމަށް މިދިޔަ ނޮވެމްބަރު މަހު އަދީބު ވަނީ އައިޖީއެމްއެޗްގައި ސާޖަރީއެއް ހަދައިފަ އެވެ. އޭގެ ފަހުން އޭނާ ޖަލަށް ގެންދިއުމުގެ ބަދަލުގައި ވަނީ ގޭގައި ބަހައްޓައިފައެވެ. އަނބުރާ ޖަލަށް ގެންދިޔައީ ޖެނުއަރީ، 2 ގަ އެވެ.
ގޭގައި ހުންނެވި ދުވަސްވަރު އަދީބު ވަނީ މޯލްޑިވިއަން ތާޑް ވޭ ޑިމޮކްރެޓްސް (އެމްޓީޑީ)ގެ ނަމުގައި ސިޔާސީ ޕާޓީއެއް އުފައްދައިފަ އެވެ. އަދި އެ ޕާޓީގެ ރައީސްގެ މަގާމަށް އޭނާ ވަނީ އައްޔަންކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގޯޕާލް
30 January 2019
ތިމީހުނަށް ބައި އެޅީކަމަށްވާނީ. ކުރިއަށް އޮތް މަޖިލީހުގެ ވަރަށް ގިނަމީހުން ގަންނަން ރެޑީވެފައިވާކަމަށް އަޑުތައްއިވޭ.
EmEss
30 January 2019
އަލްހަމްދުލިއްލާހި. ﷲ ހައްގަށް ނަސްރު ދެއްވާ މިފަދަ މުޖިރުމުންގެ ކިބައިން ގައުމު ސަލާމަށް ކޮށްދެއްވުންއެދި ދުއާކުރަން. އާމިން
އަދުލް އިންސާފް
30 January 2019
ޔާމީނުވެސް މީނަ ހުންނަ ގޮޅިއަށް ލާންވީ، އެއިރަށް ދެމީހުން ތިބެދާނެއެންނު އެކަކު އަނެކަކަށް ލޯ އަޅާލައަޅާލަ. ހަަހަހަ
އަނަމް
30 January 2019
މިދެން ކިހާ ދެރަވެއްޖެ ކަމެއްތަ!ކިތަންމެ ވަރަކަށް ބަލިކަމަށް ހެދިގެން ވެއްޓުނަސް އަހަރުމެންގެ ސަޕޯޓެއް ނުލިބޭނެ. އަހަރުމެން އެންމެންގެ ލާރިތައް ވަގަށް ނެގީ މިނާ!ހިފާ ހައްޔަރު ކުރޭ!ދޫ ދީގެން ނުވާނެ. ވަގު ލާރީގައި ކިހާ ދުވަހަކު އުޅެވޭނެ ކަމައްތަ ހީކުރަނީ. މާ މާތް މީހަކަށް ވާން އުޅޭނެ ކަމެއް ނެތް!
.. .
30 January 2019
ޔާމިން ވެސް ހައްޔަރުކުރޭ!
އަބްދުއްالله
30 January 2019
ހޫނ
ޝޮކްތެރަޕީ
30 January 2019
އަދީބަކީ ވަރުގަދަ ބޮޑު ކުއްވެރިއެއް. އަދީބަކީ ޖަލުގަ އޮނަންޖެހޭ މީހެ.
ޅެލެ
29 January 2019
ދެން ޔާމީނު ގޭގައި ހުންނަނީވެސް ހަމަ އިސްލާމް ދީނާ ދިވެހި ގައުމަށްޓަކާ ދޯ. ޔާމީނު ނުކުރާ ކަމެއް އަދީބު ކުރީތ؟
ދާދޭ
30 January 2019
ޔާމީނުގެ މައްޗަށް އަދި ޝަރީޢަތުން ޖަލު ހުކުމެއް ނުކުރޭ. އަހަރެމެންނަށްވެސް އެނގޭ ޔާމީނުގެ ފުރިހަމަ ތާއީދާއިލަފާގެ މަތިން ނޫންގޮތަކަށް އަދި އަދީބުގެޚިޔާނާތުގެ ވާހަކަ އޮޑިޓަރ ޖެނެރަލް ދެންނެވީމާވެސް ފިޔަވަޅު ނާޅައިހުރީ ޚަޒާނާ ލޫޓުވާލުމުގެބޭނުމުގައިކަން. ރައްޔިތުންގެ ފައިސާއަށް ޚިޔާނާތްތެރިވުމަށް މީހަކު ބުނެގެންކަންކުރާމީހާވެސް ދަންނަވަންވާނެ މަޖުބޫރުހާލަތުގައި ކަންކުރިޔަސް ތިމާ ސަލާމަތްވާން ބޭނުންވާ ހެކި ހޯދައި އެއްކުރަން.ނޫނީ ކަންކުރިމީހާތާށިވާނީ
ވާލުސޮރު
29 January 2019
"މީސްތަކުންގެ މެދުގައި ޙުކުމް ކުރާނަމަ ޢަދުލަށް ޙުކުމް ކުރުމަށް" ﷲ ވަނީ އަމުރު ކުރައްވާފަ. އެހެންވީމަ އަދީބެއް ޝާއިރެއް، ވާޢިޒެއް ތަފާތުކުރެވިގެން ނުވާނެ. ސްޕްރީމް ކޯޓުގެ އަމުރު ރަނގަޅު.
ޙަމަ
29 January 2019
ރަހުމެއް ނެތް މީހެކޭ ބުންޔަސް ހެޔޮ. ޢަދީބު ހުންނަން ޖެހޭނި ހަމަ ޖަލުގަ. ޙިޔާނަތްވި ލާރި ވާހަކަ އެކަންޏެއް ނޫން. ޢެންމެންނަށް މިހާރު އެނގޭ އެހެނިހެން ޖަރީމާ ތަކާވެސް އެކު. ނޯ ސިންޕަތީޒް.