ޚަބަރު / އިމްރާން އަބްދުﷲ، ހޯމް މިނިސްޓަރު

ކައުންސިލަރުންގެ ސަސްޕެންޝަން އުވާލައި މުސާރަތައް އަލުން ދޭން ނިންމައިފި

ލޯކަލް ގަވާމެންޓް އޮތޯރިޓީން އިއްޔެ ބޭއްވި ބައްދަލުވުން---

އަހުމަދު ސާއިލް އަލީ، މިހާރު

31 ޖެނުއަރީ 2019 - 14:20

ރައީސް އަބްދުﷲ ޔާމީންގެ ސަރުކާރުގައި ސަސްޕެންޑް ކޮށްފައިވާ ގިނަ އަދަދެއްގެ ކައުންސިލަރުންގެ ސަސްޕެންޝަން އުވާލައި އަދި މުސާރަ ހިފެހެއްޓި ކައުންސިލަރުންގެ މުސާރަ އިޔާދަ ކުރުމަށް ދިނުމަށް ލޯކަލް ގަވަމެންޓް އޮތޯރިޓީ (އެލްޖީއޭ) އިން އިއްޔެ ނިންމައިފި އެވެ.

ކައުންސިލްތަކުގެ މި ދައުރުގައި 79 ކައުންސިލަރަކާ މެދު ފިޔަވަޅު އަޅާފައިވާއިރު، އޭގެ ތެރެއިން ގިނަ ބޭފުޅުންނަށް މުސާރަ ލިބިވަޑައިނުގަންނަވާ ގޮތަށް ގިނަ ދުވަސްތަކަކަށް ސަސްޕެންޑް ވެސް ކޮށްފައި ވެ އެވެ. އޭގެ ތެރެއިން އެއް ކައުންސިލަރެއްގެ ސަސްޕެންޝަން އޭރު ބާތިލް ކުރިއިރު އިތުރު ކައުންސިލަރުންގެ ސަސްޕެންޝަން ވަނީ ތަންފީޒުކޮށްފަ އެވެ.

ޔާމީންގެ ސަރުކާރުގެ މުއްދަތުގައި ގިނައިން ފިޔަވަޅު އަޅާފައި ވަނީ އެ ސަރުކާރާ މެދު ސިޔާސީ ގޮތުން ހިޔާލު ތަފާތު ކައުންސިލަރުންނާ ދޭތެރޭގަ އެވެ.

އެލްޖީއޭގެ ރައީސް، އަދި ހޯމް މިނިސްޓަރު އިމްރާން އަބްދުﷲ އިއްޔެ ރިޔާސަތު ބެލެހެއްޓެވި އެ އޮތޯރިޓީގެ ބޯޑުން ނިންމާފައި ވަނީ އެ ކައުންސިލަރުންނާ މެދު އަޅާފައިވާ ފިޔަވަޅުތައް ބާތިލް ކުރުމަށެވެ.

އެގޮތުން 77 ކައުންސިލަރެއްގެ ސަސްޕެންޝަން ބާތިލްކޮށް، އެއް ކައުންސިލަރެއްގެ ސަސްޕެންޝަންގެ މުއްދަތު ތިން މަހުން އެއް މަހަށް ލުއިކޮށްދޭން ނިންމި އެވެ.

އެ ނިންމުމާ ގުޅިގެން، ސަސްޕެންޑް ކޮށްފައި ވާ މުއްދަތުގައި އެ ކައުންސިލަރުންނަށް ދޭން ޖެހޭ މުސާރަ އާއި އިނާއަތް އަލުން ދިނުމަށް ފިނޭންސް މިނިސްޓްރީއާ އެކު މަސައްކަތް ކުރަމުން އަންނަ ކަމަށް އެލްޖީއޭ އިން ބުނެ އެވެ.

ކައުންސިލަރުން ބާރުވެރިކޮށް ލާމަރުކަޒީ ނިޒާމް ހަރުދަނާ ކުރުމަކީ ރައީސް އިބްރާހިމް މުހައްމަދު ސޯލިހްގެ ސަރުކާރުގެ ރިޔާސީ ވައުދެކެވެ.

ކައުންސިލް އިދާރާ ލާމަރުކަޒީ ހިންގުން އިމްރާން އަބްދުﷲ، ހޯމް މިނިސްޓަރު

10 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝެލަރީ

01 February 2019

ޔާމީންގެ ހިންގި ޖަރީމާތައްބަލާ ކޮމެޓީން ކޮންކަމެއްތަ މިކުރަނީ ހާދަ ފަހަތުފަޔަށް ބުރައޭ ދެއްތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދައްބޫރު

01 February 2019

ކައުންސިލްތައް އޭގެޒާތުގައި ހިނގާނަމަ ކައުންސިލްތަކާ ކައުންސިލަރުންގެ ފައިދާ ރައްޔިތުންނަށް ކުރާނެ. ވަހީދު އަދި ޔާމީންގެ ސަރުކާރުން ޅަފަތުގައިއޮތް ކައުންސިލްތަކަށް ކުރިދުއްތުރާތަކުގެ ސަބަބުން ރައްޔިތުންގެ އިތުބާރު ކައުންސިލް ތަކަށް ގެއްލުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުސިޔާސީ މީހާ

31 January 2019

ތީ މިހާރު އުވާލަންވެފަ އޮތް ތަނެއް. އެއްވެސް ބޭނުން ހިފޭ ބައެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސިލަރު

31 January 2019

ޔާމީނުގެ 3 މަސްދުވަހުގެ ސަސްޕެންޝަން މިވީ 3 މަހުގެ ޗުއްޓީއަކަށް އިބޫގެ އޯގާތެރިކަމުން... ޔާނު ތޭންކްސް ފޯ ފޫރޯ ހޮލިޑޭސް ފޯ އަސް އިންގޭ ބުރޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޫދު

31 January 2019

ތީނދަ ނަސީރުވެސް ބޯޑު މެންބަރެއް މިހާރު؟ އެވެސް މާ ރޯނު އެދުރުވެގެން އުޅޭ ބޭފުޅެއް. މުޅިންވެސް މި ފެންނަނީ މި ސަރުކާރުގަ ތަނެއްދޮރެއް ނޭގޭ މީހުންނަށް ބޮޑެތި މަގާމު ދޭތަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޫގުލާ

31 January 2019

ނަމެއްގަ މިނިވަން ތަނެއް ތީ. ސަރުކާރު ބަދަލްވީ ކޮއްފަ ހުންނަ ހުރިހާ ހުކުމެއް ބަދަލްވީ. މި ހުރިހާ ތަނެއްވެސް މި ހިނގަނީ ހަމަ އެހެން ހަަމައެކަނި މީހުން ބަދަލުވާކަން. ސޭމް ސިސްޓަމް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަފާ

31 January 2019

އެލްޖީއޭއަކީ މިނިވަން މުއައްސަސާއެއް ނޫން އެއީ ސަރުކާރުގެ ބައެއް މިނިސްޓަރެއްގެ ބެލުމުގެ ދަށުގަ އޮންނާނި އަބަދުވެސް.. ޤާނޫނުގަ ވެސް ނުބުނޭ މިނިވަން މުއައްސަސާއެކޭ ކޯޓުގަވެސް މިތަން ތަމްސީލުކުރާނި އެޓަރނީޖެނެރަލް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަޙުމަދު

31 January 2019

ދެން ހުރިހާ ކައުންސިލަރުން ވެގެން ދަޢުލަތުގެ މުދަލާ ފައިސާއަށް ޔާމީނު ޚިޔާނާތްތެރި ވެފައިވާފައިސާތަށް ދައުލަތަށް ހޯދަދޭން އެމީހަކަށް ކުރެވުނު ކަމެއް ކޮށްދޭށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕިކްސް

31 January 2019

ކައުންސިލަރުންނަކީ ރައްޔިތުންގެ ވޯޓުން ހޮވާބައެއް. މާލޭގަ ހުންނަ ލޯކަލް ގަވަމެންޓް އޮތޯރިޓީއޭ ކިޔާތަނަކަށް ކައުންސިލަރުންނާ ދޭތެރޭ ފިޔަވަޅު އެޅިގެނެއއް ނުވާނެ. އޭރުން ކައުންސިލަރުންނަށް މިނިވަންކަމާއެކު ރައްޔިތުންގެ ބަސް އިއްވޭނީ.