އެމްއެމްއޭގެ ގަވަރުނަރު އަހުމަދު ނަސީރު. -- ފޮޓޯ: ހުސެން ވަހީދު/މިހާރު
06 ފެބުރުއަރީ 2019 - 13:20
24 comments
ބޭންކުތަކުން ދޫކުރާ ލޯނުތަކުގެ އިންޓްރެސްޓް ރޭޓް ބޮޑުވާ އެއް ސަބަބަކީ އެ ލޯނުތައް އަނބުރާ ދެއްކޭނެ ކަމުގެ ޔަގީންކަން ބޭންކުތަކަށް ކުޑަވާތީ ކަމަށް މަރުކަޒީ ބޭންކް މޯލްޑިވްސް މޮނިޓަރީ އޮތޯރިޓީ (އެމްއެމްއޭ)ގެ ގަވަރުނަރު އަހުމަދު ނަސީރު ވިދާޅުވެއްޖެ އެވެ.
އާންމުންނާއި ވިޔަފާރިތަކުގެ ދަރަނީގެ ވަނަވަރު އެނގޭނެ ވެބްސައިޓް ތައާރަފް ކުރުމަށް ބޭއްވި ރަސްމިއްޔާތުގައި ނަސީރު ވިދާޅުވީ، ލޯނު އިންޓްރެސްޓް ބޮޑުވުމަކީ ފައިސާ ހޯދުމަށް ކުންފުނިތަކަށް އޮތް އެންމެ ބޮޑު ހުރަސް ކަމަށެވެ. އަދި ލޯނެއް ހޯދުމަށް ރަހުނެއް ބޭނުން ވުމަކީ ވެސް ދިމާވާ ގޮންޖެހުން ކަމަށް ވިދާޅުވި އެވެ. އެހެންވެ، ދަރަނީގެ ވަނަވަރު ފަސޭހައިން ބެލޭނެ ގޮތެއް ހަމަޖެހުމަކީ ލޯނު އިންޓްރެސްޓް ކުޑަކުރުމަށް ބާރަކަށް ވާނެ ކަމަށް ގަވަރުނަރު ވިދާޅުވި އެވެ.
ލޯނެއް ނަގަން ދާ ބައެއް މީހުންނަކީ ލޯނު ދެއްކުމުގެ ގާބިލް ކަން ހުރި ނަމަވެސް، ލޯނު އަނބުރާ ދެއްކުމުގެ ނިޔަތް ނެތި ލޯނަށް އެދޭ މީހުން ކަމަށް ވެސް ގަވަރުނަރު ވިދާޅުވި އެވެ. އެހެންވެ، ގަވަރުނަރު ވިދާޅުވީ މިކަމަށް ހައްލެއް ހޯދުމަށް ކްރެޑިޓް އިންފޮމޭޝަން ރަޖިސްޓްރީއެއް ބޭނުންވާ ކަމަށެވެ. އޭނާ ވިދާޅުވި ގޮތުގައި، ބޭންކުތަކުން ލޯނު ދޭ އިރު ކުރިއަށް އޮތް ތަނުގައި މިކަން މިހާރަށް ވުރެ ފަސޭހައިން ބެލޭނެ އެވެ.
ރާއްޖޭގެ މާލީ ދާއިރާ ކުރިއަރަމުން އަންނައިރު އެންމެ މުހިއްމު ކަމަކީ މާލީ މަންފާ ހުރިހާ ފަރާތްތަކަށް ލިބުން ކަމަށް ނަސީރު ވިދާޅުވި އެވެ. އޭނާ ވިދާޅުވީ، އިގްތިސާދީ ކުރިއެރުން ގައުމަށް ލިބޭނީ، އިންވެސްޓް ކުރާނެ ފައިސާ ލިބިގެން ކަމަށެވެ. އަދި އަމިއްލަ ފަރުދުންނަށް ބޭނުންވާ މާލީ އެހީތެރިކަން ހޯދައިދިނުމަށް މިހާރަށް ވުރެ ރަނގަޅަށް އުސޫލުތައް ގާއިމުކުރަންޖެހޭ ކަމަށް އޭނާ ވިދާޅުވި އެވެ.
ގަވަރުނަރު އަހްމަދު ނަސީރާއި އިކޮނޮމިކް މިނިސްޓަރު ފައްޔާޒް އިސްމާއިލް. -- ފޮޓޯ: ހުސެން ވަހީދު/މިހާރު
"އެންމެ ބޮޑަށް ރާއްޖޭގައި ފާހަގަކުރެވެނީ، އަދި ވޯލްޑް ބޭންކުގެ ޑުއިން ބިސްނަސް ރިޕޯޓުތަކުން ވެސް އެނގިގެންދަނީ، ކުދި އަދި މެދުފަންތީގެ ވިޔަފާރިތަކަށް ދިމާވެފައިވާ އެންމެ ބޮޑު ގޮންޖެހުމަކީ ބޭނުންވާ ފައިނޭންސް ނުލިބުން. ފައިނޭންޝަލް ސެކްޓާ ކުރިއަރުވަން ބޭނުންވާ އެންމެ މުހިއްމު ކަމަކީ ފަސޭހަކަމާ އެކު ވީހާ ވެސް ކުޑަ އަގެއްގައި ފައިނޭންސް ލިބޭނެ އިންތިޒާމު ހަމަޖެހިފައި އޮތުން،" އޭނާ ވިދާޅުވި އެވެ.
CIB
We are delighted to inform you that we have started the Self-Inquiry service for the public. A Self-Inquiry is a credit report designed for you to check your own credit history.Get Started!
ދަރަނީގެ ވަނަވަރު މި ވެބްސައިޓުން ކޮންމެ ފަރާތަކަށްވެސް ހޯދާނެ
މިއަދު ތަފާރަފްކުރި ކްރެޑިޓް އިންފޮމޭޝަން ޕޯޓަލްގައި، ކޮންމެ ވިޔަފާރިއަކަށް ވެސް ނުވަތަ ފަރުދަކަށް ވެސް އައިޑީ ކާޑު ނަންބަރު ޖަހާލައިގެން ދަރަނީގެ ވަނަވަރު ބަލައިލެވޭނެ އެވެ.
މީގެ އަށް އަހަރު ކުރިން އެމްއެމްއޭ އިން ވަނީ ކްރެޑިޓް އިންފޮމޭޝަން ބިއުރޯއެއް ގާއިމުކޮށްފަ އެވެ. މިހާތަނަށް 17،000 ދަރަނީގެ ވަނަވަރު އެ ބިއުރޯއިން ހޯދާފައިވެ އެވެ. އަލަށް ތައާރަފްކުރި ވެބްސައިޓާ އެކު ވަކި ވަކި ފަރުދުންނަށް ވެސް މި މައުލޫމާތުތައް އޮންލައިންކޮށް ލިބޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނިކަމެތި ދިވެހި މީހާ
10 February 2019
30،000 ރުފިޔާގެ ލޯނެއް 2015 ވަނަ އަހަރު ނަގައިގެން އެންމެ މަހަކުވެސް މަޅިނާރުވާ ބަރާބަރަށް ކޮންމެ މަހަކު 900 ރުފިޔާ އެކުންޓުން ކަނޑާ! އެލޯނު ނިމެން އަންނަނީ މިހިނގާ 2019 ވަނަ އަހަރު އޮގަސްޓް މަހު 7 ވަނަ ދުވަހު. އެ ހޭދަވީ 46 މަސް. ޖުމްލަ 41،400 ރުފިޔާ! 30،000 ރުފިޔާ ގެ %18 އަކީ 35،400 ރުފިޔާ! އެހެން ވީމަ 6،000 ރުފިޔާ އަކީ ސީދާ އޮޅުވާލުމެއްގެ ތެރެއިން ރައްޔިތުން އަތުން ފެލާ އަދަދެއް !
ހިލްމީ
07 February 2019
ކީކޭ ބާ މިކިޔަނީ ރާއްޖޭގެ ނޮން ޕާފޯމިންގް ލޯނުގެ ނިސްބަތަކީ އެންމެ 2 ޕަސެންޓު. މިއީ ދުނިޔޭގެ ނިސްބތުންވެސް ވަރަށް ރަގަޅު އަދަދެއް. މިއިން އެގެނީ ދިވެހިން ނަކީ ލޯނުދައްކާބައެއްކަން. މިއީ ތިތާ ވެބްސައިޓުން ލިބެނ ހުރި މއުލޫމާތު.
ހަސަނު 2
07 February 2019
ނިކަމެތިންނަ ތިކުރާ އަނިޔާ ހުއްޓާލާ
ނެޝަނަލިސްޓް
06 February 2019
އިންޓަރެސްޓް ބޮޑުވުމަކީ ފައިސާ އަބުރާ ދެއްކުމުގެ ރިސްކް ބޮޑުވާނެ ކަމެއް!
ކިޔު5
06 February 2019
ގަރުނުގެ ބޮޑު ޖޯކު
ގަމާރު
06 February 2019
ގަވަރު ނަރަށް ވަރަށްސަލާމް ތިބުނާ ގޮތުން ވިއްޔާ ކޮންމެެ ދިވެއްސެއް މަރުވަންޖެހޭނީ ތިތަނުން ދޫކުރާ ލޯނެއް ނުދެެއްކިި ބޮޑު ދަރަންޏެއް ބޮލުގަ އަޅުވާގެންދޯޯ. ދައްކާނެ ނުދައްކާނެ ވާހަކަޔެއް ނޯވޭ. ރިސޯޓް ހަދާމީހުން އެކަނިތޯ ލާރި ދައްކަނީ ސަރުކާރަށް. ރިސޯޓެއް ހަދަން ވިއްޔާވެސް ހުރިހާ އެއްޗެއް ޑިޔުޓީ މާފުކޮށްދޭ މާދަމާ ބުނާނެ ގެދޮރު ހަދާން ގެންނަ އެއްޗިއްސަށް އެހާބޮޑު ޑިޔުޓީ ނަގަނީ މިގައުމުގަަ މާގިނަަ ގެ ގިނަވީމައޭ.
އަޝްރަފު
06 February 2019
އެހެންވީމާ އަދިވެސް "އަހަރެމެންގެ ބޭންކޭ" ނުކިޔާ މަޑުން ތިބެންވީނު! ރާއްޖެ ވާނެ ނިސްބަތުން ލޯނު އަނބުރާ ދައްކާ ޤައުމަކަށް. ނުވިތާކަށް ގެދޮރު ރަހުނުކޮށްފަ މި ލޯނު ނަގަނީ. ފާޑުފާޑުގެ ވާހަކަ ނުދައްކާ އިންޓަރެސްޓް ބޮޑުކޮށް ނަގައިގެން ރައްޔިތުން ފެލުން ހުއްޓާލާ!
އަލީގ
06 February 2019
ވަރައް ގިނަ ތަކެތި އަދި ހިދުމަތުގެ އަގުވެސް ބޮޑުވަނީ ނަހަމަ ގޮތުން ކަންކަން ހާސިލު ކުރާމީހުންނާހެދި. ގިނަފަހަރައް އަހަރެމެންނައް ހީވަނީ އޮންނަ އުސޫލުންބޭރުން މީހަކައް އެއްޗެއްލިބުމުން އަހަރެމެން އެކަމާ ކަންބޮޑުވުމުގެ ބޭނުމެއްނެތޭ އެކަމަކު އެމީހާއައް އެލިބުނުއެއްޗެއްގެ އަގު އާހިރުގަ ދައްކަންޖެހޭނީ އުސޫލުތަކާ އެއްގޮތައް އަމަލުކުރާމީހުން.
ހިޔަނިކޮއެ
06 February 2019
ތިބުނާ ސިސްޓަމެއް ހުންނަތާ 8 އަހަރު، އިންޓްރަސްޓް ރޭޓު ދިޔައީ މައްޗައް
ތިމާވެށި
06 February 2019
ބޭންކުތަކުން ދޫކުރާ ލޯނުތަކުގެ އިންޓްރެސްޓް ރޭޓް ބޮޑުވަނީ އެ ލޯނުތައް އަނބުރާ ދެއްކޭނެ ކަމުގެ ޔަގީންކަން ބޭންކުތަކަށް ކުޑަވާތީ ކަމަށް މަރުކަޒީ ބޭންކް މޯލްޑިވްސް މޮނިޓަރީ އޮތޯރިޓީ (އެމްއެމްއޭ)ގެ ގަވަރުނަރު އަހުމަދު ނަސީރު ވިދާޅުވެއްޖެ އެވެ. ރާއްޖެ އިން ނޫނީ ދުނިޔޭގެ އެއްވެސް ގައުމަކުން މިކަހަލަ ވާހަކަ އެއް އަޑު އަހާލަން ނުލިބޭނެއެވެ. ލޯނު ދެނީ ރަހުނުވެސް ބަހައްޓާފައެވެ. ފައިސާ ނުދެއްކިއްޖެނަމަ ރަހުނު ގެއްލި ދިން ފައިސާ ކޮޅުވެސް ގެއްލެއެވެ.