10 ފެބުރުއަރީ 2019 - 13:19
13 comments
ހުޅުމާލޭގައި އެސްޓީއޯ އިން އިމާރާތް ކޮށްފައިވާ މަތީ ފެންވަރުގެ ހޮޓާ ގަންނަން ރާއްޖެ އިން ބޭރުގެ ހަތަރު ފަރާތަކުން ޝައުގުވެރިކަން ފާޅުކޮށްފައިވާ ކަމަށް އެ ކުންފުނިން މިއަދު ބުނެފި އެވެ.
އެސްޓީއޯގެ ހެޑް އޮފީހުގައި ބޭއްވި ނިއުސް ކޮންފަރެންސެއްގައި އެ ކުންފުނީގެ މެނޭޖިން ޑިރެކްޓަރު ހުސައިން އަމްރު މުހައްމަދު ވިދާޅުވީ، ހޮޓާ ގަންނަން މިހާތަނަށް 10 ފަރާތަކުން ޝައުގުވެރިކަން ފާޅުކުރި ނަމަވެސް އެކަމާ ގުޅޭ ލިޔުންތައް ހުށަހެޅީ ފަސް ފަރާތަކުން ކަމަށެވެ.
އެސްޓީއޯގެ ޗީފް ފައިނޭންޝަލް އޮފިސަރު މުހައްމަދު މިހާދު ވިދާޅުވި ގޮތުގައި، ހޮޓާ ގަންނަން ވާހަކަ ދައްކަމުން އަންނަ ފަސް ކުންފުނީގެ ތެރޭފައި ހިމެނެނީ ރާއްޖޭގެ އެންމެ ކުންފުންޏެކެވެ.
ހަމައެކަނި ކޮންކްރީޓުގެ މަސައްކަތް ނިންމާފައިވާ ހޮޓާ ގަންނަން ޝައުގުވެރިކަން ފާޅުކޮށް، ލިޔެކިޔުންތައް ހުށަހެޅި ފަސް ކުންފުންޏާ އެކު އެސްޓީއޯ އިން މިހާރު އަންނަނީ މައުލޫމާތު ބަދަލު ކުރަމުންނެވެ. ބީލަން ހުށަހެޅުމުގެ ފުރުސަތު ދެން ލިބޭނީ އެ ފަސް ކުންފުންޏަށް އެކަންޏެވެ. އެ މަރުހަލާ އަންނަ މަހު ނިމޭނެ ކަމަށް ލަފާ ކުރައްވާ ކަމަށް މިހާދު ވިދާޅުވި އެވެ.
އެސްޓީއޯ އިން މިއަދު ބޭއްވި ނިއުސް ކޮންފަރެންސް ގައި އެ ކުންފުނީގެ ޗީފް ފައިނޭންޝަލް އޮފިސަރު މިހާދު (ކ-2) ވާހަކަ ދައްކަވަނީ.---ފޮޓޯ: ހުސައިން ވަހީދު/މިހާރު
ފަސްތަރީގެ ހޮޓަލެއްގެ ގޮތުގައި ހިންގަން އެސްޓީއޯ އިން ހުޅުމާލޭގައި ހޮޓަލެއް އަޅަން ފެށީ 2011 ވަނަ އަހަރު އެވެ. އެ މަސައްކަތް ދިގުލައިގެން ގޮސް އެންމެ ފަހުން އެތަން ވިއްކައިލަން މި ސަރުކާރުން ނިންމީ މިދިޔަ އަހަރުގެ ޑިސެމްބަރު މަހުގެ ފަހުކޮޅު އެވެ.
އެސްޓީއޯ އިން އޭރު ކުރި އިއުލާނުގައި ބުނެފައި ވަނީ، އެ ކުންފުނިން އިމާރާތް ކުރަން ފެށި 250 ކޮޓަރީގެ ހޮޓާ ގަންނަން ނުވަތަ އިންވެސްޓްކުރަން ބޭނުންވާ ފަރާތްތަކުން ފުރުސަތު ހުޅުވާލައިފައިވާ ކަމަށެވެ. ހޮޓާ ގަތުމުގެ ފުރުސަތު ބޭރުގެ ފަރާތްތަކަށް ވެސް އެބައޮތް ކަމަށް އިއުލާނުގައި ބުނެފައި ވެ އެވެ.
އެސްޓީއޯ އިން "ރެޑިސަން ބްލޫ ހޮޓެލް" ގެ ނަމުގައި ތަރައްގީ ކުރަން ފެށި ލަގްޒަރީ ހޮޓަލުގެ 60 ޕަސެންޓް މަސައްކަތް ވަނީ ނިމިފަ އެވެ. ހޮޓާ ނިންމުމަށްޓަކައި ތައިލެންޑްގެ އެގްޒިމް ބޭންކުން 32 މިލިއަން ޑޮލަރުގެ ލޯނެއް ވެސް ފަހުން ނެގި އެވެ. ނަމަވެސް އަދިވެސް ހޮޓާ ނިންމާލެވޭ ވަރެއް ނޫނެވެ. މަސައްކަތް އެއްކޮށް ހުއްޓިފައި ހުންނަތާ ވެސް މިހާރު ދެ އަހަރު ވެދާނެ ކަމަށް ބެލެވެ އެވެ. މީގެ ކުރިން، 2016 ގައި ވެސް އެ ހޮޓާ ވިއްކާލަން އެސްޓީއޯ އިން މަސައްކަތް ކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަން
10 February 2019
ވަކަރު ފަޅި ޗަންޕާއަށް ވިއްކީ ތެޔޮއެތެރެ ކުރަން ބޭރު ފައިސާ ހޯދާދޭ ރިސޯޓުންނެވެ. ތި ތަނުގެ ބޯޑަށް ގައުމަށް ފައިދާ ހުރި އެކަކުވެސް ނާންނާނެވެ. މުޅިންވެސް ގައްދާރުން، އަމިއްލެ ޖީބު ބޮޑު ކުރަން އުޅޭމީހުން ވިޔަފާރި ވެރިން ނޫނީ ސިޔާސީ މީހުން މެދުވެރި ކޮއް ނަގާފަ ހުރީ. މިހާރުވެސް ތިތަން ނުވިއްކާ ހަދާނިންމާފަ މެނޭޖްމަންޓް ކޮންޓްރެކްޓަށް ބޭރު ބަޔަކަށް ދެވެދާނެވެ. އެކުމަކު އެކަމެއް ވެސް ނުކުރާނެވެ. ޤައުމަށް ސަލާމް..
އަލީބަލީ
10 February 2019
ވަކަރުފަޅި ވިއްކާލީ އަތަމާ ޓްރެވަލްސްއަށް. ނަމަވެސް ވިއްކާލިއިރު އޮޕަރޭޓް ކުރަމުން ގެންދިޔައީ ޗަންޕާއިން. މީގަ ހަމަ ހުސް ޑީލްތައް އުޅެނި.
ހިމޭންދުނިޔެ
10 February 2019
32 މިލިއަން ޑޮލަރަށް 100 ކޮޓަރީގެ 4 ތަރީގެ ރިސޯޓެއްވެސް ހެދޭނެ. އެސްޓީއޯ އަދި އެމްޓީޑީސީ ނޫނީ ފަތުރުވެރިކަމުގެ ދާއިރާއިން ނަފައެއް ނުނެރެވުނު ބަޔަކު ނެތް. އަބަދު ގެއްލުމުގަ. މި ކަމުގެ ހަގީގަތް ހޯދާ ރައްޔިތުންގެ ފައިސާއަށް އިހުމާލުވި ފަރާތްތަކާއި ދެކޮޅަށް ދައުވާ ކުރަން ޖެހޭ. އެންމެ ފަހުންވެސް ހިންދެމިނުލެވި އުޅޭ އެމްޓީޑީސީގެ އެމްޑީއަކަށް އައްޔަން ކުރީ ފަތުރުވެރިކަމުގެ ދާއިރާގެ އެއްވެސް އިލްމެއް އަދި ތަޖުރިބާނެތް ޅަ ކުއްޖެއް.
އައްލާބެއްޔާ
10 February 2019
އެސްޓޯއޯއިން ލަންކާއިންގަތް ސައިފަތް ދަނޑަށް ވީވަރު ތިޔަވީ! މިއީ ބޮޑެތި މީހުންގެ ޖީބު ބޮޑުކުރަން ކުރާކަމެއް!
ނެތީމޭ
10 February 2019
ތިޔާއީ ސަރުކާރުގެ ކުންފުނި ތަކުން ޓޫރިޒަމް އަށް ވަންނަން އުޅެފިނަމަ ވާނެ ގޮތޭ ބުނަން މަމެން ނެތީމު ދޯ..
މަފް
10 February 2019
މައުމޫނުގެ ފަހު ދަތުރު ގައި އެސްޓީއޯއިން ވަކަރުފަޅި ރިސޯޓް ވިއްކާލީ އެތަނުން ކުންފުންޏަށް ރަގަޅު އެއްޗެއް ލިބި ހުއްޓާ. އޭރު އެކަންކަން ކޮއްފަ އޮތްގޮތް ބަލަންޖެހޭ. އެއީ ކުންފުނީގެ އަގު ބޮޑު އެސެޓްއެއް. ބަޔަކަށް ފައިދާއެއް ހޯދަދޭން ކޮއްފަ އޮތްކަމެއް.
މަހޭ
10 February 2019
ސަރުކާރު މުދާ ވިއްކުން ހުއްޓާލާނީ ކޮންއިރަކުން.
ގޯޕާލް
10 February 2019
32 މިލިއަން ޑޮލަރަށްވީ ކިހިނެތް؟ އެވެސް ޔާމީން ވަގަށްނެގީ؟
ތިމާ
10 February 2019
ސުވާލަ އަކީ 32 މިލިއަން ޑޮލަރުގެ ލޯނެއް ނަގާފަ ނުނިމެންވީ ސަބަބެއްނެތް. އެއީ ދިވެހި ރުފިޔާ 493،440،000.00
އަތްޖަހާ
10 February 2019
އިންޑިއާ މީހުން ގަނެފިއްޔާ މުޅިތަނުގަ ތިބޭނީ އިންޑިއާ މުވައްޒަފުން. މިހާރުވެސް ހުޅުލޭ އައިލެންޑް ހޮޓަލަކީ އިންޑިއާގެ ޖަގަހައެއް. މިގައުމު ނޫނިއްޔާ ރަށު މީހުން ވަޒީފާނެތި އެނބުރޭއިރު ބޭރު މީހުން މިހާ ފަސޭހައިން ވަޒީފާއަށް ގެނެވޭ ގައުމެއް ނޯންނާނެ.
މަފުން
10 February 2019
ވަރަށް ވެސް ބޮޑު ތެދެއް މިގައުމު ނޫނީ ނޯންނާނެ ގައުމެއް ގައުމަށް ވަންނަ ހުރިހާ ޑޮލަރެއް ބަގުލަދޭސް ލޭބަރުން ލައްކައިން މަހަކު ބޭރުކުރާ ގައުމެއްވެސް.
ޙުސެން
10 February 2019
ތިކަހަލަ ޕްރޮޖެކްޓް އާންމުކޮށް ހުއްޓެނީ ކޮންމެސް ބޮޑުމީހަކު މާބޮޑަށް ހިތްކީމަ.