ޔޫތު މިނިސްޓްރީ ހިންގުން އަލީ ވަހީދަށް

އަލީ ވަހީދު: ޔޫތު މިނިސްޓަރުގެ ޒިންމާތައް އަދާ ކުރައްވާނީ ވަގުތީ ގޮތުން -- މިހާރު ފައިލް ފޮޓޯ

ހަސަން މުހައްމަދު، މިހާރު

17 ފެބުރުއަރީ 2019 - 23:30

އެމްއެމްޕީއާރްސީގެ ބޮޑު ހިޔާނާތުގެ ފައިސާ ލިބިފައިވާ ކަމުގެ ތުހުމަތާާ ގުޅިގެން ޔޫތު މިނިސްޓަރު އަހުމަދު މަހުލޫފް ގޭގައި މަޑުކުރަން އަންގާފައިވާތީ އޭނާގެ މަގާމާއި މަސްއޫލިއްޔަތުތައް ޓުއަރިޒަމް މިނިސްޓަރު އަލީ ވަހީދަށް ވަގުތީ ގޮތުން ދީފި އެވެ.

މިހާތަނަށް ރާއްޖޭގައި ފަޅާއަރާފައިވާ އެންމެ ބޮޑު ހިޔާނާތުގެ މައްސަލައިގެ ރިޕޯޓު މިދިޔަ ބުރާސްފަތި ދުވަހު އެންޓި ކޮރަޕްޝަން ކޮމިޝަން (އޭސީސީ) އިން އާންމު ކުރިއިރު ދައުލަތުން ވަގަށް ނެގި 1.3 ބިލިއަން ރުފިޔާގެ ތެރެއިން 33،000 ޑޮލަރު (508،860ރ.) އޮތީ މަހްލޫފްގެ އެކައުންޓަށް ޖަމާކޮށްފަ އެވެ.

އެމްއެމްޕީއާރްސީގެ ތަހުގީގު ރިޕޯޓް ނެރުމާއެކު މަހްލޫފްގެ އިތުރުން ފައިސާ ލިބިފައިވާ ކަމަށް ރިޕޯޓުން ބުނާ ޕްލޭނިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން ވެސް ވަނީ ވަޒީފާއަށް ނިކުތުން މަނާކޮށްފަ އެވެ.

ގޭގެ މަޑުކުރެއްވުމަށް މަހްލޫފާއި އަކްރަމަށް ރައީސް އިބްރާހިމް މުހައްމަދު ސޯލިހު އެންގެވި އެންގެވުން އެކަން ބަލައިގަންނަވާ ކަމަށް އެ ދެ ބޭފުޅުން ވަނީ ވިދާޅުވެފަ އެވެ.

މަހްލޫފް އެ މައްސަލައިގައި ވިދާޅުވެފައި ވަނީ ހިޔާނާތުގެ ފައިސާ ވަގަށް ނެގި އެސްއޯއެފް ކުންފުނިން އޭނާއަށް ޑޮލަރު ޖަމާކޮށްދީފައި ވަނީ އެ ޑޮލަރަށްވާ ފައިސާ ދެއްކުމުން ކަމަށެވެ. އަދި އެއީ ޑޮލަރު ގަތުމުގެ މުއާމަލާތެއް ކަމަށް އޭނާ ވިދާޅުވި އެވެ.

އެ މައްސަލައިގައި އޭސީސީގެ ލަފާ ހޯދާފައިވާ ކަމަށް ވެސް މަހްލޫފް ވިދާޅުވި އެވެ. ނަމަވެސް އެސްއޯއެފުން ޑޮލަރު ގަތް ކަމަށް ބުނެ މަހްލޫފް އޭސީސީއަށް މައުލޫމާތު ހިއްސާކޮށް ލަފާ އަހާފައި ވަނީ މި ފެބްރުއަރީ މަހުގެ ތެރޭގަ އެވެ. އެ ޑޮލަރުގެ މުއާމަލާތް ހިންގާފައި ވަނީ 2014 ވަނަ އަހަރެވެ.

އަހުމަދު މަހުލޫފް، ޔޫތު އެންޑް ސްޕޯޓްސް މިނިސްޓަރު ރައީސް އިބްރާހިމް މުހައްމަދު ސޯލިހް ސްޓޭޓް މިނިސްޓަރު އަކްރަމް ކަމާލުއްދީން އެމްއެމްޕީއާރްސީގެ ކޮރަޕްޝަން އަލީ ވަހީދު، ކުރީގެ ޓޫރިޒަމް މިނިސްޓަރު ސްޕޯޓްސް، ފިޓްނަސް އެންޑް ރެކްރިއޭޝަން މިނިސްޓްރީ

14 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުރާސިލު

18 February 2019

މިނިސްޓަރުންގެ ނައިބުންގެ ގޮތުގައި ތިންހަތަރު މީހުންލާފައި ބޭތިއްބުމުގެ ބޭނުމަކީ ކޮބައިތޯއެވެ. އެއްމިނިސްޓަރަކަށް 2 މިނިސްޓްރީ ރަނގަޅަށް ހިންގިދާނެކަމަކަށް ޤަބޫލެއް ނުކުރެވެއެވެ. މިނިސްޓަރު ނުހުންނަ ވަގުތުތަކުގައި މިނިސްޓަރުގެ ޒިންމާ މިނިސްޓަރެއްގެ ނައިބަކާ ޙަވާލުކުރެވޭނަމަ މާ ރަނގަޅުވާނެކަމަށް ފެނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްނަމް

18 February 2019

މިޖިލީހުގެ ލިބޭ މުސާރައަށް ބަލާއިރު ގެއެއް ގަނެވޭފަދަ ވިޔަފާރި ކުރެވިދާނެ. އޭސީސީ ކަހަލަ މުއައްސަސާއަކުން އަލީވހީދު މައްސަލަ އޮތްކަމަށް ނިންމީމަ ފިޔަވަޅު އަޅޭނި. ހަމައެއް ލަމައެއް ނެތި މީހުން ވަކިކުރާކަށް ނުޖެހޭނެ