ފްލެޓްތަކާ ގުޅޭގޮތުން ކޮމެޓީއަށް ޝަކުވާ ހުށަހެޅުމުގެ ފުރުސަތު ހުޅުވާލައިފި

ސަރުކާރުން ކުރިއަށް ގެންދިޔަ "ހިޔާ މަޝްރޫއު" ދަށުން ފްލެޓް ލިބުނު ކަމުގެ ލިޔުން ހޯދުމަށް ހައުސިން މިނިސްޓްރީ ބޮޑު ގޭޓު ކުރިމަތީގައި މީހުން އެއްވެފައި---ފޮޓޯ: އަހުމަދު ނިޝާތު/މިހާރު

އާމިނަތު ޝިފްލީން، މިހާރު

04 މާޗް 2019 - 18:27

11 comments

ކުރީގެ ރައީސް އަބްދުﷲ ޔާމީންގެ ސަރުކާރުން ކުރިއަށް ގެންދިޔަ ބޯހިޔާވަހިކަމުގެ މަޝްރޫއުތަކާ ގުޅޭގޮތުން ޝަކުވާއެއް އޮތް ނަމަ، ފްލެޓްތަކުގެ މައްސަލަތައް ބަލާ ކޮމެޓީއަށް އެ ޝަކުވާ ހުށަހެޅުމުގެ ފުރުސަތު ރައީސް އޮފީހުން މިއަދު ހުޅުވާލައިފި އެވެ.

"ހިޔާ މަޝްރޫއު" އާއި "ގެދޮރުވެރިކުރުމުގެ މަޝްރޫއު"ގެ އިތުރުން "ގުޅީފަޅު ހައުސިން ޕްރޮޖެކްޓް"ކުރިއަށް ގެންގޮސްފައިވާ ގޮތާއި އެ މަޝްރޫއުތަކުގެ ދަށުން ފްލެޓް ދޫކޮށްފައިވާ ގޮތް މުރާޖައާކޮށް، އިންސާފުވެރިކޮށް، ފްލެޓް ހައްގުވާ މީހުންނަށް ފްލެޓް ލިބޭނެ ގޮތް ފަހިކޮށްދިނުމަށް ރައީސް އިބްރާހިމް މުހައްމަދު ސޯލިހު ވަނީ މިދިޔަ ޑިސެމްބަރު މަހުގެ ތެރޭގައި ކޮމެޓީއެއް އުފައްދަވާފަ އެވެ.

ރައީސް އޮފީހުން މިއަދު ނެރުނު އިއުލާނެއްގައި ބުނިގޮތުގައި ފްލެޓްތަކާ ގުޅޭގޮތުން ޝަކުވާ ހުށަހެޅުމުގެ ފުރުސަތު ހުޅުވާލީ، ކޮމެޓީގެ މަސައްކަތްތައް، ރައްޔިތުންގެ ބައިވެރިވުމާއެކު ކުރިއަށް ގެންދިޔުމުގެ މަގްސަދުގަ އެވެ.

އެގޮތުން މިއަދުން ފެށިގެން މި މަހުގެ 25ގެ ނިޔަލަށް ޝަކުވާ ހުށަހެޅުމުގެ ފުރުސަތު ވަނީ ހުޅުވާލާފަ އެވެ.

ރައީސް އޮފީހުން ބުނިގޮތުގައި ސިޓީ އާއި މެއިލް އަދި އެސްއެމްއެސް މެދުވެރިކޮށް ވެސް ޝަކުވާ ހުށަހެޅޭނެ އެވެ. ޝަކުވާ ހުށަހަޅަނީ އެ ފްލެޓްތަކަށް އެދި ފޯމު ހުށަހެޅި މީހެއްގެ ހައިސިއްޔަތުން ނަމަ، އެކަން ބަޔާންކުރަން ވެސް ޖެހެ އެވެ. ޝަކުވާ ހުށަހަޅާއިރު މަޝްރޫއުގެ ނަން، ފްލެޓަށް އެދިފައިވާ ފޯމު ނަންބަރު، ފުރިހަމަ ނަން، ދިވެހި ރައްޔިތެއްކަން އަންގައިދޭ ކާޑު ނަންބަރު އަދި ދާއިމީ އެޑްރެސް ހިމަނަން ޖެހޭނެ އެވެ.

ޝަކުވާ ހުށަހަޅައި ސިޓީ އެޑްރެސްކުރާނީ ރައީސް އޮފީހަށް، "ފްލެޓްތަކުގެ މައްސަލަބަލާ ކޮމިޓީ" އަށެވެ. އީ-މެއިލް ފޮނުވާނީ [email protected] އަށެވެ. އަދި އެސް.އެމް.އެސް އިން ނަމަ ފޮނުވާނީ 7761108 އަށެވެ.

"ހިޔާ" މަޝްރޫޢުގެ ކެޓަގަރީތަކުގެ ތެރެއިން، ސިވިލް ސާވިސްގެ މުވައްޒަފުންނަށް ހާއްސަ ކެޓަގަރީއާ ގުޅިގެން، ޝަކުވާ ހުށަހެޅުމުގެ ފުރުސަތު އަދި ހުޅުވައެއް ނުލަ އެވެ. ކޮމިޓީން ބުނީ އެ ފުރުސަތު ފަހުން ހުޅުވާލާނެ ކަމަށެވެ.

ފްލެޓް ދީފައިވަނީ ހައްގުވެރިންނަށްތޯ ބެލުމުގެ މަސައްކަތް ކޮމެޓީން މިހާރު ކުރަމުން އަންނައިރު އެކަމާ ގުޅޭގޮތުން ގޮތުން ގޮތް ނިންމުމުގައި ރައްޔިތުންނަށް ވީހާ ވެސް ލުއި ފަސޭހަ ގޮތަކަށް އެކަން ކުރަން ރައީސް ވަނީ އެދިވަޑައިގެންފަ އެވެ.

ރައީސް އޮފީސް ބޯހިޔާވަހިކަން ފްލެޓް ހިޔާ ފްލެޓްތައް ހައުސިން މިނިސްޓްރީ

11 ކޮމެންޓް, 35 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަހުމަދު ހާޖީ

05 March 2019

އެމްޑީޕީ ސަރުކާރުން ނުހައްގުން ދިން ފުލެޓްތަކައް ސަކުވާ ހުށަހެޅަން ހުޅުވާލަބަލަ. އޭރުންދޯ އެނގޭނީ ނުހައްގުން ފުލެޓްދީފަ ހުރި ވަރު. މިހާރު މިއޮތީ ޔާމިން ދީފަހުރި ފުލެޓްގެ އެލަނި ސަކުވާ ހުށަހަޅަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައުމީ ލޯބީގާ

05 March 2019

ކޮތަރުކޮއްޓެއްގަ އުޅެން ބޭނުން ނުވާ ބަޔަކު ކޮތަރު ކޮއްޓެއް ލިބުނީ ތީ ސަކުވާ ހުށައެޅުމެއް ނެތްތޯ؟އެފަދަ ފަރާތް ތަކަށް ކޮތަރު ކޮށި ލިބިފަ ވާކަން ފަޅާ އެރީތީ އެވާހަކަ ދަންނަވާލީ.ބޭނުން ނުވާ ބަޔަކަށް ފުލެޓް ލިބިފަވާކަން ހާމަވީ. ލިސްޓު އާއްމު ކުރުމުން .އެފަދަ ފަރާތް ތަކުން ކޮތަރު ކޮށި ފުލެޓް ދޫ ކޮއްލާ ބޭނުން ވެފަ ތިބި ބަޔަކަށް ދިނުމަކީ އިންސާފަށް އަގަ އަރުވާ ބައެއްގެ ޒިންމާއެއް ނުންބާ .މިއީ މަގޭ ސަކުވާ ހުށަ އަޅަން ނުކެރޭނެ .ސަކުވާ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރީލާ

05 March 2019

ކޮބާތޯ އެޗް14ގެ ފްލެޓްތައް،،، އެތަން ކޮންއިރަކުތޯ އިއުލާން ކުރާނީ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޙްމަދު މުހަންމަދު

05 March 2019

ދީ ނިމިފައި ހުރި ފުލެޓް ތަކެއްގެ މައްސަލަ ނަގައިގެން ވޯޓް ހޯދައްވަން ނޫޅުއްވަމާތޯ ، ކުރީގަ އެމްޑީޕީސަރުކާރުން ނުޙައްޤުން ދޫކުރި ފުލެޓްތަކާ ، ގޯތި ތަކުގެ މައްސަލަ ނިންމާފަ މިހާރު ހުރި ފުލެޓްތަކުގެ މައްސަލަ އަންނަންވާނީ ، އަޅުގަނޑު ހަމަ ގައިމުވެސް ސާބިތު ވާވަރަށް ހެކިދައްކާނަންއޭރުގަ އެމްޑީޕީ އިން ވެށިފަހި ގެ ނަމުގައި އޮޅުވާލައިގެން އެތަށް ފުލެޓްތަކެއް ދިން ޗައިނާ ޓައުނުންވެސް ވީމާ ދެން ލަލަލާ ކިޔަން ނޫޅެމާ ކުރީގެ މައްސަލަ ފުރަތަމަ ބަލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

04 March 2019

އިންޑިޔައާ ގުޅިގެން މި ޤައުމު ތަރައްގީ ނުވާނެ. މީ ހަގީގަތަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަނީ

04 March 2019

ފްލެޓް ލިބުނު އެންމެންގެ އެއްޗެހި ކެންސަލް ވެގެން ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

YOON

04 March 2019

މިހާރު މިސަރުކާރުންވެސް މިއުޅެނީ އަހަރުމެން ގުބޯލިހައްދަން ވޯޓަށް ދެދުވަހަވިމަ ސަންދޮކޭނުކިޔާ ތިބީމަނިމުނީ ނޫން މިފަހަރު ވޯޓުން ެކަންެގޭނެ ސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރޭމިތުރު

04 March 2019

[އެދިންގޮތާ އެބެހިގޮތާ އިންސާފކޭ ބުނެވެންނެތޭ! އެދިންގޮތުން ޕޮއިންޓުތައް ދެބަސްވުމެއް ނޫނީނެތޭ!].............ބާސަރުކާރުން ފްލެޓްބެހީ ރައްޓެހީންނަށް ހަދިޔާދޭ އުސޫލުން. އަސްލު ހައްގުވެރިން ރޮއެރޮއެތިއްބާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައުމީ ލޯބީގާ

05 March 2019

ބާސަރުކާރުން ހަދިޔާ ދިނީ އާސަރުކާރު ކުދިން ނައް ކަލޯ ގަޔާ .މާލޭ ރައްވެހިންނައް .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްލާބެއްޔާ

04 March 2019

މިހާރުވެސް ހުޅުމާލެއިން ބައްޕަޔަށް ފުލެޓްލިބިފަ ތިބި މީހުން އެތަން ކުއްޔަށް ދީފައި ، ދެވަނަ ފޭހުން ފުލެޓު ހޯދުމަށް ފޯމްލާފައިވަނީ! މިކަންވެސް ބަލަންޖެހޭނެ!