ރާއްޖޭގެ ރަށެއް މަތިން، ޕެރަމޯޓާގައި އުދުހެނީ.--ފޮޓޯ: ސްކައި ގައިސް
14 މާޗް 2019 - 00:20
9 comments
ޕެރަމޯޓާގައި ރާއްޖެ ވަށައި އުދުހުމުގެ ދަތުރު ފ. އަތޮޅުން އިއްޔެ ނިންމާލައިފި އެވެ.
ބުރަކަށީގައި ހަރުކޮށްފައި ހުންނަ ބުރަފައްޗެއް ބޭނުންކޮށްގެން، ވައިކުޑައިގެ އެހީގައި އުދުހޭ، ޕެރަމޯޓާގެ ދަތުރުތައް މި މަަހުގެ ދެ ވަނަ ދުވަހު ފެށީ ހއ. ތުރާކުނުންނެވެ. ދިވެހި އަމިއްލަ ކުންފުންޏެއް ކަމަށްވާ "ސްކައި ގައިސް" އިން އިންތިޒާމް ކޮށްގެން ބާއްވާ މި ހަރަކާތް މާދަމާ ނިންމާލަން ހަމަޖެއްސީ އައްޑޫ އަށެވެ. ނަމަވެސް ވައި ދަތުރުކުރާ ގޮތް ބަދަލުވެފައި ހުރުމުން ފ. އަތޮޅާ ހަމައިން ވަނީ ނިންމާލައިފަ އެވެ.
ރާއްޖޭގެ ރަށެއް މަތިން، ޕެރަމޯޓާގައި އުދުހެނީ.--ފޮޓޯ: ސްކައި ގައިސް
ވައިގެ ކުޅިވަރުތައް އިންތިޒާމު ކުރާ ސްކައި ގައިސްގެ މެނޭޖިން ޑިރެކްޓަރު ޖާވިދު ހުސައިން ވިދާޅުވީ ބޭރުގެ 10 ޕައިލެޓުންނާ އެކު ފެށި ދަތުރުގައި 751 ކިލޯމީޓަރު ވަނީ ކަޑައްތުކޮށްފަ އެވެ. ޕްލޭންކުރިގޮތަށް ނުދެވުނަސް ތަފާތު ތަޖުރިބާއާއެކު ކާމިޔާބުކަމާއެކު "މޯލްޑިވްސް ޕެރަމޯޓާސް 2019" ނިންމާލެވިފައިވާ ކަމަށް ވިދާޅުވި އެވެ.
ޕެރަމޯޓާ ދުއްވާ ޕައިލެޓުންގެ ތެރޭގައި ބައިނަލްއަގުވާމީ މުބާރާތްތަކުގައި ރަން ވަނަތައް ހޯދާފައިވާ މީހުން ހިމެނެ އެވެ. އޭގެ ތެރޭގައި އިނގިރޭސި ވިލާތާއި އޮމާންގެ އިތުރުން ސައުތު އެފްރިކާގެ މީހުން ހިމެނެ އެވެ.
"ހުވަދޫ ކަނޑު ހުރަސްކުރަން ބެލިއިރު ވައި ވަރަށް ބޮޑަށް ބަދަލުވެފައި ހުރީ. އެހެންވެ ފ. އަތޮޅަށް ނިންމާލީ،" ޖާވިދު ވިދާޅުވި އެވެ.
ރާއްޖޭގެ މަތިން ޕެރަމޯޓާގައި އުދުހުމުގައި ބައިވެރިވި ބައެއް ޕައިލެޓުން.--ފޮޓޯ: ސްކައި ގައިސް
އެ ހަރަކާތް ނިންމުމުގެ ހަފުލާ މާދަމާ ރޭ ހުދުރަންފުށީގައި ބާއްވަން ވަނީ ހަމަޖައްސައިފަ އެވެ.
ޖާވިދު ވިދާޅުވީ ހަރަކާތް ބޭއްވުމުގެ މަގުސަދު ވަރަށް ބޮޑަށް ހާސިލްވެފައިވާ ކަމަށެވެ. އެގޮތުން އެއްފަހަރު ބޭނުންކޮށްފައި އުކާލާ ޕްލާސްޓިކަށް އާއްމުން ހޭލުންތެރި ކުރެވިފައިވާ ކަމަށާއި ގެސްޓް ހައުސް ޓޫރިޒަމް ވެސް ވަރަށް ރަނގަޅަށް ޕްރޮމޯޓުކުރެވިފައިވާ ކަމަށެވެ.
އެއަށްވުރެ ބޮޑަށް މުޅި ރާއްޖެ ވަށައި ޕެރަމޯޓާގެ ހަރަކާތެއް ބާއްވާނެ ކަމަށެވެ.
ގާތްގަނޑަކަށް 500 ފޫޓާއި 1،000 ފޫޓާ ދޭތެރޭގެ އުސް މިނެއްގައި އުދުހުމުގެ ހަރަކާތް ސްޕޮންސާކޮށްފައިވަނީ ދިރާގުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާނު
14 March 2019
ތިޔަށް ކިޔާނީ ކަދުރު ރުކަށް އެރިމީހާގެ ނަދުރު...
ފ. ބައްރު
14 March 2019
ފ. އަތޮޅަކީ މިފަދަ ކަންތައްތައް ނިންމަން އެންމ އެކަށީގެންވާ އަތޮޅު ނިމިދިޔަ ސަރުކާރުގަ ހަމަ ކިރިޔާ މުޅި އަތޮޅު ނުނިމުނީ ތިވެސް މިއަތޮޅުގެ މީހަކު އަރުވައިގެން ނިންމާލިނަމަކާއެއްނު ކަމެއްކުރިހެން ހީވާނީވެސް. އަދި ކިރިޔާ މި ރޭކާލީ
ފެންސިރުއަހަންމައިދީ
14 March 2019
ދިރާގުން ސްޕޮންސާކުރަން މީ ދެން ކޮންކަމެއް. އެންމެ ރަނގަޅު ދޯ ދިވެސްކަކު ކުޑައިގައި އުޅުނުނަމަވެސް. ހުރިހާ ހަރަދެއް އަހަރުމެންގެ ފޯނުބިލައް
ހުސެނ
14 March 2019
ހަބަރުގެ ސުރުހީ ބަދަލުކުރަން އެބަޖެހޭ މިގޮތައް "ޕެރަމޯޓާގައި ފެށި ދަތުރު ނާކާމިޔާބު ވެގެން ނިންމާލައިފި"
ހަމަހޭ
14 March 2019
ބަޔަކު ކަމެއްކޮއްފިތަ؟. ހީވެސްނުވޭ!.
މަސްވެރިޔާގެ ކުންހީ
14 March 2019
މިކަމުގެ މަގުސަދު ކިތަންމެ ރަނގަޅަކަސް މިކަން ކުރުމުގައި އިސްކޮށްހުރީ ކްރިސްޓިއަން ދީން ފެތުރުމުގެ ކުށުގައި ޑީ ޕޯޓް ކޮއްލި ރައީސް ނަޝީދުގެ އެކުވެރިޔާ ޑޭވް ހާޑިންހަމް ކަމަށްވުމީ ހިތާމަ ކުރަން ޖެހޭކަމެއް އޭނާ މިސަރުކާރު އައިފަހުން އެތައް ފަހަރަކު ވަނީ ރާއްޖެ އައިސްފައި މީ ވަރަށް ޙަޞީލަތް ނުބައި މީހެއް. ދިވެހިން މިކަމާ ހޭލުންތެރިވޭ.
މާލޭމީހާ
14 March 2019
ރަށްރަށު މަތިން އުދުހުމުގެ ކުރިން ރައްްޔިތުންނަށް ވާނުވާ އަންގައިދޭން ޖެހޭ ކަމަށް ގަބޫލުކުރަން. ބައެއްފަރާތްތަކަށް ކޮންބައެއްކަން ނޭނގުމުން ބިރުވެރިކަން އިހުސާސްކުރެވެނު. މިކަން އިސްލާހުކޮށްދިނުމަށް ކަމާބެހޭ ފަރާތްތަކަށް ގޮވާލަން.
ރޭނިގޭ އާދަންބެގެ އަހުމަދުގެ މުހަންމަދު
14 March 2019
ސާބަހޭ. ތީ ފުރިހަމަ ކާމިޔާބީއެއަކަން ބަލައިގަންނަން. ތިޔަކުރީކީ ފަސޭހަކަމެއް ނޫން. މުސްތަގްބަލްގަ އަދިވެސަ އައު ގޮތްގޮތައް ރާއްޖެ އިސތުހާރުވާކަހަލަ ކަންތައްތައް ފެންނާނެކަމައް އުންމީދުކުރަން.
ޖާޖާ
14 March 2019
ކަމެއް ކުރިކަންވެސް ނޭންގެ. ހަހަހަހަ