ހުޅުމާލޭގައިި ހުންނަ ސްޓެލްކޯގެ އިންޖީނުގެ: އެތަނުގެ މަސައްކަތްތައް އަންނަ މަހުގެ ފަހުކޮޅު ނިމޭނެ ކަމަށް އެ ކުންފުނިން ބުނޭ.-- ފޮޓޯ: މިހާރު
13 މާޗް 2019 - 18:57
28 comments
ސްޓެލްކޯއިން ކުރިއަށްގެންދާ ފިފްތު ޕަވާ ޕްލާންޓު މަޝްރޫއު އަންނަ މަހުގެ ފަހުކޮޅު ނިމޭނެ ކަމަށް އެ ކުންފުނިން މިއަދު ބުނެފި އެވެ.
ހުޅުމާލޭގައި ހިންގާ ފަސް ވަނަ ޕަވާ ޕްލާންޓުގައި ނޫސްވެރިންނަށް މައުލޫމާތު ދެއްވަމުން ސުޕްރިޓެންޑެންޓް އިންޖީނިއަރު އިބްރާހިމް ރައޫފު ވިދާޅުވީ ޕަވަޕްލާންޓުގެ މަސައްކަތް ނިމުމުން މުޅި ހުޅުމާލެއަށް ކަރަންޓް ދޭނީ އެ ޕްލާންޓުން ކަމަށެވެ.
މިހާރު ހުރި ކެޕޭސިޓީ އަށް ބަލާއިރު ހުޅުމާލެއަށް ބޭނުންވަނީ 13 މެގަވޮޓްގެ ކަރަންޓެވެ. އެ މަޝްރޫއު ނިމުމުން އެ އަދަދު 50 އަށް އިތުރުވާނެ ކަމަށް ރައޫފު ވިދާޅުވި އެވެ.
އޭނާ ވިދާޅުވީ ހުރިހާ ޖަނަރޭޓަރާއި ސާމާނު ގެނެސް ބެހެއްޓުމުގެ މަސައްކަތް ކުރަމުން އަންނަ ކަމަށެވެ. އެ މަސައްކަތްތައް އެއްކޮށް ނިމުމުން ކުރިއަށް އޮތް ފަސް އަހަރުގެ ތެރޭގައި ހުޅުމާލެއަށް ކަރަންޓުގެ މައްސަލައެއް ދިމާނުވާނެ ކަމަށާއި މިހާރު ދިމާވާ މައްސަލަތައް ވެސް ހައްލުވެގެންދާނެ ކަމަށް ވިދާޅުވި އެވެ.
ދެ ވަނަ ފިޔަވަހީގެ ޑިސްޓްރިބިއުޝަން ނެޓްވޯކް އަޕްގްރޭޑްކުރުމުގެ މަސައްކަތް ވެސް ކުރަމުން އަންނަކަމަށް ވިދާޅުވި އެވެ.
ޑޮންފެން އިން ހުޅުމާލޭގައި ކުރިއަށް ގެންދާ ސްޓެލްކޯގެ ފަސް ވަނަ ޕަވާ ޕްރޮޖެކްޓްގެ 1.2 ބިލިއަން ރުފިޔާގެ މަޝްރޫއު ހިންގަނީ ތިން ބަޔަކަށް ބަހާލައިގެންނެވެ. އެ މަޝްރޫއުގެ ދަށުން 8.9 މެގަވޮޓްގެ ހަ ޖަނަރޭޓަރުގެ އިތުރުން ފިއުލް ފާމަކާއި ވޯޓާ ޑީސެލިނޭޝަން ފެސިލިޓީއެއް ގާއިމުކުރަން ނިންމާފައިވާ ކަމަށް ވެސް ސްޓެލްކޯ އިން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޭބެ
14 March 2019
މިއީ ވަރަށް ރަގަނޅު މަސައްކަތެއް! ރައިސް ޔާމީންގެ ދައުރުގައި ޢަމަލީގޮތުން ކުރަންފެށި މަސައްކަތެއްގެ ނިމުން މީ!! ހުޅުމާލޭގައި 58 މެގަވޯޓްގެ ކަރަންޓް އަލަށް ދެން އުފެއްދޭނެ ! މުޅިން އަޅަށް އިންޖީނުގެއަށް އަޅާ މުޅިން އާއިންޖީނުތަކެއް އެހެރީ ބަހައްޓާފަ! ޗައިނާ ކުންފުންޏަކާ ޙަވާލުކޮށްގެން ސްޓެލްކޯގެ ބެލުމުގެ ދަށުން ރައިސް ޔާމީން ކުރެއްވި ވަރަށް ބޭނުންތެރި މަސައްކަތެއް މިއީވެސް! މުޅި ހުޅުމާލޭގެ ކަރަންޓްގެ މައްސަލައަށް ޙައްލެއް އަންނާނެ މިމަސައްކަތުން!
ޛިހާމް
14 March 2019
ބްރިޖް ގޮތަށް މިވެސް ވަހީދުވެރިކަމުގަ އަމަލީ މަސައްކަތްތައް ފެށި މަޝްރޫއެއް
ހާދިމް
14 March 2019
ވަރަށް ބޭނުންވޭދޯ މީސްތަކުން ތިގޮތަށް ތިވާހަކަ ގަބޫލު ކުރަން. ހަނދާން ނައްތާލާ.
ޖަމްޝީދް
14 March 2019
ރައީސް ނަޝީދު ވެރިކަމުގަ ދިރާސާތައް ކުރެވި ފަށަން ނިންމި މަޝްރޫއެއް.
މެސީ
14 March 2019
ޝުކުރިއްޔާ ރައީސް ޔާމިން.
ޝަހީދު
14 March 2019
ތިވެސް ރައީސް ޔާމީންގެ ސަރުކާރުން ފެއްޓެވި މަޝްޢޫއެކެވެ. މިސަރުކާރުން ޖެހޭނީ ކުރިޔަށް އޮތް 5 އަހަރު ރިބަން ކަނޑުއްވަމުން ހިންގަވާށެވެ. މިސަރުކާރަށް އަލަށް ފެއްޓުނު އެންމެ މަޝްޢޫއެއްވެސް ނޯންނާނެއެވެ. ރައްޔިތުން އިސާހިތަކު ހޭއަރާނެކަމަށް އުއްމީދު ކުރަމެވެ.
ޖިޒްމާން
14 March 2019
5 އަހަރު ދައުރު ނިމުންއިރު އެއްވެސް ފްލެޓެއް އަޅާ ނުނިންމުނު ބަޔެއް ނަޝީދު އެޅި ފްލެޓްތައް ބެހޭ ބޭއިންސާފުން
ޝައިނީ އިބްނު ބައިނީ
14 March 2019
ދެލޮލަށް ގޮވަން ޖެހިދާނެ ފާޑުފާޑުގެ ދޮގު ވާހަކަ ފަތުރަންޏާ. ސާފުވެއްޖެތަ؟ ޔާމީންގެ ވެރިކަމުގައި ހުޅުމާލެ ނޫނަސް އެތައް ރަށެއްގައި ފްލެޓް އަޅައި ނިންމާފައި އެބަ ހުރި.
ihaaru.
13 March 2019
އިސުލޭސަންއެއްވެސް ނެތް، ހަމައެކަނި ހޫނައްވެސް އެފިޝެންސީ މަށްސަލަ ނުކުންނާނެ ވަގުތުން އަދިއެހާމެ ހޫނުގަދަ ތަނެއްގަ، ޓިނުއަވަނެއްގެތެރޭގަ 6 ގެނެރޭޓަރ އާއި އެންބުރާނެ ޑިސަލް ހައިންޖީނުގެ ނޫން އިހުސާސްކޮށްލައްވާ!
އާދަބެ
14 March 2019
އިހަށް ލިޔަން ކިޔަން ދަސްކުރަން އުޅެބަލަ. އޭގެފަހުން އެކަމަކާއި ގުޅޭ މައުލޫމާތު ހޯދާނީ، ވައިބްރޭޓް ވާ ތަންތަން ކޮންކޮރީޓުން ހެދީމަވާނެ ގޮތް ދިރާސާ ކުރަން ފަސޭހަ ވާނެ ބަސް އެނގުނީމަ. އެއަރޕޯޓު ތަކާއި، ޕަވަރ ހައުސްގެ އިމާރާތްތައް ކޮންކްރީޓުން ނަހަދަނީ ކީއްވެކަން އެނގޭތަ؟
އެޖެންޑާ19
13 March 2019
އިބޫ ސަޅިއޭ. ހުއްޓުމެއްނެތި ތަރައްގީ ހުވާކުރީސުރެ. ޔާމީންއަށް 5 އަހަރުން ނުވީ ކަންތައް މަދު ދުވަސްތަކަކުން އިބޫ އެހެރަށް ކޮށްލަނީ. މިއަަހަރު ނިމޭއިރު އަހަރަމެން ސިންގަޕޫރު ބީޓުކުރާނެ. އެވެސް ގާސިމް އެވަރަށް ދުއްތުރާކުރާއިރު. #އެޖެންޑާ19
ބުޅާ
13 March 2019
ރައީސް ޔާމީންގެ އެޖެންޑާ 2019 އަކުވެސް ނުނިމޭނެ. ކުރިޔަށް އޮތް 5 އަހަރުވެސް ކެނޑިނޭޅި މިގައުމުގައި އެމަނިކުފާނުގެ ޕްރޮޖެކްޓްތަށް ހިނގާނެ. ޖަލުގޮޅިޔަކަށް ލައިގެނެއް އެމަނިކުފާނުގެ ތަރައްގީގެ ޕްލޭންތަކެއް ނުހުއްޓުވޭނެ. ކަޑަވިޔަސް ކުރާނެ ކަމެއްނެތް.
ރައްނަމާރި
13 March 2019
އެސޮރު ޖަލުގަހުރެގެން ޕްރޮޖެކްޓް ތައް ހިނގަޏާ ވަރަށް ބޮޑުތަނުން ހަރަދުކުޑަވާނެ
ޙަމަދު
14 March 2019
މިއުޅެނީ ނެގި ފައިސާ ގިނަކަމުން އެހޯދުމުގެ ޕްރޮޖެކްތައް ނުނިމިގެން
އާދްމްބެ
14 March 2019
ބަޔަކު ކިތަންމެ ވަރަކަށް މޭ ކެރިޔަސް އަދި ހުއްޓުވަން އުޅުނަސް ރައީސް ޔާމީން ކުންފުނި ތަކާއި މުއައްސަސާ ތަކާއި ހަވާލު ކޮށްގެން ފަށާފައިވާ މަޝްރޫއުތައް ކުރިއަށް އޮތް 5 އަހަރަށް ކީއްކުރަން 10 އަހަރަށް ވސް ކުރިއަށްދާނެ. ޚާއްޞަކޮށް ބޯހިޔާ ވަހިކަމުގެ މަޝްރޫއުތައް. އެސްޓީއޯ، ސްޓެލްކޯ، ގައުމީ ޔުނިވަރސިޓީ، އެމްޓީސީސީ ފަދަ ތަންތަނާއި ހަވާލު ކޮށްފައިވާ ބޯހިޔާވަހިކަމުގެ މްޝްރޫއުތައް ނުހުންުވޭނެ. ބަލަން ތިބޭތި
ހުދަންބަރު
13 March 2019
ރާއްޖެތެރޭގައި 200 ކިލޯވޮޓް ބޭނުންކުރަންޏާ ހުންނާނީ 100 ކިލޯ. މާލޭ ގަބީލާމެން 13 މެގަވޮޓް ބޭނުންކުރާއިރު އެހަދަނީ 50 މެގަވޮޓު. މިއީ އަދި މިހާރުވެސް ރަށަށް ކަރަންޓުދޭ ބޮޑު އިންޖީނުގެއެއް ހުއްޓާ.
ކެކެކެ
13 March 2019
ހަމަ ރަނގަޅަށް! އެންމެ 3 މަސް ތެރޭ ފަށައި ނިންމި ބޮޑު ބިޔަ މަޝްރޫއެއް. އަހުންނަށް ކަމެއް ނުވޭތަ؟
އާސަންދަ ނޫސަންފަ
14 March 2019
3 މަސްވިއިރު އެތަން ހަމަ ލޮލުން ކީއްކުރަން ފޮޓޯ އަކުން ވެސް އިބްރާހިމްބެ ނުދެކޭނެކަން ކަށަވަރު. ކަހަނބު ސްޕީޑް މީހަކަށް 3 މަސްތެރޭ ކިރިޔާ ރައީސް ކަމުގެ ހުވާ ކުރެވޭނީ.