ގަވަރުނަރު ނަސީރު.-- ފޮޓޯ: ހުސެއިން ވަހީދު/ މިހާރު
13 މާޗް 2019 - 20:15
6 comments
މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ގަވަރުނަރު އަހުމަދު ނަސީރު މިރޭ ފުލުހަށް ހާޒިރުވަން އަންގައިފި އެވެ.
ފުލުހުންގެ މީޑިއާ އޮފިޝަލަކު ވިދާޅުވީ އެ އިދާރާއިން ބަލަމުން އަންނަ މައްސަލައަކާ ގުޅިގެން ގަވަރުނަރު ހާޒިރުވާން އަންގާފައިވާ ކަމަށެވެ. ނަމަވެސް ހާޒިރުވާން އެންގީ ކޮން ވަގުތަކަށް ކަމެއް ނުބުނެ އެވެ.
އޭނާ ފުލުހަށް ހާޒިރުކުރަން ނިންމިއިރު، ފުލުހުން ވަނީ ގަވަރުނަރު އިންސާފަށް ހުރަސްއެޅުމުގެ މައްސަލައެއް ތަހުގީގުކުރަން ފަށައިފަ އެވެ.
އެމްއެމްއޭގެ ފައިނޭންޝަލް އިންޓެލިޖެންސް ޔުނިޓް (އެފްއައިޔޫ) ގެ ކުރީގެ ހެޑް، އަބްދުﷲ އަޝްރަފް އެކަށީގެންވާ ސަބަބެއް ނެތި ކުއްލި ގޮތަކަށް މަގާމުން ވަކިކޮށްފައިވާ މައްސަލައެއް ވެސް ވަނީ ފެންމަތިވެފަ އެވެ. އަދި އެމްއެމްޕީއާރުސީގެ ހިޔާނާތާ ގުޅޭ ގޮތުން އެންޓި ކޮރަޕްޝަން ކޮމިޝަން (އޭސީސީ) އިން ނެރުނު ރިޕޯޓާ މެދު ސުވާލު ކުރުމަށް ރައްޔިތުންގެ މަޖިލިހުގެ މާލިއްޔަތު ކޮމިޓީ އަށް ވެސް މި މަހުގެ ފަސް ވަނަ ދުވަހު އޭނާ ވަނީ ހާޒިރުކޮށްފަ އެވެ.
އެފްއައިޔޫ އަކީ މަނީ ލޯންޑަރިން އާއި ޓެރަރިޒަމަށް ފައިނޭންސް ކުރުން ހުއްޓުވުމުގެ ގާނޫނުގެ ދަށުން އެމްއެމްއޭގެ ތެރޭގައި އުފައްދާފައި އޮންނަ މިނިވަން ޔުނިޓެކެވެ. މަނީ ލޯންޑަރިން އާއި ޓެރަރިޒަމަށް ފައިނޭންސް ކުރުމުގެ ހަރަކާތްތަކާއި އެ ކުށް ކޮށްގެން ހޯދާ މުދަލާ ބެހޭ މައުލޫމާތު ހޯދައި، އެހެން ފަރާތްތަކަށް ފޯރުކޮށްދޭ ގައުމީ މައި އިދާރާ އަކީ އެފްއައިޔޫ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޜަނގަޅު
14 March 2019
ގެންގޮސް ދެފުށުން ފިހެލާ. ޒީރޯ ޓޮލަރެންސް ޓު އެބިއުސް އޮފް ޕަވާ
އިބުރާހީމް-
13 March 2019
ލާރިޔާޖެހުނީމަ ޔެލޯއެއް ޕިންކެއްކިޔާނެކަމެއް ނެތް، ،ޖެހެނީ ޖެހޭތާ!
ވަހީދު
13 March 2019
ބޮޑުކަމެއްގެ ކޮޅުމަތި މިފެންނަނީ. ފައިސާއި ގުޅޭ ކަންކަން ފަސޭހަ ގޮތަކަށް ނުނިމޭނެ. މީނާ ފުލުހަށް ހާޒިރު ކުރާއިރު، އެމަގާމަށް އޭނާ ގެނައި މީހުން ވެސް ކަންތައް ގަނޑެއް ހިންގާނެ.
ސަލީމް
13 March 2019
ކޮބާތޯ ޒީރޯ ޓޮލަރަންސް...
ކަދުރޭ22
13 March 2019
ޔެލޯމީހެއް ނުވާނެ ކަމެއް.
ވާލުސޮރު
13 March 2019
ތިޔަ އެންމެން ފުލުހަށް ހާޒިރުކޮށް ތަހުގީގުކޮށް ބަޔާންނަގާ ޝަރީއަތަށްވެސް ފޮނުވިދާނެ. އެކަމަކު މިހާރު ތިޔަހެރަ މުއައްސަސާ ތަކުން ތިޔައިން މީހެއްގެ މައްޗަށް ކުށެއް ސާބިތުވެ ހުކުމެއް އައުމަކީ ވަރަށް ނާދިރުކަމެއް. އެއީ ތިޔައީ "ހުރިހާ ބޮޑުން" ފިސާރި ގުޅިގެން ހިންގާފަވާ "ބޮޑު ޖަރީމާއެއް" ކަމަަށް ބެލޭނެ ޖާގައޮތީމަ.