އާންމުންގެ މައުލޫމާތު ހިމެނޭ ގޮތަށް ތައްޔާރުކޮށްފައިވާ އެޕްލިކޭޝަނެއް ވިއްކަމުންދާތީ އެކަން ހުއްޓުވަން ވަނީ ކޯޓަށް ހުށަހަޅާފައި
19 މާޗް 2019 - 18:13
12 comments
އާންމުންގެ ޒާތީ މައުލޫމާތު ހިމެނޭ އެޕެއް ވިއްކަމުންދާތީ އެކަން ހުއްޓުވައި ދިނުމަށް އެދި ސިވިލް ކޯޓަށް ހުށަހަޅައިފި އެވެ.
އަންނަ މަހު ބާއްވާ ރައްޔިތުންގެ މަޖިލިސް އިންތިޚާބާ ދިމާކޮށް، އާންމުންގެ މައުލޫމާތު ހިމެނޭ އެޕެއް ކެންޑިޑޭޓުންނަށް ވިއްކަމުންދާ މައްސަލަ ދާދިފަހުން ވަނީ ފެންމަތިވެފަ އެވެ. "ހަކުޅި" ގެ ނަމުގައި އުފައްދާފައިވާ އެ އެޕްގައި ގިނަ ބައެއްގެ މައުލޫމާތު ހިމެނެ އެވެ.
އެ މައްސަލަ ކޯޓަށް ހުށަހެޅީ އާންމުންނަށް ހިލޭ ގާނޫނީ އެހީތެރިކަން ފޯރުކޮށްދޭ ޖަމްއިއްޔާއެއް ކަމަށްވާ ޕަބްލިކް އިންޓްރެސްޓް ލޯ ސެންޓާ (ޕީއައިއެލްސީ) އިންނެވެ. އެ މައްސަލާގައި އެދިފައިވަނީ އާންމުންގެ ހުއްދަ ނެތި ޒާތީ މައުލޫމާތު ވިއްކައި، ބޭނުންކުރުމަކީ ގާނޫނާ ޚިލާފް ކަމެއް ކަމަށް ކަނޑައަޅައި ދިނުމަށާއި އާންމުގެ ޒާތީ މައުލޫމާތު ވިއްކުމާއި ބޭނުންކުރުން ހުއްޓާލުމަށް އަމުރުކޮށްދިނުމަށެވެ.
މީގެ އިތުރުން އެ މައްސަލަ ނިމެންދެން، ޒާތީ މައުލޫމާތު ބޭނުންކުރުމާއި ވިއްކުން ހުއްޓުވައި ދިނުމުގެ އަމުރަކަށް ވެސް އެދިފައިވެ އެވެ.
ޕީއައިއެލްސީ އިން އެ މައްސަލާގައި ދައުވާކުރީ އެޕް ހަދައިގެން އުޅޭ ކަމަށް ބުނާ އަބްދުﷲ ޝުހޫދާއި ޑީއާރުޕީގެ ޓިކެޓްގައި މަޖިލިސް އިންތިޚާބުގައި ވާދަކުރައްވާ އަބްދުﷲ އަބްދުއްރަހީމާ ދެކޮޅަށެވެ. ޝުހޫދާއި އަބްދުއްރަހީމަކީ އެ އެޕާ ގުޅުންހުރި ކަމަށް ބެލެވޭ ދެ ބޭފުޅުން ކަމަށް ޕީއައިއެލްސީ އިން ނެރުނު ބަޔާނެއްގައިވެ އެވެ.
ޒާތީ މައުލޫމާތު ހިމެނޭ އެޕެއް ވިއްކައި، ބޭނުން ކުރާ މައްސަލަ ފެންމަތިވުމާ އެކު ގިނަ ބައެއްގެ ފާޑު ކިޔުން އެކަމަށް ވަނީ އަމާޒުވެފަ އެވެ. އެ މައްސަލަ ފުލުހުން ވެސް އަންނަނީ ބަލަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުބީނު މާރނީ
20 March 2019
ހަމަ ގައިމުވެސް އަބުރުގެ ގާނޫނަށް ފެތޭނެ.
ކޮލެޖު ބޯއި
20 March 2019
ޒާތީ މައުލޫމާތާއި ބެހޭ ގާނޫނެއް އަދިވެސް ހެދިފައި ނެތޭ. ގާނޫނު އަސާސީގައި ހުރުމަތްކުރެވިފައި ވާ އެއްޗެކޭ ބުންޏަސް ފިޔަވަޅު އަޅާނެ ގާނޫނެއް ހެދިފައި ނެތުމުން ދެން ހެދެން އޮތް ގޮތަކީ ގާނޫނެއް ހަދަން ސުޕްރީމް ކޯޓުން ހުކުމެއް ނެރުން. ދެން އެފަދަ ގާނޫނެއް ހެދެން ދެން ގާނޫނު އަސާސީގެ ރޫހުގައި ޒާތީ މައުލޫމާތު ހިމާޔަތްކުރުމަށް ސުޕްރީމް ދީދީ ކިތާބީ އަމުރެއް ނެރުއްވުން
ލޮލީޕޮޕް
20 March 2019
އިންތިޚާބުތަކާ ބެހޭ ޢާންމު ޤާނޫނުގެ 10 ވަނަ މާއްދާގެ ނ ގައި ބުނަނީ އިލެކްޝަންސް އިން ނެރޭ ލިސްޓުގައިވާ ޒާތީ މަޢުލޫމާތު ވިޔަފާރީގެ ބޭނުމަށް ބޭނުންކުރުމަކީ މަނާކަމެކޭ. އަނެއްކޮޅުން ޓޯޓްސް ކިޔާ އެއްޗެއް ދަންނަންތަ؟ ލިޔެފައިނެތް ކިތަންމެ ކަމެއްގެ ޙައްލު ޓޯޓްސްގެ ތެރެއިން ލިބޭ.
ތުރާ
20 March 2019
ނެގްލިޖެންސާބެހޭ ޤާނޫނެއް ނެތް. ނެގްލިޖެންސްގެ ދަޢުވާ ކުރެވެނިއްޔޯ؟ ޤާނޫނު ނޭނގުނަސް ކޮމެންޓް ކުރާތި އަދިވެސް.
ކަތީއްބެ
19 March 2019
މިއީ ޖިނާޢީ ކުށެއް ހިމެނޭ ކަމަކައްވާތީ، ތިޔަ މައްސަލަ ތިގޮތަށް ހުށަހެޅިގެން ކުރިޔަށް ހިނގައިދާނެ ކަމަކަށް ނުބެލެވޭ، މީސްމީހުންގެ ޒާތީ މުޢާމަލާތްތަކަކީ ޙުރުމަތްތެރިވެގެންވާ އެއްޗެއްކަން ޤާނޫނުއަސާސީގައި ކަނޑައެޅިގެން ބަޔާންވެގެންވާއިރު، އެއަށް ބޭއިޙްތިރާމްވެވޭ ކޮންމެ ޢަމަލީ ޖިނާޢީ ކުށަކަށްނޫނީ ނުވާނެ، އެކަން ހުއްޓުވަންވާނީ ދައުލަތުގެ ތަޙްޤީޤީ އިދާރާތައް މެދުވެރިވެގެން.
ޒާތި
19 March 2019
ޖިނާޢީ ކުށަކަށްކަމެއްވުމަކީ މަދަނީ މައްސަލަ ހުށަނޭޅޭނެ ސަބަބެެއް ބޫން. ދައުލަތުގެ އިދާރާތަކުން ފިޔަވަޅު އަޅާތަ؟ މިއީ އޭޖީ އޮފީހުން ކުރަންޖެހޭ ދަޢުވާއެއް. އެކަމަކު، އޭޖީ އޮފީހުން ފިޔަވަޅު އަޅައިފިތަ؟ މިކަން އިނގުނުތާ 4 ދުވަސްވީ.
ބެޔަ
20 March 2019
ހަހް. ރޯނުއެދުރު. ކޮން ގާނޫނަކާ ހިލާފުވީ. އަދި އެފަދަ ގާނޫނެއް ނެތް އެހެންވެ ގާނޫނު އަސާސީ ގެ ރޫހައް ރިޔާއައްކޮއް ގާނޫނާ ހިލާފު ކަމައް ކަނޑައަޅާ ދިނުމައް އެދިފައެއޮތީ
ދަޢުލަތުގެ
20 March 2019
ކޮބައިތޯ ތިޔަ ބުނާ ދަޢުލަތުގެ އިދާރާތައް؟ އަމިއްލަ ޖަމާޢަތަކަށް މިކަން ކުރުމުގެ ކުރިން ލިބެންޏާ ޤާނޫނުއަސާސީއިން މަސައްކަތްތައް ކުރުން ލާޒިމުކޮށްފައިވާ ދައުލަތުގެ ނުވަތަ ސަރުކާރުގެ އިދާރާތަކަށް މިކަން ނުކުރެވުނީ ކީއްވެތޯ؟ ކޮބައިތޯ އޭޖީ؟ ކޮބައިތޯ ފުލުހުން؟
ކަތީއްބެ
20 March 2019
ތީގަ މަދަނީ ގެއްލުމެއް ލިބިފައި އޮތް ފަރުދަކު ވަކިން އޭނާއަށް ލިބުނު ގެއްލުމުގެ މިންވަރު ބަޔާކޮށް އެކަށީގެންވާ ބަދަލެއް ނަގައިދިނުމަށް އެދި ހުށަހެޅިދާނެ، އެކަމަކު މި ޚަބަރު ކިޔާލިއިރު މުޅިންވެސް ފެންނަނީ ޖިނާޢީ ޢަމަލެއް ހުއްޓުވުމަށް މަދަނީ ދަޢުވާއެއް ކުރެވޭ ވާހަކަ އެހެންވެ މިބުނީ ޖިނާޢީ ކުށުގެ ޢަމަލެއް ހުއްޓުވޭނީ ޖިނާޢީ ތަޙުޤީޤު ހިންގާ އިދާރާއެއް މެދުވެރިވެގެންނޭނ!
ޚިލާފު
20 March 2019
ޚިލާފުވީ ޢާންމު އިންތިޚާބާ ބެހޭ ޤާނޫނުގެ 10 ވަނަ މާއްދާގެ (ނ) އާ. އަދި ޖިނާއީ ކަމެއް ކުރިޔަށް ގެންދާނަމަ، މަދަނީ ދަޢުވާއަކުންވެސް އެކަން ހުއްޓުވުމުގެ އަމުރަކަށް އެދެވޭނެ.
ސވލް
20 March 2019
ސިވިލް ކޯޓަކީ ހަމައެކަނި ބަދަލު ނަގައިދޭ ކޯޓެއްކަމަށް ދެކެންޏާ ދައްކާނެ އިތުރު ވާހަކައެއް ނެތް.
ޒާތިވީއޭ
19 March 2019
މީހުންގެ ޒާތީ މަޢުލޫމާތު، އޭބުނުމުން އެމަޢުލޫމާތު ފޮރުވައި ރައްކާކުރެވިފައިވަނީ ސަރުކާރުގެ ކޮންމެވެސް މުއައްސަސާއެއްގެ ދަށުން... އެހެންކަމުން އެމަޢުލޫމާތު އެމުއައްސަސާ އަކުން ބޭރުވެފައިވާގޮތް ތަހްޤީގްކޮށް އޭގައި ސާމިލްވާ އެންމެހައި މިހުންނަށް ޙައްޤު އަދަބު ދިނުމަށް ގޮވާލަން...