ފޮނަދޫގެ 50 ހައުސިން ޔުނިޓަށް ކަރަންޓު ދޭން ފެނަކާއާ ހަވާލުކޮށްފި

ލ. ފޮނަދޫގެ ހައުސިން ޔުނިޓްތަކަށް ކަރަންޓު ފޯރުކޮށްދޭން ފެނަކާއަށް ހަވާލުކުރި އެއްބަސްވުމުގައި ސޮއިކުރީ ފެނަކާގެ މެނޭޖިން ޑައިރެކްޓަރު އަހްމަދު ސައީދު އަބްދުﷲ (ކ) އާއި ހައުސިން މިނިސްޓްރީގެ ސްޓޭޓް މިނިސްޓަރު އަހްމަދު ނަޝީދު -- ފޮޓޯ: ހައުސިން މިނިސްޓްރީ

ލަމްޔާ އަބްދުﷲ، މިހާރު

21 މާޗް 2019 - 12:08

4 comments

ލ. ފޮނަދޫގެ 50 ހައުސިން ޔުުނިޓަށް ފެނާއި، ކަރަންޓާއި ނަރުދަމާގެ މަސައްކަތް ކުރުމަށް ހައުސިން މިނިސްޓްރީން ފެނަކައާ އިއްޔެ ހަވާލުކޮށްފި އެވެ.

Agreement signed with @TeamFenaka FENAKA Corporation Ltd for provision of utilities for 50 housing units at L. Fonadhoo. pic.twitter.com/pHaNxsPa4w
— housing.gov.mv (@HousingGovMv) March 21, 2019

ހައުސިން މިނިސްޓްރީން މިއަދު ކުރި ޓްވީޓެއް

މިކަމާ ބެހޭ އެއްބަސްވުމުގައި ހައުސިން މިނިސްޓްރީގެ ފަރާތުން ސްޓޭޓް މިނިސްޓަރު އަހުމަދު ނަޝީދު ސޮއިކުރެއްވި އިރު، ފެެނަކައިގެ ފަރާތުން ސޮއިކުރެއްވީ އެތަނުގެ މެނޭޖިން ޑައިރެކްޓަރު އަހުމަދު ސައީދު މުހައްމަދެވެ.

މި މަޝްރޫއަށް ވަނީ 7.9 މިލިއަން ރުފިޔާގެ ބަޖެޓެއް ކަނޑައަޅައިފަ އެވެ. ތިން މަހުގެ މުއްދަތެއްގައި ފުރިހަމަކުރަން ކަނޑައަޅާފައިވާ މި މަޝްރޫއަށް ހަރަދު ކުރަނީ ދައުލަތުގެ ބަޖެޓުންނެވެ.

ބޯހިޔާވަހިކަމުގެ މަޝްރޫއުތަކަށް ހަރަދުކުރަން 207 މިލިއަން ރުފިޔާ މި އަހަރުގެ ބަޖެޓުން ކަނޑައަޅާފައި ވެ އެވެ. އަދި ހިނގަމުންދާ ހަ މަޝްރޫއަކާ އެކު 321 މިލިއަން ރުފިޔާ ހައުސިން މަޝްރޫއުތަކަށް ހޭދަކުރާނެ އެވެ.

މި އަހަރުގެ ބަޖެޓުގައި ޕަބްލިކް ސެކްޓާ އިންވެސްޓްމެންޓް ޕްރޮގްރާމް (ޕީއެސްއައިޕީ) ގެ މަޝްރޫއުތަކުގެ ގޮތުގައި 6.6 ބިލިއަން ރުފިޔާ ހިމަނާފައިވެ އެވެ. އޭގެ ތެރޭގައި، އަލަށް ފަށާ 315 އަދި ހިނގަމުންދާ 229 މަޝްރޫއު ހިމެނެ އެވެ.

ހައުސިން މިނިސްޓްރީ ލ. ފޮނަދޫ ހައުސިން ޔުނިޓް ފެނަކަ ކޯޕަރޭޝަން އަހުމަދު ސައީދު މުހައްމަދު، އެމްޑީ (ފެނަކަ)

4 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިއްސެ

21 March 2019

ލާމު އަތޮޅަށް ނިސްބަތްވާ ސްޓޭޓް މިނިސްޓަރު ލާމުގެ ތަރައްގީއަށް މިލިއަންގެ ޕްރޮޖެކްޓްތައް މަގާމުގެ ނުފޫޒުން. މިސަގާފަތް ރާއްޖެއިން ފޮހެވޭނީ ކޮންއިރަކުން؟ ސަރުކާރުގަ މިގޮތަށް ހުންނަ ސިޔާސީ މަގާމުތަކަކީވެސް ރާއްޖޭގެ ހުރިހާ އަތޮޅަށް އެެއްހަމައެއްގަ މަސައްކަތްކޮށްދޭންޖެހޭ މަގާމުތަކެއް. ހަމަ ކޮންމެކަމެއްގަ އަމިއްލަ މަސްލަހަތާއި ނަސަބު އިސްކުރެއްވުން ދޫކޮށްލައްވާ އެއްހަމައެއްގައި ހުރިހާ ފަރުދުންނަށް ހިދުމަތްކޮށްދެއްވާ.