އައިއެސްގެ ދަށުން އަތުލި އިމާރާތެއްގެ މަތީގައި އެސްޑީއެފްގެ ރީނދޫ ދިދަ ނަގައިފައި. --ފޮޓޯ:އަލް ޖަޒީރާ
23 މާޗް 2019 - 12:39
10 comments
ދިމިޝްގު (މާޗް 23) - ސީރިއާގައި އިސްލާމިކް ސްޓޭޓް (އައިއެސް) ގެ މައްޗަށް ކާމިޔާބު ހޯދާފައިވާ ކަމަށް އެމެރިކާގެ މަދަދު ލިބޭ ސީރިއަން ޑިމޮކްރެޓިކް ފޯސަސް (އެސްޑީއެފް) އިން މިއަދު އިއުލާންކޮށްފި އެވެ.
ސީރިއާގައި އައިއެސް ބަލިކުރުމުން، މީގެ ފަސް އަހަރު ކުރިން ސީރިއާ އާއި އިރާގުން ތިންބައިކުޅަ އެއްބައި ހިފައިގެން ތިބި ޖަމާއަތުގެ ކަންތައް ނިމިގެން ދިޔައީ އެވެ.
ސީރިއާގައި އައިއެސްގެ ބާރުގެ ދަށުގައި އެންމެ ފަހުން އޮތް ބާޣޫޒް ސިޓީގައި އިއްޔެ ވަނީ ވަރުގަދަ އަށް ހަނގުރާމަކޮށްފަ އެވެ. ސީރިއާގައި އައިއެސްގެ ބާރުގެ ދަށުގައި އެއްވެސް ސަރަހައްދެއް ނެތްކަމަށް ޕެންޓަގަނުން ވެސް ވަނީ އިއުލާންކޮށްފަ އެވެ. އެއާ ފޯސް ވަންގައި ރައީސް ޑޮނަލްޑް ޓްރަމްޕް ފްލޮރިޑާ އަށް ދަތުރު ކުރައްވަނިކޮށް އެކްޓިން ޑިފެންސް ސެކްރެޓަރީ ޕެޓްރިކް ޝަނަހާން ވަނީ ޓްރަމްޕަށް އެ ޚަބަރު ދެއްވައިފަ އެވެ.
އައިއެސްގެ ދަށުން އަތުލި އިމާރާތެއްގެ މަތީގައި އެސްޑީއެފްގެ ރީނދޫ ދިދަ ނަގައިފައި. --ފޮޓޯ:އޭއެފްޕީ
އައިއެސް ނައްތާލުމަށް ސީރިއާގެ އިރު ދެކުނުން އިރާގު ބޯޑަރާ ޖެހިގެން އޮންނަ ބާޣޫޒަށް އެސްޑީއެފް އިން ހަމަލާދޭން ފެށީ މީގެ ދުވަސްކޮޅެއް ކުރިންނެވެ.
އައިއެސް ޖަމާއަތުގެ ލީޑަރުގެ މަގާމަށް އަބޫ ބަކްރް ބަޣުދާދީ ހަމަޖެއްސީ 2010 ވަނަ އަހަރު އެވެ. އޭގެ ދެ އަހަރު ފަހުން އޭނާ ވަނީ އައިއެސްގެ ޚިލާފަތު އިރާގުގެ މޫސަލްގެ އަލް ނޫރީ މިސްކިތުގައި އިއުލާންކޮށްފަ އެވެ.
މީގެ ފަސް އަހަރު ކުރިން އައިއެސްގެ އެންމެ ބާރުގަދަ ދުވަސްވަރު ސީރިއާގެ ހުޅަނގާއި އިރާގުގެ އިރުމަތީގެ ހިސާބުތަކުން އައިއެސްގެ ކޮންޓްރޯލުގެ ދަށަށް 88،000 އަކަ ކިލޯ މީޓަރު (34،000 އަކަ މޭލު)ގެ ސަރަހައްދެއް ގެންދިޔަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަމީނާ
23 March 2019
ކުށެއް ނެތް އެތައް މުސްލިމުން ޝާހީދު ކުރަމުން ދާއިރު އެވާހަކަ ލިޔެލާފަ އެތް. މުސްލިމުންގެ ހަށިގަނޑު ތައް މަތި މައްޗައް ޖަހާފަ ހުރި އިރު ހިތް ފަޅައިގެންދާ ވަރުވޭ. ކުޑަ ކުދީން އެކުދީންގެ މަންމަގެ ހަށިގަނޑު ކައިރީގަ ރޯން އެތިބެނީ. ހަސްބުނައްﷲ ވަނިއުމަލް ވަކީލް
ވަހީދު
23 March 2019
الحمد لله ހަވާރިޖުންނަކަށް ދުވަހަކުވެސް ނަސްރެއް ނުލިބޭނެ.
ާއީން
23 March 2019
އެންމެން މާ އުފަލުން މިއުޅެނީ ހަނގުރާމަ އާއި ނުވެސްބެހޭ ކުށެއް ނެތް ކިތަށް މުސްލިމުންގެ ފުރާނަ ނެތިގެން އެދިޔައީ..އެވާހަކަ ނެތް ބުނެލާފަވެސް.
ހަސަނު
24 March 2019
ހަނގުރާމަ އެއް ހިނގާނަމަ ކުށެއް ނެތް އާންމުން ގިނައިން މަރުވާނީ... މަރުވެ ދިޔަ ކުށެއްނެތް އިރާގު ރައްޔިތުންނާ ސޫރިޔާގެ ރައްޔތުންގެ މަސްއޫލިއްޔަތު ވެސް ނަގަންޖެހެނީ އައިސިސްއިން...
ތުނިޔަ
23 March 2019
ކުރިންވެސް ތިހެން އިއުލާންކުރި! 2 ހަފްތާނުވޭ އެފަހަރުވެސް!
ބަބުރަންޖީ ހާޖީ
23 March 2019
ކޮބާ ހިލާފަތް ނިމުނީ. ދެން އަވަހަށް ގެއަށް އާދޭ.
މަލް
23 March 2019
އަލްޙަމްދުލިﷲ
hawwa
23 March 2019
އަމިއްލައަށް ހެދި އެތި އަމިއްލައަށް ނައްތާލި ކަމަށް ތި އިއުލާން ކުރީ. ސީރިއާގެ ވެރިކަން ވައްޓާނުލެވުނީ ޗައިނާއި ރަޝިޔާއި އީރާން އެއްކޮށް މަސައްކަތްކޮށް، އެމެރިކާއިން ބޭނުންވާ ގޮތަށް ދީލާނުލީމަ.
މަކި
23 March 2019
އާ އެކަމަކު ބައްށާރާ އޭނާގެ އައުވާނުންނަކީވެސް ރަނގަޅު ބައެއް ނޫން
ވަހީދު
23 March 2019
މިޚަބަރުގައި ވެސް މިއޮތީ، އެމެރިކާގެ މަދަދު ލިބޭ ޖަމާޢަތެއް، އިރާޤު ސީރިއާގައި މީގެ 4 އަހަރު ކުރިއްސުރެ ހަނގުރާމަ ކުރާ ކަމަށް، އެހެންވީމަ، އެބަ އެނގޭ އެތަނުގައި އެކުރާ ހަނގުރާމައިގެ ޖަމާއަތްތަކަކީ ވަރަށް ގޮތް ނޭނގޭ ބައެއްކަން. އައިއެސްގެ ނަން ދީގެން އެސަރަހައްދުގައި ބޮޑު ހަނގުރާމައެއް ހިނގި އިރު ގިނަބަޔަކު ތުހުމަތު ކުރޭ، އެކަމުގެ އަޑީގައި ޔަހޫދީންގެ އަތެއްވާކަމަށް. އެހެނީ އައިއެސްއިން ބޭނުން ކުރަނީ އެމެރިކާގެ ހަތިޔާރުކަމަށް ވާތީ.