25 މާޗް 2019 - 14:07
29 comments
ވޯލްޑް ހެލްތް އޯގަނައިޒޭޝަން (ޑަބްލިއުއެޗްއޯ) އަދި ތެލެސީމިއާ އިންޓަނޭޝަނަލް ފެޑެރޭޝަނުން ގަބޫލުނުކުރާ ފަރުވާއެއް ހޯދި ދިވެހި ތެލެސީމިއާ ކުއްޖަކު މަރުވެއްޖެ އެވެ.
މޯލްޑިވިއަން ބްލަޑް ސާވިސް (އެމްބީއެސް) ގެ އެސޯސިއޭޓް ސްޕެޝަލިސްޓް ޕީޑިއެޓްރިކްސް ޑރ. އަހުމަދު އުމަރު ވިދާޅުވީ މިިދިޔަ އަހަރުގެ ފަހުކޮޅު މަރުވި 17 އަހަރުގެ ތެލެސީމިއާ ކުއްޖެއްގެ މައުލޫމާތު ހޯދިއިރު، އެ ބޭސްތައް ބޭނުންކުރަމުން ދިޔަކަން އެނގިފައިވާ ކަމަށެވެ.
އުމަރު ވިދާޅުވީ އިންޑިޔާގެ ޕޫނޭގެ ހޮސްޕިޓަލަކުން، ދުނިޔޭގެ ފެންވަރުގައި ގަބޫލުނުކުރާ ފަރުވާއެއް ދިވެހިން ހޯދާ ކަމަށެވެ. އެ ފަރުވާއަށް ދިވެހިން ބޭނުންކުރަނީ، ރަސްމީ ފަރާތެއްގެ ހުއްދަ ނެތި ތަހުލީލުކުރުމަށް ކަމަށް އޭނާ ވިދާޅުވި އެވެ.
ޕޫނޭ އިން މި ފަރުވާ ހޯދާ މީހުންނަށް ގާތްގަނޑަކަށް 8-9 ވަރަކަށް ބޭސް ދެ އެވެ. މިހާރު ވެސް 20-30 އާ ދެމެދުގެ އަދަދެއްގެ ދިވެހިން އެ ބޭސް ބޭނުންކުރަމުންދާ ކަމަށް ލަފާކުރެވޭ ކަމަށް އުމަރު ވިދާޅުވި އެވެ.
"އެ ބޭސްތަކުގެ ތެރޭގައި ބައެއް ހާލަތްތަކުގައި ލޭ ހިފެހެއްޓުމަށް އެހީތެރިވެދޭ ބޭސްތަކެއް ވެސް އެބަ އުޅޭ. އެހެންވީމަ ލޭ އަޅަންޖެހޭ މުއްދަތަށް ލަސްތަކެއް އަތުވެދާނެ. އެކަމަކު އެ ބޭސްތަކަކީ، ޓެސްޓުތަކެއް ހެދި އެކަމުން ކުރާނެ އަސަރުތައް ދެނެގަނެވިފައިވާ ބޭސްތަކެއްނޫން،" އުމަރު ވިދާޅުވި އެވެ.
ތެލެސީމިއާ ކުދިންނަށް މައިގަނޑު ގޮތެއްގައި ދެނީ ތިން ފަރުވާއެކެވެ. އެއީ އާންމުކޮށް ލޭ އެޅުމާއި ދަގަނޑުގެ ބައި ދަށްކުރުމަށް ބޭސް ދިނުމާއި ބޯންމެރޯ ހެދުމެވެ. ރާއްޖޭގައި އެ ކުދިންގެ ފަރުވާ ފޯރުކޮށްދެނީ ހިލެ އެވެ.
އުމަރު ވިދާޅުވި ގޮތުގައި އެ ބޭސްތައް ބޭނުންކުރުމުގެ ސަބަބުން ގުނަވަންތަކަށް ވެސް ގެއްލުންލިބެ އެވެ. އިނގިރޭސިވިލާތާއި އެމެރިކާ އާއި އިންޑިއާގެ އެކި ސަރަހައްދުގައި ތިބޭ ޑޮކްޓަރުންނާ ވެސް ވާހަކަދައްކައި އެ ފަރުވާއާ ގުޅޭ މައުލޫމާތު ހޯދި ކަމަށާއި އެކަމަކު އެއިން އެއްވެސް ގައުމެއްގައި އެގޮތަށް ފަރުވާ ނުދޭ ކަމަށް އެ ޑޮކްޓަރުންނާ ހަވާލާދީ އުމަރު ވިދާޅުވި އެވެ.
"ފަރުވާއެއް ކަމަށް ގަބޫލުކުރާ ވަކި ޓެސްޓުތަކެއް ހަދައި އެ ބޭނުންކުރަން ފަށަނީ. އެކަމަކު އެކަހަލަ އެއްވެސް ކަމެއް އެ ބޭސްތަކުގައި ނެތް. ޑޮކްޓަރަށް ފެންނަ ފެނުމަށް އެކްސްޕެރިމެންޓް ހަދަނީ. އޭގެ ސަބަބުން ނޭދެވޭ އަސަރުތަކެއް ކުރާނެ. އެ ކުދިންނަށް ދިމާވާނެ ކަންތައްތަކަކީ ކޮންތައްތަކެއް ކަން އެނގޭކަށް ނެތް،"
ބްލަޑް ސާވިސްގައި ތެލެސީމިއާގެ 880 މީހުން ރަޖިސްޓްރީވެފައިވާއިރު އޭގެ ތެރެއިން ދުނިޔޭގައި މިވަގުތު ތިބީ 635 މީހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތެލަސީމިއާ
27 March 2019
ތެލަސީމިއާ ސެންޓަރުގައި އުޅޭ ޑޮކްޓަރު އުމަރަކީ ވަރަށް ފަރުވާ ކުޑަކޮށް މަސައްކަތް ކުރަމުންދާ ޑޮކްޓަރެއް. ކުދިންނަށް ކޮންމެހެން ލޭ އަޅަން ނުޖެހޭ ހާލަތްތަކުގައިވެސް ފަރުވާކުޑަ ކަމާއެކު ބޮލުން ކަޓުވާލަން ލޭ އަޅަން ބުނާ ޑޮކްޓަރެއް. ޑޮކްޓަރު އުމަރު ގެ އިހުމާލުން ތެލަސީމިއާ ކިތައް ކުދިން މަރުވެފައިވޭތޯ އިންވެސްޓިގޭޝަން އެއް ހިންގަން ގޮވާލަން...
އިބުހިމްބެ
26 March 2019
އަޅުގަނޑު ތެލެސީމިއާ ކުއްޖަކަށް ތިޔަ ފަރުވާއެބަނަގަން، ފަރުވާދޭން ފެށިފަހުން ލޭނާޅާ ޑެސްޕެރޯލްނުގުޅާ ބޭސްގުޅައެއް ކާލައިގެން ގަދަވެސަލާމަތުން އެހެންކުދިން ކުރާހުރިހާ ކަމެއްކޮއްގެން އުޅޭތާ މިހާރު ދެއަހަރު ވެއްޖެ. މިކަމާ ނިހާޔަތަށް ﷲއަށް ޝުކުރުވެރިވަން. މަރު ނުވެ އެކަކަށްވެސްހުރެވޭތޯ؟ ތެލެސީމިޔާ ކުދިން ރާއްޖޭގަ މަރެއްނުވޭތޯ؟ މިތަނުން ދެވެނީ ކޮންފަރުވާ އެއްތޯ؟ ހީވަނީ މިވޭނުގައި އުޅޭމީހުނަށް ތެލެސީމިޔާ ސެންޓަރުން އެހީއެއް ވެދެން ޖެހިދާނެތީއުޅޭހެން!!
މަރޭމިތުރު
26 March 2019
ދުނިޔޭގެ އެންމެ މޮޅެތި ޑޮކްޓަރުން އަދިވެސް ތިބީ އިންޑިއާގައި. އެހެންވެ ދުނިޔޭގެ ހުރިހާ ގައުމެއްގައި އިންޑިއާ ޑޮކްޓަރުންގެ މަގުބޫލުކަން އޮންނަނީ! ތިކަމަކީ ބޭހުން ހިނގިކަމެއްކަމެއް އެނގޭބާ! ތިއައްވުރެ މާކުދިކަންތައް ނޭނގޭ ބައެއް ދިވެހިންނަކީ!
ދެލޯބަޑި
26 March 2019
އިންޑިއާ ޕްރޮމޯޓްކުރުމުގަ ހާދަ ވަރެއްވެފައޭ ތި ހުންނަނީ...ދިވހެިންނަކަށް އެނގޭ އެއް ކަމެއްވެސް ނެތް މަރޭމިތުރާއަށް އެކަނި ހުރިހާ އެއްޗެއް އެނގެނީ.
ރިސާރޗަރ
26 March 2019
ސިއްހީ ފެންވަރު އެންމެ ދަށީ އިންޑިއާގަ. ޑަބްލިޔުއެޗްއޯ އާ ހިލާފަށް އެންމެ ގަދަޔަށް އަމަލުކުރަނީ އިންޑިއާ ހެލްތު ސެކްޓަރ އިން. އެކަން އިނގޭނެ ކުޑަމިނުން އިންޑިއާއިން ރާއްޖެ އަންނަ ޑޮކްޓަރުންނާއި ނަރުހުންނަށް ބަލާލީމަ. އަސްލު ދިވެހިން “ބޭރު ގައުމަކުން” ފަރުވާ ކުރީމޭ ބުނަންވެގެން އިންޑިއާއަށް ދަނީ (އެހެން ގައުމަކަށަ ދެވޭހާ ތަނަވަސްކަމެއް ނުހުރެ)، ވަކި ފެންވަރު މޮޅު ވެގެންނެއްނޫން. އެހެން ގައުމުތަކުން ވެސް އިންޑިއާއަކަށް ނުދެ ގައިމު.
ސަޒޫ
26 March 2019
ބަލަ އެކުއްޖާ ނިޔާވީ އެބޭސް ބޭނުން ކުރީމަކާނޫން... ތިހެންނަމަ އެކުއްޖާގެ ކޮއްކޮވެސް މިހާރަކު ނުހުންނާނެ.. މަދަންނަ ކިތަންމެ ކުއްޖަކު ތިފަރުވާކޮއްގެން ރަގަނޅު އެބަވޭ... ކޮންމެ ފަރުވާއެއް ކުރިޔަސް އަޖަލު ޖެހުނީމަ ނުތިބޭނެ.... (ބްލަޑް ސާވިސްގައި ތެލެސީމިއާގެ 880 މީހުން ރަޖިސްޓްރީވެފައިވާއިރު އޭގެ ތެރެއިން ދުނިޔޭގައި މިވަގުތު ތިބީ 635 މީހުންނެވެ.)އެހެންވީމާ 245ކުދިން ނިޔާވީ ތެލެސީމިއާސެންޓަރުގެ ފަރުވާއިންނެންނު....
ލަތީފު
26 March 2019
ބޭސްވެރިކަމުގެ އިންޑަސްޓްރީއަކީވެސް ހަމަ ބޮޑު ވިޔަފާރިއެއް، އަދި އަނެއްކޮޅުން ބޭސްވެރިކަމުގަވެސް އެބަހުރި އެކިއެކި ފަލްސަފާ، އެއްފަލްސަފާ މީހުންނަށް އަބަދަދުވެސް ގޯސްވާނެ އަނެއް ފަލްސަފާ. މިސާލަކަށް އެލޯޕަތީ މީހުން ގޯސްކުރާނެ ހޯމިއާޕަތީ. އެކަމަކު ހޯމިއޯޕަތީ ބޭސް ބޭނުންކޮށްގެން ކެންސަރުވެސް ރަގަޅުވޭ.
ތިމަންނަ
25 March 2019
ތެދު ތެދަށް ބުނާނަމަ ތެލަސީމިއާ ސެންޓަރuގައި މަސައްކަތްކުރާ ބިދޭސީ ޑޮކްޓަރުނަކަށް އެތަނަށް އަންނައިރު ބައްޔަބެހެ މައުލޫމާތެއް ނޭގޭ ، ރާއްޖޭގައި ތެލަސީމިއާ ބައްޔަބެހޭ ފުރިހަމަ މައުލޫމާތު އެންމެ ބޮޑަށް އެގޭނެ މީހަކީ ޑރ.ފަރުޒާނާ ، ނަމަވެސް އޭނާ މިހާރުވަނީ އެތަނުން ނެރެފަ ،
ihaaru.
25 March 2019
ދިވެހިރާއްޖޭގަ ޔުނިވާސަލް ފަދަކުންފުޏެއް ވެސްމާފުރިހަމަކޮށް ހިންގާނެ، ޤައުމަށްވުރެއް
މިނާރު
26 March 2019
އެއީ ފުރިހަމައަށް ހިންގޭ ތަނެކޭ ކާކު ބުނީ؟ ލަންކާ މީހުން ތަނަަވަސްކޮށްދޭން ހިންގާ ތަނެއް އެއީ. އެމީހުން ކައިފަ ބާކީ ދައްކާލާ އެއްޗެއް އެފެންނަނީ.
ޝުކުރިއްޔާ ގައުމު
25 March 2019
އިިންޑިއާއިން ދިވެހިން ބޭނުން ކުރާނީ ތަހުލީލު ކުރުމަށް. ބޭސްވެރިކަން ނޫން ކަންކަމުގަވެސް ތަހުލީލަށް ބޭނުން ކުރާ ބައެއްގެ ގޮތުގަ އިންޑިއާގައި ދަފްތަރު ކޮށް ރަޖިސްޓްރީ ކޮށްފައިވާ ބަޔަކަށް ދިވެހިން ވާނެ. ރުހުނަސް ނުރުހުނަސް މިކަން ހިނގާނީ މިހެން. ކުރިން ނުވި ރައްކަލެއް ފަހަކުން ނުވާނޭ ބުނާ ބީދައިން އަޅުވެތި ކަމަކަށް މެހިގަނެގެން މިތިބަ ފެންނަނީ.
ޖިގު
25 March 2019
ޑަބްލިއް އެޗްއޯ އިން އެޕްރޫވް ކުރާނީ ވަރަށް ދުވަހުން ބަލާފަ. އެމީހުންނަށް އެއްވެސް ބޮޑު ސައިޑް އިފެކްޓެއް ނުފެނުނީމަ. އެޕްރޫވް ނުކުރަނީ ގޯސްވެއެއްނޫން .. އަދި ތި ބޭހަކުން ކަމެއްނުވެ. އެކުއްޖާގެ ދަގަނޑުބައި ހުރީ ވަރަށް މަތީ. ތިހެން ބުނަންޏާ އެކުއްޖާ މަރުވީ 17 އަހަރު ލޭ އަޅައިގެން.. އެއްޗެއް ލިޔާއިރު ރަނގަޅަށް ބަލާފަ ލިއުން އެދެން. ހަމައެކަނި އެކަކު ބުނާ އެއްޗެއް މީގަ މިއޮތީ. ތި އިންޓަވިއު ދިން ޑޮކްޓަރ ހުންނަނީ ޒާތީވެފަ.
ކަނަމަނަ
25 March 2019
އިންޑިއާއިން ކުރާކަމެއްވީމަ ރަނގަޅުވާނެ އެއްބަޔަކަށް.
ހެއްވާ
25 March 2019
ޖިގަށް ކިހިނެތްތަ އެނގެނީ ޑރ ޒާތީވެފަކަމެއް އެހުރީ؟
ޖަޒީރާ އަހުލުވެރިއެއް
25 March 2019
އިންޑިއާ ދަނީ ދިވެހިން އެކި ކަހަލަ ޓެސްޓް ހެދުމައް ބޭނުންކުރަމުން
ކިޔުންތެރިއެއް
26 March 2019
ރަނގަޅު ވާހަކަ އެއް ތިޔަ ބުނީ. މިހާރުވެސް އާސަންދަ ލިބޭ ދިވެހިން އާންމުކޮށް ގޮސް އުޅޭ ހޮސްޕިޓަލް އަކުން ދިވެހީން ބޭނުން ކުރަނީ އެމީހުންގެ އެކްސްޕެރިމެންޓް ތައް ހަދަން. އެކި ކަހަލަ ބާރުގަދަ ބޭސް ތައް ދީގެން ނެތް ބަލިތަކަށް ފަރުވާ ކުރަން މި ޖެހެނީ. މިކަމެއް ސަރުކާރުން ބަލާނަމަ ރަނގަޅުވާނެ.