މަދިރިއާ ދެކޮޅަށް މިއަދު ފެށި ކެމްޕެއިނާ ގުޅޭގޮތުން އެޗްޕީއޭގެ މުވައްޒަފުން އިން ނޫސްވެރިންނަށް މައުލޫމާތު ދެނީ -- ފޮޓޯ: ހުސެއިން ވަހީދު/ މިހާރު
01 އެޕްރީލް 2019 - 14:40
17 comments
މަދިރީގެ ޒަރިއްޔާއިން ފެތުރޭ ޗިކުންގުންޔާ އާއި ޑެންގީ ހުން އާދަޔާ ހިލާފަށް ފެތުރޭތީ، މަދިރިއާ ދެކޮޅު ކެމްޕޭނެއް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން މިއަދު ފަށައފި އެވެ.
ހެލްތު މިނިސްޓްރީގައި ބޭއްވި ނޫސްވެރިންގެ ބައްދަލުވުމެއްގައި އެ މިނިސްޓްރީގެ ސްޓޭޓް މިނިސްޓަރު މުހައްމަދު ޒުހައިރު ވިދާޅުވީ މިދިޔަ އަހަރާ އަޅާކިޔާ އިރު، މިއަހަރުގެ މިހާތަނަށް ޑެންގީ އާއި ޗިކުންގުންޔާ ޖެހިގެން ރިޕޯޓްކޮށްފައިވާ މީހުންގެ އަދަދު ވަރަށް ބޮޑަށް އިތުރުވެފައިވާ ކަމަށެވެ.
"ފާއިތުވެ ދިޔަ ތިން އަހަރުގެ ތަފާސް ހިސާބުތަކަށް ބަލާއިރު މި އަހަރުގެ މިހާތަނަށް، ޑެންގީ ޖެހިފައިވާ މީހުންގެ އަދަދު އިތުރުވެފައިވޭ. މި އަހަރުގެ މިހާތަނަށް 1،300 މީހުންނަށް ޑެންގީ ހުން ޖެހިގެން ރިޕޯޓުކޮށްފައި ވާއިރު، މިދިޔަ އަހަރުގެ މިހާތަނަށް ރިޕޯޓުކުރެވިފައިވަނީ 376 މީހުން،" ސްޓޭޓް މިނިސްޓަރު ޒުހައިރު ވިދާޅުވި އެވެ.
މި އަހަރުގެ މިހާތަނަށް ޑެންގީ ހުން އެންމެ ގިނައިން ރިޕޯޓްކޮށްފައިވަނީ ރ، އދ، އަދި ލ. އަތޮޅުންނެވެ. އަދި އެ ތިން އަތޮޅުގެ އިތުރުން ހދ. އަތޮޅުގައި ވެސް މިދިޔަ މާޗު މަހު މި ބަލި އިތުރުވެފައިވާ ކަމަށް އެޗްޕީއޭ އިން ބުންޏެވެ.
ޗިކުންގުންޔާ ވެސް މި އަހަރު ރާއްޖޭގައި އިތުރުވެފައިވާ ކަމަށް އޭނާ ވިދާޅުވި އެވެ. މި ބަލީގެ އައުޓްބްރޭކެއް އެންމެ ފަހުން ރާއްޖެ އަށް އައިސްފައި ވަނީ 2006 ވަނަ އަހަރު ކަމަށާއި މި އަހަރުގެ މިހާތަނަށް 421 މީހުންނަށް ޗިކުންގުންޔާ ޖެހިގެން ރިޕޯޓްކޮށްފައިވާ ކަމަށް ވެސް ޒުހައިރު ވިދާޅުވި އެވެ.
މިއަދު ބޭއްވި ނޫސްވެރިންގެ ބައްދަލުވުމުގައި އެޗްޕީއޭގެ އެޕިޑިއޮމޮލޮޖިސްޓް ޑރ. އިބްރާހިމް އަފްސަލް ވާހަކަދައްކަނީ -- ފޮޓޯ: ހުސެއިން ވަހީދު/ މިހާރު
އެޗްޕީއޭގެ އެޕިޑެމިއޮމޮލޮޖިސްޓް ޑރ. އިބްރާހިމް އަފްސަލް ވިދާޅުވީ ކޮންމެ އަހަރު ތިން ދުވަސްވަރެއްގައި ޑެންގީ ފަދަ ބަލިތައް ރާއްޖޭގައި އިތުރުވާ ކަމަށެވެ. އަހަރުގެ ކުރީ ކޮޅަށް އަންނަ ޕީކް ނިމުމަށް ފަހު ދެން މި ބަލި އިތުރުވާނެ ކަމަށް ލަފާ ކުރެވެނީ މެއި، ޖޫން އަދި ޖުލައި ހިސާބުގައި ކަމަށް އޭނާ ވިދާޅުވި އެވެ.
"މި ކެމްޕެއިން މިހާ ދުރާލާ މި ލޯންޗުކުރުމުގެ އެއް މަގްސަދު އެއީ އެ ދުވަސްވަރަށް ތައްޔާރުވާން،" ޑރ. އަފްސަލް ވިދާޅުވި އެވެ.
މަދިރީގެ ސަބަބުން ފެތުރޭ ބަލިތަކާއި މަދިރި ނައްތާލަން ކުރެވެން ހުރި ކަންތައްތަކާ ގުޅޭގޮތުން އާންމުން ހޭލުންތެރިކުރަން ފެށި މި ކެމްޕެއިން މި މަހުގެ ނިޔަލަށް ކުރިއަށް ދާނެ އެވެ. މި ކެމްޕެއިން ކުރިއަށް ގެންދަން ރާވާފައި ވަނީ އެޑިއުކޭޝަން މިނިސްޓްރީ އާއި އެކި މުއައްސަސާތަކާ ގުޅިގެން ކަމަށް އެޗްޕީއޭ އިން ބުންޏެވެ. އަދި ހުރިހާ އަތޮޅުތަކެއްގެ ހޮސްޕިޓަލްތަކާއި ސިއްހީ މަރުކަޒުތަކާއި ކައުންސިލްތަކުން ވެސް މި ކެމްޕެއިންގައި ބައިވެރިވާނެ އެވެ.
މި ބަލިތަކާ ގުޅޭގޮތުން ހޭލުންތެރިކުރުމުގެ ހަރަކާތެއް ސްކޫލް ދަރިވަރުންނަށް އަމާޒުކޮށްގެން ކުރިއަށް ގެންދަން ރާވާފައިވެ އެވެ. އަދި އާންމުންނަށް ހާއްސަ ހައި ލެވަލް އެޑްވޮކަސީ ފޯރަމަކާއި ރިސޯޓުތަކަށް އަމާޒުކޮށްގެން އިންޓަގްރޭޓެޑް ޕެސްޓް މެނޭޖްމެންޓް ކޮންފަރަންސެއްގެ އިތުރުން މޯލްޑިވްސް ރެޑް ކްރެސެންޓް (އެމްއާރްސީ) އާ ގުޅިގެން ބިދޭސީން މަސައްކަތްތެރިންނަށް ހާއްސަ ހަރަކާތްތަކެއް ވެސް ހިންގަން ރާވާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުން
02 April 2019
މިހާރު ވެސް ހުން ޖެހިގެން ގުޑާނުލެވިގެން އުޅޭ ކިތައް މީހުންނާ ދިމާވޭ. ދެން ޗިކުންގުންޏާގެ ރެކޯޑް ތިޔަ ބަލަހައްޓަނީ ކިހިނެއްތޯ؟ ރާއްޖޭގައި އެ ޓެސްޓް ހެދެން ނުހުންނަ ކަމުގެ މައުލޫމާތު ލިބޭ. ދެން ރެކޯޑް ކުރެވިފައިވާ އަދަދު ބަލަނީ ކިހިނެއްތޯ؟ ސިމްޕްޓަމްސް އަށް އެކަނި ބަލާފަ އަދަދުތަކެއް ނުބުނެވޭނެ ކަމަށް ބެލެވޭ. ދެން ޑެންގޫ އާއި މިހާރު މި ފެތުރޭ ތަންތަނުގައި ރިހޭ ހުމުގެ ތަފްސީލް ވެސް ވީ އެންމެ އަވަހަކަށް އާއްމުންނަށް ހާމަކުރުން ރަނގަޅު.
ތުއްތޮންބެ
02 April 2019
ކެމްޕެއިން ނުފައްޓަވާ ރައްރަށުގެ އެސް.ޓީ.އޯ ގެ ބޭސްފިހާރަތަކުން ބޭސްލިބޭނެގޮތް ފުރަތަމަ ހައްދަވާދެއްވާ.
ހަބޭސް2050
02 April 2019
މިސަރުކާރުގެ ކެބިނެޓުގެހާލަތު: 1. އެޑިޔުކޭޝަން މިނިސްޓަރ ވާނުވާ ނޭންގެ ސްކޫލަތެރޭގައިވެސް ވޯޓުހޯދަން ށ. ފުނަދުއަށްގޮސް ވ1 ގަޑިއިރު ވަކިމީހަކާއެކު ގެއްލުނު ވީތަންނޭގިގެނ ްހޯދަންޖެހުނު 2. ހެލްތު މިނިސްޓަރ އަމިލް ސިއްހަތުވެސް ނޭންގެ، އެންވަރުމެންޓު މިނިސްޓރ މަވަރެއްނެތިގެން ވަރަށްފުޅާވެފައިވާ ބޭފުޅެއް، ޓުރިޒަމް މިނިސްޓަރ ކިޔޭނުކިޔޭ ނޭގެ، ޕްލޭނިންގ މިނިސްޓްރީ އަށް އިތުރުބައިތަށްގެންނަށް އަތުކުރިއޮޅާލާފަ، މީހަލަތު
މަހުކަމަތު
02 April 2019
އެޗްޕީއޭ އޮތީ ކަންނެތްވެފަ ފައި ހަލުވައި ނުލެވިފަ ގައުމުގަ އެއހއން އެއްވެސް އިދާރާއެއް ބަދަލް ކުރުމުގެ ކުރިން އެޗްޕީއޭ ބަދަލް ކުރަން އެބަޖެހޭ މިއީ ބުރަހެލި ދުވެއްޔެއްނެތް ބައެއް މުޅިތަން އޯމޯ ޖަހާ ދޮންނަން ވެފަ އޮތް ތަނެއް ކޮންމެ ގޮތެއް ވަރިހަމަ ބައެއް ގައުމުގައި ހިނގާ މިޒާތުގެ ކަންކަމުގެ އެޗްޕީއޭ ފެންނަންވީވަރާ ގާތަށްވެސް ނުފެނޭ ލޯކަލް މާރުކެޓްގައި ކުލޮރިން ޖަހައިގެން ކެޔޮ ދޮންކުރާއިރުވެސް ހަމަ ހިރުވައިވެސް ނުލާ މަސްމާރުކެޓާ ހޮޓާތައް ބެލުންވެސް
ނެޑް
02 April 2019
ރާއްޖޭގެ އެންމެންނަށް ޖެހި ނިމުނީމައި؟
ވެބް ކެމް
02 April 2019
ތިޒާތުގެ ކެމްޕޭން ލޯންޗްކުރި ވެރިކަން ފެށި ދުވަސްކޮޅުވެސް....
ފޯކާސްޓަރު
01 April 2019
އަދި އަވަސް ތިޔަ ކެންޕޭނު ފަށަން. އެޗްޕީއޭ ވެސް މިނިސްޓްރީވެސް ފެއިލްވެފަ ތިއޮތީ ބޮޑުތަނުން
1111
01 April 2019
ކޮންމެ ފަހަރަކުވެސް ފޫކޮޅުގަ ރޯވީމަ ކޮންމެވެސް އެއްޗެކޭ ކިޔައިގެން އުޅެގެންފާނެ! ކިހިނެއްވާނެރަށްތަކުގައި އުޅޭ މީސްތަކުން މަދިރިން ރައްކާ ވެވޭނެހެން ދުރާލާ ރާވާއިގެން ތިކަހަލަ ކަންތައް ދާއިމީ ގޮތެއްގައި ކުރިއްޔާ. ތިކަހަލަ މުހިންމު، މީސްތަކުން ހާޖަތް ޖެހިފައިވާ އެތައްކަމެއް ހުއްޓާ ސަރުކާރުތަކަށް ކިތަށް އިސްރާފް އެބަ ކުރެވޭތޯ!
ގުންޔާ
01 April 2019
ތެދެއް ތިޔަވިދާޅުވީ...ވާނެ އެއްޗެއްވެއްޖެ...ދެން ކޮން މަހާސިންތާއެކޭ.. ހޭލުންތެރިކުރުމެކޭ ކިޔާކަށް... އަހަރުމެންގެއިން އެކަނިވެސް ގޭގައުޅޭ 9 މީހުންގެތެރެއިން 7މީހުނައް ތިބަލިޖެހިއްޖެ..އާއިލާއާއި ރައްޓެހިންގެ އެތައްބަޔަކު ތި ޗިކަންގުންޔާއެއްގެ ޝިކާރައަކައްވެއްޖެ. ބޭހެއް ނުލިބޭ,,ރަނގަޅުނުވެ އެތައްހަފްތާއަކައް ދެމިގެން ދޭ...މިވަރު ވާއިރުވެސް ހެލްތް މިނިަްޓަރ ވާނުވާގަ....
ހަސަންކަލޯ
01 April 2019
މަ ޗިކުންގުންޔާ ޖެހިގެން އުޅޭތާ މަހެއް ވަނީ، އަދިވެސް ހުޅުހުޅުގައި ރިއްސާވަރުން ފިޔަވަޅެއް ހަމައަށް ނޭޅޭ.. ސްވައިން ފުލޫއަށްވުރެ މާ ގެއްލުން ބޮޑު މި ބަލީގެ... 3-6 މަހާ ދެމެދު މުއްދަތެއް ނަގާކަމަށް ވަނީ އެއްކޮށް ރިކަވާ ވާން! .. އަދި އޭގެ ފަހުން ވެސް ހުޅުހުޅުގެ ބަލިމީހަކަށް ވުމުގެ ފުރުސަތު ބޮޑު ! އެކަމަކު ސުވައިން ފުލޫކަހަލަ އެއްޗެއް ފެތުރިއްޖެއްޔާ، މިމީހުން އެލާޓަށް އާދޭ... ޗިކުންގުންޔާ ނުވޭ ބޮޑު ބައްޔަކަށް.
ހަނީފ
02 April 2019
ޗިކުންގުންޔާގަ ހުރި ވޭނަކީ އެއްވެސް ޑޮކްޓަރަކު އަޅާލާ ކަހަލަ ކަމެއްނޫންހެން ހީވަނީ. އެ ލިބޭ ވޭނަށް ރަގަޅު ފަރުވާއެއް ލިބޭނެ ގޮތެއް ބުނެދޭނެ ޑޮކްޓަރަކާ ދިމައެއްނުވޭ. 6 ވަރަކަށް މަހުން ރަގަޅުވާނެ ވާހަކަ ބުނަނީ. އެ ޖެހުނީމަ އުޅެންޖެހޭ ހާލު އެއީ އާއްމުން ހޭލުންތެރިކުރުން ވަރަށް ވެސް މުހިއްމު ކަމެއް އަދި އެފަދަ މީހުންނަށް ހޮސްޕިޓަލްތަކުން އިތުރަށް އަޅާލުން ލިބެންޖެހޭފަދަ ކަމެއް.