މަޖިލިހުގައި އަމިއްލަ މެމްބަރުންނަށް ކުރެވޭނެ ކަމެއް ނެތް: ނަޝީދު

ނަޝީދު މިއަދު މާފަރުގައި ވާހަކަފުޅު ދައްކަވަނީ. އެމަނިކުފާނު ވަނީ އަމިއްލަ ގޮތުން އިންތިޚާބަށް ވާދަކުރައްވާ ކެންޑިޑޭޓުންނަށް ފާޑު ވިދާޅުވެފައި. --- ފޮޓޯ: އެމްޑީޕީ

މުހައްމަދު ޔާމީން، މިހާރު

02 އެޕްރީލް 2019 - 13:44

28 comments

ރައްޔިތުންގެ މަޖިލިހަށް އަމިއްލަ މެމްބަރުން އިންތިޚާބު ކޮށްފި ނަމަ، ކުރެއްވޭނެ ކަމެއް ނޯންނާނެ ކަމަށް ވިދާޅުވެ، ކުރީގެ ރައީސް މުހައްމަދު ނަޝީދު އެ ކެންޑިޑޭޓުންނަށް މިއަދު ފާޑު ވިދާޅުވެއްޖެ އެވެ.

އަންނަ ހޮނިހިރު ދުވަހު އޮންނަ އާންމު އިންތިޚާބުގައި އެމްޑީޕީގެ ޓިކެޓުގައި މަނަދޫ ދާއިރާ އަށް ވާދަކުރައްވާ އަހުމަދު ހާރޫންގެ ކެމްޕެއިނަށް ނ. މާފަރަށް ވަޑައިގެން ނަޝީދު ވިދާޅުވީ މަޖިލިހުގައި 87 މެމްބަރުން ތިއްބަވާ އިރު، މަޖިލިހަށް ހުށަހަޅާ ކަންކަން ނިންމޭނީ އަޣުލަބިއްޔަތުން ކަމަށެވެ. އެކަމަކު، މަޖިލިހުގައި އަމިއްލަ މެމްބަރުންނަށް ކަންކަމުގައި ބަހުސް ކުރެވިދާނެކަން ނަޝީދު ފާހަގަކުރެއްވި އެވެ.

ކުރީގެ ރައީސް މުހައްމަދު ނަޝީދު މިއަދު ނ. މާފަރަށް ވަޑައިގަތުމުން، އެމްޑީޕީގެ ސަޕޯޓަރުން އެމަނިކުފާނަށް މަރުހަބާ ދަންނަވަނީ. --- ފޮޓޯ: އެމްޑީޕީ

"ކިހިނެއްތޯ އެއް ކަމެއް ވެސް ކުރާނީ؟ އެއީ 87 މެމްބަރުން ތިބޭ ތަނެއް. އެ ތަނުގައި ކަމެއް ނިންމާނީ އަޣުލަބިއްޔަތުން. އެންމެ މީހަކަށް، ޕާޓީއެއް ނެތި، އަޣުލަބިއްޔަތެއް ނެތި އެތަނުގައި އިންނަ މީހަކަށް ކޮށްދެވޭނެ އެއް ކަމެއް ވެސް ނޯންނާނެ،" ނަޝީދު ވިދާޅުވި އެވެ.

މިހާރު ހިނގަމުން އަންނަ މަޖިލިހަށް އިންތިޚާބުވި އަމިއްލަ ގިނަ މެމްބަރުން ކުރެއްވި ކަމަކީ އެންމެ ރަނގަޅު އަގަކަށް އެ މެމްބަރަކު ބޭނުން ޕާޓީއަކާ ގުޅިވަޑައިގަތުން ކަމަށް ނަޝީދު ވިދާޅުވި އެވެ.

"ޕޯސްޓަރުގައި ހުންނަނީ ކުޑަކޮށް ރީނދޫކޮށްލާފައި. ޝިއާރުގައި ހުންނަނީ އަޅުގަނޑުމެން ދައްކާ ވާހަކައިގެ ތުނޑުތަކެއް. ޕޯޑިއަމްގައި ވިދާޅުވަނީ އެޖެންޑާ 19 އޭ. ފޮޓޯ ނަގާފައި ހުންނަނީ އަޅުގަނޑާއި ރައީސް އިބްރާހިމް މުހައްމަދު ސޯލިހާ އެކީގައި،" މި އިންތިޚާބުގައި ވާދަކުރައްވާ އަމިއްލަ ކެންޑިޑޭޓުންނަށް ހަޖޫ ޖައްސަވަމުން ނަޝީދު ވިދާޅުވި އެވެ.

ނަޝީދު ވިދާޅުވި ގޮތުގައި މީގެ ކުރިން، އެފަދަ ބޭފުޅުންނަކީ ރައީސް އިބްރާހިމް މުހައްމަދު ސޯލިހާއި އެމަނިކުފާނު ފެނިވަޑައިގަތުމުން، "ދެ ދަތް ޖެހި ހޭބަލިވެ ރުޅިގަދަވެގެން ވެއްޓޭ" ބައެކެވެ. އެކަމަކު، މިއަދު އެ ބޭފުޅުންނަށް ރީނދޫ ކުލަ ރީތިވުމަކީ އެމްޑީޕީ އަށް ލިބޭ ކާމިޔާބެއް ކަމަށް ނަޝީދު ވިދާޅުވި އެވެ.

ނަޝީދު މިއަދު ނ. މާފަރަށް ވަޑައިގެން ކުރުނބާއެއް ހިފަހައްޓައިގެން. --- ފޮޓޯ: އެމްޑީޕީ

"އަޅުގަނޑުމެންގެ ވާދަވެރިންނަށް އެ ބަލައިގަނެވިފައި ތިބި ވަރުން އެމީހުންގެ އަންހެނުންގެ މޭމަތީގައި އެ ވަނީ ގުލްސަންޕާ މާ ޖަހާލާފައި،" އަމިއްލަ ކެންޑިޑޭޓުންނަށް ފާޑު ވިދާޅުވަމުން ނަޝީދު ވިދާޅުވި އެވެ.

އެމަނިކުފާނު ވިދާޅުވީ، މަޖިލިހުގެ މެމްބަރުން ވިކިގެން ދިޔަ މަންޒަރަކީ ރައްޔިތުންނަށް ފެނުނު ފިއްކަނޑައިގެންދާ ވަރުގެ ކަމެއް ކަމަށެވެ. އެކަމަކު، ރައްޔިތުން ބޭނުން ވަނީ ނަޒަހާތްތެރި، ގާބިލް، ބޭނުންތައް ފުއްދައިދޭނެ މަޖިލިހެއް ކަމަށް ނަޝީދު ވިދާޅުވި އެވެ.

އެމްޑީޕީން މަޖިލިހުގެ އިންތިޚާބަށް ތައްޔާރު ކުރި 'އެޖެންޑާ 19' އަށް ވަރަށް ބޮޑަށް ތައުރީފް ކުރައްވައި ނަޝީދު ވިދާޅުވީ އެ ސިޔާސަތު ވާނީ ރައްޔިތުންނަށް ދުވަހަކު ވެސް ނުލިބޭ ފަދަ ތަނަވަސްކަން ލިބޭ ސިޔާސަތަކަށް ކަމަށެވެ. އެމްޑީޕީން ދެނީ ފަސް އަހަރުގެ އެޖެންޑާއެއް ކަމަށް ނަޝީދު ވިދާޅުވި އެވެ.

ރައީސް މުހައްމަދު ނަޝީދު އެމްޑީޕީ ނ. އަތޮޅު ރައްޔިތުންގެ މަޖިލީހުގެ އިންތިޚާބު 2019 ނ. މަނަދޫ

28 ކޮމެންޓް, 33 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަރަވަނަ

03 April 2019

އެހެންވިއްޔާ އަމިއްލަ މެމްބަރުންނަށް ކުރިމަތި ނުލެވޭހޮތް ހަދަންވީނު އެމީހުން ހޮވުނަސް އެމީހުނަށްކުރެވޭނެ ކޮއްދެވޭނެ ކަމެއްނެތް އެކަމަކު އިބޫ ބުނީ ތިމަން މީދިވެހި ރައްޔިތުންގެ ރައީސްއޭ އެހެން ވިއްޔާ ޕާޓީއަކުން ނޫން ގޮތަކަށް ހޮވު ނަސް އެމެމްބަރެއްގެ ދާއިރާގެ ތަރައްގީ އަށް މަސައްކަތް ކޮއްދިނުމަކީ ސަރުކާ ރުގެ ވާޖިބަކަށް ވާނެ ރައީސް މީހާއަކީ ވަކިބަޔަކަށް ޚިދުމަތް ކުރަން ހުންނަ މީހެއް ނޫން ކޮންމެ މީހަކު މެމްބަރަކަށް ހޮވުނަސް ރައީސް މީހާގެ ވާޖިބެއް ހުރިހާ އަތޮޅުތަކެއްގެ ހުރިހާ ރައްޔިތުން ނަ ށް ކަންތަތައްކޮއްދިނުމަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަންނަ ނުދަންނަ

02 April 2019

މަގޭ ވޯޓު އަމިއްލަ މެންބަރަކަށް ހިބަކޮށްދޭނަން. މިއިން އެއްވެސް ޕާޓީއެއްގެ ދެމީހަކު ދައްކާ ވާހަކަ ދިމާނުވޭ. ޖޭޕީގެ ރައީސާއި އިސްމެންބަރުންގެ ވާހަކަ ދިމާނުވޭ. އެމްޑީޕީގެ ރައީސް އަދި ގައުމުގެ ރައީސްގެ ވާހަކައާ އަންނީގެ ވާހަކައާ ދިމާނުވޭ. މިކަހަލަ ޕާޓީތަކަށް ވޯޓުދޭކަށް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދާލު

02 April 2019

މިނިވަން ކެނޑިޑޭޓުން މީގެ ކުރިން ހޮވި ދާއިރާތަކުން ކިތައްމެ ކަމެއް ކޮށްދީ ރައްޔިތުންގެ ހާލު ބަލާ ކެނޑިޑޭޓުން އެބަތިބި. ޕާޓީން ހޮވާ ކެނޑިޑޭޓުން އެބަ ބުނޭ ސަރުކާރު ތިމަންނަގެ ސަރުކާރު ނުނޭ އެހެންވީމަ ކަމެއް ނުވާނޭ. އެހެން ކިޔާފައި އަމިއްލަ ވިޔަފާރި ކުރެވޭ. އެކަމް ރައްޔަތުންނަށް ކަމެއް ކޮށްދޭންވީމަ ނޯ ނޯ ދިސް ނޮޓް މައި ގޮވްމެންޓް. ސަރުކާރަކުން ނުޖެހޭ ތިމަންނަމެންގެ މެމްބަރު ނުހޮވީމާ އެ ރައްޔަތުން ބާކީ ކުރާ އުސޫލަށް ވާހަކަ ދައްކާ އިންޒާރު ދޭކަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެންނަނީ

02 April 2019

ކުޑަފަރީގަ ދެއްކި ވާހަކަތަކަށް ބަލާއިރު އަމިއްލަ މެމްބަރަކު ވެއްޖިއްޔާ ޕާޓީގެ ރޫހާނީ ލީޑަރު ބުނާ ގޮތް ނުހަދާވާނެ. ލީޑަރު ބުނެފިއްޔާ ކޮންމެފަދަ ނުބައި ކަމެއްވެސް ކޮށްފާނެކަން އެއޮތީ އަމިއްލަ އިއުތިރާފުން ފެންނަން. ގައުމެއްގެ ސަރުކާރުގައި ރެނދުއެޅުވުމުގެ ސަބަބުން ރައްޔިތުންނަށް ލިބުނު ބޮޑު ގެއްލުން އަމިއްލައަށް ނުފެނި އެއީ ކުރެވުނު މޮޅުކަމެއްކަމަށް ދެކޭ މީހުންޖެހޭ ސިކުނޑި ޓެސްޓްކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެރިކިރު

02 April 2019

ކޮބާ ރައްޔިތުމީހާ އެދޭގޮތޭ ކިޔާފަ މިވީކިހިނެއް؟؟؟ ރައްޔިތުން ބޭނުންވެގެން އަމިއްލަ ކެންޑިޑޭޓެއް ހޮވަން އުޅުނަސް މިކަލޭގެ އެކަމާ ދެކޮޅު. އަމިއްލަ ސޯޓުބޭލޭއިރުވެސް ނޭނގޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައްދާފުޅުދޮންތު

02 April 2019

އަމިއްލަ މީހަކު އެބަބުނޭ 2008 ގައި ގެނައި ވެރިކަމުން ވީ ކޮންކަމެއްހޭ ! ދެން އެއީ ތެދަކަށް ހެދޭނޭތަ ! ކޮބާ އާސަންދަ ،ކޮބާ މައިން ، ނުކުޅެދޭމީހުން ! އަދިވެސް އެއޮތީ ކުރިއަށް ! ވެރިކަން ނިމެންދެން ކެތްނުވެގެން ބަގާވާތަކުން ވައްޓާލާފަ ތިމާމީހާގެ ބައްޕަޔާ މަންމަޔަށް އިނާޔަތް ލިބޭ ކަންވެސް އޮޅުވާލަނީ ! ދެން ކޮބާ މިހުރިހާ ދުވަހު ނުފެންނަ ބަޔަކު ހުދުހެދުން އަޅައި ފައިދާ ވެގަނެގެން މިއުޅެނީ ބަޔަކު ޖަލުއަނިޔާލިބި އިހުތިޖާޖު ކޮށްއަޑު އުފުލައިގެން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

0000

02 April 2019

މަނިއްޕުޅުގެ ވާހަކަތައް ތަންކޮޅެއް ހަރުދަނާ ގޮތަކަށް ބިނާކުރަން ވެއްޖެ އެއްނު!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޅުދުއްފުށީ ސޮރު

02 April 2019

އަމިއްލަޔަށް ވެސް އެޔޮތީ ބުނިވާހަކައަށް ރައްދު ދީފައި ، މަޖިލީހުން އެއްވެސް ކަމެއް ކުރެވޭނީ އަގުލަބިއްޔަތު ލިބިގެން ، ސަރުކާރު މެންބަރެއްނެތް ދާއިރާތަކަށް ވެސް ސަރުކާރަށް އަގުލަބިއްޔަތު ލިބިއްޖެއްޔާ ކަންތައް ކޮއްދެވޭނެ ، އެކަމަކު ނުލަފާކަން ދައްކާ ނުލައިފިއްޔާ އެއީ.