އެތުލެޓިކޯ ދެ ޑިފެންޑަރުން ކައިރިން މެސީ ބޯޅަ ހިފައިގެންދަނީ.-- ފޮޓޯ: އޭއެފްޕީ
07 އެޕްރީލް 2019 - 10:43
10 comments
ބާސެލޯނާ (އޭޕްރީލް 7) - މެޗުގެ ބޮޑުބައި 10 ކުޅުންތެރިންނާ އެކު ކުޅުނު އެތުލެޓިކޯ މެޑްރިޑްގެ މައްޗަށް 2-0 އިން ކުރިހޯދައި ބާސެލޯނާ ސްޕެނިޝް ލީގުގެ ޗެމްޕިއަންކަން ހޯދުމާ ގާތަށް ޖެހިލައިފި އެވެ.
ރޭގެ މޮޅާ އެކު ބާސެލޯނާ ލީގުގެ އެއް ވަނައިގައި އޮތީ 11 ޕޮއިންޓުގެ ލީޑަކާ އެކު 31 މެޗުން 73 ޕޮއިންޓާ ހޯދައިގެންނެވެ. ދެ ވަނައިގައި އޮތް އެތުލެޓިކޯ އަށް 31 މެޗުން ލިބިފައިވަނީ 62 ޕޮއިންޓެވެ. ތިން ވަނައިގައި އޮތް ރެއާލް މެޑްރިޑް ރޭ ކުޅުނު މެޗުން 2-1 އިން އެއިބާ އަތުން މޮޅުވިއިރު، އެ ޓީމަށް 31 މެޗުން ލިބިފައިވަނީ 60 ޕޮއިންޓެވެ.
މެޗު ފަށައިގެން ލަނޑު ޖަހަން އެންމެ ރަނގަޅު ފުރުސަތެއް ލިބުނީ ބާސެލޯނާގެ ޖޯޑީ އަލްބާ އަށެވެ. އޭނާ ފޮނުވާލި ބޯޅަ އަމާޒުވީ ގޯލުގެ ދަނޑި އަށެވެ. އޭގެ ފަހުން ބާސެލޯނާގެ ފިލިއްޕޭ ކުޓީނިއޯ ފޮނުވާލި ބޯޅަ އެތުލެޓިކޯ ގޯލުގައި ރޭ މޮޅު ކުޅުމެއް ދެއްކި ޔެން އޮބްލަކް ވަނީ މަތަކޮށްފަ އެވެ.
އެތުލެޓިކޯ އަށް މި މެޗުގައި އެންމެ ބޮޑު މައްސަލައެއް ދިމާވީ މެޗުގެ 28 ވަނަ މިނިޓްގައި އެތުލެޓިކޯގެ ފޯވާޑް ޑިއޭގޯ ކޮސްޓާ މެޗުގެ ރެފްރީ ގިލް މަޒާނޯ އަށް ބޭއަދަބީ ބަހުން މުހާތަބު ކުރުމުން އޭނާ އަށް ރަތް ކާޑު ދެއްކުމުންނެވެ. އެއް ކުޅުންތެރިޔަކު މަދުކޮށް ގަޑިއިރެއްހާއިރު އެތުލެޓިކޯ އިން ބާސެލޯނާ ހިފެހެއްޓިއިރު، އެކަމުގެ އެންމެ ބޮޑު ޝުކުރެއް ހައްގުވަނީ ކީޕަރު އޮބްލަކް އަށެވެ. އޭނާ ވަނީ ބާސެލޯނާގެ އެޓޭކްތައް ހުއްޓުވުމުގައި ކުރިހޯދައިފަ އެވެ.
ބާސެލޯނާ މި މެޗުން މޮޅުވި ލަނޑުތައް ޖެހީ މެޗުގެ ފަހު ފަސް މިނިޓް ތެރޭގަ އެވެ. އެ ގޮތުން 85 ވަނަ މިނިޓްގައި ލުއިސް ސުއަރޭޒް ބާސެލޯނާ ފުރަތަމަ ގޯލު ޖެހީ އޭރިއާ ބޭރު ރޮނގުކައިރިންނެވެ. ސުއަރޭޒް ޖެހި ބޯޅަ އަމާޒުވީ ގޯލުގެ ދުރުކަނަށެވެ. އޭގެ މިނިޓެއް ފަހުން މެސީ ބާސެލޯނާގެ ލީޑުފުޅާކޮށްދިނީ އޭރިއާ ތެރެއިން ހަމަޖެހިލާފައި ކާމިޔާބުކުރި ގޯލުންނެވެ.
ބާސެލޯނާގެ ކޯޗު އާނެސްޓޯ ވަލްވޭޑޭ ބުނީ މިއީ ލީގު ކާމިޔާބު ކުރުމަށް އެ ޓީމުން އެޅި ބޮޑު ފިޔަވަޅެއްކަމަށާއި ދެން ހަމަޖެހިލުމުގެ ފުރުސަތެއް ލިބޭނެ ކަމަށެވެ. އަދި ޗެމްޕިއަންސް ލީގަށް ފޯކަސް ކުރުމުގެ ވިސްނުން އިސްކުރަން ފުރުސަތު ލިބުމަކީ ވެސް ބޮޑު އުފަލެއްގެ ގޮތުގައި ވަލްވޭޑޭ ސިފަކުރި އެވެ.
އެންމެ ފަހުން ކުޅުނު މެޗުން ވެލެންސިއާ އަތުން ބަލިވުމުން ރޭގެ މެޗަށް ޒިނެދިން ޒިދާން ރެއާލް މެޑްރިޑް ގޮވައިގެން ނުކުތީ މޮޅުވެ އަލުން ފޯމަކަށް އެޅުމަށެވެ. އެހެން ނަމަވެސް ރޭގެ މެޗުގައި ވެސް ފެށުން ދިޔައީ އެ ޓީމު ބޭނުންވި ގޮތަކަށް ނޫނެވެ. މާކް ކާޑޯނާގެ ގޯލުން މެޗުގެ 39 ވަނަ މިނިޓްގައި އެއިބާ އިން ލީޑުނެގިއިރު، ދެ ވަނަ ހާފްގައި ރެއާލް މޮޅުކޮށްދިނީ ފްރާންސްގެ ފޯވާޑް ކަރިމް ބެންޒެމާ އެވެ. އޭނާ ލަނޑުތައް ޖެހީ 59 އާއި 81 ވަަނަ މިނިޓްގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝޫމައިކަލް
09 April 2019
ބަސެލޯނާޔަކާ ނުކުޅެވޭނެ! މެސީ ޔަކާވެސް ނުކުޅެވޭނެ!
ރަދީފް
07 April 2019
އެހެންމީހުންގެ ނަމުގަ ކޮމެންޓް ކުރަނީ ކޮންބޭނުމެއްްގަތަ؟؟ ރެފްރީގަނެގެން؟؟ ލޮލް.ކަލޭގެ ޓީމްގެ ކުޅުންތެރިޔާ ކޮސްޓާގެ އަޙްލާގެއް ނެތް.ރެފްރީއާއި ދިމާލަށް ބޭއަދަބީ ބަހުން ވާހަކަ ދެއްކުން ހުއްދަ އޮތީ ކޮން ގައުމެއްގަތޯ؟؟ އެތުލެޓިކޯގެ ކޯޗް ވެސް ރެފްރީއާއި ވާހަކަ ދެއްކި.އޭނަވެސް އެއްބަސްވޭ އެއީ އަޙްލާގީ ފެންވަރު ދަށްވީމަ ކޮސްޓާގެ ފަރާތުން ފެނުނު އަމަލެއްކަން.ދުރޫސުލް އަޙްލާގްގެ ސްޕެނިޝް ވާޝަންއެއް ޕޯސްޓްކުރެވީދާނެ.#ޕުތަމެދްރިޑް #ވިސްކައެލްބާސާ
މުލޭ
07 April 2019
ބައެއް .މީހުންނަށް ހީވެފައި އޮންނަނީ ބާސާއަަ ދެކޮޅަށް ކުޅޭޓީމަކުން ކިތަންމެ ފައުލެއް ކުރިއަސް މެޗް އޮފިޝަލުންނަށް ބޭއަދަބީ އެއްޗެހި ގޮވިޔަސް ނޫނީ ކުޅިވަރުގެ ރޫޙާ ޚިލާފު ޢަމަލުތައް ކިތަންމެ ގިނައިން ހިންގިޔަސް ކާޑެއް ދައްކައިގެން ނުވާނެކަމަށް. ކޮންމެ ކުޅިވަރެއްގައިވެސް ގަވާއިދުތަކާއި ހަ.މަތަކާއި އުސޫލުތަކެއް އޮންނާނެ. އަދަބު ދޭންޖެހޭ ހިސާބަށް ދިޔައިމަ އަދަބުވެސް ދޭނެ. ކޮންމެ ޓީމަކާ ދެކޮޅަށް ކުޅުނަސް އެކަން އޮންނާނީ އެގޮތަށް. ކެތްތެރިވޭ.
ރަދީފްް
07 April 2019
ރެފްރީ ގަނެގެން، އެތްލެޓިކޯގެ އެންމެ މުހިއްމު އެއް ކުޅުންތެރިޔާއަށް ރަތް ކާރޑު ދައްކާ، މެޗުގެ ބޮޑުބައި 10ކުޅުންތެރިންނާ އެކު ކުޅުނު އެތްލެޓިކޯގެ ޓީމުގެ މައްޗަށް ބާރސާގެ 12 ކުޅުންތެރިންނަށް ކާމިޔާބުވީ ފަހު ވަގުތު. އެންމެ ފަހު 2 މެޗުވެސް ރެފްރީގެ އެހީއާ އެކު ކާމިޔާބުވީ. ކުރިން މެޗުގަ 2ލަނޑުގެ ލީޑެއްގަ އިދިކޮޅު ޓީމު އޮއްވާ ޖަރީމާ ހިންގީ. މިނޫން ގޮތަކަށް މުބާރާތެއް ކާމިޔާބު ކުރެވެން ނެތީއޭ ދޯ ހަމަ؟
ހަގީގަތް
07 April 2019
ކަލޭ ބޭނުންތަ ކޮސްޓާ ރެފްރީޔާ ދިމާލަށްބުން ބަސް ކޮމެންޓެއްގެ ޞިފައިގައި އެނގިލަން.
ޙަޑި
07 April 2019
ކޯސްޓާ މީ ފެންވަރު ޮ. ޢޮޅިފަ ހުންނަ މީހެއް
ހަގީގަތް
07 April 2019
ރޭގެ މެޗުގައި ކޮސްޓާޔަށް ދެއްކި ރަތް ކާޑަކީ ބެހޭގޮތުން މިތާގެ ކޮމެންޓްކުރާ ބައެއް ރިއަލް މެޑްރިޑްގެ ސަޕޯރޓަރުން ހައްގު ކާރޑެއްނޫންކަމަށް ބުނެފާނެތީ އޭގެ ރައްދެއްގެ ގޮތުން ދަންނަވަން. ކޮސްޓާޔަކަސް އަދި އެހެން އެއްވެސް ކުޅުްތެރިޔަކަށް ރެފްރީޔާ ދިމާލަށް ހުތުރު ބަހުން މުޢާމަލާތެއް ނުކުރެވޭނެ. ކޮސްޓާވަނީ ރޭގެ ރެފްރީގެ މަންމަޔާ ދެފަހަރު ބެހިފައި. އެވެސް އެންމެ ހުތުރުކަން ބޮޑު ގޮތުގައި. މިތާގައި ކޮސްޓާ ބުނި ވާހަކަ ލިޔުމަކީ އެހާ ރަނގަޅު ކަމެއްނޫން.
ވެލްކަމް
07 April 2019
އަސްލު ބެހުނީކީ ނޫން، މަންމަ އާ ދިމާލަށް ހަޑި ހުތުރު ބަހުން ހަޔާތް ގޮވީ، ކިޔާ މީހުނަށް ގޯސް ގޮތަކަށް ހީވެދާނެތީ ރަނގަޅު ކޮށްލަދިނީ
ހަގީގަތް
07 April 2019
ރަނގަޅު ވާހަކައެއް. އަޅުގަނޑުގެ ކޮމެންޓްގައިއޮތް ކުށް ރަނގަޅުކޮށްލަދިނީތީ ވަރަށް ބޮޑަށް ޝުކުރިއްޔާ.
ރަދީފް
07 April 2019
މަރުހަބާ ދުނިޔޭގެ އެންމެ ގަދަފަދަ ކްލަބް.އާދެ އެއީ ކޮންކްލަބެއްތޯ!! އެއީ ސްޕެއިންގެ އެފްސީ ބާސެލޯނާ އިނގޭތޯ. އެތުލެޓިކޯ ކުރި ހިތްވަރަށް ސާބަސް.ލަލީގާގަ އެންމެ ގިނައިން މެޗްތައް ކާމިޔާބްކުރުމުގެ ރެކޯޑް ވެސް މިވަގުތު އޮތި އެއްކަލަ މީހުން މަލާމާތް ކުރާ މެސީ އަތުގަ.335 މޮޅު. އެއިބާ އަދި ރެއާލް ސްކޮޑްގެ އަގުގެ ތަފާތު ލިޔާނެ މީހަކު ހުންނާނެބާ؟؟!! #ވިސްކައެލްބާސާ #ޕުތަމެޑްރިޑް