ނިއު ޒީލެންޑުގެ ބޮޑު ވަޒީރު ޖަސިންޑާ އާޑާން. --ފޮޓޯ:އޭއެފްޕީ
08 އެޕްރީލް 2019 - 13:34
6 comments
ކްރައިސްޗާޗް (އެޕްރީލް 8) - ނިއު ޒީލެންޑުގެ ކްރައިސްޗާޗުގެ ދެ މިސްކިތަކަށް ހަމަލާދީ 50 މީހުން މަރާލި ހާދިސާ ތަހުގީގު ކުރާ ޓީމުގެ އިސް މެންބަރަކަށް ސުޕްރީމް ކޯޓުގެ ފަނޑިޔާރު ވިލިއަމް ޔަންގް ހަމަޖައްސައިފި އެވެ.
"މިސްކިތަށް ދިން ހަމަލާ ތަހުގީގު ކުރުމުގައި ނުފޮރޮޅާ އެންމެ ގަލެއް ވެސް ނުބާއްވާނަން. މާޗް 15 ވަނަ ދުވަހުގެ ހަމަލާ ދޭން މެދުވެރިވީ ކީއްވެތޯ އާއި އެބާވަތުގެ ހަމަލާތައް ހުއްޓުވާނީ ކިހިނެއްތޯއާ އަދި ނިއު ޒީލެންޑަކީ ރައްކާތެރި ތަނަކަށް ހެދޭނީ ކިހިނެއްތޯ ބަލާނަން،" ބޮޑު ވަޒީރު ޖަސިންޑާ އާޑާން ވިދާޅުވި އެވެ.
ހަމަލާ ތަހުގީގު ކުރުމަށް އާޑާން ވަނީ ރިޔާސީ ކޮމިޝަނެއް އުފައްދަވައިފަ އެވެ. ނިއު ޒީލެންޑުގެ ގާނޫނުތަކުގެ ދަށުން އެންމެ ބާރު ގަދަ އެ ކޮމިޝަނުގެ ރިޕޯޓް ޑިސެމްބަރު 10 ގެ ކުރިން ނިންމާނެ އެވެ.
އާޑާން ވިދާޅުވީ ތަހުގީގު ޓީމުގެ މަސައްކަތް އަންނަ މަހު 13 ގައި ފަށާނެ ކަމަށެވެ. ކޮމިޝަނުގެ ތަހުގީގުގައި މުސްލިމް ކޮމިއުނިޓީ އާއި ނިއު ޒީލެންޑުގެ ކައުންޓާ-ޓެރަރިޒަމް އެޖެންސީތަކާ މަޝްވަރާ ކުރާނެ އެވެ. އަދި ހަމަލާގެ ކުރިން ޓަރަންޓުގެ އަމަލުތައް ހުރި ގޮތާއި އޭނާ އަށް ބަޑީގެ ލައިސަންސް ލިބުނީ ކިހިނެއްތޯ ވެސް ބަލާނެ އެވެ.
އޮސްޓްރޭލިއާ އަށް ނިސްބަތްވާ އުމުރުން 28 އަހަރުގެ ބްރެންޓަން ޓަރަންޓް ދިން ހަމަލާގައި 50 މީހުން މަރުވެ 39 މީހުން ޒަޚަމްވި އެވެ. އޭނާގެ މައްޗަށް ވަނީ މީހުން މެރުމުގެ 50 ދައުވާ އާއި މީހަކު މަރަން އުޅުމުގެ 39 ދައުވާ އުފުލައިފަ އެވެ. ހަމަލާގައި 50 މީހުން މަރުވެ 39 މީހުން ޒަޚަމްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހައިޓް
08 April 2019
ދިވެހިން ކިޔާ ގޮތަށް ދޯ. ފަހުން ވާނުވާ ނޭގޭނެ. ދެން އިންތިޚާބު ކައިރިވީމާ ސިޔާސީ މީހުން ފޯޑިއަމްތަކުގައި ގޮވާނެ ވާހަކަ އަކަށް ވެގެން މަރުވެފައި ތިބި މީހުން ވަޅުން ނަގާނެ. މީ ރާއްޖޭގެ ހާލަތު. މިސާލަކަށް ޝަހީދު އަފްރާޝީމް އަކީ ސިޔާސީ މީހުން މަގާމް ކާމިޔާބު ކުރުމަށް ބޭނުން ކުރާ އެސެޓެއް
1828
08 April 2019
މިފެންވަރަށް ތަހުގީގުތަށް ހިންގެން ޖެހޭނެ. އަދި ތަހުގީގުކޮށް މައްސަލަ، މައްސަލަ ޕްރޮސެކިއުޓްކޮށް، ދައުވާ އުފުއްލާ ތުހުމަތު ކުރެވުނު މީހާގެ މައްޗަށް ކުށް ސާބިތުކޮށް، ހުކުމް ކުރުމަކުން ނުފުދޭނެ. އެކަން ހިނގަން ނުވަތަ ދިމާވާން މެދުވެރި ސަބަބާއި، ދެން އެފަދަ އަމަލެއް ހިނގިޔަ ނުދިނުމަށްޓަކައި އަޅަންޖެހޭ ފިޔަވަޅު ތަކަކީ ކޮބައިތޯ ކަމާބެހޭ މާހިރުންނާއި މުއައްސަސާތަކާ މަޝްވަރާކޮށް، އެފިޔަވަޅު އެޅުނީމައި މައްސަލަ ނިމުނުކަމަށް އަސްލު ވާނީ.
ހުތާ
08 April 2019
ސްޕްރީމްކޯޓުގެ މިހާރުގެ ފަނޑިޔާރެއްތޯ ނުވަތަ ކުރީގެ ފަނޑިޔާރެއްތޯ؟ ތަހުގީގު ކުރާ ޓީމުގެ ހެޑަަކަށް މައްސަލަ ބަލާ ބެންޗުގައި އިންނަވާ ފަނޑިޔާރަކު ހުރެދާނެބާވައޭ ހަމަ ހިތަށް އަރާތީ އަހާލީ.
ހަމަ ބުއްދި
21 May 2019
އެ ފަނޑިޔާރު ނުލައި ބެންޗް ހަމަ ކުރެވިދާނެ ނޫން ތޯއެވެ؟ސްޕުރިމް ކޯޓަކީ އެއްމެ ފަނޑިޔާރެއް ހުންނަ ތަނެއް ނޫނެވެ.
ޕްރައުޑް ޓު ބީ ހުވަދޫ
08 April 2019
މީ ވެރިންނަކީ!
ހިގޮ
08 April 2019
ގާ ފޮރޮޅާ ވާހަކަ ދައްކަންޏާ ދިވެހިން ނަށް ޝައްކު އުފެދޭނެ ހަގީ ގަތާހަމައައް ދެވޭނެ ކަމައް