ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދު. --- ފޮޓޯ: މިހާރު
09 އެޕްރީލް 2019 - 12:20
112 comments
ވެރިކަމުގެ ނިޒާމަށް ބަދަލު ގެންނަ ވާހަކަ ދެއްކެވުމުގެ ބަދަލުގައި ކުރީގެ ރައީސް މުހައްމަދު ނަޝީދު މަސައްކަތް ކުރައްވަންވީ އެމްޑީޕީގެ ސިޔާސަތުތައް ހިމެނޭ "އެޖެންޑާ 19" ތަންފީޒު ކުރަން ކަމަށް ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދު ވިދާޅުވެއްޖެ އެވެ.
ޕީއެސްއެމަށް ރޭ ދެއްވި ޚާއްސަ އިންޓަވިއުއެއްގައި އެމްޑީޕީގެ ރައީސް ނަޝީދު ވިދާޅުވީ، މިހާރު ވެރިކަން ކުރާ ރިޔާސީ ނިޒާމު ބަދަލުކުރަންޖެހޭ ކަމަށާއި އެކަމަކު ގޮތް ނިންމަވާނީ ރައީސް އިބްރާހިމް މުހައްމަދު ސޯލިހް ކަމަށެވެ. އެމަނިކުފާނަކީ ބަރުލަމާނީ ނިޒާމަކަށް ތާއީދު ކުރައްވާ ބޭފުޅެއް ކަމަށް ވިދާޅުވި އެވެ.
ނަމަވެސް ބަރުލަމާނީ ނިޒާމަކަށް ދިއުމާ މެދު ގޮތެއް ނިންމާނީ އެމްޑީޕީގެ ކޮންގްރެސް އާއި ޕާޓީގެ އެކި ގޮފިތަކުގެ އިތުރުން ރައްޔިތުންގެ މަޖިލިހުގައި މަޝްވަރާ ކުރުމަށް ފަހު، ރައްޔިތުންގެ ފެންނަ ނުފެންނަ ވޯޓަކާ އެކު ކަމަށް ނަޝީދު ވިދާޅުވި އެވެ. އެމްޑީޕީގެ ފަލްސަފާ އަކީ ވެސް ބަރުލަމާނީ ނިޒާމަށް ވެރިކަން ކުރުން ކަމަށާއި ރައީސަކާއި ބޮޑުވަޒީރަކު ހުރުމަކީ ބޭނުންތެރި ކަމެއް ކަމަށް ވެސް އެމަނިކުފާނު ވިދާޅުވި އެވެ. އެކަމަކު އެ އިންްޓަވިއުގައި ނަޝީދު ވިދާޅުވެފައިވާ ގޮތުގައި ނިޒާމު ބަދަލު ކުރުމަށް ވުރެ ބޮޑަށް މިހާރުން މިހާރަށް ކުރަން ހުރި މާ ގިނަ ކަންކަން އެބަހުއްޓެވެ. އޭގެ ތެރޭގައި އެޖެންޑާ 19 ގައި ހިމެނޭ ކަންކަން ވިދާޅުވި އެވެ.
It’s unnecessary & regrettable that Prez Nasheed’s first priory after election is to declare his intention to change govt system. Instead of changing the system people had chosen, he must focus on delivering Agenda19 for which our people banked their hopes on in the election. pic.twitter.com/SLJVmTo8m4
— Mohamed Jameel Ahmed (@MJameelAhmed) April 9, 2019
ޖަމީލް މިއަދު ކުރެއްވި ޓްވީޓު.
ނަމަވެސް ނަޝީދުގެ ވާހަކަތަކަށް ރައްދު ދެއްވައި ޖަމީލް ކުރެއްވި ޓުވީޓެއްގައި ވިދާޅުވީ ފުރަތަމަ ކަމަށް ވެރިކަމުގެ ނިޒާމު ބަދަލުކުރަން ނަޝީދު ގެންގުޅުއްވާ ވިސްނުން ހާމަކުރެއްވުމުން އެކަމާ ކަންބޮޑުވެވަޑައިގަންނަވާ ކަމަށެވެ. ނިޒާމު ބަދަލުކުރުމުގެ ބަދަލުގައި ނަޝީދުގެ އަމާޒަކަށް ހަދަންވީ އެޖެންޑާ 19 ގައި ހިމެނޭ ވައުދުތައް ރައްޔިތުންނަށް ފުއްދުމަށް ކަމަށް ޖަމީލް ވިދާޅުވި އެވެ.
"އެމަނިކުފާނު (ނަޝީދު) މަސައްކަތް ކުރަންވީ އެޖެންޑާ 19 ގައި ހުރި ކަންކަން ރައްޔިތުންނަށް ގެނެސްދިނުމަށް. އިންތިޚާބުގައި ރައްޔިތުންގެ އުންމީދުތައް ހުރީ އެގޮތަށް،" ޖަމީލް ވިދާޅުވި އެވެ.
މަޖިލިހުގެ އިންތިޚާބުގެ ކެމްޕެއިން ތެރޭގައި ޖަމީލް ވަނީ އެމްޑީޕީގެ އެޖެންޑާ 19 ގެ ބައެއް ސިޔާސަތުތަކަށް ފާޑު ވިދާޅުވެފަ އެވެ. އެގޮތުން އެންމެ ބޮޑު ފާޑުކިޔުމެއް އަމާޒު ކުރެއްވީ ޖުޑިޝަރީ އިސްލާހު ކުރަން އެމްޑީޕީން މަސައްކަތް ކުރަން ނިންމާފައި އޮތް ގޮތާ މެދުގަ އެވެ.
މިދިޔަ ހޮނިހިރު ދުވަހު ބޭއްވި ރައްޔިތުންގެ މަޖިލިހުގެ އިންތިޚާބުގައި އެ މަޖިލިހުގެ ސުޕަ މެޖޯރިޓީއެއް އެމްޑީޕީން ނަގާފައިވާއިރު، އޭގެ ބޭނުމަކީ ބަރުލަމާނީ ނިޒާމަށް ވެރިކަން ބަދަލުކޮށް، ބޮޑުވަޒީރު ކަމަށް ނަޝީދު ވަޑައިގަތުން ކަމަށް އިދިކޮޅު ފަރާތްތަކުން އައީ ބުނަމުންނެވެ. އަދި މި ސަރުކާރު ހިންގާ ކޯލިޝަންގައި ހިމެނޭ ޖުމްހޫރީ ޕާޓީގެ ލީޑަރު ގާސިމް އިބްރާހިމް ވެސް ވަނީ އެހެން ވިދާޅުވެފަ އެވެ.
މީގެ ދެ ހަފުތާއެއްހާ ދުވަސް ކުރިން "މިހާރު" އަށް ދެއްވި ޚާއްސަ އިންޓަވިއުއެއްގެއި ރައީސް ވިދާޅުވެފައި ވަނީ ރިޔާސީ ނިޒާމާއި ބަރުލަމާނީ ނިޒާމުގައި ވެސް މައްސަލަތައް އެބަހުރި ކަމަށާއި އެކަމަކު ރައްޔިތުން ހަވާލުކުރި މަސައްކަތް ތެދުވެރިކަމާ އެކު ކުރަން ބޭނުން ނަމަ އެއިން ކޮންމެ ނިޒާމަކާ އެކު ވެސް ކުރިއަށް ދެވޭނެ ކަމަށެވެ. ރައީސް ވިދާޅުވެފައިވާ ގޮތުގައި ކޮންމެ ނިޒާމެއްގައި ވެސް ބޭނުންވަނީ މަސައްކަތް ކުރަން ތިބޭ ބައެއްގެ އިޚުލާސްތެރިކަމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބެޔަ
11 April 2019
ނަޝީދު އުޅެންވީ ގޮތް ކަލެއައްތަ އެނގެނީ
އަތްޖަހާާ
10 April 2019
ނަޝީދު އަމިއްލަ އަނގައިން ޕާޓީއަށް ޚިޔާނާތްތެރިވި ވާހަކަ ދެއްކީމަވެސް ނަޝީދުވަރުގެ ބަޔަކު ނެތިފަ އެމްޑީޕީ މީހުން ތިބެނީ ރަގަޅާނުބައިވެސް އޮޅުންނުފިލާ ހާލުގަ ގިނަ މީހުން ތިބޭތީ. ޔާމީންގެ ވެރިކަމުގައި ފަނިއަޅުވަން ސީދާ ޕާޓީގެ ވިޕާ ޚިލާފަށް ކަންކަން ކުރުވިކަމަށް އަމިއްލަ އަނގައިން އެއްބަސްވީމަވެސް ހަމަ މޮޔަހެދިފަ ތިބެނީ އޭނަ ކުރާ "ކޮންމެ"ކަމެއްވެސް އެއީ ރަގަޅު ކަންކަން ކަމަށް ބަލައިގެން. ބްރެއިންވޮޝްވެފަތިބި ކަމުގެ ފުރިހަމަ ނަމޫނާތަކެއް.
ބޮން
10 April 2019
އެ އިންްޓަވިއުގައި ނަޝީދު ވިދާޅުވެފައިވާ ގޮތުގައި "ނިޒާމު ބަދަލު ކުރުމަށް ވުރެ ބޮޑަށް މިހާރުން މިހާރަށް ކުރަން ހުރި މާ ގިނަ ކަންކަން އެބަހުއްޓެވެ". އޭގެ ތެރޭގައި އެޖެންޑާ 19 ގައި ހިމެނޭ ކަންކަން ވިދާޅުވި އެވެ. މި އިބާރާތް ޖަމީލު ކަންފަތައް ނީވެނީބާއެވެ.
ޕޮލިޓިކަލް ފޮލޯސަފީ
10 April 2019
ނަޝިދުގެ އާގިއުމަންޓަކީ ވެރިޔަކަށް މީހަކުގެނަޔަސް މަޖިލިސް މެޖޯރިޓީ ނުލިބެންޏާ ސާރުކާރުން ބޭނުންވާ ގާނޫނުތައް ރިޔާސީ ނިޒާމުން ފާސްނުވާކަން. މަގޭ ޕްރޮޕޯސަލް އަކީ މަޖިލިސް އުވާލާފަ ގާނޫނު ހަދާ ބާރު ރައިސަށް ދިނުން. ހަގީގަތުގައި ނަޝީދު ދެކޭފަދައިން ރިޔާސީ ނިޒާމަކީ ސަރުކާރަށް ޖެއްސުން ކުރާ ނިޒާމެއް. ރިޔާސީ ވޯކްނުކުރާ ސަބަބަކީ މަދު މީހުން ނަޒާހަތްތެރިވެފަ ގިނަމީހުން މަކަރުވެރިވުން
ޓައްޚާނު
10 April 2019
ބިޔަ ބޮޑު އިންޑިޔާ އެހާ ކޮރަސަޕްޝަން މަދީ އެހެންވެތަ؟ކޮންމެ ކަހަލަ ނިޒާމެއް އޮތަސް މީހުން ރަނގަޅު ނުވެ ނިޒާމުން ކުރާނީ ކޮންކަމެއް. ދެން މައްސުނި ގަޑެއްގެ ވާހަކަ ދައްކާއިިރު ބަޔަކު ވެރިކަން ކުރާގޮތަކީ މިތަނަށް އެންމެ މޮޅުގޮތަކަށް ވާން ނުޖެހޭ. ކޮންމެ ނިޒާމެއް އޮތަސް ބައެއް އަމިއްލަވަންތަ ސިފަގެންނަނީ ފަސޭހައަކަށް ނޫންތަ ްްްްްްްްްްްްްްްްް
ނަޖްވާ
10 April 2019
ބަލަގަ ޖަމީލާ ނަސީދުމެންގެ ވާހަކަ ނުދައްކަ ތިމާމެން އަދިވެސް އިސްލާހްވޭތޯ ބަލާބަލަ! ކައެމެންނަކި މިހާރު ސިޔާސީ ގޮތުން އެއްވެސް ބުރަދަނެއްހުރި ބައެއް ނޫންކަން ރިއަލައިޒް ވާންވެއްޖެ އެންނު!
1111
09 April 2019
"މީގެ ދެ ހަފުތާއެއްހާ ދުވަސް ކުރިން "މިހާރު" އަށް ދެއްވި ޚާއްސަ އިންޓަވިއުއެއްގެއި ރައީސް ވިދާޅުވެފައި ވަނީ ރިޔާސީ ނިޒާމާއި ބަރުލަމާނީ ނިޒާމުގައި ވެސް މައްސަލަތައް އެބަހުރި ކަމަށާއި އެކަމަކު ރައްޔިތުން ހަވާލުކުރި މަސައްކަތް ތެދުވެރިކަމާ އެކު ކުރަން ބޭނުން ނަމަ އެއިން ކޮންމެ ނިޒާމަކާ އެކު ވެސް ކުރިއަށް ދެވޭނެ ކަމަށެވެ. ރައީސް ވިދާޅުވެފައިވާ ގޮތުގައި ކޮންމެ ނިޒާމެއްގައި ވެސް ބޭނުންވަނީ މަސައްކަތް ކުރަން ތިބޭ ބައެއްގެ އިޚުލާސްތެރިކަމެވެ" ތެދެއް
1111
09 April 2019
ޖަމީލު! "އެކަމަކު އެ އިންްޓަވިއުގައި ނަޝީދު ވިދާޅުވެފައިވާ ގޮތުގައި ނިޒާމު ބަދަލު ކުރުމަށް ވުރެ ބޮޑަށް މިހާރުން މިހާރަށް ކުރަން ހުރި މާ ގިނަ ކަންކަން އެބަހުއްޓެވެ. އޭގެ ތެރޭގައި އެޖެންޑާ 19 ގައި ހިމެނޭ ކަންކަން ވިދާޅުވި އެވެ." މިވާހަކަ ޖަމީލުގެ ކަންފަތް ކައިރިން ލާފަ ދިޔައީ ކަމަށް ވާނީ. ޖަމީލުވެސް މިއީ އުމަރު ވާހެން ރަކިވާ މީހެއް.
އަހަންމަދު ހަސަން
09 April 2019
ހަމަ ރަގަޅު ވާހަކައެއް. ތިޔަ އެޖެންޑާއަކީ ހަމަ ރައްޔިތުން މޮޔަ ހައްދައިގެން މި އަންނިގެ އަމިއްލަ އެޖެންޑާއެއް ހާސިލް ކުރަން ހެދި އެއްޗެއް. އެނޫން އެއްވެސް ކަމެއް ނޫން. ދިވެހިންނަކީ ހަމަ ގަމާރުން. ބަލައްޗޭ ތިޔަ އެޖެންޑާއިން ކިތައް އެޖެންޑާތޯ ފުރިހަމަ ވަނީ؟ ހެހެހެ
އޮޅިފަ
09 April 2019
ހައިސިއްޔަތު އޮޅުމަކީ މައްސަލައެއް ނޫން. މައްސަލައަކީ ނަންވާނީ އުމަރު ނަސީރު
ބަހަބަރު
09 April 2019
ނަޝީދު ކުރަންވީކަންތައް ކިޔައިދޭން ކަލޭދެންތިއީ ކާކު