ލިއޮނަލް މެސީ ގޯލް ޖެހުމަށް ފަހު އުފާފާޅުކުރަނީ. --ފޮޓޯ: އޭއެފްޕީ
17 އެޕްރީލް 2019 - 07:32
17 comments
ބާސެލޯނާ (އޭޕްރިލް 17) – ލިއޮނަލް މެސީގެ ދެ ގޯލާ އެކު އަމިއްލަ ދަނޑުގައި ފަސޭހަކަމާ އެކު މެންޗެސްޓާ ޔުނައިޓެޑް 3-0 އިން ބަލިވެ ބާސެލޯނާ އިން ހަތަރު އަހަރު ތެރޭ ފުރަތަމަ ފަހަރަށް ޗެމްޕިއަންސް ލީގުގެ ސެމީ ފައިނަލުން ޖާގަ ހޯދައިފި އެވެ.
ފުރަތަމަ ލެގުގައި 1-0 އިން ހޯދި މޮޅާ އެކު ބާސެލޯނާ ދެ ލެގުގެ އެގްރިގޭޓުން ކުރި ހޯދީ 4-0 އިންނެވެ. ސެމީ ފައިނަލުގައި އެ ޓީމު ބައްދަލުކުރާނީ ކުއާޓާ ފައިނަލުގައި ލިވަޕޫލާއި ޕޯޓޯ ކުޅެ ކުރި ހޯދާ ޓީމަކާ އެވެ.
ބާސެލޯނާގެ ފުރަތަމަ ގޯލް މެސީ ޖެހީ 16 ވަނަ މިނެޓުގަ އެވެ. ޔުނައިޓެޑުގެ ފްރެޑް ކައިރިން ދެމި ގަނެ ޑީ އޭރިއާ ރޮނގު މަތިން، އެ ޓީމުގެ ކްރިސް ސްމޯލިން އަށް ވެސް ހަރަކާތްކުރާނެ ފުރުސަތެއް ނުދީ މެސީ ފޮނުވާލި ބޯޅަ ވައްދާލީ ތިރީ ކަނަށެވެ.
ބާސެލޯނާގެ ދެ ވަނަ ގޯލް އޭގެ ހަތަރު މިނެޓު ފަހުން މެސީ ވައްދާލީ ޔުނައިޓެޑުގެ ޑިފެންސަށް ރަނގަޅަށް ސާފުކޮށްނުލެވުނު ބޯޅައެއް ހޯދައި ޖެހި ޝޮޓަކުންނެވެ. އެ ބޯޅަ ޔުނައިޓެޑުގެ ގޯލްކީޕަރު ޑޭވިޑް ޑެހެއާ ވެއްޓިގެންފައި ނެގި ނަމަވެސް އޭނާގެ އަތުން ދޫވެގެން ގޯލަށް ވަނީ އެވެ. ތިން ވަނަ ގޯލް ކާމިޔާބުކޮށްދިނީ ލިވަޕޫލުގެ ކުރީގެ މިޑްފީލްޑަރު ފިލިއްޕެ ކުޓީނިއޯ އެވެ. ޖޯޑީ އަލްބާ ދިން ބޯޅަ އޭނާ 61 ވަނަ މިނެޓުގައި ގޯލުގެ މަތީ ކަނަށް އަމާޒުކޮށްލީ އޭރިއާ ބޭރުން ޖަހަ އެވެ.
ބާސެލޯނާގެ ކޯޗު އާނެސްޓޯ ވަލްވާޑޭ ބުނީ ބުނީ މިފަދަ މުހިއްމު ކޮންމެ މެޗެއްގައި ވެސް މެސީ ތަފާތު ދައްކާ ކަމަށާއި އޭނާ މިފަދަ ފޯމެއްގައި ހުންނައިރު ނުހުއްޓޭ ކަމަށެވެ. އޭނާ ބުނީ ސެމީ ފައިނަލަށް ދިއުމުން ވަރަށް އުފާވެއްޖެ ކަމަށާއި މިއީ އޭނާ ވަރަށް ކާމިޔާބުކުރަން ބޭނުންވާ މުބާރާތެއް ކަމަށެވެ.
ޔުނައިޓެޑުގެ ކޯޗު އޮލެ ގުނަ ސޯލްޝެއާ ވެސް ދެއްކީ މެސީގެ ވާހަކަ އެވެ. އޭނާ ބުނީ މެސީ ހުރީ އެންމެ މަތީ ފޯމުގައި ކަމަށާއި މެޗުގެ ތަފާތަކަށްވީ އޭނާ ކަމަށެވެ. އަދި ޔުނައިޓެޑުން އަމާޒު ހިފަންވީ ބާސެލޯނާ އެއޮތް ފެންވަރަށްދާން ކަމަށް ވެސް ސޯލްޝެއާ ބުންޏެވެ.
"އަހަރެމެންނަށް އެހިސާބަށް ދެވިދާނެ. އެކަމަކު ބައިވަރު މަސައްކަތް ކުރަން އެބަހުރި. މި ކްލަބުގެ ހަގީގީ ފެންވަރަށް ދަންޏާ، ބާސެލޯނާ އަށް ޗެލެންޖްކުރަން ޖެހޭނެ،" ސޯލްޝެއާ ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޭބީ ފޭސް
18 April 2019
ބާސާ ދަނޑުގަ މޮޅުވިއްޔޭ، ފަލަމަސްގަނޑު ވީދުނިއްޔޭ ކިޔާފަ ކޯޗު ކިހިނެއް މިހެދީ. އަޑުގަދަ ރުއްގިނަ ޓީމު ބާސާއާ ހަމައަށް އަންނަން ލައްކަދުވަސް ނަގާނެ
ވެނީލާ
17 April 2019
ލޯންްސްޓަރ ބުރޯ.. މާ ވާހަކަ ގިނަނުކޮށް ޕޯޓޯ ކައިރިން ސަލާމަތް ވެވޭތޯ ބަލާބަލަ! ލީގުވެސް ލިބޭނެ ކަމެއް ނޭނގެ. ހަނދާން ބަހައްޓާތި ޕެޕް އެއީ ސީދާ ބާސާ ޕުރޮޑަކްޓެއް. ކެކެކެ.....
މަކުޑި
17 April 2019
މެސީ ޖެހި ދެވަނަގޯލަކީ ކީޕަރު އަތުން ނެގިފަހުން ދޫވެގެން ގޮސް ގޯލަށްވަން ބޯޅައެއް ނޫން, ކީޕަރު ޑައިވްކުރީމަވެސް މަތަނުވީ, ތޮއްޑުދަށުން ދިޔައީ
މެސީ ބައްޕަ
17 April 2019
ކޮބާ އެއޮތީ މަގޭ ދަރި 2 ލަނޑު ޖަހައިގެން ބާސާ ސެމީއަށް ގޮއްސަ. އެއްކަލަ އޮލޭއޮލޭ ލަވަ ކިޔަ ކިޔާ ތިއްބާ. ޒިދާންމެން ރިޓާޔަ ކޮއްފައި އެނބުރި އައިސް ޓީމަށް ކާމިޔާބު ހޯދައިދިނަސް އޮލޭގެ ނެތް އެފެންވަރެއް. މި ޖެނުއަރީގައި ގޮވާތި އޮލޭ އައުޓޭ !!
SeTh
17 April 2019
ކޮބާ އެއްކަލަ މޮޅު ޔުނައިޓެޑް މޮޅުވިތަ؟؟!
ރަދީފް
17 April 2019
ކޮބާ މިއަދު ނެތް ދޯ ޔޫރޯ ކްލަބް އިންޑެކްސް، ކޮމާންޑޭ ޕެނަލްޓީއޭ ވީއޭއާރްއޭ ، ރެފްރީންނޭ ނުވަތަ ރިޝްވަތޭ ކިޔައިގެން ކޮމެންޓްކުރާނެ މީހެއް.!!
ހަސަން ނުވަވަނަ
17 April 2019
މުޅި ކާއިނާތުގެ އެއްމެ މޮޅި ކީޕަރު ޑޭވިޑް ޑެހެއާ
ރަދީފް
17 April 2019
މަރުހަބާ ބާސާ.މަރުހަބާ މެސީ.ޔުނައިޓެޑުން ކުރި ހިތްވަރަށް ސާބަސް.އުއްމީދަކީ ސެމީގަ ލިވަޕޫލްގެ މައްޗަށް ވެސް ކުރި ހޯދައި ފައިނަލުން ބާސާ ޖާގަ ހޯދުން.ޔޫސީއެލްގެ ސެމީގަ އެންމެ ގިނައިން އެލިމިނޭޓްވެގެންދިޔަ ޓީމްގެ ގޮތުގަ ރޭގެ މެޗުން ބަލިވި މެންޔޫ ސްޓެޓިސްޓިކުން ޖާގައެއް ހޯދި.މިމީހުން ހިތުން ޕީއެސްޖީ ބަލިކުރެވުނީމަ ދެން ހުރިހާ ޓީމެއް ބަލިކުރެވޭނެ.އެގޮތަށް ކަންހިނގާނަމަ ގްރީސް އެއީ އަބަދުވެސް ޔޫރޯ މުބާރާތުގެ ފައިނަލްގަ ކުޅޭނެ ޓީމެއް.#ވިސްކައެލްބާސާ
ލޯންްސްޓަރ
17 April 2019
ރޭގަ ޔުނައިޓެޑް ބަލިވީ ކުއާރޓަރ އިން. ދެން 3އަހަރުފަހުން ސެމީ ފައިނަލުން ޖާގައެއް ލިބުނީމަ ބާރސާ ފޭނުން ހީވަނީ ޔޫސީއެލް ކާމިޔާބުވެގެން އުޅޭހެން. ޔޫސީއެލް ކުއާރޓަރގަ 6އަހަރު ފަހުން މެސީ ރޭގަ ލަނޑުޖެހިކަމަށްވެސް ސްޓެޓްސްތަކުން ދައްކާ. -ލިވަރޕޫލް ފޭން-
ރަދީފް
17 April 2019
@ލޯންސްޓަރ .އަސްލު އޮޅިގެން ސެމީއޭ ލިޔެވުނީ.ބްރޯ އެ މިސްޓޭކް ރަނގަޅުކޮށްލަ ދިނީތީވެ ވ ޝުކުރިއްޔާ. ބްރޯގެ ޓީމާއި ދޯ ބާސާ ކުޅެންޖެހެނީ ސެމީގަ ، މިރޭ ވަރަށް ހީނުވޭ ޕޯޓޯއަށް ލިވަޕޫލް ބަލިކޮށްފަ ސެމީއަށް ދެވިދާނެހެން.ނަމަވެސް ފުޓްބޯޅަ އެއީ ވަރަށް ގިނައިން ހީވެސް ނުކުރާކަހަލަ ރިޒަލްޓް ނިކުންނަ އެއްޗެއްކަން ލޯން ބްރޯއަށް މާ ބޮޑަށް އިނގޭނެ.ވަރަށް ރީތި ކުޅުމެއް ފެނިގެންދާނެކަމަށް އުއްމީދުކުރަން ބާސާ އަދި ލިވަޕޫލް މެޗުން.ވ.ވެދުން
އައިމޮން
18 April 2019
ކަލޭގެ ތި ކޮމެންޓު ފެނި، ބާސާގެ ހުރިހާ ކުޅުންތެރިންނާއި، ހާއްސަކޮށް މެސީ ވަރަށް ބޮޑަށް އުފާވެގެން ހުސްޖަންގިޔަލުގާ ފުމެ ނަގަނީ!!
fareedha
17 April 2019
ބާސާ މޮޅުވީމަ ވަރަށް އުފާވެއްޖެ.
އަލީ އަހުމަދު
17 April 2019
ދެން ކީކޭތޯ ބުނާނީ އަޅެ މެސީ އާއި މެދު؟ ހަމަ މޮޅީ.
ސިޔާސީ
17 April 2019
ނަސީބު އެހީވީ، ކުޅުނީ ޔުނެއިޓެޑް
ރަދީފް
17 April 2019
@ސިޔާސީއަށް. ކުޅުނީ ޔުނައިޓެޑޭ؟؟ ލޮލް. 66 ޕަސެންޓް ޕޮސެޝަން. 13 ޝޮޓް އަދި 6 ޝޮޓް އޮންޓާގެޓް.8 ކޯނަރު.އަދި ވެސް ކުޅުނީ ޔުނައިޓެޑް. ބާސާއިން 02 ލަނޑު ޖެހި ހިސާބު އެއީ ޔުނައިޓެޑަށް ޔޫސީއެލް ނިމުނު ވަގުތުކަމަށް ސޯލްޝެއާ ވެސް އެއްބަސްވޭ.އެކަމަކު ކަލޭ އޭނައަށްވުރެ މޮޅު.ޔުނައިޓެޑުން މީނަ (@ސިޔާސީ) ގެންދިއުމަށް ގޮވާލަން.
ޓައިބެ
17 April 2019
ކުޅުނީވެސް މޮޅުވީވެސް ހަމަ ބާސާ
ޢަހްމަދު
17 April 2019
ސިޔާސީ މެޗް ބެލީ ހުވަފެނުންހެން ހިވާނީ..އަހަރެމެން ބެލި މެޗް ޑޮމިނޭޓްކުރީ ބާސާއިން..ބާސާއިން 600 ޕާސް ޖެހިއިރު ޔުނައިޓެޑަށް 300 ޕާސް ވެސް ނުޖެހޭ