މާފަންނު ސަހަރާ ކައިރީގައި ހަދާފައިވާ ޕާކިން ޒޯނެއް: ފީ ދައްކައިގެން ޕާކު ކުރެވޭ ގޮތް ހަދަން ވަނީ ނިންމާފައި.-- ފޮޓޯ: ުހުސެއިން ވަހީދު/ މިހާރު
22 އެޕްރީލް 2019 - 14:24
195 comments
ކުރިއަށް އޮތް ތަނުގައި މާލޭގައި އިންޖީނު ލީ އުޅަނދުފަހަރު ޕާކުކުރެވޭނީ ހަމައެކަނި އެކަމަށް ހާއްސަ ޒޯނުތަކުގައި ފީއެއް ދައްކައިގެން ކަމަށް މާލޭ ސިޓީ ކައުންސިލުން މިއަދު ބުނެފި އެވެ.
ޑެޕިއުޓީ މޭޔަރު ޝަމާއު ޝަރީފް ވިދާޅުވީ ޓްރެފިކަކަކީ މާލެއަށް ދިމާވެފައިވާ އެންމެ ބޮޑު މައްސަލަ އަށް ވާތީ އެއީ ސީރިއަސް ކަމެއްގެ ގޮތުގައި ބަލައިގެން ހައްލު ހޯދަން ކަމާ ބެހޭ އިދާރާތަކުން މަސައްކަތް ކުރަމުން އަންނަ ކަމަށެވެ.
ޝަމާއު ވިދާޅުވި ގޮތުގައި ޓްރެފިކްގެ މައްސަލަ ހައްލުކުރަން އަޅަން ޖެހޭ ފިޔަވަޅުތައް ކެބިނެޓަށް ވަނީ ހުށައަޅައިފަ އެވެ. އަދި ކެބިނެޓުން ގޮތްތަކެއް ނިންމާނެ ކަމަށް އޭނާ ވިދާޅުވި އެވެ.
ސިޓީ ކައުންސިލްގެ ވިސްނުން ހުރީ، މަގުތަކުގައި ޕާކުކުރުމުގެ ބަދަލުގައި ޕާކިން ޒޯނުތައް ހަދައި އެ ތަންތަނުގައި ފީ ދައްކައިގެން ޕާކުކުރެވޭނެ ގޮތްތައް ހެދުމެވެ. އޭރުން ހިނގާ މީހުންނަށް ފަސޭހައިން މަގު ބޭނުން ކުރެވޭނެ ކަމަށް ވެސް އޭނާ ވިދާޅުވި އެވެ.
"ޕްލޭނަކީ މަގުތަކުގައި ފަސޭހައިން ހިނގާބިނގާވެ އުޅެވޭނެ ގޮތް ހެދުން. މިހާރު ވެސް މާލޭގައި 60 ޕަސެންޓަކީ ހިނގާފައި އުޅޭ މީހުން. އެމީހުންނަށް ވެސް ފަސޭހަވާނެ ގޮތްތައް ހަމަޖައްސަން ޖެހޭ. ދުނިޔޭގެ އެހެން ގައުމުތަކުގައި ވެސް ޕާކިން ނިޒާމު އޮންނަ ގޮތަށް މާލެ ބަދަލުކުރާނީ،" ޝަމާއު ވިދާޅުވި އެވެ.
މިހާރު ވެސް މާލޭގެ އެކި ހިސާބުތަކުގައި ބޮޑެތި ޕާކިން ޒޯނުތައް ހަދާފައިވެ އެވެ. މި އަހަރު އިތުރު ޒޯންތަކެއް ހަދާނެ ކަމަށް އޭނާ ވިދާޅުވި އެވެ.
މާލޭގެ ހުރިހާ މަގެއްގެ ޖުމްލަ ބޮޑުމިނަކީ 39 ހެކްޓަރެވެ. މި ސަރަަހައްދުގައި ދުއްވަން 64،000 ސައިކަލާއި 4500 ކާރު/ވޭން ރަޖިސްޓްރީކޮށްފައިވާއިރު ޕިކަޕް/ލޮރީ ފަދަ 2500 އުޅަނދު ދުއްވަ އެވެ.
ޝަމާއު ވިދާޅުވީ އެ ހުރިހާ އުޅަނދުތަކެއް ވެސް ޕާކުކުރަން ޖެހެނީ އެ 39 ހެކްޓަރުގެ ތެރޭގައި ކަމަށެވެ.
"ޕާކިން މައްސަލަ ހައްލުކުރަން އަށް އޭކަރުގެ ބިން ބޭނުންވޭ. ފިޔަވަޅުތައް އަޅައިގެން އެކަން ހައްލުކުކުރެވޭނީ،" ޝަމާއު ވިދާޅުވި އެެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުލޭ
22 January 2020
މިހާރުވެސް ސަހަރެމެން ސައިކަލަށް ފީ ދައްކަން.
ޙަސަންބެ45
21 January 2020
ތިކަން ކުރާއިރު ގަވާއިދާ ހިލާފަށް މާލެ އަރާ މިތިބަ އެންމެން އަތުން ލާރިނަގާ ކޮންމެ މަހަކު ރައްޔެތުންނަށް ބަހަންވެސް ފެނޭ.
ނެޝަނަލިސްޓް
21 January 2020
މި ކަމާއެކު އަގުހެޔޮ، ރެގިއުލަރ ޕަބްލިކް ޓްރާންސްޕޯޓް ނިޒާމަކާ މާލޭގެ މަގުތަކުގައި ފަސޭހައިން ހިގާފައި އުޅެވޭނޭ ނިޒާމެއް ގާއިމް ކުރެވެން ވާނެ!
ލޫލު
21 January 2020
އިސްތިއުފާ!!!
އެމްސް
20 January 2020
ފީނެގީމަ ޖާގަ އިތުރުވަނީތޯ؟ މާލޭގެ ގެތައް ބުރި ބުރިއަށް ނެގީމަ އެބުރި ބުރިއަށް އަންނަމީހުންވެސް ގިނަވާނެ، އެއާއި އެކު ހުރިހާ އެއްޗެއްވެސް ގިނަވާނެ! އަދިވެސް ތިއުޅެވެނީ ޖުރުމަނާކޮށް/ރަޢިއްޔަތުން ފެލަން! ރަގަނޅު ފެންވަރުގެ އެއްވެސް ޕަބްލިކް ޓްރާންސަޕޮޓޭޝަން ނިޒާމެއް އެބައޮތްތޯ؟ ދުނިޔޭގެ އެހެންޤައުމުތަކުން ޝަމާޢުއަށްވެސް ފެންނަނީ ބައިކުޅަ ބައިތޯ؟
ރަންނަ
21 January 2020
ވެހިކަލް ގެންގުޅުމަށްވުރެ ޕަބްލިކް ޓްރާންސްޕޯރޓް ބޭނުންކުރާނެ ޕްލޭނެއް އޮވެގެން ޕަބްލިކް ޓްރާންސްޕޯރޓް ހިންގޭނީ. މިހެން ހަދައިފިއްޔާ ކުރިޔަށް އޮތްތަނުގަ ވެހިކަލް ގަންނަ މީހުންމަދުވެފެ ވަގުތަށް ފަރުވާތެރިވާން ފަށާނެ ކަމަށް ދެކެން
ޢަލީބެ
21 January 2020
ޥެހިކަލް މަގުމަތީ ބާއްވާމީހާއާ ނުބާއްވާމީހާ ތަފާތުވާން ޖެހޭނެ. ޕާކިންޒޯނާއެކު ވިޔަފާރި ސެންޓަރުތައް ހަދަން ބާރުއަޅާފަ. މަޖީދީމަގުން ވިޔަފާރިއަށް ހުއްދަދިނުން ހުއްޓާލާފަ ވިޔަފާރި ސަރަހައްދެއް ހަދަންވީ. މުޅިމާލެ ޗާލާބާޒާރަށް ހަދައިގެން ދިރިނޫޅެވޭނެ.
އޭކަރޭ
20 January 2020
ދެން މާލޭގެ އޭކަރު ބޮޑުކޮށްބަލަ.. އެންބޫދޫ ފަޅު ވެސް އެއްކޮށް ހިއްކާލާ ބިރިޖުން ގުޅުވާ އޭކަރު ބޮޑުކޮށްބަލަ މަހާޖައްރާފުގަ، ބިންތަނަވަސްތަނަކަށްހަދާ ގެދޮރާ މީހުންނަށް ދިރި އުޅަދީބަލަ
އަލްޖިބްރާ..
20 January 2020
މަހާޖައްރާފް ފެނުނީމަ މިސަރުކާރު ހަޖަމު ނުބައިވާތީ އޭގެ ބޭނުން ކުރެވޭކަށް ނެތް.
ޟަިއން
20 January 2020
ޙައްލަކީ އަލަށް ހަދާ ކޮންމެ އިމާރާތެއްގެ ބޭސްމެންޓްގަ ޕާކީލް ޒޯންއެއް ހެދުމަށް އެންގުން. ޢަދި މިހާރުހުރި ޕާކިން އޭރިއާތަށް އުސްކޮށް އިމާރާތްކޮށް ޕާކް ކުރެވޭ ގޮތަށް ހެދުން.
އައިން
20 January 2020
މުޅި ރަށް ހަދާނިމި މަދު ތަނަކާ ޖެހުނީމާ ދެން ތިޔަ ގަވައިދު ހެދިޔަކަސް ހައްލެއް ނުވާނެ.
ރަންނަ
21 January 2020
ތީ މިހާރުވެސް އޮތް ގަވާއިދެއް. ތިރީގަ ހަދާފަހުރި ފިހާރަޔަކީ ތަން ރަޖިސްޓަރ ކިރަން ދެއްކި ގަރާޖް
ކަލޯއެލެކުސް
20 January 2020
ދައުލަތް ހިންގާނެ ފައިސާ ހޯދާނެގޮތެއް ހޯދަނީތޯ މުޅިންވެސް ފެލައިގެން ފައިސާ ހޯދާތަން މިފެންނަނީ އެންޑީޕީގާ ނެތޭ ޕްރޮޖެކްޓެން ހިންގައިގެން އިންވެސްޓްމަންޓެއް ގެނެސްގެން ކަމެއްކުރެވޭނެ ގާބިލްކަމެއް މީ ހަމަ 1953ގެ ޖަޒީރާގަ މިގަނަތެޅެނީ
ތުޅާދޫ
20 January 2020
ލާރި އެއް ނެގެން އްތިއްޔާ ނަގާތި ރަަައްޔިތު މީހާ އަތުން
ޭަަަަަަްެފަނޮ
20 January 2020
ހުއްދަ ނެތި އުޅޭ ބަން ގާޅިން ބާލަބަލަ މާލެ އިން
ރަންނަ
21 January 2020
އޭރު ދިވެހިން މަރުވާނީ. އަތުންފައިން ކަމެއް ކުރަނީ މަދު ދިވެއްސެއް. ޒުވާނުން ކާނެ އެއްޗެއް ހޯދަން ސަލާންޖަހާވަރުން ލަދުވެސް ގަނޭ. މިހާރު ފަތުރުވެރިން ކައިރިން ސަލާން ޖަހާ ޒުވާނުން އެހާ ގިނަ. ލަދުން ބޯފަޅައިގެންދާވަރުވޭ