25 އެޕްރީލް 2019 - 07:36
8 comments
މި މަހުގެ 17 ވަނަ ދުވަހު ރިލީޒްކުރި ދަރުމާ ޕްރޮޑަކްޝަންގެ ބޮޑު ބަޖެޓް ފިލްމު "ކަލަންކް" އަކީ ޕްރޮޑިއުސަރު ކަރަން ޖޯހަރުގެ އެންމެ ބޮޑު ފްލޮޕަށް ވެއްޖެ އެވެ.
ކާމިޔާބު އަދި ރީތި ފިލްމުތަކެއް ގެނެސްދޭ ޕްރޮޑިއުސަރެއްގެ އޭ ޕްލަސް ޓްރެކް ރިކޯޑެއް އޮތް ކަރަންގެ އުންމީދީ ފިލްމު ބޮޑުތަނުން ފެއިލްވެގެން ދިޔައިރު މި ފިލްމަކީ ކްރިޓިކުންނާއި ބެލުންތެރިން ވެސް ބަލައިގަތް ފިލްމެއް ނޫނެވެ.
އަބީޝެކް ވަރުމަން ލިޔެ، ޑައިރެކްޓްކޮށް ގެނެސް ދިން ތާރީހީ ލޯބީގެ ފިލްމުގެ ސްކްރީންޕްލޭ އާއި ޑައިރެކްޝަން ފީކަޅާވެގެން މި އަހަރުގެ މިހާތަނަށް ރިލީޒްކުރި ފިލްމުތަކުގެ ތެރެއިން އެންމެ ބޮޑު ލަދަކާ ކުރިމަތިލާން ޖެހުނު "ކަލަންކް" އަކީ 150 ކްރޯޑް ރުޕީސްގެ ބަޖެޓަކާ އެކު، އޭ ލިސްޓް ތަރިންތަކެއް ވެސް ހިމަނައިގެން ގެނެސްދިން ފިލްމެކެވެ. އޭގެ ތެރޭގައި އާލިއާ ބަޓާއި ވަރުން ދަވަން، މަދޫރީ ޑިކްސިޓާއި ސަންޖޭ ދަތު އަދި ސޮނާކްޝީ ސިންހާ އާއި އަދިތިޔާ ރޯއި ކަޕޫރް ހިމެނެ އެވެ.
#Kalank is rejected... Has a lacklustre *extended* opening weekend... Will find it difficult to sustain on weekdays... Arrival of #AvengersEndgame [on Fri] will hit biz hard... Wed 21.60 cr, Thu 11.45 cr, Fri 11.60 cr, Sat 9.75 cr, Sun 11.63 cr. Total: ₹ 66.03 cr. India biz.
— taran adarsh (@taran_adarsh) April 22, 2019
ކުރިން މި އަހަރުގެ އެންމެ ކާމިޔާބު ފިލްމުތަކުގެ ތެރޭގައި ހިމެނޭނެ ކަމަށް ބެލެވުނު މި ފިލްމަށް ފުރަތަމަ ދުވަހު ބޮކްސް އޮފީހުގައި ރަނގަޅު ފެށުމެއް ލިބުނު ނަމަވެސް، ފިލްމުގެ ވިޔަފާރި ދަނީ އެއް ދުވަހުން އަނެއް ދުވަހަށް ދަށަށެވެ.
#OneWordReview…#Kalank: DISAPPOINTING.
— taran adarsh (@taran_adarsh) April 17, 2019
Rating: ⭐️⭐️
Doesn’t live up to the expectations... Writing, music, length play spoilsport... Few dramatic portions work... Second half engaging in parts... Good climax... Varun, Alia, Madhuri, Aditya, Kunal Kemmu top notch. #KalankReview pic.twitter.com/rJgyNi3Ain
އިންޑިއާ އިން އެކަނި މިދިޔަ ހޯމަ ދުވަހާ ހަމައަށް "ކަލަންކް" އަށް ލިބިފައި ވަނީ ޖުމްލަ 66.03 ކްރޯޑް ރުޕީސް އެވެ. އެ އަދަދާއި ބޭރުގެ މާކެޓްތަކުން ފިލްމަށް ލިބުނު ޖުމްލަ އާމްދަނީ އަންގާރަ ދުވަހާ ހަމައަށް އުޅެނީ 112.20 ކްރޯޑް ރުޕީސްގަ އެވެ. މިއީ ދަރުމާގެ ފިލްމަކާ ބަލާފައިި އަދި އޭ ލިސްޓް ތަރިން އުޅޭ ފިލްމަކާ ބަލާފައި ވަރަށް ވެސް ދަށް ވިޔަފާރިއެކެވެ.
Yeh mohabbat ki dastaan dekhi nahi, mehsoos ki jaayegi. #KalankTrailer out now - https://t.co/vXFVprBL5S#Kalank@duttsanjay #AdityaRoyKapur @aliaa08 @sonakshisinha @MadhuriDixit @abhivarman
— Varun ZAFAR Dhawan (@Varun_dvn) April 3, 2019
އަނެއްކޮޅުން "ކަލަންކް" ވެގެން ގޮސްފައި ވަނީ ކުޅުނު ހުރިހާ ފިލްމެއް މިހާތަނަށް ހިޓަކަށް ހެދި ޒުވާން އެކްޓަރު ވަރުން ދަވަންގެ ފުރަތަމަ ފްލޮޕަށެވެ. އެހެންވެ މިއީ އޭނާ ކެރިއަރުގެ ސާފު ރިޕޯޓްގައި ލައްގަނޑެއް ޖެހި ފިލްމެކެވެ.
"ކަލަންކް" އަކީ ކަރަންގެ ދަރުމާ އިން މި އަހަރު ގެނެސް ދިން ދެވަނަ ފިލްމެވެ. އެ ސްޓޫޑިއޯ އިން މި އަހަރު ގެނެސް ދިން ފުރަތަމަ ފިލްމަކީ 202.54 ކްރޯޑް ރުޕީސް އަށް ވުރެ ބޮޑު އާމްދަނީއެއް ހޯދި އަކްޝޭ ކުމާރުގެ "ކޭސަރީ" އެވެ.
ދަރުމާގެ ކުރިއަށް އޮތް ފިލްމަކީ އަންނަ މަހުގެ 10 ގައި ރިލީޒް ކުރާ "ސްޓޫޑަންޓް އޮފް ދި އިޔާ 2" އެވެ.
މި އަހަރު އެތަނުން ގެނެސް ދޭނެ އިތުރު ފިލްމުތަކަކީ "ޑްރައިވް"، "ގުޑް ނިއުސް" އަދި "ބުރައްމަސްތުރާ" އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖަމަލޭ
25 April 2019
އަޅުގަޑުގެ ހަޔާތުގެ އެންމެ ފޫހީ ދެގަޑި ސާޅީސް ތިންމެނެޓް! އަދި ނުވިތާކަށް ފިލްމް ފެށުމުގެ ކުރިން އެމީހުންގެ ގައުމީސަލާމަށް ތެދުވަން ޖެހުނު. މީކިނެތްވާކަމެއް. ކޮން މީހުންނެއް ގައުމީސަލާމް ކިޔަނީ ފިލްމެއް ފެށުނުގެ ކުރިން؟؟
ލައްގަނޑު
25 April 2019
ކަލަންކް މިވީ އެބަހުގެ މާނައިގައި ވާފަދައިން ހަޤީޤަތުގައި ވެސް ހަމަ ލައްގަނޑަކަށެވެ.
ޕީކޭ
25 April 2019
ކަރަން މަންމައަކަށް ވީމަ ކަޑައެއްނު މުޅިން.
އ. ޖ. އ
25 April 2019
ތިޔަ ތަރަން އަދާޝްއެއް ހުއްޓަ ރަނގަޅު ފިލްމް ތަކަށް ކާމިޔާބެއް ނުލިބޭނެ. އޭނާއަކީ ވަކި ބައެއްގެ ފިލްމު ތައް ފްލޮޕް ކޮއްލަން މަސައްކަތް ކުރާ މީހެއް. އެންޑް ވަރުން ގެ ފުރަތަމަ ފްލޮޕަކީ އޮކްޓޯބަރ
ނަތާޝާ
25 April 2019
އޮކްޓޯބާއަކީ ފްލޮޕެއް ނޫން....އެވްރެޖް ފިލްމެއް.
ސުމާ
25 April 2019
އޮކްޓޯބަރ ފްލޮޕެއް ނުވޭ އިނގޭތޯ!
މުހައްމަދު1234
25 April 2019
ފިލްމްގެ ބަޖެޓް އަކީ 80 ކްރޯޑް އެއް ނޫން، 150 ކްރޯޑް. ޢަދި އެއްފަަހަރު ޗެކްކޮއްލަވާ...
ކިއްލިބާޝާ
25 April 2019
ކޮއްކޯ. ރަނގަޅަށް ރިޕޯޓުކިޔާބަލަ!