އަމީނިއްޔާގެ ސްކޫލުގެ އަލިމަސްޔޫބީލްގެ ހަރަކާތްތައް ފެށުމަށް މިދިޔަ ޖެނުއަރީ މަހު ބޭއްވި ބޮޑު ހަރަކާތުގެ ތެރެއިން.-- ފޮޓޯ: ހުސެއިން ވަހީދު/ މިހާރު
23 އެޕްރީލް 2019 - 13:32
7 comments
އަމީނިއްޔާ ސްކޫލުގެ އަލިމަސްޔޫބީލް ފާހަގަކުރުމަށް ހާއްސަ ފުޓްބޯޅަ މެޗެއް ބާއްވަން ނިންމައިފި އެވެ.
އެ ސްކޫލުގެ ޕްރިންސިޕަލް ނާޒްލީން ވާފިރު މިއަދު ވިދާޅުވީ އަންނަ ހޮނިހިރު ދުވަހުގެ ރޭ ގަލޮޅު ދަނޑުގައި ބާއްވާ މެޗުގައި އަމީނިއްޔާގެ ތާރީހީ ހަނދާންތައް އާ ކުރާނެ ކަމަށެވެ. އެގޮތުން މުސްކުޅި ދަރިވަރުން ހިމެނޭގޮތަށް ކުޅޭ މެޗުގައި، ފާހަގަކޮށްލެވޭ ބޭފުޅުން ބައިވެރިވެ ވަޑައިގަންނަވާނެ ކަމަށް ވެސް ވިދާޅުވި އެވެ.
ފުރަތަމަ މެޗުގައި ކުޅޭނީ، މުސްކުޅި ދަރިވަރުންގެ ދެ ޓީމެކެވެ. އެ ޓީމުގައި މިނިސްޓަރުންނާއި މަޖިލިސް މެމްބަރުން އަދި ކުޅިވަރުތަކުގައި ފާހަގަކޮށްލެވޭ ތަރިން ބައިވެރިވާނެ އެވެ. އެ މެޗުގައި ކުޅޭނީ 15 މިނެޓުގެ ދެ ހާފެވެ.
ދެ ވަނަ މެޗުގައި ބައްދަލުކުރަނީ އަމީނިއްޔާގެ މިހާރުގެ ދަރިވަރުންނާއި މުވައްޒަފުންގެ ޓީމެކެވެ. މި މެޗްގައި ކުޅޭނީ 10 މިނެޓުގެ ދެ ހާފެވެ.
"ފުޓްބޯޅަ ކުޅެމުން ދާއިރު ކޮމެންޓްރީ ވެސް ދޭނެ. އޭގެ ތެރޭގައި ސްކޫލުގެ ތާރީހު ވެސް ކިޔައިދޭނެ،" ނާޒްލީން ވިދާޅުވި އެވެ.
ފަސްޓްލޭޑީ ފަޒްނާ އަހުމަދު ޝަރަފްވެރިކޮށްދެއްވާ މެޗު ފަށަން ހަމަޖައްސާފައިވަނީ 8:30 ގަ އެވެ. އެ މެޗަށް ހިލޭ ވަދެވޭނެ އެވެ.
އަމީނިއްޔާއަށް 75 އަހަރު ފުރޭނީ ނޮވެމްބަރު 28 ގަ އެވެ. އެކަން ފާހަގަކުރަން މުޅި އަހަރަށް ބަހާލައިގެން ތަފާތު ހަރަކާތްތައް ބާއްވަން ވަނީ ނިންމައިފަ އެވެ. އެކަންކަމުގެ ތެރޭގައި ޓީއެފްޖީއާ ގުޅިގެން ދުވުމެއް ބޭއްވުމާއި އާޓް މުބާރާތެއް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢިދި
23 April 2019
ޢަލިމަސްޔޫބިލް ފާހަގަ ކުރަންވެގެން އެހަކައް ދުވަހު ބޭންވީ ކުޑަކުދިންގެ ފެއާއެއް. މަދިޔައީމަ މިއުގުނީ ފެޔާގެ ނަމުގާ މިބޭންޥީ ޖަންބަލް ސޭލް އެއްކަން. ޢަޅުވާލީ، މިކަން އިގުނުނަމަ މަދާނީ މަގުމަތީ ބާޒާރައް.
އެލީނާ
23 April 2019
އަހަރީ ދުވަސް ފާހަގަ ކުރުގެ ބައެއްގޮތުން މާލެ ބައެއް ސަރަހައްދުގެ މޫދައް އަޅާފަ ހުރި ޕްލާސްޓިކު ފުޅި ނެގިއްޔާ މާތާރިހުވާނެ. ތިހެންގޮސް މާބޮޑު ޕްރެކްޓިސްއެއްނެތި ބޯޅަޖެހީމަ މާދަމާތިބޭ މަސްގުޅަކާއިފަ ހިނގާނުގަނެވިފަ.
ކަލޯޕިސްޓަނާ
23 April 2019
"މިނިވަންވަޔާ ކުޅެލާށެ ތާޒާ" މިލަވަ އިވޭނެ ކަމަށް ގަބޫލުކުރަނީ...ސުކޫލު ގަހުން މަލެއް ފޭބިއަސް މިލަވަ ނުކުޅޭނެމަ ހިތްހަމަ ނުޖެހޭ ކަމަށްވަނީ!
އަޝްރަފު
23 April 2019
އެހެންވެއްޖެއްޔާ މަޖީދިއްޔާ އަހަރީ ދުވަހު އަހަރެމެން ކުޅޭނީ ބަށިމެޗެއް!
މަރޭމިތުރު
23 April 2019
ފުޓްބޯޅައަކީ ރާއްޖޭގައި މާ މަޝްހޫރު ކަމެއްނޫން . ކަމެއް ސުކޫލަކުން ފާހަގަ ކުރަންޏާ މާ ރަނގަޅުވާނެ ކަރާޓޭ ދަސްކޮށްދިނަސް ކިޔަވާކުދިންނަށް .އެއީ އެކުދިންގެ ޖާނުގެ ސަލާމަތައް ރައްކާތެރިވުމަށް ކުރެވިދާނެ ކަމެއް ކަމުގައިދެކެން.
ރިޔާޒް ރަޝީދް
23 April 2019
ކަލޭ ޅެން ހެދުން ހުއްޓާލީތަ؟ އިންޑިއާގަ މަޝްހޫރެއްނު މަގުމައްޗަަށް ފާޚާނާ ކުރުމާ ރޭޕް ކުރުން! ކީއްވެ އެދެކަންތައް ދަސްކޮށްދޭން ގޮވާނުލީ މިފަހަރު؟
މަރޭމިތުރު
23 April 2019
ބައިތުތަކަކީ ވިސްނައިގެން ހަދާއެއްޗެއް. ބައިތުނަހަދަނީ އެވަރަށް އޮންލައިނުން ދިވެހިބަސް ދިރުވަން މަސައްކަތްކުރާކަމަށް ގަބޫލުނުކުރެވޭތީ! އެކަމަކު އެހެން އޮންލައިން ތަކުން މަގޭ ބައިތުތައް ފެންނާނެ.