ފިނިފެންމާ ލޯންޗުގެ މައްސަލާގައި އެކަކުގެ ޖަލު ހުކުމް ބާތިލްކޮށް، ދެވަނަ މީހާގެ ހުކުމަށް ތާއީދުކޮށްފި
ހައި ކޯޓު: ރިޔާސީ ލޯންޗް މައްސަލާގައި ޖަލަށްލި ދެ މީހުންގެ ތެރެއިން އެކަކުގެ ހުކުމް ބާތިލްކޮށް، ދެވަނަ މީހާގެ ހުކުމަށް ވަނީ ތާއީދު ކޮށްފައި ---މިހާރު ފޮޓޯ
30 އެޕްރީލް 2019 - 15:58
7 comments
ރިޔާސީ ލޯންޗްކޮޅު ފިނިފެންމާގައި އެއްޗެއް ގޮއްވާލި މައްސަލާގައި، އެ ހާދިސާ އަށް ފަހު އެ ލޯންޗަށް އަރައި އުސޫލުތަކާ ޚިލާފަށް އަމަލުކުރި ކަމަށް ބުނެ ޖަލަށްލި ސިފައިންގެ ކުރީގެ ދެ މީހުންގެ ތެރެއިން އެކަކުގެ ހުކުމަށް ތާއީދުކޮށް، ދެވަނަ މީހާގެ ހުކުމް ހައި ކޯޓުން މިއަދު ބާތިލްކޮށްފި އެވެ.
ކުރީގެ ރައީސް އަބްދުﷲ ޔާމީންގެ ވެރިކަމުގައި 2015 ވަނަ އަހަރުގެ ރައީސްގެ ދެކަނބަލުން ދަތުރު ކުރައްވަނިކޮށް އެއްޗެއް ގޮއްވާލި މައްސަލައާ ގުޅިގެން އޭރު ސިފައިންގެ ދެ މީހުން ކަމަށްވާ އަހުމަދު ތިހާމާއި މޫސާ ޒަމީރު ހަތަރު މަހާއި 24 ދުވަހަށް ޖަލަށްލާން ކްރިމިނަލް ކޯޓުން 2016 ގައި ހުކުމްކުރީ އެ ހާދިސާ އަށް ފަހު އެ ދެ މީހުން ލޯންޗަށް އަރައި، އުސޫލާ ޚިލާފަށް އަމަލުކުރި ކަމަށް ބުނެ އެވެ.
އެ ދެ މީހުންގެ ފަރާތުން އެ މައްސަލަ އިސްތިއުނާފް ކުރުމުން ހައި ކޯޓުން މިއަދު ވަކިވަކިން ހުކުމްކުރީ ތިހާމް ޖަލަށް ލާން ކުރި ހުކުމް ރަނގަޅު ކަމަށާއި އެކަމަކު ޒަމީރު ޖަލަށް ލާން ކުރި ހުކުމް ބާތިލްކުރާ ކަމަށެވެ.
ވަކިވަކިން ކުރިއަށް ގެންދިޔަ އެ ދެ މައްސަލާގައި ޒަމީރުގެ ޖަލު ހުކުމް ބާތިލްކުރީ ކަމަށް އެ މައްސަލަ ބެއްލެވި ތިން ފަނޑިޔާރުންގެ އިއްތިފާގުންނެވެ.
ތިހާމްގެ ޖަލު ހުކުމަށް ތާއީދުކުރީ އެ މައްސަލަ ބެއްލެވި ތިން ފަނޑިޔާރުންގެ ތެރެއިން ދެ ފަނޑިޔާރުންގެ އަޣުލަބިއްޔަތުންނެވެ. އެ މައްސަލާގައި ރައުޔު ތަފާތުވި ފަނޑިޔާރު ޝުއައިބު ހުސައިން ޒަކަރިއްޔާގެ ރައުޔަކީ ތިހާމްގެ މައްޗަށް ކުށް ސާބިތުވާ މިންވަރުގެ ހެއްކެއް ނެތް ކަމަށާއި އެހެންވެ، ދަށު ކޯޓުގެ ހުކުމަށް ބަދަލު ގެންނަން ޖެހޭ ކަމަށެވެ.
އެކަމަކު އަޣުލަބިއްޔަތު ރައުޔު ނެރުއްވި ފަނޑިޔާރު މުހައްމަދު ނިޔާޒާއި ފަނޑިޔާރު އަބްދުﷲ ހަމީދުގެ ރައުޔަކީ ތިހާމްގެ މައްސަލާގައި ދަށު ކޯޓުގެ ނިންމުމަށް ބަދަލު ގެންނަން ނުޖެހޭ ކަމަށެވެ.
ޒަމީރާއި ތިހާމް ޖަލަށްލާން ކްރިމިނަލް ކޯޓުން ހުކުމް ކުރުމާ އެކު، އޭރު އެ މީހުން ވަނީ މިނިވަންކޮށްފަ އެވެ. އެއީ ހުކުމުގެ ކުރިން ބަންދުގައި ތިބި މުއްދަތަކީ ހުކުމުގެ މުއްދަތުން އުނިކުރަން ޖެހޭ ބައެއް ކަމަށް ވާއިރު، އެ މީހުންނަށް ކުރި ހުކުމަށް ވުރެ ބަންދުގައި ތިބި މުއްދަތު ދިގުވުމުންނެވެ.
ޒަމީރާއި ތިހާމްގެ އިތުރުން އޭރުގެ ސިފައިންގެ މާލޭ އޭރިޔާގެ ކޮމާންޑަރު ކެޕްޓަން އަހުމަދު ފަޔާޒް (ޕާޕާ) ވެސް ދެ އަހަރަށް ޖަލަށްލާން ކްރިމިނަލް ކޯޓުން އޭރު ހުކުމްކުރި އެވެ. އެ މައްސަލަ ފަޔާޒްގެ ފަރާތުން ވެސް އިސްތިއުނާފް ކޮށްފައިވިޔަސް، އެ މައްސަލަ ހައި ކޯޓުން އަދި ނުނިންމަ އެވެ. ހުކުމް ތަންފީޒުކޮށް ނިމި، ފަޔާޒް މިހާރު ވަނީ މިނިވަންވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތާކިހާ
30 April 2019
ބަލަ އުސޫލާ ޕޮރޮފެޝަނިޒަމް އަކީ ތަނުގެ އިންޓާނަލް ކަމެއްނޫންތަ؟ އެކަމާއިބެހެހޭ އެންމެ އިސްބޭފުޅުން ހައްޔަރުކޮށް އެތައްދުވަހަކަށް ޖަލައްލައިގެން ގެންގުޅެފާ ހުކުން ކުރަނީ ޕޮރޮފެޝަންނަލިމާއި އެއްގޮތަކަށްނޫނޭނޭ ކިޔާފަތޯ؟ މިއޮތީވާ ކަމެއް. ދައުވާ ކުރީ ކޮންކަމަކަށް؟
ޒުވާރި
30 April 2019
އެކަމަކުވާ ކިހާދެރަކަމެއްތަ ކޯޓުތައް ހުންނަނީ ޕުރޮފެޝަނިލަޒަމް ބަލަންތަ.
ފުޅި
30 April 2019
ޕުރޮފެޝަނަލް ސްޓޭންޑަޑާއި ހިލާފުވެގެންނޭ ކިޔާފަ މީހުންގެ މައްޗަށް ޓެރެރިޒަމްގެ ދައުވާކޮށް މުޅި ދިރިއުޅުން ހަލާކު ލޮށްލަންްޖެހޭތޯ؟ ސްޓޭންޑަޑު ކަނޑައަޅަނީ ކޮންބައެއްތޯ؟
ދަތްނެތްކުއްޖާ
30 April 2019
ވަވަވާ! މަމެން ހިތައްއަރާ ކޮންފަދަ އިންސާފު ވެރި ޙުކުމް ތަކެއްބާއޭ މިވެރިން މި އިއްވަނީ! ސަހަރޯ އޭ ހިތައް އަރާ!
ވާލު
30 April 2019
ކީކޭ ދެން ބުނާނީ . މިގައުމުގައި ރައްޔަތުމީހާއަށް އިންސާފު ލިބޭނީ ކޮންދުވަހެއްގައި ބާއޭ ހިތަޢްއަރާ. ނުކުރާކު ކުޝަކަށް އަނިޔާ ލިބެންޖެހޭތަ؟ ބަލަ އެމީހުންނަށް އަންގައިގެން ތަހުޤީގު ކުރާކަށް ނޫންތަ އެމީހުން ލޯއްޗަށް އެރީ؟ ނުވާކަމެއް ހަމަވާނީ ނުވާކަމަކަށް ނޫންތަ؟
މަމެން
30 April 2019
ވާނުވާ އެނގިގެން ކޮމެންޓް ކޮށްބަލަ. ބަލަ ޖިނާއީ ތަޙުޤީޤު ކުރާނީ ފުލުހުންންޭ. އެއީ ސިފައިން ކުރަން ޖެހޭ ކަމެއްނޫނޭ. އަދިވެސް ކޮމެންޓް ކުރާތި ތިމާވަރު މިހަކު ނެތިގެން
1828
01 May 2019
ލީތަލް ވެޕަން ބޭނުންކޮށްގެން ހިނގާ ކަންކަމުގައި ފުލުހުންގެ ތަހުގީގުގައި ސިފައިންގެ އެހީތެރިކަން ހޯދާނެ. ސަބަބަކީ ލީތަލް ވެޕަންއަކީ ސިފައިނުން ބޭނުންކުރާ އާލާތްތަަކެެއް ކަމުގައިވާތީ.