ޖާނުން ފިދާވުމުގެ ހަމަލާ ދިން މީހާ ވަނީ ކޯޓުގެ ބާ ރޫމަށް ވަންނަން މަސައްކަތްކޮށްފައި. --ފޮޓޯ:އޭއެފްޕީ
02 ސެޕްޓެމްބަރ 2016 - 16:01
1 comments
ކަރާޗީ (ސެޕްޓެމްބަރު 2) - ޕާކިސްތާނުގެ އުތުރުގެ މަދާންގެ ކޯޓެއްގައި ދިން ޖާނުންފިދާވުމުގެ ބޮމުގެ ހަމަލާއެއްގައި 12 މީހުން މަރުވެ 50 މީހުން ޒަޚަމްވެފައިވާ ކަމަށް އޮފިޝަލުން ބުނެފި އެވެ.
ފުލުހުން ބުނީ ޖާނުންފިދާވުމުގެ ހަމަލާ ދިން މީހާ ވަނީ އެންމެ ފުރަތަމަ ކޯޓުގެ ތެރެއަށް އަތު ބޮމެއް އެއްލާފައި ކަމަށާއި އޭގެ ފަހުން ކޯޓު ތެރެއަށް ވަދެ އޭނާގެ ހަށިގަނޑުގައި ހަރުކޮށްފައިވާ ބޮން ގޮއްވާލީ ކަމަށެވެ.
މަރްދާންގެ ފުލުހުންގެ ޑިޕިއުޓީ އިންސްޕެކްޓާ ޖެނެރަލް އިޔާޒް ޚާން ވިދާޅުވީ ކޯޓަށް ދިން ހަމަލާގައި މަރުވި މީހުންގެ ތެރޭގައި ތިން ވަކީލުންނާއި ފުލުހުންގެ ދެ މީހުން ހިމެނޭ ކަމަށެވެ. އަދި ހަމަލާ ދޭން އުޅުނު މީހާ މަސައްކަތް ކުރީ ގިނަ އަދަދެއްގެ ވަކީލުން ތިބި ކޯޓުގެ ބާ ރޫމަށް ވަންނަން ކަމަށާއި ނަމަވެސް އޭގެ ކުރިން ވަނީ ފުލުހުން ބަޑި ޖަހާ އެ މީހާ މަރާލައިފައި ކަމަށެވެ.
ޕާކިސްތާނުގެ ކޯޓަކަށް ދިން ހަމަލާގައި 12 މީހުން މަރުވެ 50 މީހުން ޒަޚަމްވި. --ފޮޓޯ:އޭއެފްޕީ
ޕިޝާވަރާ ކައިރީގައިވާ ކްރިސްޓިއަން ސަރަހައްދެއްގައި ވެސް މިއަދު ވަނީ ޖާނުންފިދާވުމުގެ ހަތަރު ހަމަލާއެއް ދޭން މަސައްކަތްކޮށްފަ އެވެ. ނަމަވެސް ބޮން ގޮއްވާލުމުގެ ކުރިން އެ މީހުން ގަޔަށް ބަޑިޖަހާ ވަނީ މަރާލައިފަ އެވެ. މި ދެ ހަމަލާ ވެސް ދީފައި މި ވަނީ ޚައިބަރު ޕަޚްތުންކުވާ ޕްރޮވިންސްގަ އެވެ. ދެ ހަމަލާގެ ޒިންމާ ވެސް ވަނީ ތާލިބާނުންގެ ފެކްޝަނެއް ކަމަށްވާ ޖަމާއަތުލް އަހުރާރުން އުފުލައިފަ އެވެ.
ޕާކިސްތާނުގެ ގުއެޓާގެ ހޮސްޕިޓަލަކަށް އަމާޒުކޮށް މިދިޔަ މަހު ދިން ޖާނުންފިދާވުމުގެ ހަމަލާއެއްގައި ވަނީ 18 ވަކީލުން މަރުވެފަ އެވެ. މި ހަމަލާގެ ޒިންމާ ވެސް ވަނީ ޖަމާއަތުލް އަހުރާރުން އުފުލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެންޓަލިސްޓް
02 September 2016
ޕީކިސްތާނަކީ ހައްދުން ނައްޓާފައިއޮތް ގައުމެށް ، އެތަނުގެ ޔުނިވަރސިޓީތަކުގައި ކިޔަވާދޭނީވެސް އެކަހަލަގޮތަކަށް ،،، ހައްގަކާއި ނުލައި މީހުންމެރުމަކީ އިސްލާމްދީން ހުއްދަކުރާކަމެށްނޫން ،،، ބާއްވައިލެއްވުނު އެއްވެސް ފޮތަކުންވެސް ހުއްދަކުރާކަމެށްނޫން ،،