ބޮލީވުޑްގެ ޚަބަރުތައް ކުރުކޮށް

ކްރިތީ: ރޫމީގެ "ކޭލް" އިން ފެންނާނެ.

އަހުމަދު އަދްޝަން، މިހާރު

06 މެއި 2019 - 08:25

ޓިޕިކިލް ހިންދީ ލަވައެއް ބަލައިލަން ބޭނުން ނަމަ އާ ލަވައަކަށް "ފަކީރާ" ބަލައިލާށެވެ. މިއީ މި މަހުގެ 10 ގައި ރިލީޒްކުރާ ފިލްމު "ސްޓޫޑަންޓް އޮފް ދި އިޔާ 2" ގެ ލަވަތަކުގެ ތެރެއިން އެންމެ ފަހުން އާންމުކުރި ލަވަ އެވެ.

ޒުވާން ޖޯޑެއްގެ ލޯބީގެ ގުޅުން ދައްކުވައި ދޭ ލަވަ ކިޔާފައި ވަނީ ރާއްޖޭގައި ވެސް ވަރަށް މަގުބޫލު ލަވަކިޔުންތެރިއެއް ކަމަށްވާ ސަނަމް ޕޫރީ އާއި ނީތީ މޯހަން އެވެ. "ފަކީރާ" ގެ މިއުޒިކް ވިޝާލް-ޝޭކަރު ހަދާފައިވާ އިރު، ޅެން ލިޔެފައި ވަނީ އަންވިތާ ދަތު އެވެ.

ކޮލެޖް ޒުވާނުންތަކެއްގެ ތިނެސްކަން ލޯބީގެ ވާހަކައެއް ކިޔައިދޭ "ސްޓޫޑަންޓް އޮފް ދި އިޔާ 2" އަކީ ކަރަން ޖޯހަރު ޕްރޮޑިއުސްކޮށް، ޕުނިތު މަލްއުތުރާ ޑައިރެކްޓްކޮށްފައިވާ ފިލްމެކެވެ. ޓައިގާ އާއި އަނަންޔާ އެކު ފިލްމުން ތާރާ ސުތާރިއާ ވެސް ފެނގެން ދާނެ އެވެ.

#Fakira song out now: https://t.co/CzxmT1Re9x @karanjohar @apoorvamehta18 #Tara @ananyapandayy @punitdmalhotra @VishalDadlani @ShekharRavjiani @Sanam_Official @neetimohan18 @DharmaMovies @foxstarhindi @ZeeMusicCompany @SOTYOfficial #SOTY2
— Tiger Shroff (@iTIGERSHROFF) May 4, 2019

މި ފިލްމަކީ ކަރަން 2012 ގައި ގެނެސް ދިން "ސްޓޫޑަންޓް އޮފް ދި އިޔާ" ގެ ދެވަނަ ބައެވެ.

"ދޭ ދޭ ޕިޔާރު ދޭ" ގެ އިތުރު ޓްރެއިލާއެއް

މި މަހުގެ 17 ވަނަ ދުވަހު ރިލީޒް ކުރާ ރޮމޭންޓިކް ކޮމެޑީ "ދޭ ދޭ ޕިޔާރު ދޭ" އާ ޓްރެއިލާއެއް ދައްކާލައިފި އެވެ.

Bhai Bol Do?? Aise Kaise Bhai Banaa Diya…😳https://t.co/wZa5Cwtwm4 #Tabu @Rakulpreet @jimmysheirgill @DeDePyaarDe @AkivAli @TSeries @LuvFilms @itsBhushanKumar @luv_ranjan @gargankur
— Ajay Devgn (@ajaydevgn) May 4, 2019

އާކިވް އަލީ ޑައިރެކްޓްކޮށްފައިވާ މި ފިލްމުގެ ލީޑް ރޯލުން ފެނިގެން ދާނީ އަޖޭ ދޭވްގަން އާއި ރަކުލް ޕްރީތު ސިންގްގެ އިތުރުން ތައްބޫ އެވެ. މި ފިލްމުގައި ކިޔައި ދޭނީ ޒުވާން ދަރިން ތިބި ބަފަޔަކު، ދަރިންގެ އުމުރުގެ ޒުވާން އަންހެނަކާ އެކު ބާއްވާ ލޯބީގެ ގުޅުމެއްގެ ސަބަބުން ދިމާވާ ހާދިސާތަކެކެވެ.

ބުޝަން ކުމާރާއި ލަވް ރަންޖަން ޕްރޮޑިއުސްކޮށްފައިވާ ފިލްމުގެ އިތުރު ކާސްޓުންގެ ތެރޭގައި ޖާވިދު ޖެފްރީ، އަލޯކް ނާތު، ޖިމީ ޝެރްގިލް އަދި ހުސައިން ދަލާލު ހިމެނެ އެވެ.

ރޫމީގެ ފިލްމަށް ބަތަލާ އިން ލިބިއްޖެ

ދާދި ފަހުން އަމީތާބް ބައްޗަން އާއި އިމްރާން ހާޝިމީ ހިމަނައިގެން ޑައިރެކްޓަރު ރޫމީ ޖެފްރީ އިއުލާން ކުރި ފިލްމު "ކޭލް" އަށް ބަތަލާ އިން ހަމަޖައްސައިފި އެވެ.

Is sharing an image with you .. hope you like it ........ pic.twitter.com/Q7SnF6vKCc
— Rhea Chakraborty (@Tweet2Rhea) March 15, 2019

ބޮލީވުޑް ހަންގާމާ އިން ބުނި ގޮތުގައި މި މަހުގެ 10 ގައި ޝޫޓިން ފަށާ ފިލްމުގެ ބަތަލާއިންނަށް ހަމަޖައްސާފައި ވަނީ އިމްރާނާ އެކު "ރާޒް ރިބޫޓް" ކުޅުނު ބަތަލާ ކްރިތީ ކަރްބަންދާ އާއި މިދިޔަ އަހަރު ރިލީޒް ކުރި "ޖަލޭބީ" ގެ ބަތަލާ ރިއާ ޗަކްރަބަތީ އެވެ.

ސަސްޕެންސް ތުރިލާ "ކޭލް" ސިނަމާތަކަށް ގެންނަން ނިންމާފައި ވަނީ އަންނަ އަހަރުގެ ފެބްރުއަރީ މަހުގެ 21 ގަ އެވެ.

ކަރީނާ "އަނގްރޭޒީ މީޑިއަމް" އާ ގުޅޭނީ 15 ގައި

މިހާރު ޝޫޓިން ކުރިއަށްދާ އިރުފާން ހާންގެ ފިލްމު "އަނގްރޭޒީ މީޑިއަމް" ގައި ފުލުހެއްގެ ރޯލް ކުޅެން ސޮއި ކުރި ބަތަލާ ކަރީނާ ކަޕޫރް މި މަހުގެ 15 ވަނަ ދުވަހު ކްރޫއާ ގުޅޭނެކަން ޑައިރެކްޓަރު ހޯމީ އަދަޖާނިއާ ކަށަވަރުކޮށް ދީފި އެވެ.

Voted ✅#VoteKarMumbai pic.twitter.com/E1v2Oucinz
— Kareena Kapoor Khan (@KareenaOnline) April 29, 2019

އޭނާ ބުނީ ފިލްމަށް ކަރީނާ މިހާރު ތައްޔާރީތައް ވެސް ވަމުން އަންނަ ކަމަށާއި އޭނާ ފިލްމަށް ސޮއި ކުރުމަކީ ލިބުނު ވަރަށް ބޮޑު އުފަލެއް ކަމަށެވެ.

ސަކެޓް ޗައުދަރީ 2017 ގައި ގެނެސް ދިން "ހިންދީ މީޑިއަމް" ގެ ދެވަނަ ބައިގެ ގޮތުގައި ގެނެސްދޭ "އަނގްރޭޒީ މީޑިއަމް" ގައި އިރުފާންގެ ދަރިއެއްގެ ރޯލުން ރާދިކާ މަދަން ފެނިގެން ދާނެ އެވެ.

މިދިޔަ މަހުން ފެށިގެން ފިލްމުގެ ޝޫޓިން ކުރިއަށްދާ އިރު، މީގެ މަންޒަރުތަކެއް ލަންޑަނުގައި ވެސް ނަގާނެ އެވެ. "ކޮކްޓެއިލް" ފަދަ ފިލްމުތައް ގެނެސް ދިން ހޯމީ ބުނީ ލަންޑަނަށް ފުރާނީ އަންނަ މަހު ކަމަށެވެ.

ކަރީނާގެ ރޯލާ ބެހޭ ގޮތުން ހޯމީ ބުނީ "އަނގްރޭޒީ މީޑިއަމް" ގައި ކަރީނާގެ ލޯބީގެ އެއްވެސް ޓްރެކެއް ނުހިމެނޭނެ ކަމަށާއި އޭނާ ފެނިގެން ދާނީ ވަރުގަދަ ފުލުހެއްގެ ރޯލުން ކަމަށާއި އެއީ ފިލްމުގެ ވަރަށް ވެސް މުހިއްމު ކެރެކްޓާއެއް ކަމަށެވެ. މިއީ ފިލްމެއްގައި ކަރީނާ ފުލުހެއްގެ ރޯލް ކުޅޭ ފުރަތަމަ ފަހަރު ވެސް މެ އެވެ.

"އަނގްރޭޒީ މީޑިއަމް" ރިލީޒް ކުރާނެ ތާރީހެއް އަދި އިއުލާނެއް ނުކުރެ އެވެ. އެކަމަކު ބެލެވޭ ގޮތުން މިއީ އަންނަ އަހަރުގެ ކުރީކޮޅު ރިލީޒް ކުރާނެ ފިލްމެކެވެ.