ޖަލަށް ކުރާ ހަރަދު ކުޑަކުރަން އުފެއްދި ޕްރިސް ވޯޓާ އިން މާފުށި ޖަލުގައި އެޅި ފެންޕްލާންޓް ހޯމް މިނިސްޓަރު އިމްރާން އަބްދުﷲ މިއަދު ހުޅުއްވައި ދެއްވަނީ
05 މެއި 2019 - 13:13
38 comments
ހުކުމް ތަންފީޒުކުރަމުންދާ ގައިދީންނާއި އެކި ހާލަތްތަކުގައި ބަންދުކުރާ މީހުންނަށް ބޯފެން ފޯރުކޮށްދޭން ކުރަން ޖެހޭ ހަރަދު ކުޑަކުރަން، ހާއްސަ ވަކި ކުންފުންޏެއް އުފައްދައި، މާފުށީ ޖަލުގައި ފެން ޕްލާންޓެއް ބަހައްޓައިފި އެވެ.
ކަރެކްޝަނަލް ސާވިސް އިން ބުނީ "ޕްރިސް ވޯޓާ"ގެ ނަމުގައި ކުންފުންޏެއް އުފެއްދީ މޯލްޑިވްސް ކަރެކްޝަނަލް ސާވިސްގެ ދަށުން ހިންގާ ކޯޕަރޭޓިވްއެއް ކަމަށްވާ ޕްރިސްކޯ އާއި ފެނުގެ ހިދުމަތް ދޭ އަމިއްލަ ކުންފުންޏަކުން ގުޅިގެން ކަމަށެވެ.
ޕްރިސް ވޯޓާގައި ޕްރިސްކޯގެ 30 ޕަސެންޓް ހިއްސާ އޮވެ އެވެ. އަނެއް 70 ޕަސެންޓު ހިއްސާ އޮންނަނީ ޝޯޓު ތްރޯ މޯލްޑިވްސް ޕްރައިވެޓް ލިމިޓެޑް ކިޔާ ކުންފުންޏެއްގެ އެވެ.
އަލަށް އުފެއްދި ކުންފުނިން މާފުށީ ޖަލުގައި ބެހެއްޓި ފެން ޕްލާންޓް މިއަދު ހުޅުއްވައިދެއްވީ ހޯމް މިނިސްޓަރު އިމްރާން އަބްދުﷲ އެވެ.
ޖަލުގައި ފެން ޕްލާންޓެއް މި ބެހެއްޓީ، ހޯމް މިނިސްޓްރީން ބުނި ގޮތުގައި، ގައިދީންނަށް ދައުލަތުން އެންމެ ބޮޑު ހަރަދެއް ކުރަން ޖެހެނީ ސާފު ބޯފެން ފޯރުކޮށްދޭން ކަމަށް ވާތީ އެ ހަރަދު ކުޑަކުރުމުގެ ގޮތުންނެވެ.
ޕްރިސް ވޯޓާ އިން މާފުށި ޖަލުގައި ގާއިމްކުރި ފެންޕްލާންޓުން އުފެއްދި ފެނުގެ ރަހަ ހޯމް މިނިސްޓަރު އިމްރާން އަބްދުﷲ ޓެސްޓްކުރައްވަނީ -ފޮޓޯ: ހޯމް މިނިސްޓްރީ
ގައިދީންނަށް ކުރިން ސާފު ބޯފެން ފޯރުކޮށްދެމުން އައީ ފެން ޓަނަކަށް 420 ރުފިޔާގެ ރޭޓުން ހަރަދުކޮށްގެންނެވެ. އެހެންވެ ގައިދީންނަށް ސާފު ބޯފެން ދޭން ކުރިން ދުވާލަކަށް 84،000 ރުފިޔާ (މަހަކު 2.6 މިލިއަން ރުފިޔާ) ހަރަދުވެ އެވެ. ނަމަވެސް ޕްރިސްކޯ ބައިވެރިވެގެން އަލަށް ހުޅުވި ފެން ޕްލާންޓުން ފެން ޓަނަކަށް ހަރަދުވާނީ 120 ރުފިޔާ އެވެ. އެހެންކަމުން ދުވާލެއްގެ މައްޗަށް ޖަލުގެ ފެނަށް ކުރާ ހޭދަ 24،000 ރުފިޔާ އަށް ދަށްވާނެ އެވެ. ފެން ޕްލާންޓާ އެކު މިހާރު މަހަކަށް އެވްރެޖްކޮށް ހޭދަވާނީ 744،000ރ އެވެ.
ހޯމް މިނިސްޓްރީން ބުނި ގޮތުގައި ގައިދީންގެ ބޯފެނަށް ދައުލަތުން އަހަރަކު ކުރަމުން އައި 31.2 މިލިޔަން ރުފިޔާގެ ހޭދަ، އާ ފެން ޕްލާންޓާ އެކު ގާތްގަނޑަކަށް ތިން މިލިޔަން ރުފިޔާ އަށް ދަށްވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދައުލައްދަވާލުމުގެ އާޓް
06 May 2019
ތީދައުލައް ބޭނުން ކޮށްގެން ރިސްކުފުރީ ވިޔާފާރި ކުރުން، ބިމުގެ ކުލިއެއްނެތި، އެތަނުގެ މުވައްޒަފުން ބޭނުންކޮށްގެން ވިޔަފާރިކޮށްފަ މިހާރުތިޔަބުނާ "ޝޯޓު ތްރޯ މޯލްޑިވްސް ޕްރައިވެޓް ލިމިޓެޑް" ބަޔަކަށް މާފއިދާވާނެ، "ޝޯޓު ތްރޯ " ހަމަކުރުމުއްދަތެއްގާ ލާރިހަދާލާނެ މަކަރެއް . ވ ސަލާމް............ޖަލުގެ ައާބާދީކިހާވަރެއްތޯ.........ދުވާލަކަށް 200000 ލ ޙަރަދުވާކަމަށް މިނިސްޓާރުވިދާޅުވަންނާ ތިތަނުގަ 100،000 ގައިދީން އުޅޭނެތާ؟
ހަމްދަރުދީ
06 May 2019
ޚުންފުނިން ކުންފުނި މިސަރުކާރުން މިހާރު އަލައް ކިތައްކުންފުނި ހަދައިފިބާ..
ޚާންގެއަނބި
06 May 2019
ކުއްވެރިންނައް ނުވާތީވެތަ ރައްރަށައް މިކަން ނުވެގެން މިއުޅެނީ
ނޫރު
06 May 2019
ޢަބަދުވެސް އަޑުއިވެނީ ޖަލުގެކަންތައް ރަނގަޅުނުކުރެވިގެން އުޅޭ އަޑު އެއަޑުއިވޭ ދެވަނަ ފުރުސަތަށް ދޫކޮށްލާ ޒުވާނުންނަށް ވެސް އެހެނީ އެވެރިންވެސް ބަލަނީ އެހާ ހިދުމަތް ރަނގަޅު ތަނަކަށް ދެވޭތޯ ނަތީޖާ އަކީ މުޖުތަމައު ކުށްގިނަވެ ޖަލަށް ބާރުބޮޑުވުން ... 1970 ގެ އަހަރު ތަކުގައި ތިބި ކުށްކުރާ ޒުވާނުންނަށް އިވޭ އަޑަކީ ގޮއިދޫ ޖަލެއްގެ ވާހަކަ އެއީ ވަރަށް ވޭންދެނެވި އަދަބުދޭ އަދި އަނދަގޮޑީގަ އޮއްވާ މަރުވެސް ވާ ތަނެކޭ އެކަމަކު އޭގެ ބަދަލުގަ މިހާރު ކުކުޅުގެވާހ
ރީނދޫ ރިހަތެލި
06 May 2019
މީ ޖަލާބެހޭ މިނިސްޓަރުތަ
ރަމްޒީން
06 May 2019
ޖަލައް ޖޫސްދޭން ޖޫސް ކުންފުންޏަކާއި ކުކުޅުދޭން ކުކުޅު ކުންފުންޏަކާއި ކަރަންޓުދޭން ކަރަންޓު ކުންފުންޏަކާއި ބޭސްދޭން ބޭސް ކުންފުންޏެއްވެސް ހަދަންވީނުން.
ޖަންބު
06 May 2019
ޝޯޓު ތްރޯ މޯލްޑިވްސް ޕްރައިވެޓް ލިމިޓެޑް އަކީ ކާކު ކުންފުންޏެއް
ޓެކުސާ
05 May 2019
ދުވާލަކު 84000ރ ހޭދަކުރަންޏާ(420ރ ފެންޓަނަކައް ރޭޓުން) އެއީ 200،000 ލީޓަރު ދުވާލަކައް...މީހަމަ އެކަނި ބޯން އަދި ކެއްކުމުގެ ބޭނުން ކުރަންކަމައް ވަންޏާ 50،000 މީހުންނައް ރަނގަޅައްވެސް ފުދޭވަރު ފެން. ޖަލުގެ އާބާދީ ކިހައި ވަރެއް ބާ؟
ޖަލަކީ5 ޓަރި ހޮޓަލެއް
05 May 2019
ވާރޭފެން ތާނގި ބަހައްޓައިގެން ފެންދިނީމަ ނިމުނީ. ކޮންމެހެން މިނެރަލް ވޯޓަރ ދޭކަށްނުޖެހޭ ކުށްވެރިންނަށް. ޖަލަކީ 5 ތަރީގެ ހޮޓަލެއް ނޫން. އަހަރެމެން ކުށްނުކުރާ މީހުން ބޮނީ ވާރޭފެނާއި ސަޕްލައިފެން.
ޕެނަމާ ށަފީގު
05 May 2019
ކަލޭމެން ބުނީމެއްނޫން ކުންފުނި ނުހަދާނަމޯ މިހާރު ކޮންކަމެއް ތިކުރަނީ